Hò-sî-â Sû 1

1Song-chú khí-sṳ Phi-li ke lai-é Hò-sî-â ke-chham khì-kiên, Vû-sî-ngâ, Yok-thán, Â-ha̍p-sṳ̂, Hî-sî-kâ chiap-tén cho Yù-thai-koet ke vòng; Yî-set-lie̍t-koet he Yok-fà-sṳ̂ ke lai-é Yâ-lò-pô-ôn ngi-sṳ cho vòng. Hâ-poi ke ki-chai he Song-chú hiong Hò-sî-â kóng ke fa.

Hò-sî-â ke Pû-ngiòng lâu Chṳ́-ńg

2Song-chú thi-yit pái thûng-ko Hò-sî-â hiong Yî-set-lie̍t-ngìn kóng-fa ke sṳ̀, Kì tui Hò-sî-â kóng: “Ngì hi kiet-fûn â! Ngì thó ke pû-ngiòng voi tui ngì mò sú chṳ̂n-chiet; ngì-têu ke chṳ́-ńg ya voi chhiong kì án-ngiòng tui ngì mò chûng-sṳ̍t#1:2 “Ngì hi ... mò chûng-sṳ̍t” ya-he yi̍t-cho “Ngì hi thó yit-ke yìm-fu cho pû-ngiòng, ya sû-yông ke tui yìm-lon só-kiung ke chṳ́-ńg”.. Cheu-yong, Yî-set-lie̍t chhiòn-koet song-hâ lâu ke yìm-fu khiung-yong, chhin-hàng yìm-lon, lì-khôi Ngài — Song-chú.”

3Só-yî, Hò-sî-â hi lâu Tit-lâ-yîm ke moi-é Kô-me̍t kiet-fûn. Kì yû sṳ̂n-hong, lâu Hò-sî-â kiung yit-ke lai-é. 4Song-chú tui Hò-sî-â kóng: “Lâu kì ôn-to Yâ-sṳ̂-lie̍t; yîn-vi mò kí-kiú Ngài chhiu oi chit-fa̍t Yâ-fu ke vòng-sṳt, thó kì-têu chú-siên chhai Yâ-sṳ̂-lie̍t chhṳ̀-ngìn ke hiet-chai#1:4 Chhâm-kháu Lie̍t-vòng Ki-ha 9–10.. Ngài oi kiet-suk Yî-set-lie̍t vòng-koet. 5Ke-ngit, Ngài yit-thin oi chhai Yâ-sṳ̂-lie̍t sân-lak fí-me̍t Yî-set-lie̍t ke kiûn-chhui.”

6Kô-me̍t yu yû sṳ̂n-hong, kiung yit-ke moi-é. Song-chú lâu Hò-sî-â kóng: “Lâu kì ôn-to Lò-Lu-ha̍p-mâ#1:6 “Lò-Lu-ha̍p-mâ” Hî-pak-lòi-vùn ke yi-sṳ he “Mò su-tó lìn-mén”.; yîn-vi Ngài chhie̍t-tui mò-oi chai lìn-mén Yî-set-lie̍t liá yit-kâ, mò-oi chai sa-miên kì-têu. 7Chúng-he, Ngài oi thung-siak Yù-thai liá yit-kâ. Ngài he Song-chú, he kì-têu ke Song-ti; Ngài oi chṳ́n-kiu kì-têu; chúng-he Ngài m̀-he yung chan-chên, kiûng-chien, tô-kiam, kiûn-mâ, khì-pîn chṳ́n-kiu kì-têu.”

8Kô-me̍t chhai kiâ moi-é Lò-Lu-ha̍p-mâ tón-nen heu, yu yû sṳ̂n-hong, kiung yit-ke lai-é. 9Song-chú lâu Hò-sî-â kóng: “Lâu kì ôn-to Lò-Â-mí#1:9 “Lò-Â-mí” Hî-pak-lòi-vùn ke yi-sṳ he “M̀-he Ngài chṳ́-mìn”.; yîn-vi Yî-set-lie̍t-ngìn m̀-he Ngài ke chṳ́-mìn, Ngài ya m̀-he kì-têu ke Song-ti.”

Yî-set-lie̍t ke Fu̍k-hîn

10Chúng-he, Yî-set-lie̍t ke ngìn-su oi chen-kâ, chhiong hói-sâ khiung-yong mò fap-thu son, mò fap-thu liòng. Ngièn-tán Song-ti chhai nai-vi tui kì-têu kóng: “Ngì-têu m̀-he Ngài ke chṳ́-mìn”; yû yit-ngit, Kì ya oi chhai ke-vi tui kì-têu kóng: “Ngì-têu he yún-sên Song-ti ke chṳ́-ńg.” 11Yù-thai-kâ lâu Yî-set-lie̍t-kâ voi lièn-ha̍p hí-lòi, vi chhṳ-kâ thûi-sién yit-ke liâng-chhiu. Kì-têu voi chón-to chhṳ-kâ ke thú-thi chhùng-sîn fàn-yùng hí-lòi. Yâ-sṳ̂-lie̍t#1:11 “Yâ-sṳ̂-lie̍t” Hî-pak-lòi-vùn ke yi-sṳ he “Song-ti ve-chúng”, péu-sṳ chóng-thai, fàn-yùng. ke ngit-è khok-sṳ̍t voi sàng-cho yit-ke thai-ngit.

Currently Selected:

Hò-sî-â Sû 1: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)