Markus 6
6
Bʉr o Nazarɛt, bé ebene Yesʉs
(Mataos 13.53-58; Lʉkas 4.16-30)
1No ó Yesʉs a duho é gumo nye a be e, ze to nye ye, ompʉn be lé edu nye. 2É jɔʼ moho saba, wé a pyal ɨ, nye ntɔʼ taare lé eyeʼle bʉr é mpah mɨnjwɨʼla. Bʉr é buobuo bé a joʼo sa nye a lɛɛ ɛ, bé a be ó si jehe, le edîila ó: «Wiʼ mbi bɨsɔʼɔ, wé eduho nye nko? Nye a duho e wiʼ ocyoo ndwe e mosima monɨnɨ nye lé esa maʼ nko? 3Ntʉʼ nye be-be kabina ɛ? Ntʉʼ mwan mo Maaria nwaʼ ɛ? Ntʉʼ nye ndɨ mɨɔ mo Jacques bé e Yose, ndwe e Yʉd, ka kɛl Simɔn ɨ? Ntʉʼ bɨna ga e l'okɛl be lé etiʼe wâʼ ɛ?» Syɛɛla yaa ze kol be ebɔʼ bé a bɨm é mɨleme e. 4No ó Yesʉs a ze lɛɛ e be ó: «Ngwiha mɨlɔb, nye egumo é bɨfum bibyɛh, pɛʼ njɨ é lal we, teme mɨmbyɛl mye, le é mbɛr bʉr we tʉŋlʉ.» 5Yesʉs a baasa mosima gumo yaa. Nye a kʉ ka kɛl myʉʉ mɨsyoblʉ ó njɨ mobo é nyʉl, le etiʼ mye. 6Mpʉ nye a bee mpʉ bé a baajyɛʼ taa buʼo yɔɔ boo nye e, nye ntɔʼ jehe be nʉm mbeʼ.
No ó, pie tɨ, nye ze to le edwe bʉr sikʉlʉ é mokwar mo lal waa mɨmɛh.
Yesʉs lé ecen ompʉn be zi dolo
(Mataos 9.3; 11.1; Lʉkas 9.16)
7No ó nye a ze jebe Esama le ompʉn ewʉm e l'oba, ntɔʼ lomo be oba oba, nye osi dwe be nkul ó, bé dwihɨ bʉr bɨbɨbla mɨsisim. 8Nye a cyel be mpene ó: «Bɨn to é cyen yiʼ ó, njɨ e fumo é mbo. Ato ga e bler, nkʉ myah, abe e mɔn é mpɨʼ. 9Bwara ga osilpah é mokʉ. Ato ga e bɨdur bɨba.» 10Nye ó: «É jɔʼ yiyɛh bɨn bé óniŋlɔ ɨ modwii mo nuu mʉr ɨ, diʼe ga tɨ, to pyal é jɔʼ bɨn bé ómʉa, laa nyiha kwar ɨ. 11ǃƗ bʉr o yʉʉ gumo, bé si bene lé ebaʼle bɨn nkʉ joʼo bɨn nɛʼɛ, bɨn bé à tɨ koho dih é jɔʼ bɨn lé eto e cyen yin dolo e. Syɛɛla yaa, yé ónwahle be, lɛʼle be ó, bé mu ó e mobyaʼ.»
12No ó ompʉn be, bé a ze to, to le etuno, le elɛɛ bʉr ó, bé gwɨma mobebe mɔɔ le edwir mɨleme. 13No ó bé a ze dwih buobuo bʉr moleme, le elœm mɨsyoblʉ mulo, le etiʼ mye.
