Yî-sî-kiet Sû 47

Tui Sṳn-thien Liù Chhut-lòi ke Chhièn-súi

1Ke-ngìn tai ngài chón-to sṳn-thien mùn-héu. Yû chhièn-súi tui mùn-khiâm hâ-poi hiong-tûng liù, yîn-vi sṳn-thien he hiong-tûng ke. Súi tui sṳn-thien nàm-phién ke thi-nài-hâ kîn-ko chi-thàn nàm-phién liù chhut-lòi. 2Chiap-tén, ke-ngìn tai ngài tui pet-mùn chhut-lòi, tai ngài tîn ngoi-poi chón-to hiong-tûng ke ngoi-mùn. Khon-tó yû súi tui mùn ke nàm-phién liù chhut-lòi. 3Ke-ngìn yung chhak hi liòng, tui mùn hiong-tûng liòng ńg-pak kûng-chhak; kì ham ngài chhai ke yû-súi ke thi-fông hàng ko-hi, súi chhiu to ngài ke kiok-muk. 4Kì tui ke-vi chai hiong-chhièn liòng ńg-pak kûng-chhak, súi to ngài ke chhit-thèu. Kì tui ke-vi yu hiong-chhièn liòng ńg-pak kûng-chhak, súi to ngài ke yêu-khiên. 5Kì chai tui ke-vi hiong-chhièn liòng ńg-pak kûng-chhak, hò-pa-súi chhṳ̂m-to hàng m̀ ko-hi, chhiù-súi chang ko tet-hi. 6Kì lâu ngài kóng: “Ngìn-chṳ́ â, ngì oi chu-yi khon!”

Heu-lòi, ke-ngìn tai ngài chón-to hò-pa-sùn. 7Ngài chhai ke-vi khon-tó hò-pa lióng-phién yû tông-tô su-é. 8Kì lâu ngài kóng: “Liá-thiàu hò-pa hiong-tûng liù-ko Yok-tan hò-kuk, liù-ngi̍p Sí-hói. Hò-pa-súi liù-ngi̍p Sí-hói, voi sṳ́ hàm-súi pien-cho thâm-súi. 9Liá-thiàu hò-pa kîn-ko ke só-chhai voi yû kok-chúng sâng-vu̍t lâu ǹg-lui. Hò-pa-súi sṳ́ Sí-hói ke súi pien hó-súi, súi liù-to ke só-chhai chhiòn-phu voi yû sâng-miang. 10Hò-pa-sùn voi yû ngìn khî-tén tá-ǹg; tui Yún-Kî-tí to Yún-Yî-kiet-lièn chhiòn-phu voi yû sai mióng-è ke só-chhai. Sí-hói voi chhiong Thi-chûng-hói khiung-yong yû chhin-tô ǹg-lui. 11Chúng-he fu-khiun ke nam-é lâu sṳp-thi ke súi hàn-he tông-hàm; cho-tet chṳ-yàm. 12Liá-thiàu hò-pa lióng-phién voi sâng kok-chúng kó-su, kó-chṳ́ tá-to kiet-kiet, hó cho sṳ̍t-vu̍t. Su-ya̍p m̀-voi châu-thet, kó-chṳ́ mò-sṳ̀ thôn. Tak-chak ngie̍t voi yû sîn-chhut ke kó-chṳ́, yîn-vi liá hò-pa-súi he tui sṳn-thien liù chhut-lòi ke. Kó-chṳ́ khó-yî cho sṳ̍t-vu̍t, ya̍p-é khó-yî cho yo̍k-chhòi.”

Thi-kie

13Chṳ-kô ke Song-chú án-ngiòng kóng: “Ngì-têu oi cheu thi-kie chiông thú-thi pûn-pûn Yî-set-lie̍t sṳ̍p-ngi kî-chhu̍k; Yok-sit kî-chhu̍k oi tet lióng-fun#47:13 “tet lióng-fun”: Yok-sit lióng-ke lai-é, Mâ-nâ-sî lâu Yî-fap-lièn, kok kî-chhu̍k oi pûn-tó yit-fun.. 14Ngài sṳt hiong ngì-têu ke chú-siên fat-sṳ oi chiông liá-te thú-thi su-pûn kì-têu cho sán-ngia̍p. Liá-ha ngì-têu oi kûng-phìn lòi pûn liá-te thú-thi.

15“Pet-phién ke thi-kie: Tui Thi-chûng-hói hiong-tûng kîn-ko Hî-thi̍t-lùn, chai to Ha̍p-mâ ai-héu, Sî-tha̍t-tha̍t, 16Pí-lò-thâ, Sî-pak-lièn (liá-têu sàng-sṳ chhai Thai-mâ-sṳ-kiet vòng-koet lâu Ha̍p-mâ vòng-koet chṳ̂-kiên), Ha̍p-sat-Ha̍p-thì-kôn (chhai Ho-làn vòng-koet sùn-thèu). 17Pet-phién ke thi-kie tui Thi-chûng-hói hiong-tûng chhṳ̍t-to Ha̍p-sat-Yî-nàn, yung Thai-mâ-sṳ-kiet lâu Ha̍p-mâ nàm-phién cho-kie.

18“Tûng-phién ke thi-kie: Thai-mâ-sṳ-kiet lâu Ho-làn ke kâu-kie hiong-nàm, sun-tén Yok-tan-hò (hò-sî he Yî-set-lie̍t, hò-tûng he Kî-lie̍t) chhṳ̍t-to Sí-hói ke Thâ-mâ#47:18 “Thâ-mâ” he kîn-kí kú yi̍t-pún, Hî-pak-lòi-vùn ke yi-sṳ mò chhîn-chhú..

19“Nàm-phién ke thi-kie: Tui Thâ-mâ hiong sî-nàm to Mí-li-pâ-Kâ-tâi-sṳ̂ ke hò-pa, chai chón-hiong sî-pet, sun-tén Âi-khi̍p piên-kie se hò-pa to Thi-chûng-hói.

20“Sî-phién ke thi-kie: Tui Thi-chûng-hói hiong-pet to Ha̍p-mâ ai-héu sî-phién tui-mien ke só-chhai.

21“Ngì-têu oi cheu Yî-set-lie̍t tak kî-chhu̍k pûn liá-te thú-thi. 22Ngì-têu oi chhû-chhiâm pûn liá-te thú-thi cho sán-ngia̍p. He̍t chhai ngì-têu tông-chûng ke ngoi-chhu̍k-ngìn lâu kì-têu chhai liá-vi chhut-se ke chṳ́-ńg chhiòn-phu oi pûn-tó thú-thi. Ngì-têu oi khoán-thai kì-têu chhiong Yî-set-lie̍t-ngìn khiung-yong, pûn kì-têu chhai Yî-set-lie̍t tak kî-chhu̍k chûng chhû-chhiâm pûn thú-thi. 23Ngoi-chhu̍k-ngìn chhiam-sṳ̀ he̍t chhai nai-yit kî-chhu̍k, chhiu chhai ke kî-chhu̍k chûng pûn thú-thi. Ngài — Chṳ-kô ke Song-chú án-ngiòng siên-pu lé.”

Currently Selected:

Yî-sî-kiet Sû 47: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)