Chhut Âi-khi̍p Ki 14

Ko Fùng-hói

1Song-chú tui Mô-sî kóng: 2“Ngì hi lâu Yî-set-lie̍t-ngìn kóng oi vat chón-thèu, chhai Me̍t-thot lâu Fùng-hói chûng-kiên ke hói-sùn, chiap-khiun Pâ-li̍t-Sé-fûn ke Pí-Ha̍p-hî-liu̍k thèu-chhièn ôn-yàng. 3Âi-khi̍p-vòng voi láu-tó Yî-set-lie̍t-ngìn chhai ke-vi mì-lu, pûn sâ-mo̍k khun-tó lé. 4Ngài oi sṳ́ kì sîm-ngang, chhut-lòi kiuk ngì-têu. Ke-sṳ̀ Ngài oi tá-yàng Âi-khi̍p-vòng lâu kì ke kiûn-chhui, lòi tet-tó yùng-kông; Âi-khi̍p-ngìn chhiu-voi tî Ngài he Song-chú.” Yî-set-lie̍t-ngìn cheu só fûn-fu ke hi-cho.

5Âi-khi̍p-vòng thâng-tó po-ko, tî Yî-set-lie̍t-ngìn yí-kîn chéu-thet lé, kì lâu kì ke kôn-yèn chhiu kói-pien sîm-yi, kóng: “Ngài-têu cho-má-ke án-ngong nè? Ngài-têu pûn Yî-set-lie̍t-ngìn chéu-thet, sṳt-thet yit-khiùn nù-chhòi!” 6Só-yî Âi-khi̍p-vòng yi-phi kì ke chan-chhâ, seu-si̍p kiûn-chhui, 7tai Âi-khi̍p só-yû ke chan-chhâ chhut-fat, pâu-hàm liuk-pak liòng thi̍t-sién ke chan-chhâ, yû kiûn-kôn chṳ́-fî. 8Song-chú sṳ́ Âi-khi̍p-vòng sîm-ngang, kì chhiu chhut-lòi kiuk Yî-set-lie̍t-ngìn, yîn-vi Yî-set-lie̍t-ngìn tông thai-tám lì-khôi Âi-khi̍p. 9Âi-khi̍p ke kiûn-chhui, yû chan-mâ, chan-chhâ, lâu khì-pîn, chhai Fùng-hói fu-khiun ôn-yàng ke thi-fông kiuk-tó kì-têu; ke thi-fông kho-khiun Pí-Ha̍p-hî-liu̍k lâu Pâ-li̍t-Sé-fûn.

10Yî-set-lie̍t-ngìn yit khon-tó Âi-khi̍p-vòng lâu kì ke kiûn-chhui voi kiuk-tó kì-têu, fî-sòng chho̍k-kiâng, chhiu khiù Song-chú kiu-miang. 11Kì-têu tui Mô-sî kóng: “Kám-kóng ngài-têu chhai Âi-khi̍p mò chhúng-pû, só-yî ngì chiông ngài-têu tai-to khóng-yâ lòi sung-sí he-mò? Ngì chiông ngài-têu thu-chhut Âi-khi̍p cho-má-ke? 12Chhai Âi-khi̍p, ngài-têu kám m̀-he ham ngì mo̍k tap ngài-têu, yù-chhai ngài-têu cho Âi-khi̍p-ngìn ke nù-chhòi. Cho Âi-khi̍p-ngìn ke nù-chhòi chúng-pí sí chhai khóng-yâ kha-hó!”

13Mô-sî en-kóng: “M̀-sṳ́ kiâng! Oi khî-vún. Kîm-pû-ngit ngì-têu voi khon-tó Song-chú ngióng-pân kiu ngì-têu! Ngì-têu yún-yén m̀-voi chai khon-tó liá-têu Âi-khi̍p-ngìn lé. 14Song-chú oi vi ngì-têu siông-chhṳ̀; ngì-têu tiâm-tiâm, mo̍k chhut-sâng.”

15Song-chú tui Mô-sî kóng: “Ngì cho-má-ke khiù-ham Ngài nè? Ngì fûn-fu Yî-set-lie̍t-ngìn hiong-chhièn hàng chhiu-hó. 16Khià-hí ngì ke koái-kun-é, hiong-hói chhûn chhut-hi. Hói-súi voi fûn-khôi, Yî-set-lie̍t-ngìn chhiu-voi chhai hói-tú ke châu-thi hàng ko-hi. 17Ngài oi sṳ́ Âi-khi̍p-ngìn sîm-ngang, só-yî kì-têu voi lo̍k-hi hói-tú lòi-kiuk ngì-têu. Chúng-he Ngài oi yàng-ko Âi-khi̍p-vòng, kì ke kiûn-chhui, chan-chhâ, lâu khì-pîn, lòi tet-tó yùng-kông. 18Ngài tá-yàng kì-têu ke sṳ̀, Âi-khi̍p-ngìn chhiu voi tî Ngài he Song-chú.”