Efie mo Yʉanes Ndubʉr
(Mataos 14.1; Lʉkas 9.7)
14No ó njwɨɨbʉr Erod Antɨpas a ze joʼo lɔɔ mo Yesʉs, ebe, kum we a be ó si bul jʉŋla. Baʼ bʉr, bé a dɨ lɛɛ ó: «Yʉanes Ndubʉr, nyi pàh é foo! Ebe no ó nye mu lé esa mosima monɨ ɨ.» 15Bʉʉ, bé ó: «Yé ó Élie#6.15 Bé a jwɨʼ ó, Yesʉs a be Élie ó, ebe, ngwiha mɨlɔb waa a be ó, adwè é si nwa. Nye a ni é l'eveh mo Zyɛm ó, kublakubla é l'esima. 2 Mɨnjwɨɨbʉr 2.11.» Bʉʉ nteme, bé ó: «Yé ó nuu ngwiha mɨlɔb fih a be molu pihe e.» 16É jɔʼ Erod a joʼo lɔɔ waa ɛ, nye ó: «Yʉanes ó nɨ, mʉr me a kʉ tiʼe lʉ ɨ. Nyi pàh!»
17Tina, yé ó, Erod nye mʉr tɨʼ ó b'a lomo bʉr ó, bé toʼ, to naʼ Yʉanes mobo é nyʉl, kaʼɔ nye, gbaŋɔ nye é mbʉʼ. Erod a sa no ó, ebe lɔb mo Erodiad, myaa ncyom we Filip. Erod ze ba nteme nye. 18No ó Yʉanes a lɛɛ le Erod ó: «Yé mpene ó, mʉr atiʼe e myaa ncyom#6.18 Dwɛʼa Motie 18.16, 20.21.!» 19Erodiad ze tie nye. Nye ze taare lé egwɨm jʉ nye. Sa gwar, yé a baabana nye, 20ebe, Erod a be ó lé edwaabe Yʉanes. Nye a be ó lé egʉa, tiibe e Yʉanes ó, nye a be ó cɨcyel, ndwe e saŋ mʉr é mih mo Zyɛm. Ebe no ó nye a kamle-kamle e tiʼ ye e. Jɔʼ nye a joʼo Yʉanes lé elwib ɨ, nye a be ó leme é mo é zaaama. Nye a be-be ó, lé egwɨm joʼlo nye.
21Pie tɨʼ ó Erodiad a ka ze bee mbɨambɨa jɔʼ é dobo Erod a kaʼ zɔɔ ebyɛl le e. Nye a be ó si baŋle osabene be bé e l'ojwɨɨ o bɨzima onɨnɨ, ndwe e mɨnjwɨ̂ʼ mɨ bʉr mɨ lal Galɨle. 22No ó sile mo Erodiad, wé a ze sàa nyʉl é duò zɔɔ, ze taare lé ebwal. Erod bé e bʉr o bé e boo nɔɔ, bé a be lé ede e, ze kpɛlɔ lé ebee zɔɔ nye a dɨ tiʼle e. No ó njwɨɨbʉr, wé a ze lɛɛ e l'esehe laa ó: «Pɛhɛ sa yiyɛh go ógwɨm ɨ. Me ódwe go ya!» 23Nye ze kɛʼ nye, le ede mɨnkɛla ó: «Me ódwe go sa yiyɛh go ópɛh ɛ. Dam be ó yé ó nkɔb ngwar é monkɔb moba é jwɨ̀ʼa yam, me óbana kʉ dwe go ya!» 24No ó esehe laa, lé a pyal kʉl, ntɔʼ to dî nyɔŋ we motɨɨ. Nye e nye ó: «Me paʼ kʉ pɛh wâʼ yé?»
No ó nyɔŋ a ze bɨha ó: «Eʼ, mwan wam, lʉ mo Yʉanes Ndubʉr ʉʉ!»
25Agum ka deʼ, nye ntɔʼ to boo njwɨɨbʉr, to lɛɛ e nye ó: «Da, me ekpɛl ó, go dweʼ me sɔʼɔ ó, njɨ lʉ mo Yʉanes Ndubʉr kɛla é mpyaa é banana.» 26Njoʼa njwɨɨbʉr, wé a joʼo mpɨha we nɛʼɛ, nyʉl kʉ ze cyɛʼ nye. Sa gwar, nye a baakpɛl nime nye wa, é lɔb mɨnkɛla nye a de e, le ojyoo onɨnɨ bé a be é teble e. 27Cye e cye yaa, njwɨɨbʉr, wé ntɔʼ gba twii mojwɨʼa ó, zima yé a tiʼe-tiʼe bʉr mɨlʉ ɨ, yé toʼ, to tiʼe Yʉanes lʉ, yé òbula, ze nye e wa. Zima yaa, yé ntɔʼ to é mbɛr mɨmbʉʼ, to tiʼe Yʉanes lʉ. 28Yé ze bula e lʉ we é mpyaa, dwe esehe wa, lɛɛ ntɔʼ ka to e we, to timle nyɔŋ. 29É jɔʼ ompʉn mo Yʉanes, bé a joʼo lɔɔ efie waa ɛ, bé ntɔʼ to nkɛɛ muu we, to dɨlɔ é foo.
