Chhut Âi-khi̍p Ki 11

(10) Sí Thèu-thôi ke Châi

1Song-chú tui Mô-sî kóng: “Ngài oi tui Âi-khi̍p-vòng lâu kì ke ngìn-mìn kong-kâ yit-ke châi-nan. Liá-pái yî-heu, kì yit-thin piong ngì-têu chéu. Sṳ-sṳ̍t song, kì voi chiông ngì-têu chhiòn-phu kiuk-chhut liá thi-fông. 2Liá-ha ngì oi hi lâu Yî-set-lie̍t-ngìn kóng, ham kì-têu nàm-ńg tak-sà hi hiong lìn-sa thó kîm-hi lâu ngiùn-hi.” 3Song-chú sṳ́ Âi-khi̍p-ngìn chûn-kin Yî-set-lie̍t-ngìn. Âi-khi̍p-vòng ke kôn-yèn lâu ngìn-mìn chhiòn-phu chûn Mô-sî cho ví-thai ke ngìn-vu̍t.

4Mô-sî tui Âi-khi̍p-vòng kóng: “Song-chú án-ngiòng kóng: ‘Kîm-am-pû chhâ-m̀-tô chhai pan-ya, Ngài oi hàng-theu Âi-khi̍p chhiòn-thi. 5Âi-khi̍p-ngìn mî-yit ke chóng-chṳ́, tui sṳ̀n-chiap vòng-vi ke vòng-chṳ́ to âi-lùng ke nù-pî só-kiung ke chóng-chṳ́, chhiòn-phu voi sí. Thèu-thôi ke thèu-sâng ya chhiòn-phu voi sí. 6Âi-khi̍p chhiòn-koet voi yû thai-kieu ke sâng-yîm; liá he chhṳ-chhiùng m̀-sṳt yû, yî-heu ya m̀-voi yû ke. 7Chúng-he Yî-set-lie̍t-ngìn ke-vi, lièn kiéu-è phoi-ngìn ya-he phoi thèu-sâng ke sâng-yîm me-mò. Ke-sṳ̀, ngì voi-tî Ngài he Song-chú; he Ngài sṳ́ Âi-khi̍p-ngìn lâu Yî-set-lie̍t-ngìn yû fûn-phe̍t.’ ” 8Chui-heu Mô-sî kóng: “Ngì liá yit-chhiet ke kôn-yèn chhiòn-phu oi-to ngài mien-chhièn lòi, khúi-tén khiù ngài tai ngài ke thùng-pâu lì-khôi. To ke-sṳ̀, ngài chang voi lì-khôi.” Mô-sî chhiu khién-to hi phu̍t-phu̍t tui Âi-khi̍p-vòng mien-chhièn hàng chhut-hi.

9Song-chú sṳt tui Mô-sî kóng-ko: “Âi-khi̍p-vòng hàn-he m̀-thâng ngì-têu ke fa, án-ngiòng, Ngài chhiu oi chhai Âi-khi̍p hàng hàn-kha tô ke sṳ̀n-chiak.” 10Mô-sî lâu Â-lùn chhai koet-vòng mien-chhièn hàng liá án-tô sṳ̀n-chiak, chúng-he Song-chú sṳ́ koet-vòng sîm-ngang, kì hàn-he m̀ piong Yî-set-lie̍t-ngìn lì-khôi kì ke koet-kâ.

Currently Selected:

Chhut Âi-khi̍p Ki 11: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhut Âi-khi̍p Ki 11

(10) Sí Thèu-thôi ke Châi

Currently Selected:

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)