Â-mô-sṳ̂ Sû 1

1Chhai Vû-sî-ngâ cho Yù-thai-vòng, Yok-fà-sṳ̂ ke lai-é Yâ-lò-pô-ôn ngi-sṳ cho Yî-set-lie̍t-vòng ke khì-kiên, thai thi-thûng chhièn lióng-ngièn, Thì-kô-â-chhûn yit-ke mu̍k-yòng-ngìn#1:1 “mu̍k-yòng-ngìn” ya-he yi̍t-cho “hiuk chhin-tô yòng ke ngìn”. Â-mô-sṳ̂ khon-tó Song-ti khí-sṳ yû-koân Yî-set-lie̍t ke yi-siong. Hâ-poi ke ki-chai he Â-mô-sṳ̂ ke fa.

2Kì kóng:

Song-chú tui Siak-ôn chhiong sṳ̂-é ho-ho-kún,

tui Yâ-lu-sat-lâng chhiong lùi-kûng lung-lung-kún.

Mu̍k-chhòng ke chhiâng-chhó chón-vòng;

Kâ-me̍t-sân ke su-lìm khû-châu.

Song-ti Oi Sṳ́m-phan Yî-set-lie̍t ke Lìn-koet

Yû-koân Si-li-â

3Song-chú kóng: “Thai-mâ-sṳ-kiet-ngìn chai-sâm fam-chhui, Ngài yit-thin oi chit-fa̍t kì-têu. Kì-têu chhiong yung yû thiet-chhṳ́ ke tá-kuk-kî tá ńg-kuk án-ngiòng, yung chhàn-ngiûn ke fông-fap kûng-tá Kî-lie̍t-ngìn. 4Só-yî Ngài oi piong-fó sêu Ha̍p-siet-vòng ke vòng-kiûng, chiông Phien-Ha̍p-tha̍t-vòng ke kiûng-thien sêu-thet. 5Ngài oi khau-thet Thai-mâ-sṳ-kiet ke sàng-mùn, sêu-me̍t he̍t chhai Â-vùn phìn-ngièn ke ngìn-mìn lâu Pak-Yî-thien ke liâng-chhiu. Si-li-â ke ngìn-mìn oi pûn-ngìn chok-to Kit-ngí.” Song-chú án-ngiòng siên-pu lé.

Yû-koân Fî-li-sṳ

6Song-chú kóng: “Kâ-sat-ngìn chai-sâm fam-chhui, Ngài yit-thin oi chit-fa̍t kì-têu. Kì-têu chiông lìn-koet ke ngìn-mìn chok-hi, mai-pûn Yî-tûng-ngìn cho nù-chhòi. 7Só-yî Ngài oi piong-fó sêu Kâ-sat ke sàng-chhiòng, chiông vòng-kiûng sêu-thet. 8Ngài oi sêu-me̍t he̍t chhai Â-sṳ̍t-thut ke ngìn lâu Â-sṳ̍t-kî-lùn ke liâng-chhiu. Ngài oi chit-fa̍t Yî-kiet-lùn-sàng; só-yû liù chhai sàng-tú ke Fî-li-sṳ-ngìn chhiòn-phu voi sí.” Chṳ-kô ke Song-chú án-ngiòng siên-pu lé.

Yû-koân Thai-ngì

9Song-chú án-ngiòng kóng: “Thai-ngì-ngìn chai-sâm fam-chhui, Ngài yit-thin oi chit-fa̍t kì-têu. Kì-têu m̀ chûn-sú lâu thùng-mèn chhiâm ke thiàu-yok, fán-chón chiông lìn-koet ke ngìn-mìn mai-pûn Yî-tûng-ngìn cho nù-chhòi. 10Só-yî Ngài oi piong-fó sêu Thai-ngì ke sàng-chhiòng, chiông vòng-kiûng sêu-thet.”

Yû-koân Yî-tûng

11Song-chú án-ngiòng kóng: “Yî-tûng-ngìn chai-sâm fam-chhui, Ngài yit-thin oi chit-fa̍t kì-têu. Kì-têu chhiòn mò lìn-mén ke sîm, yung tô-kiam pet-hoi kì-têu ke chhîn-chhu̍k Yî-set-lie̍t-ngìn. Kì-têu ke fat-khién yit-chhṳ̍t mò thìn; kì-têu at-to m̀-hén so̍t. 12Só-yî Ngài oi piong-fó sêu Thì-man ke sàng-sṳ, chiông Pô-sṳ̂-lâ ke vòng-kiûng sêu-thet.”

Yû-koân Â-mùn

13Song-chú kóng: “Â-mùn-ngìn chai-sâm fam-chhui, Ngài yit-thin oi chit-fa̍t kì-têu. Vi-tó fat-chán thú-thi, kì-têu sṳm-chṳ pho-khôi Kî-lie̍t-thi fài-thôi fu-ńg ke tú-sṳ́. 14Só-yî Ngài oi piong-fó sêu Lâ-pâ ke sàng-chhiòng, chiông vòng-kiûng sêu-thet. Chan-chên fat-sên ke sṳ̀, voi yû siông-chhṳ̀ teu-tá ke sâng, chhiong khòng-fûng phau-yí. 15Kì-têu ke koet-vòng lâu kôn-chóng chhiòn-phu voi pûn-ngìn chok-chéu.” Song-chú án-ngiòng siên-pu lé.

Currently Selected:

Â-mô-sṳ̂ Sû 1: THV12Rdb

Highlight

Copy