Yesʉs lé edwe bʉr otɔɔyin otɛn mode
(Mataos 14.13; Lʉkas 9.10; Yʉanes 6.1)
30Mɨlʉmlʉ, myé ntɔʼ syɛŋa boo Yesʉs, ntɔʼ taŋle nye sa yiyɛh mʉr nyiwɛh a sa ɛ, ndwe e sikʉlʉ nye a dwe bʉr ɨ. 31Nye ntɔʼ lɛɛ e be ó: «Ntaʼ ga é l'empàh. Bɨna toʼ, to gbala ga titia é lʉn, fum bɨna bé ódi ga bɨna ga ome e.» (Nye a lwib no ó, ebe, bʉr é buobuo, bé a be ó, baʼ lé efiʼ, bʉʉ lé epyal, abirɔ be jɔʼ ndɨ ó, bé buula ba leme e.)
32No ó bé a ze kable é byɛl, toŋɔ é lʉn. 33No ó bʉr é buobuo, bé a si bee be lé eto, ze dweʼɔ be, ze tɨbla é bɨnkana bibyɛh e mɨkam é mpululu, ntɔʼ taare to pyalɔ gumo Yesʉs bé e l'ompʉn be, bé a be lé eto e.
34É jɔʼ Yesʉs a fulo é byɛl, ze bee mpampaʼ bʉr nɨnɨ yaa ɛ, leme we kʉ ze jwɨʼ be nkoo, ebe, bé a be ó mpʉ bɨntœme ndɨ abe e kobla ɛ. No ó nye a taare lé eyeʼle be mɨlɔb é buobuo.
35É jɔʼ dobo lé a be, lé mu lé elɨŋa ɛ, ompʉn be ntɔʼ dihle fum nye a be e, ze lɛɛ e nye ó: «Bɨna ga bé wâʼ ó, é lʉn. Edurʉ, lé mu ó lé emara bɨna ga. 36Buula bʉr ba, bé fiʼɨ, to é mompɔ́ɔ́ ndwe e mokwar ndɨ kaʼ e l'ebò e bɨna ga ɛ. Yʉʉ jɔʼ, bé óbee sa ede bé óbɛm bwam ɨ.» 37No ó Yesʉs a lɛɛ be ó: «Bɨn bʉr o tɨ, dweʼ ga be mode.» Bé ntɔʼ dî e nye ó: «Gwɔɔ lɛɛ ó, bɨh dweʼ be mode. Zê go agʉa ó, mode mé ójala e bim bʉr yiʼ ɨ, mé etwe mɨsaŋ mɨ odenie mɨnter mɨmba ɛ?» 38Nye ó: «Bɨn bé e bɨbler bɨntɨɛ? Toʼ, to dwɛʼ ga.» Jɔʼ bé a sil láa bye e, bé ze lɛɛ e nye ó: «Bɨh bé e bɨbler bɨtɛn, e l'ofu oba.»
39No ó Yesʉs a ze lɛɛ e be ó, bé jaʼ si é bwaʼbwaʼ jahla, montumo montumo. Jahla yaa, yé a be ó e bwa bɨka ajaa kʉ é lyoʼ-lyoʼ. 40Bé ze sa no. Bʉr, bé a di si ó, montumo montumo. Maʼ montumo, bʉr nter; mʉʉ, bʉr mowʉm motɛn. 41No ó Yesʉs a nʉa bɨbler bɨtɛn e l'ofu oba baa, ze bɨn mih kʉ, ze dwe Zyɛm ekiba, ntɔʼ pɛ̂ʼ bɨbler byaa bɨpeh, bɨpeh, timle ompʉn, ó bé kaba bʉr bya. Nye ze kab bʉr bɨbɛh ofu oba baa. 42Bʉr bɨbɛh ze de é de de, díle. 43Bɨpeh bɨbler le bɨpeh bɨ ofu byé a kur si ɨ, bé a be ó si syɛŋ bye, loŋlo bɨkar ewʉm e bɨba. 44Bʉrʉm otɔɔyin otɛn o b'a de mode maa.