19Song-ti ke thiên-sṳ́ siên-chhièn chhai Yî-set-lie̍t thai-chhui ke thèu-chhièn hàng, liá-ha chón-to heu-poi hi; yùn-chhû ya sái-to heu-poi hi, 20kak-khôi Âi-khi̍p-ngìn lâu Yî-set-lie̍t-ngìn. Yùn sṳ́ Âi-khi̍p-ngìn ham-ngi̍p vû-am chûng, chúng-he yû kông cheu-tén Yî-set-lie̍t-ngìn, só-yî lióng fông kiûn-chhui kûi am-pû mò-fap chiap-khiun.

21Mô-sî ke sú hiong-hói yit chhûn-chhut, Song-chú chhiu chhâi tông-khiòng ke tûng-fûng, chiông hói-súi chhôi-khôi. Khiòng-fûng kûi am-pû chhin-chhôi, chhôi-to hói-tái pien châu-thi. Hói-súi fûn-khôi, 22Yî-set-lie̍t-ngìn chhiu hàng châu-thi ko-hói; hói-súi chhai kì-têu lióng-phién chhiong-he lióng-san chhiòng. 23Âi-khi̍p-ngìn kiuk kì-têu, koet-vòng só-yû ke chan-mâ, chan-chhâ, lâu khì-pîn chhiòn-phu thèn-tén lo̍k hói-tú hi. 24Lìm-thiên-kông ke sṳ̀, Song-chú tui fó-chhû lâu yùn-chhû tông-chûng khon hâ-lòi, chhiu sṳ́ Âi-khi̍p ke kiûn-chhui fun-lon. 25Kì sṳ́ Âi-khi̍p chan-chhâ ke lin-é lap to nài-kak tú, m̀-voi thîn-thûng. Âi-khi̍p-ngìn kóng: “Song-chú pông-chhu Yî-set-lie̍t-ngìn kûng-tá ên-têu. Ên-têu kiak-kiak chéu ô!”

26Song-chú tui Mô-sî kóng: “Hiong-hói chhûn-sú, sṳ́ hói-súi kap hí-lòi, chim-thet Âi-khi̍p-ngìn lâu kì-têu ke chan-chhâ, khì-pîn.” 27Mô-sî chhiu hiong-hói chhûn-sú; thiên-kông ke sṳ̀, hói-súi chhiu liù to-chón hi. Âi-khi̍p-ngìn sióng-oi tui súi-tú thò-miang, chúng-he Song-chú chiông kì-têu kiuk-chón hói-tú hi. 28Hói-súi fî-fu̍k to ngièn-lòi án-ngiòng, chim-thet só-yû kiuk Yî-set-lie̍t-ngìn ke chan-chhâ, khì-pîn, lâu Âi-khi̍p-vòng ke phu-chhui; yit-ke ya-mò liù. 29Chúng-he Yî-set-lie̍t-ngìn hàng châu-thi ko-hói; hói-súi chhai kì-têu lióng-phién chhiong-he lióng-san chhiòng.

30Ke-ngit, Song-chú tui Âi-khi̍p-ngìn sú-chûng chṳ́n-kiu Yî-set-lie̍t-ngìn; Yî-set-lie̍t-ngìn khon-tó Âi-khi̍p-ngìn ke sṳ̂n-sṳ̂ mân hói-sùn. 31Yî-set-lie̍t-ngìn khon-tó Song-chú ngióng-pân yung thai-nèn ke sú tá-yàng Âi-khi̍p-ngìn, chhiu kin-vi Song-chú, siông-sin Kì, ya sin-ngim Kì ke phu̍k-ngìn Mô-sî.

Currently Selected:

Chhut Âi-khi̍p Ki 14: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Chhut Âi-khi̍p Ki 14

Videos for Chhut Âi-khi̍p Ki 14

Episode 11: The Red Sea

Under The Hood

Episode 11: The Red Sea

Under The Hood

Episode 14: Jesus Walks On Water

The Bible Show

Episode 14: Jesus Walks On Water

The Bible Show

Chhut Âi-khi̍p Ki 14

Popular Bible Verses from
Chhut Âi-khi̍p Ki 14

Videos for Chhut Âi-khi̍p Ki 14

Episode 11: The Red Sea

Episode 11: The Red Sea

Episode 14: Jesus Walks On Water

Episode 14: Jesus Walks On Water

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb