Â-mô-sṳ̂ Sû 6

Yî-set-lie̍t ke Me̍t-mòng

1He̍t chhai Siak-ôn hióng-su ôn-lo̍k ke ngìn, lâu chhai Sat-mâ-li-â sân-táng láu-tó ôn-chhiòn ke ngìn â, ngì-têu chhám lé! Ngì liá-têu thai Yî-set-lie̍t koet-nui ke miàng-ngìn, su-ngìn chûn-kin ke ngìn â, ngì-têu chhám lé! 2Ngì-têu to Kap-nì-sàng hi khon, ya to Thai Ha̍p-mâ-sṳ, yèn-heu to Fî-li-sṳ-ngìn ke Kâ-thi̍t-sàng hi khon nâ! Liá-têu koet-kâ tông-chûng, yû nai-ke mò pí Yù-thai lâu Yî-set-lie̍t kha-khiòng? Kì-têu ke thú-thi, nai-ke mò pí ngì-têu ke kha-fat? 3Ngì-têu láu-tó thai-nan lìm-thèu ke ngit-è hàn chhin-yén; sṳ-sṳ̍t-song, ngì-têu sṳ́ chhàn-phau ke thúng-chhṳ kín-lòi kín-khiûn. 4Ngì liá-têu ngìn chhám lé! Ngì-têu chṳ́-yû tî vang chhai siong-ngà ke mìn-chhòng táng, ya-he chhô chhai ôn-lo̍k-yí, sṳ̍t-tén se-ngiù lâu phì-yòng ke ngiuk; 5chhong-tén sîn-phiên ke kô, chhiong Thai-ví án-ngiòng yung su-khìm phan-cheu; 6yit-vón yu yit-vón ke hó-chiú kín-lîm, hàn kò song-tén ke hiông-súi. Ngì-têu án-ngiòng hióng-fuk, chúng-he mò vi Yok-sit heu-thoi ke sôi-mì lòi pî-sông. 7Só-yî, ngì-têu voi chui-siên pûn-ngìn kiuk-chhut koet-ngoi hi; ngì-têu fong-thong yen-lo̍k ke sên-fa̍t chhiu án-ngiòng kiet-suk lé.

8Chṳ-kô ke Song-chú — Van-kiûn ke Ngièn-soi Song-ti chṳ́-tén chhṳ-kâ fat-sṳ, kóng: “Ngài chhin-nâu Yî-set-lie̍t-ngìn#6:8 “Yî-set-lie̍t-ngìn” ngièn-vùn chhṳ̍t-yi̍t he “Ngâ-kok”. ke kiêu-ngau; Ngài chhin-hen kì-têu he̍t ke chhiong kiûng-thien ke vuk. Ngài oi chiông kì-têu ke kîn-sàng lâu tî-poi só-yû ke kâu-pûn thi̍t-ngìn.”

9Na-he yit-kiên vuk hàn chhûn sṳ̍p-ke ngìn, liá sṳ̍p-ke ngìn to-mî ya voi mò-miang. 10Sí-ngìn ke chhîn-chhu̍k lòi thô sṳ̂n-sṳ̂ hi sêu#6:10 “sêu” ya-he yi̍t-cho “vi kì hàng sêu-fó lî” ya-he “vi kì sêu hiông-liau”. ke sṳ̀, kì voi tui vuk-tú chui mî-kiên ke ngìn kóng: “Yû ngìn lâu ngì khiung-ha mò?”

Ke-ngìn voi en-kóng: “Mò lé.”

Chhîn-chhu̍k kóng: “M̀-hó chhut-sâng, ngài-têu cho-m̀-tet kóng-hí Song-chú ke miàng.”

11Khon nâ! Song-chú yit min-lin, thai-kiên, se-kiên ke vuk-è chhiòn-phu voi vang chhiang-chhiang, sàng-cho lá-sap-tôi.

12Mâ voi chhai ngàm-sa̍k táng chéu mò? Ngìn voi chhai hói-tú#6:12 “hói-tú” ya-he yi̍t-cho “ke-vi”. sṳ́-ngiù kâng-chung mò? Chúng-he, ngì-têu chiông kûng-phìn pien-cho thu̍k-yo̍k, chiông chṳn-ngi pien-cho fú-yo̍k. 13Ngì-têu chhṳ-khoâ tá-vang Lò-Tí-pâ#6:13 “Lò-Tí-pâ”: Liá thi-miàng lâu Hî-pak-lòi-fa “hî-khûng” ke fat-yîm siông-khiun.. Ngì-têu kóng: “Ngài-têu kám m̀-he kho chhṳ-kâ ke li̍t-liong cham-liâng Kâ-nèn#6:13 “Kâ-nèn”: Yi-sṳ he “kok”, siong-chṳ̂n lie̍t-khiòng.!”

14Song-chú — Van-kiûn ke Ngièn-soi Song-ti án-ngiòng kóng: “Yî-set-lie̍t-ngìn â, Ngài oi sṳ́ ngoi-koet ke kiûn-chhui cham-liâng ngì-têu ke koet-kâ; pet tui Ha̍p-mâ ai-héu, nàm to Â-lâ-pâ hói-sùn#6:14 “Â-lâ-pâ hói-sùn” khó-nèn chṳ́ Sí-hói sùn., kì-têu oi lòi chien-tha̍p ngì-têu.”

Currently Selected:

Â-mô-sṳ̂ Sû 6: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Â-mô-sṳ̂ Sû 6

Videos for Â-mô-sṳ̂ Sû 6

Amos 3-6

BibleProject

Jesus In All of Amos 3-6

Spoken Gospel

Â-mô-sṳ̂ Sû 6

Popular Bible Verses from
Â-mô-sṳ̂ Sû 6

Videos for Â-mô-sṳ̂ Sû 6

Amos 3-6

Jesus In All of Amos 3-6

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Â-mô-sṳ̂ Sû 6

Â-mô-sṳ̂ Sû 6

Popular Bible Verses from Â-mô-sṳ̂ Sû 6

Videos for Â-mô-sṳ̂ Sû 6

Amos 3-6

Jesus In All of Amos 3-6

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Â-mô-sṳ̂ Sû 6

Popular Bible Verses from
Â-mô-sṳ̂ Sû 6