Yesʉs lé ekœʼ é modibe kʉ
(Mataos 14.22; Yʉanes 6.16)
45Agum bɛa nɛʼɛ, Yesʉs ze tine ompʉn be ó, bé kabla é byɛl, bé à samle, to é l'ebʉm e maŋ e nkɔm-nkɛɛ, nko Betsɛda. É jɔʼ yaa, nyɛɛ óliʼ lé ebuulo ntuntuma bʉr. 46É jɔʼ nye a be si buulo be e, nye ntɔʼ ze bere é l'ecwɨʼ kʉ, lé eto jwɨʼla e Zyɛm. 47É jɔʼ dobo, lé a be, lé mu si lɨŋa ɛ, Yesʉs a be ó, nye dina é l'ebʉm nye ome, byɛl, wé a be ó, wé mu teme maŋ. 48ǃNye bee nɛʼɛ, ompʉn be lé ekʉ jaʼra e ntuʼo, ebe, pubo, wé a duho ó, nko bé a be lé ejɨ to e. Ngbaa le eka be, yé mu lé eto saa molama mo mɛn nɛʼɛ, nyi ze du be, lé eto le ekœʼ é modibe kʉ! Nye ze sa mpʉ sa lɛɛ ó, nye laa ó be. 49Mpʉ bé a bee mʉr lé ekœʼ é modibe kʉ ɨ, bé a jwɨʼ ó, yé ó ndim. Bʉŋɔ bɨtim le onkœme. 50ebe, bɨbɛh, bé a be ó si bee nye. Mopɨʼ ze dim be é mɨlʉ. Cye e cye yaa, Yesʉs, nye e be ó: «Tʉmɨ ga monyʉl. Yé ó me! Ajoʼo ga bʉa.»
51Nye ze to kable é byɛl nko bé a be e, pubo ntɔʼ sie. Ompʉn be ze laŋle jehe sa yaa é buobuo, 52ebe, bé a baagʉa joʼo sa esima le ebul bɨbler, lé a pa kʉ kpɛl lɛɛ ɛ, ebe, mɨleme myɔɔ, myé a be ó é lele lé ebuʼla.
Yesʉs lé etiʼ mɨsyoblʉ é Genezarɛt
(Mataos 14.34)
53Bé ntɔʼ ntaa maŋ, to pyal é l'ebʉm e Genezarɛt. Bé ze syel byɛl wɔɔ é l'ebʉm. 54Jɨh tɨʼ bé a kʉ fulo é byɛl, bʉr ntɔʼ ze dweʼɔ Yesʉs, 55ntɔʼ tɨŋɔ mɨkam, toŋɔ é lal e lal wɛh, lé eto le enkɛɔ mɨsyoblʉ myɔɔ mimyɛh é mɨtɔɔ, to le etoŋɔ e mye gumo yiyɛh bé a jʉʼra nye e. 56É gumo yiyɛh Yesʉs a to-to e, é mokwar, le bɨnkana ndwe e mompɔ́ɔ́, bʉr, bé a be ó lé eze e mɨsyoblʉ myɔɔ, to le ejyɛʼ mye é mobɨm bɨnkana. Bé ze jwɨʼla e nye ó, nye mɛʼla ó, bé kuna e mozeʼle mo kan we. Mʉr nyiwɛh a kuna e me e, a be ó si tiʼe.
Currently Selected:
Markus 6: ozmBad
Highlight
Share
Copy
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.
