MALKU 3
3
1E SỌ vó sinagọgu mẹ biọ: dawe de sọ tin to finẹ, he alọ etọn dopo kusẹ. 2Yé sọ to hihó ẹ, eyín é na hẹnazọ̀ngbọ nẹ̃ to gbọjẹzángbè; na yé nido slẹ ẹ. 3E sọ dọ hlan dawe he alọ etọn kusẹ lọ, dọ, Site to ṣẹnṣẹn. 4E sọ dọ hlan yé, dọ, Be é jẹ nado wà dagbe to gbọjẹzángbè, kavi nado wà oylan? nado whlẹn ogbè de, kavi nado hù i súdo? Ṣigba yé nabọẹ. 5Whenuena é pọ́n yé lédo po adi po yínyín homẹgblenọ na sinsinyẹn ayiha yetọn tọn wutu, é dọ hlan dawe lọ, dọ, Dlẹn alọ towe. E sọ dlẹn ẹn: alọ etọn sọ jẹ gángán di awetọ. 6Falesi lẹ sọ tọ́njegbonu to afọdoponẹji nado lẹnnu hẹ Helodianu lẹ do e go, le yé na wà bo nado hù i.
7Ṣigba Jesu jagò po nuplọntọ etọn lẹ po yì ohù tó: agùndaho de sọn Galili po Judé po hodo e, 8Podọ sọn Jelusalẹm, sọn Idumia, podọ sọn Jọdani godo, podọ mẹhe tin lédo Tile po Sidọni po, agundaho de, sisè onú daho he é wà lẹ wá e de. 9E sọ dọhó hlan nuplọntọ etọn lẹ, dọ ohún pẹvi de ni nọte nẹ na agùn gbẹtọ lẹ tọn wutu, na yé niká jántẹn ẹn. 10Na é hẹnazọ̀ngbọna gbẹtọ susu, sọmọ bọ yé mẹsọha he tindo azònylankan lẹ to yenọzo sisé jẹ e ji na yé nido do alọ e go. 11Gbigbọ mawe lẹ, whedepopenu yé mọ ẹn, nọ jẹklo to nukọn etọn, bo nọ to awhádo dọ, Hiẹ wẹ Ovi Jiwheyẹwhe tọn. 12E sọ dosẹ́n na yé talala dọ yé do e hia blo.
13E sọ hẹ osó ji, bo to mẹhe é jlo lẹ ylọ dopodopo do ede de: yé sọ wá e de 14E sọ dè omẹ wiawe, na yé nido nò he ẹ, podọ é nido nọ do ye hlan yì nado dọ yẹwheho 15Podọ nado tindo ase nado nọ hẹnazòngbọ, podọ nado nọ yàn aovi lẹ jẹgbonu: 16Simọni mẹhe é dèyínkọ etọn dọ Pita, 17po Jakobu ovisunnu Zẹbedé tọn po po Johanu nọvisunnu Jakobu tọn po; é sọ dèyínkọ yetọn dọ Boanege, ehe nọ yín Ovisunnu osò tọn lẹ: 18Andlé, Filipi, Batelemi, Matiu, Tomasi, po Jakobu ovisunnu Alfe tọn po, Tade, po Simọni Kanani tọn po, 19po Juda Iskaliọti po mẹhe dè e hia.
