Rom 2
2
Mpʉ obuʼla, bé ejala le esaŋɔ mpʉn mpa ɛ
1No ó, gwɔɔ, mʉr lé edwe bʉr mobe e, go abe e nkar é mih mo Zyɛm! É jɔʼ go be ó, go dwe ó bʉr mobe e, nʉm go, wé ebula dwe go mʉr tɨʼ mobe, ebe, gwɔɔ yɛɛ «tiʼà mɨlɔb», gwɔɔ lé ekʉ sa nteme bɨsyɛɛla bɨmpwar byaa! 2Bɨna bé ekʉ gʉa ga é nko paʼ bʉr o ndɨ esa mɨmbi bɨsyɛɛla byaa ó, Zyɛm, nye edwe be mobe tɨ. Nye esa no ó, é l'ocyecye. 3Gwɔɔ mʉr lé edwe bʉʉ bʉr mobe ebe bɨsyɛɛla bé lé esa ɛ, gwɔɔ nteme lé esa bɨsyɛɛla bɨmpwar byaa! Go ósa nyá ɛ? Zê go ósyɛhle tiʼa mɨlɔb mo Zyɛm ɛ? 4Zyɛm nyɛɛ yɛɛ si lɛʼle go ncwɨncwɨa we laŋle. Nye nteme a si bee mɨsyem myo, alwib. Nye a si bul dihbe le. Zê go mu ó lé epyeh bɨsyɛɛla bye byaa ɛ? Zê go agʉa bim embɨa nye a sa go e? Embɨa le, lé ejala le elɛʼle leme go zi egwɨma mobebe mo, le edwir leme.
5Cye yiyɛh go dina lé esa elele e lʉ, nkʉ bene lé edwir leme e, go ebul bɨbaa bɨ ebebe Zyɛm lé eniʼe go e. Byé óka láŋɔ ó, é dobo Zyɛm ókpaa empime le e bʉr bɨbɛh ɛ. Dobo laa nteme ó nye ólɛʼle mʉr nyiwɛh mpʉ nye lé etiʼe bʉr mɨlɔb é l'ocɨcyel ɨ. 6Nye ójɛna mʉr nyiwɛh ó, du mpʉ bɨsyɛɛla bye, byé a be e. 7Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ. 8Bʉʉ bʉr bɛɛ, bé ó baanya-evuŋo. Bé esa epɨh lé edu sa ndɨ cɨcyel ɨ, bula du sa ndɨ ozyɛhozyɛh ɛ. Bɨha, bé ó baa Zyɛm óbul kpaa empime e be e. 9Bʉr bɨbɛh ndɨ esa syem ɨ, Zyɛm óbul laŋle kab be bɨntɨʼa e mɨtuu. Bé ósia e bye, taare é l'oYʉden, to pyal é bʉr o bɨkul bɨfih. 10Baa bɨbɛh ndɨ esa embɨa ɛ, bɛɛ, Zyɛm óseʼle be, le edwe be kum ndwe e motala. Nye ódwe be kum ó, taare é l'oYʉden, to pyal é bʉr o bɨkul bɨfih, 11ebe, Zyɛm, nye adwaabe bʉr é lɔb mompom mɔɔ.