Markus 6
6
Bʉr o Nazarɛt, bé ebene Yesʉs
(Mataos 13.53-58; Lʉkas 4.16-30)
1No ó Yesʉs a duho é gumo nye a be e, ze to nye ye, ompʉn be lé edu nye. 2É jɔʼ moho saba, wé a pyal ɨ, nye ntɔʼ taare lé eyeʼle bʉr é mpah mɨnjwɨʼla. Bʉr é buobuo bé a joʼo sa nye a lɛɛ ɛ, bé a be ó si jehe, le edîila ó: «Wiʼ mbi bɨsɔʼɔ, wé eduho nye nko? Nye a duho e wiʼ ocyoo ndwe e mosima monɨnɨ nye lé esa maʼ nko? 3Ntʉʼ nye be-be kabina ɛ? Ntʉʼ mwan mo Maaria nwaʼ ɛ? Ntʉʼ nye ndɨ mɨɔ mo Jacques bé e Yose, ndwe e Yʉd, ka kɛl Simɔn ɨ? Ntʉʼ bɨna ga e l'okɛl be lé etiʼe wâʼ ɛ?» Syɛɛla yaa ze kol be ebɔʼ bé a bɨm é mɨleme e. 4No ó Yesʉs a ze lɛɛ e be ó: «Ngwiha mɨlɔb, nye egumo é bɨfum bibyɛh, pɛʼ njɨ é lal we, teme mɨmbyɛl mye, le é mbɛr bʉr we tʉŋlʉ.» 5Yesʉs a baasa mosima gumo yaa. Nye a kʉ ka kɛl myʉʉ mɨsyoblʉ ó njɨ mobo é nyʉl, le etiʼ mye. 6Mpʉ nye a bee mpʉ bé a baajyɛʼ taa buʼo yɔɔ boo nye e, nye ntɔʼ jehe be nʉm mbeʼ.
No ó, pie tɨ, nye ze to le edwe bʉr sikʉlʉ é mokwar mo lal waa mɨmɛh.
Yesʉs lé ecen ompʉn be zi dolo
(Mataos 9.3; 11.1; Lʉkas 9.16)
7No ó nye a ze jebe Esama le ompʉn ewʉm e l'oba, ntɔʼ lomo be oba oba, nye osi dwe be nkul ó, bé dwihɨ bʉr bɨbɨbla mɨsisim. 8Nye a cyel be mpene ó: «Bɨn to é cyen yiʼ ó, njɨ e fumo é mbo. Ato ga e bler, nkʉ myah, abe e mɔn é mpɨʼ. 9Bwara ga osilpah é mokʉ. Ato ga e bɨdur bɨba.» 10Nye ó: «É jɔʼ yiyɛh bɨn bé óniŋlɔ ɨ modwii mo nuu mʉr ɨ, diʼe ga tɨ, to pyal é jɔʼ bɨn bé ómʉa, laa nyiha kwar ɨ. 11ǃƗ bʉr o yʉʉ gumo, bé si bene lé ebaʼle bɨn nkʉ joʼo bɨn nɛʼɛ, bɨn bé à tɨ koho dih é jɔʼ bɨn lé eto e cyen yin dolo e. Syɛɛla yaa, yé ónwahle be, lɛʼle be ó, bé mu ó e mobyaʼ.»
12No ó ompʉn be, bé a ze to, to le etuno, le elɛɛ bʉr ó, bé gwɨma mobebe mɔɔ le edwir mɨleme. 13No ó bé a ze dwih buobuo bʉr moleme, le elœm mɨsyoblʉ mulo, le etiʼ mye.
Efie mo Yʉanes Ndubʉr
(Mataos 14.1; Lʉkas 9.7)
14No ó njwɨɨbʉr Erod Antɨpas a ze joʼo lɔɔ mo Yesʉs, ebe, kum we a be ó si bul jʉŋla. Baʼ bʉr, bé a dɨ lɛɛ ó: «Yʉanes Ndubʉr, nyi pàh é foo! Ebe no ó nye mu lé esa mosima monɨ ɨ.» 15Bʉʉ, bé ó: «Yé ó Élie#6.15 Bé a jwɨʼ ó, Yesʉs a be Élie ó, ebe, ngwiha mɨlɔb waa a be ó, adwè é si nwa. Nye a ni é l'eveh mo Zyɛm ó, kublakubla é l'esima. 2 Mɨnjwɨɨbʉr 2.11.» Bʉʉ nteme, bé ó: «Yé ó nuu ngwiha mɨlɔb fih a be molu pihe e.» 16É jɔʼ Erod a joʼo lɔɔ waa ɛ, nye ó: «Yʉanes ó nɨ, mʉr me a kʉ tiʼe lʉ ɨ. Nyi pàh!»
