MATIU 23
23
1WHENẸNU wẹ Jesu dọhó hlan agùndaho lẹ lọ, podọ hlan nuplọntọ etọn lẹ, 2Dọmọ, Wekantọ lẹ, po Falesi lẹ po sinai to aisintẹn Moṣe tọn mẹ: 3Enẹwutu onú depope yé degbèna mì, ehelẹ mí ni nọ tùnayi e go, bo sọ nọ basi; ṣigba mì basi di azón yetọn blo: na yé nọ dọ, yé ma nọ wà gba. 4Mọwẹ yé do agbàn pinpẹn he sinyẹnawú hinhẹn, bo zé e do abó gbẹtọ lẹ tọn ji: ṣigba yewlọsu ma na yí alọvi yetọn dopo do sẹtẹnna yé gba. 5Ṣigba azón yetọn lẹpo wẹ yé nọ wà na nado yín mimọ to gbẹtọ lẹ de: yé hẹn ayúja owétọn zùn gbigblo, bo sọ hẹn okèyè avọ̀ yetọn tọn zùn gbigblo. 6Yé yiwanna tẹnmẹ daho to núdùdù kòn, po aisintẹn daho po to sinagọgu mẹ, 7Po núdọdomẹ po to ahi mẹ, podọ nado yín yiylọ to gbẹtọ lẹ de dọ, Labbi, Labbi. 8Ṣigba mìwlẹ yín yiylọ dọ Labbi blo: na omẹ dopo wẹ Mẹplọntọ mìtọn podọ mẹmẹsunnu wẹ mì omẹ pó. 9Mì sọ ylọ mẹde otọ́ mìtọn to aihọn mẹ blo: na omẹ dopo wẹ Otọ́ mìtọn olọn tọn. 10Mọ yè sọ ylọ mì dọ mẹplọntọ blo; na omẹ dopo wẹ Mẹplọntọ mìtọn, yèdọ Klisti lọ. 11Ṣigba ewọ mẹhe klo húgan to mì ṣẹnṣẹn, wẹ na yín devizónwàtọ mìtọn. 12Podọ Mẹdepope he na zé ede do aga, na yín zínzín dai: mẹdepope he na sọ zín ede dai, na yín zizédaga.
13Ṣigba dindọn hlan mì, wekantọ lẹ, po Falesi lẹ po, yẹnuwàtọ I na mìwlẹ sú ahọludu olọn tọn to gbẹtọ lẹ nukọn wutu: mìlọsu ma biọ e mẹ, mọwẹ mì ma sọ dike mẹhe to na biọ e mẹ lẹ ni biọ e mẹ. 14Dindọn hlan mì, wekantọ lẹ, po Falesi lẹ po, yẹnuwàtọ na mìwlẹ dù owhé asuṣiọsi lẹ tọn súdo, yèdọ whenuena mì to odè dindẹn basi na goyíyí de: enẹwutu mìwlẹ na mọ whẹgbledo yí húgan.
15Dindọn hlan mì, wekantọ lẹ, po Falesi lẹ po, yẹnuwàtọ na mì lédo ohù po age po pé nado hẹn omẹ dopo zùn hùnsi, whenuena ewọ sọ zùn mọ, mìwlẹ sọ hẹn en zùn ovi olọnzo tọn whla awe hú mìlọsu.
16Dindọn hlan mì, mì alihiamẹtọ nukuntọ́nnọ lẹ, he dọmọ, Mẹdepope he na yí fiwiwe do whlé, é ma yín nude: ṣigba mẹdepope he na yí sika fiwiwe tọn do whlé é zùn ahótọnọ de! 17Mì nulunọ, nukuntọ́nnọ: etẹwẹ klohú, sika, kavi fiwiwe he ko lè sika zùn wiwe? 18Podọ, mẹdepope he na yí agbà do whlé, é ma yín nude: ṣigba mẹdepope he na yí nunina he tin to e ji do whlé, é zùn ahótọnọ de. 19Mì, nukuntọ́nnọ: etẹwẹ klohú, nunina, kavi agbà he to nunina lẹ̀ zun wiwe? 20Enẹwutu mẹdepope he yi agbà do whlé, é yí i do whlé, podọ po onú he tin to e ji lẹpo. 21Podọ Mẹdepope he sọ yí fiwiwe do whlé yí i do whlé podọ po mẹhe nọnọ̀ e mẹ po. 22Podọ ewọ he sọ yí olọn do whlé é yí ofìn Jiwheyẹwhe tọn do whlé, po mẹhe sinai to e ji po.