12Baa motie mo Moyiz, mé a baakamle sɔʼɔ ɛ, é jɔʼ bé lé esa mɨsyem ɨ, bé edim é nkɔb bʉr. Ntʉʼ motie mo Moyiz ndɨ esa ó, bé dwèʼ no. OYʉden bɛɛ ó ndɨ baa ndɨ é monkara mo mɛra motie e. ǃBé ósa mɨsyem wa, bé ódweŋɔ mobe lé edu mpʉ motie maa lé elɛɛ ɛ. 13Mʉr, nye aŋa bi mokebe é mih mo Zyɛm ebe mbi nye ndɨ ebaʼle motie mo Zyɛm ɨ. Waa lé edu mpʉ motie maa lé elɛɛ ɛ, nye ome ó ngo bi mokebe é mih mo Zyɛm. 14Paʼ bʉr o ndɨ abe oYʉden, baa ndɨ agʉa motie mo Moyiz ɨ, ǃbé si sa yɛɛ mpʉ motie maa lé elɛɛ nɛʼɛ, yé óbe be ó, mpʉ sa lɛɛ ó, bé e motie maa mɨtila é mɨleme myɔɔ tʉŋlʉ, dam be ó, bé abe e me. 15É jɔʼ bé lé esa no e, bé ekʉ lɛʼle ó, sa motie lé etɨe e, yé ó tila é mɨleme myɔɔ. Mɨpɛhla mɨleme myɔɔ, myé eboʼlo nteme no. Myé enwahle é biʼ bɨjɔʼ ó, bé a si jeʼe esa. É byʉʉ bɨjɔʼ, myé elɛʼle be ó, bé a be ó si gʉa esa. 16Sa me lé elwib lɔb we wâʼ ɛ, yé ónyin é pono é dobo le etiʼ e mɨlɔb. Mɨlɔb myé ótiʼ ó, é zi mo Yesʉs-Krɨst. Bɨsa ndɨ bʉr baa é mɨmo si ɨ, nye óka lɛʼle bibyɛh é kpɛŋlɛm. Mbɨambɨa Lɔɔ me lé elɛɛ ɛ, wé ó no.
Bʉr bɨbɛh, bé e mobe é mih mo Zyɛm
17Gwɔɔ, mʉr lé ejebɔ ó, Yʉden ɨ, go nyá ɛ? Go ejyɛʼ taa buʼo yo é mbi go lé edu motie e. Go ekʉ doʼo njɨ e Zyɛm. 18Go elɛɛ-lɛɛ ó, mpʉ motie maa, mɨ bul tɨe go e, no ó go mu ó lé ekʉ gʉa sa Zyɛm lé egwɨm ó, go saʼ ɛ. Yé edib go zi ebɛʼ bɨsɔʼɔ, le epɛh yaa ndɨ é mbɨa ɛ. 19Gɨ kʉ bee ó, gwɔɔ ó jala le elɛʼle ontim zi! Nkʉ ó, gwɔɔ ó lé ejala le ekʉn bʉr o ndɨ é l'edurʉ ɨ, zi. 20Go elɛɛ nteme ó, go ó lé ejala le eturo mɨmiʼ mɨlʉ, le eyeʼle bwɔɔncyom. Go elɛɛ ó, ngwɨa motie waa, wi dwe go ocyoo ndwe e l'ocyecye wiwɛh. 21Gwɔɔ yɛɛ lé ekʉ yeʼle bʉʉ bʉr, ebe yé go ndɨ ayeʼle go mʉr tɨʼ ɨ? Go etuno é bɨjɔʼ bibyɛh ó, bʉr gwaʼa díbe. A gwɔɔ, ebe yé go lé edíbe e? 22Go elɛɛ-lɛɛ ó: «Asa mɨfyɛba.» A, ebe yé gwɔɔ lé esa mye e? Gwɔɔ mʉr lé ekʉ bene bɨbaŋabaŋa bɨdweʼle ndɨ mɨkpɛʼa ɛ, ebe yé go lé eni-ni é mpah bé ndɨ edwiibɨ bɨbaŋabaŋa bɨdweʼle e, le edíbe mɨndwɛa bʉr lé edwe bye e, de e? 23Gwɔɔ mʉr lé ebul doʼo e motie go a tiilɔ ɛ, ebe yé go lé eka ntaa motie monɨ ɨ? Gwɔɔ ó lé ebul gba Zyɛm fwon é nyʉl! 24Yé ó mpʉ yé ndɨ tila é Kalara Zyɛm ɨ. Yé ó tila ó: «Bʉr o ndɨ abe oYʉden ɨ, bé epyeh die mo Zyɛm ó, ebe bɨn.»