17Tina, yé ó, Erod nye mʉr tɨʼ ó b'a lomo bʉr ó, bé toʼ, to naʼ Yʉanes mobo é nyʉl, kaʼɔ nye, gbaŋɔ nye é mbʉʼ. Erod a sa no ó, ebe lɔb mo Erodiad, myaa ncyom we Filip. Erod ze ba nteme nye. 18No ó Yʉanes a lɛɛ le Erod ó: «Yé mpene ó, mʉr atiʼe e myaa ncyom#6.18 Dwɛʼa Motie 18.16, 20.21.!» 19Erodiad ze tie nye. Nye ze taare lé egwɨm jʉ nye. Sa gwar, yé a baabana nye, 20ebe, Erod a be ó lé edwaabe Yʉanes. Nye a be ó lé egʉa, tiibe e Yʉanes ó, nye a be ó cɨcyel, ndwe e saŋ mʉr é mih mo Zyɛm. Ebe no ó nye a kamle-kamle e tiʼ ye e. Jɔʼ nye a joʼo Yʉanes lé elwib ɨ, nye a be ó leme é mo é zaaama. Nye a be-be ó, lé egwɨm joʼlo nye.
21Pie tɨʼ ó Erodiad a ka ze bee mbɨambɨa jɔʼ é dobo Erod a kaʼ zɔɔ ebyɛl le e. Nye a be ó si baŋle osabene be bé e l'ojwɨɨ o bɨzima onɨnɨ, ndwe e mɨnjwɨ̂ʼ mɨ bʉr mɨ lal Galɨle. 22No ó sile mo Erodiad, wé a ze sàa nyʉl é duò zɔɔ, ze taare lé ebwal. Erod bé e bʉr o bé e boo nɔɔ, bé a be lé ede e, ze kpɛlɔ lé ebee zɔɔ nye a dɨ tiʼle e. No ó njwɨɨbʉr, wé a ze lɛɛ e l'esehe laa ó: «Pɛhɛ sa yiyɛh go ógwɨm ɨ. Me ódwe go ya!» 23Nye ze kɛʼ nye, le ede mɨnkɛla ó: «Me ódwe go sa yiyɛh go ópɛh ɛ. Dam be ó yé ó nkɔb ngwar é monkɔb moba é jwɨ̀ʼa yam, me óbana kʉ dwe go ya!» 24No ó esehe laa, lé a pyal kʉl, ntɔʼ to dî nyɔŋ we motɨɨ. Nye e nye ó: «Me paʼ kʉ pɛh wâʼ yé?»
No ó nyɔŋ a ze bɨha ó: «Eʼ, mwan wam, lʉ mo Yʉanes Ndubʉr ʉʉ!»
25Agum ka deʼ, nye ntɔʼ to boo njwɨɨbʉr, to lɛɛ e nye ó: «Da, me ekpɛl ó, go dweʼ me sɔʼɔ ó, njɨ lʉ mo Yʉanes Ndubʉr kɛla é mpyaa é banana.» 26Njoʼa njwɨɨbʉr, wé a joʼo mpɨha we nɛʼɛ, nyʉl kʉ ze cyɛʼ nye. Sa gwar, nye a baakpɛl nime nye wa, é lɔb mɨnkɛla nye a de e, le ojyoo onɨnɨ bé a be é teble e. 27Cye e cye yaa, njwɨɨbʉr, wé ntɔʼ gba twii mojwɨʼa ó, zima yé a tiʼe-tiʼe bʉr mɨlʉ ɨ, yé toʼ, to tiʼe Yʉanes lʉ, yé òbula, ze nye e wa. Zima yaa, yé ntɔʼ to é mbɛr mɨmbʉʼ, to tiʼe Yʉanes lʉ. 28Yé ze bula e lʉ we é mpyaa, dwe esehe wa, lɛɛ ntɔʼ ka to e we, to timle nyɔŋ. 29É jɔʼ ompʉn mo Yʉanes, bé a joʼo lɔɔ efie waa ɛ, bé ntɔʼ to nkɛɛ muu we, to dɨlɔ é foo.
