Génesis 16
16
Ismaelpa nacesqanmanta
1Abrampa warmin Saraiqa qolluqmi karqa. Paypam karqa Egiptomanta kaq Agar sutiyuq esclavan. 2Chaymi Abramta Saraí nirqa:
Mana wachakuqta Tayta Dios ruwawasqanraykum mañakuyki esclavaywan puñunaykipaq, icharaqpas paymantaña wawaykuna kanman, nispa.
Hinaptinmi Saraipa nisqanta Abram kasurqa. 3Chunka wataña Canaán allpapi yachachkaptinkum Saraiqa Egiptomanta kaq esclavan Agarta Abramman warmin kananpaq qoykurqa. 4Chaymi Agarqa Abrampa churinta wiksayakuruspan patronan Saraita despreciowan qawarqa. 5Hinaptinmi Abramta Saraí nirqa:
Qanmi huchayuq kanki kay esclavay kayna qawawananpaq, qanman qoykuptiymi wiksayakuruspan despreciowan qawawachkan. Tayta Diosyá juzgawasun qamtawan ñoqata, nispa.
6Abramñataqmi nirqa:
Kayqaya esclavaykiqa makikipi, munasqaykitayá paywan ruway, nispa.
Chaymi Saraiqa Agarta ñakarichiyta qallaykurqa hinaptinmi qayllanmanta lluptikurqa. 7Lluptikuspanmi chunniqpi pukyuman chayarurqa, chay pukyum Shur lawman riq ñanpi tarikun. Chaypi kachkaptinmi Diospa angelnin tariykurqa, 8hinaspam nirqa:
Saraipa esclavan Agar ¿Maymantataq hamuchkanki? ¿Maymantaq richkanki? nispa.
Agarñataqmi nirqa:
Patronay Saraipa qayllanmantam ayqekuchkani, nispa.
9Chaymi Tayta Diospa angelnin nirqa:
Patronaykipa qayllanman kutiy hinaspa humillakuspa kasukuy.
10Miraynikikunatam mirachisaq,
nana-nanaq kasqankuraykum mana yupay atina kanqaku.
11Wiksayuqmi kachkanki,
qari wawata wachakuspaykim #16.11 Hebreo simipi Ismael ninanqa “Diosqa uyarinmi” ninanmi.Ismaelwan sutichanki.
Waqasqaykitam Tayta Dios uyarirusunki.
12Ismaelqa mana mansasqa purun asno hinam kanqa,
lliwpa contranpim sayarinqa,
llapa runakunataqmi paypa contranpi hatarinqaku,
wawqenkuna cheqnichkaptinpas
paykunapa qayllanpim yachanqa, nispa.
13Rimapayaqnin Tayta Diostam Agar suticharqa:
Qamqa “Rikuqniy Diosmi” kanki, nispan.
Agarqa nirqataqmi:
Diosta rikuruchkaspaypas kawsachkaniraqmi, nispa.
14Chayraykum chay pozota suticharqa: “Rikuwaqniy kawsaq Diospa pozon” nispa. Chay pozoqa Cades llaqtamanta Bered llaqtaman riq ñanpim kachkan.
15Agarmi wachakururqa Abrampa churinta, hinaptinmi Abramqa Ismaelwan suticharqa. 16Abram pusaq chunka soqtayuq watanpi kachkaptinmi Ismaelta Agar wachakurqa.
Currently Selected:
Génesis 16: RCQ12
Highlight
Share
Copy
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
Génesis 16
16
Ismaelpa nacesqanmanta
1Abrampa warmin Saraiqa qolluqmi karqa. Paypam karqa Egiptomanta kaq Agar sutiyuq esclavan. 2Chaymi Abramta Saraí nirqa:
Mana wachakuqta Tayta Dios ruwawasqanraykum mañakuyki esclavaywan puñunaykipaq, icharaqpas paymantaña wawaykuna kanman, nispa.
Hinaptinmi Saraipa nisqanta Abram kasurqa. 3Chunka wataña Canaán allpapi yachachkaptinkum Saraiqa Egiptomanta kaq esclavan Agarta Abramman warmin kananpaq qoykurqa. 4Chaymi Agarqa Abrampa churinta wiksayakuruspan patronan Saraita despreciowan qawarqa. 5Hinaptinmi Abramta Saraí nirqa:
Qanmi huchayuq kanki kay esclavay kayna qawawananpaq, qanman qoykuptiymi wiksayakuruspan despreciowan qawawachkan. Tayta Diosyá juzgawasun qamtawan ñoqata, nispa.
6Abramñataqmi nirqa:
Kayqaya esclavaykiqa makikipi, munasqaykitayá paywan ruway, nispa.
Chaymi Saraiqa Agarta ñakarichiyta qallaykurqa hinaptinmi qayllanmanta lluptikurqa. 7Lluptikuspanmi chunniqpi pukyuman chayarurqa, chay pukyum Shur lawman riq ñanpi tarikun. Chaypi kachkaptinmi Diospa angelnin tariykurqa, 8hinaspam nirqa:
Saraipa esclavan Agar ¿Maymantataq hamuchkanki? ¿Maymantaq richkanki? nispa.
Agarñataqmi nirqa:
Patronay Saraipa qayllanmantam ayqekuchkani, nispa.
9Chaymi Tayta Diospa angelnin nirqa:
Patronaykipa qayllanman kutiy hinaspa humillakuspa kasukuy.
10Miraynikikunatam mirachisaq,
nana-nanaq kasqankuraykum mana yupay atina kanqaku.
11Wiksayuqmi kachkanki,
qari wawata wachakuspaykim #16.11 Hebreo simipi Ismael ninanqa “Diosqa uyarinmi” ninanmi.Ismaelwan sutichanki.
Waqasqaykitam Tayta Dios uyarirusunki.
12Ismaelqa mana mansasqa purun asno hinam kanqa,
lliwpa contranpim sayarinqa,
llapa runakunataqmi paypa contranpi hatarinqaku,
wawqenkuna cheqnichkaptinpas
paykunapa qayllanpim yachanqa, nispa.
13Rimapayaqnin Tayta Diostam Agar suticharqa:
Qamqa “Rikuqniy Diosmi” kanki, nispan.
Agarqa nirqataqmi:
Diosta rikuruchkaspaypas kawsachkaniraqmi, nispa.
14Chayraykum chay pozota suticharqa: “Rikuwaqniy kawsaq Diospa pozon” nispa. Chay pozoqa Cades llaqtamanta Bered llaqtaman riq ñanpim kachkan.
15Agarmi wachakururqa Abrampa churinta, hinaptinmi Abramqa Ismaelwan suticharqa. 16Abram pusaq chunka soqtayuq watanpi kachkaptinmi Ismaelta Agar wachakurqa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012