25Sɛa mpʉn, wé e nyɔm ó njɨ é l'efu e mʉr ndɨ edu motie e. ǃƗ mʉr si ntaa motie maa nɛʼɛ, sɛa mpʉn we, wé l'aka be nye e nyɔm. Nye mʉr tɨ, nyi lihba mʉr a baapa saŋɔ mpʉn ɨ. 26ǃƗ mʉr a baapa saŋɔ mpʉn ɨ, si du motie nɛʼɛ, Zyɛm óbee nye ó, mpʉ sa lɛɛ ó, nye ó sɛa mpʉn. 27Mʉr bɨkul l'apa saŋɔ mpʉn é nko paʼ nyʉl ɨ, ǃnye si du yɛɛ motie nɛʼɛ, nye ódwe go mobe, gwɔɔ Yʉden. Go a si ntɨhɔ okalara o motie. Go nteme si saŋɔ mpʉn. Pie tɨ, go ze ntaa motie maa! 28Mpaŋ Yʉden, nye abe waa lé enyin njɨ kʉl ó, nye ó mbyɛla Yʉden ɨ. Mpaŋ sɛa mpʉn, wé abe waa saŋɔ é nyʉl, lé ebeɔ kʉl ɨ. 29Yʉden, nye ó mpaŋ Yʉden é jɔʼ nye ndɨ no, duho é mo si ɨ. Mpaŋ sɛa mpʉn, wé ó waa Mbɨambɨa Sisim lé esa é leme mʉr tʉŋlʉ ɨ. Wé asaŋɔ é lɔb ebaʼle motie mo Moyiz. Mʉr ndɨ e mbi sɛa mpʉn waa ɛ, ntʉʼ bʉr, bé ógumlo nye. Kum we óduho ó boo Zyɛm.
Currently Selected:
Rom 2: ozmBad
Highlight
Copy
Compare
Share
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.
Rom 2
2
Mpʉ obuʼla, bé ejala le esaŋɔ mpʉn mpa ɛ
1No ó, gwɔɔ, mʉr lé edwe bʉr mobe e, go abe e nkar é mih mo Zyɛm! É jɔʼ go be ó, go dwe ó bʉr mobe e, nʉm go, wé ebula dwe go mʉr tɨʼ mobe, ebe, gwɔɔ yɛɛ «tiʼà mɨlɔb», gwɔɔ lé ekʉ sa nteme bɨsyɛɛla bɨmpwar byaa! 2Bɨna bé ekʉ gʉa ga é nko paʼ bʉr o ndɨ esa mɨmbi bɨsyɛɛla byaa ó, Zyɛm, nye edwe be mobe tɨ. Nye esa no ó, é l'ocyecye. 3Gwɔɔ mʉr lé edwe bʉʉ bʉr mobe ebe bɨsyɛɛla bé lé esa ɛ, gwɔɔ nteme lé esa bɨsyɛɛla bɨmpwar byaa! Go ósa nyá ɛ? Zê go ósyɛhle tiʼa mɨlɔb mo Zyɛm ɛ? 4Zyɛm nyɛɛ yɛɛ si lɛʼle go ncwɨncwɨa we laŋle. Nye nteme a si bee mɨsyem myo, alwib. Nye a si bul dihbe le. Zê go mu ó lé epyeh bɨsyɛɛla bye byaa ɛ? Zê go agʉa bim embɨa nye a sa go e? Embɨa le, lé ejala le elɛʼle leme go zi egwɨma mobebe mo, le edwir leme.