23Dindọn hlan mì, wekantọ lẹ, po Falesi lẹ po, yẹnuwàto na mì to madao mẹntetọn aneti tọn, pokumini tọn po na, bo sọ gbé onú pónzin osén tọn dai, whẹ̀dida, lẹblanu, po yise po: ṣigba ehelẹ wẹ jẹ mìwlẹ do basi, mì ma do jo devo dai mawà gba. 24Mì nukuntọ́nnọ alihiamẹtọ, he nọ to kànvan do nuvó kòn, bo nọ zé kanklosọpóawenọ mì.
25Dindọn hlan mì, wekantọ lẹ, po Falesi lẹ po, yẹnuwàtọ! na mìwlẹ kló gbonu kọfo tọn po agbánvla tọn po wé, ṣigba to homẹ yé tin gó sọn alọslọnamẹ po linlankan po mẹ. 26Hiẹ Falesi nukuntọ́nnọ, kló homẹ kọfo tọn, po agbánvla tọn po whẹ, na gbonu yetọn nido lẹzun wiwe ga. 27Dindọn hlan mì, wekantọ lẹ, po Falesi lẹ po, yenuwàtọ I na mì tin jijlẹ do olidò wéwé go, he sọawúhia whanpẹnọ to gbonu, ṣigba to homẹ tin gó na ohú omẹ kuku lẹ tọn podọ na mawé lẹpo. 28Yèdọ mọ wẹ mìwlẹ ga sọ awúhia to gbonu hlan gbẹtọ lẹ di dódónọ, ṣigba to homẹ mì tin gọ na yẹnuwiwà po ylanwà po.
29Dindọn hlan mì, wekantọ lẹ, po Falesi lẹ po, yẹnuwàtọ! na mìwlẹ dó olidò yẹwhegán lẹ tọn lẹ, bo sọ doasọna oyòwhé dódónọ lẹ tọn, 30Bo sọ dọmọ, Eyín mìwlẹ ko tin to otọ́ mìtọn lẹ whenu, mìwlẹ ma do ko yín mìmátọ hẹ yé to ohùn yẹwhegán lẹ tọn mẹ gba. 31Enẹwutu mìwlẹ dekunnu hlan mìde, dọ, mì wẹ ovi yé he hù yẹwhegán lẹ tọn lẹ. 32Enẹwutu mì gbọ bo gó ojlénu otọ́ mìtọn le tọn. 33Mì odàn lẹ, mì ovikún amapoe lẹ tọn, nawẹ mì na họngán na whẹ̀dida olọnzo tọn do? 34Enẹwutu, mì do ayi e go, yẹn do yẹwhegán lẹ hlan mì, po gbẹtọ nuyọnẹntọ lẹ po, po wekantọ lẹ po: mẹdelẹ to yé mẹ mì na hù, bo nasọ whè do satin go: podọ mẹdelẹ to yé mẹ mì nasọ hò to sinagọgu mìtọn lẹ mẹ, bo nasọ dohomẹkẹn sọn otò daho de mẹ jẹ otò daho de mẹ. 35Na ọhùn dódónọ lẹpo tọn he yè ko kòn dai to aihọn mẹ nido tin to mì ji, sọn ohùn Ábẹli dódónọ tọn ji jẹ ohùn Zakali ovi Balaki tọn ji, mẹhe mì hù to fiwiwe lọ po agbà lọ po ṣẹnṣẹn. 36Nugbo wẹ yẹn dọ hlan mì, onú helẹ pó wẹ na wá whẹndo he ji.
37Jelusalẹm E, Jelusalẹm, hiẹ mẹhe hù yẹwhegán lẹ, bo sọ dlọn zannu do mẹhe yè dohlan we lẹ, whla nẹmu wẹ yẹn do ko bé ovi towe lẹ pli, dile koklosi de nọ bé ovi etọn lẹ do awà etọn glọ do, bọ mìwlẹ ma jlo 38Pọ́n, yè jo owhé mìtọn dai hlan mì ovó. 39Na yẹn sọ dọ hlan mì, Sọn dinvie yì mì ma to na mọ mi ba, kaka mì na dọmọ, Donanọ wẹ ewọ he ja to oyín Oklunọ tọn mẹ.