Yé sọ wá biọ owhé de gbè. 20Agùndaho lẹ sọ vọ́ wá plidopọ, sọmọ bọ yé ma sọgan dù núdùdù 21Whenuena họ́ntọn etọn lẹ sè e, yé tọn yì nado wlé e, na ye ko dọ, dọ, Otamẹ etọn gble. 22Podọ Wekantọ he jẹte sọn Jelusalẹm wá lẹ dọmọ, E tindo Beẹlzebuli; podọ gbọn ogán aovi lẹ tọn dali wẹ é to aovi lẹ yàn jegbonu te, 23E sọ ylọ yé do ede de, bo sọ dọ hlan yé to oló me, dọmọ, Nawẹ Satani na sọgan yàn Satani jẹgbonu do? 24Podọ eyín ahọludu de yín kinklan do ede go, ahọludu nẹ ma na sọgan nọte. 25Podọ eyín owhé de yín kinklan do ede go, owhé lọ ma na sọgan nọte. 26Podọ eyín Satani ko fọ́n do ede ji, bo sọ yín kinklan, é ma na sọgan nọte, ṣigba é na pònu. 27Mẹde ma sọgan biọ owhé sunnu adantọ tọn gbè, bo bó agban etọn, adavo é bla sunnu adantọ lọ whé; whenẹnu wẹ é na bé agbàn to owhé etọn gbè. 28Nugbo yẹn dọ hlan mì, Ylando yetọn lẹpo wẹ yè na jona ovi gbẹtọ tọn lẹ, podọ nùzinzan lẹ ehe mẹ yé na nọ zánnù te: 29Ṣigba mẹdepope he zánnù do Gbigbọ Wiwe go, ma na tindo jona gbède, ṣigba e yín whẹylantọ ylando madopodo de tọn: 30Na yé do, E tindo gbigbọ mawe wutu.
31Podọ mẹmẹsunnu etọn lẹ po onọ etọn po wá finẹ, bo nọte to gbonu, bo dowẹn hlan ẹn, bo to yiylọ ẹ. 32Agùndaho de sinai lédo e, yé dọ hlan ẹn, dọ, Pọ́n, onọ towe po mẹmẹsunnu towe lẹ po to dindin we to gbonu. 33E sọ gblọnna yé, bo dọmọ, Mẹnu wẹ onọ ṣie, podọ mẹmẹsunnu ṣie lẹ? 34Pinpọn lédo yé mẹhe sinai lédo e lẹ, é dọmọ, Pọ́n onọ ṣie po mẹmẹsunnu ṣie lẹ po! 35Na mẹdepope he na wà ojlo Jiwheyẹwhe tọn, dopolọ wẹ mẹmẹsunnu ṣie, podọ mẹmẹyọnnu ṣie, podọ onọ ṣie.
Currently Selected:
MALKU 3: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
MALKU 3
3
1E SỌ vó sinagọgu mẹ biọ: dawe de sọ tin to finẹ, he alọ etọn dopo kusẹ. 2Yé sọ to hihó ẹ, eyín é na hẹnazọ̀ngbọ nẹ̃ to gbọjẹzángbè; na yé nido slẹ ẹ. 3E sọ dọ hlan dawe he alọ etọn kusẹ lọ, dọ, Site to ṣẹnṣẹn. 4E sọ dọ hlan yé, dọ, Be é jẹ nado wà dagbe to gbọjẹzángbè, kavi nado wà oylan? nado whlẹn ogbè de, kavi nado hù i súdo? Ṣigba yé nabọẹ. 5Whenuena é pọ́n yé lédo po adi po yínyín homẹgblenọ na sinsinyẹn ayiha yetọn tọn wutu, é dọ hlan dawe lọ, dọ, Dlẹn alọ towe. E sọ dlẹn ẹn: alọ etọn sọ jẹ gángán di awetọ. 6Falesi lẹ sọ tọ́njegbonu to afọdoponẹji nado lẹnnu hẹ Helodianu lẹ do e go, le yé na wà bo nado hù i.
7Ṣigba Jesu jagò po nuplọntọ etọn lẹ po yì ohù tó: agùndaho de sọn Galili po Judé po hodo e, 8Podọ sọn Jelusalẹm, sọn Idumia, podọ sọn Jọdani godo, podọ mẹhe tin lédo Tile po Sidọni po, agundaho de, sisè onú daho he é wà lẹ wá e de. 9E sọ dọhó hlan nuplọntọ etọn lẹ, dọ ohún pẹvi de ni nọte nẹ na agùn gbẹtọ lẹ tọn wutu, na yé niká jántẹn ẹn. 10Na é hẹnazọ̀ngbọna gbẹtọ susu, sọmọ bọ yé mẹsọha he tindo azònylankan lẹ to yenọzo sisé jẹ e ji na yé nido do alọ e go. 11Gbigbọ mawe lẹ, whedepopenu yé mọ ẹn, nọ jẹklo to nukọn etọn, bo nọ to awhádo dọ, Hiẹ wẹ Ovi Jiwheyẹwhe tọn. 12E sọ dosẹ́n na yé talala dọ yé do e hia blo.