5Cye yiyɛh go dina lé esa elele e lʉ, nkʉ bene lé edwir leme e, go ebul bɨbaa bɨ ebebe Zyɛm lé eniʼe go e. Byé óka láŋɔ ó, é dobo Zyɛm ókpaa empime le e bʉr bɨbɛh ɛ. Dobo laa nteme ó nye ólɛʼle mʉr nyiwɛh mpʉ nye lé etiʼe bʉr mɨlɔb é l'ocɨcyel ɨ. 6Nye ójɛna mʉr nyiwɛh ó, du mpʉ bɨsyɛɛla bye, byé a be e. 7Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ. 8Bʉʉ bʉr bɛɛ, bé ó baanya-evuŋo. Bé esa epɨh lé edu sa ndɨ cɨcyel ɨ, bula du sa ndɨ ozyɛhozyɛh ɛ. Bɨha, bé ó baa Zyɛm óbul kpaa empime e be e. 9Bʉr bɨbɛh ndɨ esa syem ɨ, Zyɛm óbul laŋle kab be bɨntɨʼa e mɨtuu. Bé ósia e bye, taare é l'oYʉden, to pyal é bʉr o bɨkul bɨfih. 10Baa bɨbɛh ndɨ esa embɨa ɛ, bɛɛ, Zyɛm óseʼle be, le edwe be kum ndwe e motala. Nye ódwe be kum ó, taare é l'oYʉden, to pyal é bʉr o bɨkul bɨfih, 11ebe, Zyɛm, nye adwaabe bʉr é lɔb mompom mɔɔ.
12Baa motie mo Moyiz, mé a baakamle sɔʼɔ ɛ, é jɔʼ bé lé esa mɨsyem ɨ, bé edim é nkɔb bʉr. Ntʉʼ motie mo Moyiz ndɨ esa ó, bé dwèʼ no. OYʉden bɛɛ ó ndɨ baa ndɨ é monkara mo mɛra motie e. ǃBé ósa mɨsyem wa, bé ódweŋɔ mobe lé edu mpʉ motie maa lé elɛɛ ɛ. 13Mʉr, nye aŋa bi mokebe é mih mo Zyɛm ebe mbi nye ndɨ ebaʼle motie mo Zyɛm ɨ. Waa lé edu mpʉ motie maa lé elɛɛ ɛ, nye ome ó ngo bi mokebe é mih mo Zyɛm. 14Paʼ bʉr o ndɨ abe oYʉden, baa ndɨ agʉa motie mo Moyiz ɨ, ǃbé si sa yɛɛ mpʉ motie maa lé elɛɛ nɛʼɛ, yé óbe be ó, mpʉ sa lɛɛ ó, bé e motie maa mɨtila é mɨleme myɔɔ tʉŋlʉ, dam be ó, bé abe e me. 15É jɔʼ bé lé esa no e, bé ekʉ lɛʼle ó, sa motie lé etɨe e, yé ó tila é mɨleme myɔɔ. Mɨpɛhla mɨleme myɔɔ, myé eboʼlo nteme no. Myé enwahle é biʼ bɨjɔʼ ó, bé a si jeʼe esa. É byʉʉ bɨjɔʼ, myé elɛʼle be ó, bé a be ó si gʉa esa. 16Sa me lé elwib lɔb we wâʼ ɛ, yé ónyin é pono é dobo le etiʼ e mɨlɔb. Mɨlɔb myé ótiʼ ó, é zi mo Yesʉs-Krɨst. Bɨsa ndɨ bʉr baa é mɨmo si ɨ, nye óka lɛʼle bibyɛh é kpɛŋlɛm. Mbɨambɨa Lɔɔ me lé elɛɛ ɛ, wé ó no.