Currently Selected:
MATIU 23: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
MATIU 23
23
1WHENẸNU wẹ Jesu dọhó hlan agùndaho lẹ lọ, podọ hlan nuplọntọ etọn lẹ, 2Dọmọ, Wekantọ lẹ, po Falesi lẹ po sinai to aisintẹn Moṣe tọn mẹ: 3Enẹwutu onú depope yé degbèna mì, ehelẹ mí ni nọ tùnayi e go, bo sọ nọ basi; ṣigba mì basi di azón yetọn blo: na yé nọ dọ, yé ma nọ wà gba. 4Mọwẹ yé do agbàn pinpẹn he sinyẹnawú hinhẹn, bo zé e do abó gbẹtọ lẹ tọn ji: ṣigba yewlọsu ma na yí alọvi yetọn dopo do sẹtẹnna yé gba. 5Ṣigba azón yetọn lẹpo wẹ yé nọ wà na nado yín mimọ to gbẹtọ lẹ de: yé hẹn ayúja owétọn zùn gbigblo, bo sọ hẹn okèyè avọ̀ yetọn tọn zùn gbigblo. 6Yé yiwanna tẹnmẹ daho to núdùdù kòn, po aisintẹn daho po to sinagọgu mẹ, 7Po núdọdomẹ po to ahi mẹ, podọ nado yín yiylọ to gbẹtọ lẹ de dọ, Labbi, Labbi. 8Ṣigba mìwlẹ yín yiylọ dọ Labbi blo: na omẹ dopo wẹ Mẹplọntọ mìtọn podọ mẹmẹsunnu wẹ mì omẹ pó. 9Mì sọ ylọ mẹde otọ́ mìtọn to aihọn mẹ blo: na omẹ dopo wẹ Otọ́ mìtọn olọn tọn. 10Mọ yè sọ ylọ mì dọ mẹplọntọ blo; na omẹ dopo wẹ Mẹplọntọ mìtọn, yèdọ Klisti lọ. 11Ṣigba ewọ mẹhe klo húgan to mì ṣẹnṣẹn, wẹ na yín devizónwàtọ mìtọn. 12Podọ Mẹdepope he na zé ede do aga, na yín zínzín dai: mẹdepope he na sọ zín ede dai, na yín zizédaga.
13Ṣigba dindọn hlan mì, wekantọ lẹ, po Falesi lẹ po, yẹnuwàtọ I na mìwlẹ sú ahọludu olọn tọn to gbẹtọ lẹ nukọn wutu: mìlọsu ma biọ e mẹ, mọwẹ mì ma sọ dike mẹhe to na biọ e mẹ lẹ ni biọ e mẹ. 14Dindọn hlan mì, wekantọ lẹ, po Falesi lẹ po, yẹnuwàtọ na mìwlẹ dù owhé asuṣiọsi lẹ tọn súdo, yèdọ whenuena mì to odè dindẹn basi na goyíyí de: enẹwutu mìwlẹ na mọ whẹgbledo yí húgan.
15Dindọn hlan mì, wekantọ lẹ, po Falesi lẹ po, yẹnuwàtọ na mì lédo ohù po age po pé nado hẹn omẹ dopo zùn hùnsi, whenuena ewọ sọ zùn mọ, mìwlẹ sọ hẹn en zùn ovi olọnzo tọn whla awe hú mìlọsu.
16Dindọn hlan mì, mì alihiamẹtọ nukuntọ́nnọ lẹ, he dọmọ, Mẹdepope he na yí fiwiwe do whlé, é ma yín nude: ṣigba mẹdepope he na yí sika fiwiwe tọn do whlé é zùn ahótọnọ de! 17Mì nulunọ, nukuntọ́nnọ: etẹwẹ klohú, sika, kavi fiwiwe he ko lè sika zùn wiwe? 18Podọ, mẹdepope he na yí agbà do whlé, é ma yín nude: ṣigba mẹdepope he na yí nunina he tin to e ji do whlé, é zùn ahótọnọ de. 19Mì, nukuntọ́nnọ: etẹwẹ klohú, nunina, kavi agbà he to nunina lẹ̀ zun wiwe? 20Enẹwutu mẹdepope he yi agbà do whlé, é yí i do whlé, podọ po onú he tin to e ji lẹpo. 21Podọ Mẹdepope he sọ yí fiwiwe do whlé yí i do whlé podọ po mẹhe nọnọ̀ e mẹ po. 22Podọ ewọ he sọ yí olọn do whlé é yí ofìn Jiwheyẹwhe tọn do whlé, po mẹhe sinai to e ji po.