13E sọ hẹ osó ji, bo to mẹhe é jlo lẹ ylọ dopodopo do ede de: yé sọ wá e de 14E sọ dè omẹ wiawe, na yé nido nò he ẹ, podọ é nido nọ do ye hlan yì nado dọ yẹwheho 15Podọ nado tindo ase nado nọ hẹnazòngbọ, podọ nado nọ yàn aovi lẹ jẹgbonu: 16Simọni mẹhe é dèyínkọ etọn dọ Pita, 17po Jakobu ovisunnu Zẹbedé tọn po po Johanu nọvisunnu Jakobu tọn po; é sọ dèyínkọ yetọn dọ Boanege, ehe nọ yín Ovisunnu osò tọn lẹ: 18Andlé, Filipi, Batelemi, Matiu, Tomasi, po Jakobu ovisunnu Alfe tọn po, Tade, po Simọni Kanani tọn po, 19po Juda Iskaliọti po mẹhe dè e hia.
Yé sọ wá biọ owhé de gbè. 20Agùndaho lẹ sọ vọ́ wá plidopọ, sọmọ bọ yé ma sọgan dù núdùdù 21Whenuena họ́ntọn etọn lẹ sè e, yé tọn yì nado wlé e, na ye ko dọ, dọ, Otamẹ etọn gble. 22Podọ Wekantọ he jẹte sọn Jelusalẹm wá lẹ dọmọ, E tindo Beẹlzebuli; podọ gbọn ogán aovi lẹ tọn dali wẹ é to aovi lẹ yàn jegbonu te, 23E sọ ylọ yé do ede de, bo sọ dọ hlan yé to oló me, dọmọ, Nawẹ Satani na sọgan yàn Satani jẹgbonu do? 24Podọ eyín ahọludu de yín kinklan do ede go, ahọludu nẹ ma na sọgan nọte. 25Podọ eyín owhé de yín kinklan do ede go, owhé lọ ma na sọgan nọte. 26Podọ eyín Satani ko fọ́n do ede ji, bo sọ yín kinklan, é ma na sọgan nọte, ṣigba é na pònu. 27Mẹde ma sọgan biọ owhé sunnu adantọ tọn gbè, bo bó agban etọn, adavo é bla sunnu adantọ lọ whé; whenẹnu wẹ é na bé agbàn to owhé etọn gbè. 28Nugbo yẹn dọ hlan mì, Ylando yetọn lẹpo wẹ yè na jona ovi gbẹtọ tọn lẹ, podọ nùzinzan lẹ ehe mẹ yé na nọ zánnù te: 29Ṣigba mẹdepope he zánnù do Gbigbọ Wiwe go, ma na tindo jona gbède, ṣigba e yín whẹylantọ ylando madopodo de tọn: 30Na yé do, E tindo gbigbọ mawe wutu.
31Podọ mẹmẹsunnu etọn lẹ po onọ etọn po wá finẹ, bo nọte to gbonu, bo dowẹn hlan ẹn, bo to yiylọ ẹ. 32Agùndaho de sinai lédo e, yé dọ hlan ẹn, dọ, Pọ́n, onọ towe po mẹmẹsunnu towe lẹ po to dindin we to gbonu. 33E sọ gblọnna yé, bo dọmọ, Mẹnu wẹ onọ ṣie, podọ mẹmẹsunnu ṣie lẹ? 34Pinpọn lédo yé mẹhe sinai lédo e lẹ, é dọmọ, Pọ́n onọ ṣie po mẹmẹsunnu ṣie lẹ po! 35Na mẹdepope he na wà ojlo Jiwheyẹwhe tọn, dopolọ wẹ mẹmẹsunnu ṣie, podọ mẹmẹyọnnu ṣie, podọ onọ ṣie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.