Bʉr bɨbɛh, bé e mobe é mih mo Zyɛm
17Gwɔɔ, mʉr lé ejebɔ ó, Yʉden ɨ, go nyá ɛ? Go ejyɛʼ taa buʼo yo é mbi go lé edu motie e. Go ekʉ doʼo njɨ e Zyɛm. 18Go elɛɛ-lɛɛ ó, mpʉ motie maa, mɨ bul tɨe go e, no ó go mu ó lé ekʉ gʉa sa Zyɛm lé egwɨm ó, go saʼ ɛ. Yé edib go zi ebɛʼ bɨsɔʼɔ, le epɛh yaa ndɨ é mbɨa ɛ. 19Gɨ kʉ bee ó, gwɔɔ ó jala le elɛʼle ontim zi! Nkʉ ó, gwɔɔ ó lé ejala le ekʉn bʉr o ndɨ é l'edurʉ ɨ, zi. 20Go elɛɛ nteme ó, go ó lé ejala le eturo mɨmiʼ mɨlʉ, le eyeʼle bwɔɔncyom. Go elɛɛ ó, ngwɨa motie waa, wi dwe go ocyoo ndwe e l'ocyecye wiwɛh. 21Gwɔɔ yɛɛ lé ekʉ yeʼle bʉʉ bʉr, ebe yé go ndɨ ayeʼle go mʉr tɨʼ ɨ? Go etuno é bɨjɔʼ bibyɛh ó, bʉr gwaʼa díbe. A gwɔɔ, ebe yé go lé edíbe e? 22Go elɛɛ-lɛɛ ó: «Asa mɨfyɛba.» A, ebe yé gwɔɔ lé esa mye e? Gwɔɔ mʉr lé ekʉ bene bɨbaŋabaŋa bɨdweʼle ndɨ mɨkpɛʼa ɛ, ebe yé go lé eni-ni é mpah bé ndɨ edwiibɨ bɨbaŋabaŋa bɨdweʼle e, le edíbe mɨndwɛa bʉr lé edwe bye e, de e? 23Gwɔɔ mʉr lé ebul doʼo e motie go a tiilɔ ɛ, ebe yé go lé eka ntaa motie monɨ ɨ? Gwɔɔ ó lé ebul gba Zyɛm fwon é nyʉl! 24Yé ó mpʉ yé ndɨ tila é Kalara Zyɛm ɨ. Yé ó tila ó: «Bʉr o ndɨ abe oYʉden ɨ, bé epyeh die mo Zyɛm ó, ebe bɨn.»
25Sɛa mpʉn, wé e nyɔm ó njɨ é l'efu e mʉr ndɨ edu motie e. ǃƗ mʉr si ntaa motie maa nɛʼɛ, sɛa mpʉn we, wé l'aka be nye e nyɔm. Nye mʉr tɨ, nyi lihba mʉr a baapa saŋɔ mpʉn ɨ. 26ǃƗ mʉr a baapa saŋɔ mpʉn ɨ, si du motie nɛʼɛ, Zyɛm óbee nye ó, mpʉ sa lɛɛ ó, nye ó sɛa mpʉn. 27Mʉr bɨkul l'apa saŋɔ mpʉn é nko paʼ nyʉl ɨ, ǃnye si du yɛɛ motie nɛʼɛ, nye ódwe go mobe, gwɔɔ Yʉden. Go a si ntɨhɔ okalara o motie. Go nteme si saŋɔ mpʉn. Pie tɨ, go ze ntaa motie maa! 28Mpaŋ Yʉden, nye abe waa lé enyin njɨ kʉl ó, nye ó mbyɛla Yʉden ɨ. Mpaŋ sɛa mpʉn, wé abe waa saŋɔ é nyʉl, lé ebeɔ kʉl ɨ. 29Yʉden, nye ó mpaŋ Yʉden é jɔʼ nye ndɨ no, duho é mo si ɨ. Mpaŋ sɛa mpʉn, wé ó waa Mbɨambɨa Sisim lé esa é leme mʉr tʉŋlʉ ɨ. Wé asaŋɔ é lɔb ebaʼle motie mo Moyiz. Mʉr ndɨ e mbi sɛa mpʉn waa ɛ, ntʉʼ bʉr, bé ógumlo nye. Kum we óduho ó boo Zyɛm.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.