23Dindọn hlan mì, wekantọ lẹ, po Falesi lẹ po, yẹnuwàto na mì to madao mẹntetọn aneti tọn, pokumini tọn po na, bo sọ gbé onú pónzin osén tọn dai, whẹ̀dida, lẹblanu, po yise po: ṣigba ehelẹ wẹ jẹ mìwlẹ do basi, mì ma do jo devo dai mawà gba. 24Mì nukuntọ́nnọ alihiamẹtọ, he nọ to kànvan do nuvó kòn, bo nọ zé kanklosọpóawenọ mì.
25Dindọn hlan mì, wekantọ lẹ, po Falesi lẹ po, yẹnuwàtọ! na mìwlẹ kló gbonu kọfo tọn po agbánvla tọn po wé, ṣigba to homẹ yé tin gó sọn alọslọnamẹ po linlankan po mẹ. 26Hiẹ Falesi nukuntọ́nnọ, kló homẹ kọfo tọn, po agbánvla tọn po whẹ, na gbonu yetọn nido lẹzun wiwe ga. 27Dindọn hlan mì, wekantọ lẹ, po Falesi lẹ po, yenuwàtọ I na mì tin jijlẹ do olidò wéwé go, he sọawúhia whanpẹnọ to gbonu, ṣigba to homẹ tin gó na ohú omẹ kuku lẹ tọn podọ na mawé lẹpo. 28Yèdọ mọ wẹ mìwlẹ ga sọ awúhia to gbonu hlan gbẹtọ lẹ di dódónọ, ṣigba to homẹ mì tin gọ na yẹnuwiwà po ylanwà po.
29Dindọn hlan mì, wekantọ lẹ, po Falesi lẹ po, yẹnuwàtọ! na mìwlẹ dó olidò yẹwhegán lẹ tọn lẹ, bo sọ doasọna oyòwhé dódónọ lẹ tọn, 30Bo sọ dọmọ, Eyín mìwlẹ ko tin to otọ́ mìtọn lẹ whenu, mìwlẹ ma do ko yín mìmátọ hẹ yé to ohùn yẹwhegán lẹ tọn mẹ gba. 31Enẹwutu mìwlẹ dekunnu hlan mìde, dọ, mì wẹ ovi yé he hù yẹwhegán lẹ tọn lẹ. 32Enẹwutu mì gbọ bo gó ojlénu otọ́ mìtọn le tọn. 33Mì odàn lẹ, mì ovikún amapoe lẹ tọn, nawẹ mì na họngán na whẹ̀dida olọnzo tọn do? 34Enẹwutu, mì do ayi e go, yẹn do yẹwhegán lẹ hlan mì, po gbẹtọ nuyọnẹntọ lẹ po, po wekantọ lẹ po: mẹdelẹ to yé mẹ mì na hù, bo nasọ whè do satin go: podọ mẹdelẹ to yé mẹ mì nasọ hò to sinagọgu mìtọn lẹ mẹ, bo nasọ dohomẹkẹn sọn otò daho de mẹ jẹ otò daho de mẹ. 35Na ọhùn dódónọ lẹpo tọn he yè ko kòn dai to aihọn mẹ nido tin to mì ji, sọn ohùn Ábẹli dódónọ tọn ji jẹ ohùn Zakali ovi Balaki tọn ji, mẹhe mì hù to fiwiwe lọ po agbà lọ po ṣẹnṣẹn. 36Nugbo wẹ yẹn dọ hlan mì, onú helẹ pó wẹ na wá whẹndo he ji.
37Jelusalẹm E, Jelusalẹm, hiẹ mẹhe hù yẹwhegán lẹ, bo sọ dlọn zannu do mẹhe yè dohlan we lẹ, whla nẹmu wẹ yẹn do ko bé ovi towe lẹ pli, dile koklosi de nọ bé ovi etọn lẹ do awà etọn glọ do, bọ mìwlẹ ma jlo 38Pọ́n, yè jo owhé mìtọn dai hlan mì ovó. 39Na yẹn sọ dọ hlan mì, Sọn dinvie yì mì ma to na mọ mi ba, kaka mì na dọmọ, Donanọ wẹ ewọ he ja to oyín Oklunọ tọn mẹ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.