Yesʉs lé edwe bʉr otɔɔyin otɛn mode
(Mataos 14.13; Lʉkas 9.10; Yʉanes 6.1)
30Mɨlʉmlʉ, myé ntɔʼ syɛŋa boo Yesʉs, ntɔʼ taŋle nye sa yiyɛh mʉr nyiwɛh a sa ɛ, ndwe e sikʉlʉ nye a dwe bʉr ɨ. 31Nye ntɔʼ lɛɛ e be ó: «Ntaʼ ga é l'empàh. Bɨna toʼ, to gbala ga titia é lʉn, fum bɨna bé ódi ga bɨna ga ome e.» (Nye a lwib no ó, ebe, bʉr é buobuo, bé a be ó, baʼ lé efiʼ, bʉʉ lé epyal, abirɔ be jɔʼ ndɨ ó, bé buula ba leme e.)
32No ó bé a ze kable é byɛl, toŋɔ é lʉn. 33No ó bʉr é buobuo, bé a si bee be lé eto, ze dweʼɔ be, ze tɨbla é bɨnkana bibyɛh e mɨkam é mpululu, ntɔʼ taare to pyalɔ gumo Yesʉs bé e l'ompʉn be, bé a be lé eto e.
34É jɔʼ Yesʉs a fulo é byɛl, ze bee mpampaʼ bʉr nɨnɨ yaa ɛ, leme we kʉ ze jwɨʼ be nkoo, ebe, bé a be ó mpʉ bɨntœme ndɨ abe e kobla ɛ. No ó nye a taare lé eyeʼle be mɨlɔb é buobuo.
35É jɔʼ dobo lé a be, lé mu lé elɨŋa ɛ, ompʉn be ntɔʼ dihle fum nye a be e, ze lɛɛ e nye ó: «Bɨna ga bé wâʼ ó, é lʉn. Edurʉ, lé mu ó lé emara bɨna ga. 36Buula bʉr ba, bé fiʼɨ, to é mompɔ́ɔ́ ndwe e mokwar ndɨ kaʼ e l'ebò e bɨna ga ɛ. Yʉʉ jɔʼ, bé óbee sa ede bé óbɛm bwam ɨ.» 37No ó Yesʉs a lɛɛ be ó: «Bɨn bʉr o tɨ, dweʼ ga be mode.» Bé ntɔʼ dî e nye ó: «Gwɔɔ lɛɛ ó, bɨh dweʼ be mode. Zê go agʉa ó, mode mé ójala e bim bʉr yiʼ ɨ, mé etwe mɨsaŋ mɨ odenie mɨnter mɨmba ɛ?» 38Nye ó: «Bɨn bé e bɨbler bɨntɨɛ? Toʼ, to dwɛʼ ga.» Jɔʼ bé a sil láa bye e, bé ze lɛɛ e nye ó: «Bɨh bé e bɨbler bɨtɛn, e l'ofu oba.»
39No ó Yesʉs a ze lɛɛ e be ó, bé jaʼ si é bwaʼbwaʼ jahla, montumo montumo. Jahla yaa, yé a be ó e bwa bɨka ajaa kʉ é lyoʼ-lyoʼ. 40Bé ze sa no. Bʉr, bé a di si ó, montumo montumo. Maʼ montumo, bʉr nter; mʉʉ, bʉr mowʉm motɛn. 41No ó Yesʉs a nʉa bɨbler bɨtɛn e l'ofu oba baa, ze bɨn mih kʉ, ze dwe Zyɛm ekiba, ntɔʼ pɛ̂ʼ bɨbler byaa bɨpeh, bɨpeh, timle ompʉn, ó bé kaba bʉr bya. Nye ze kab bʉr bɨbɛh ofu oba baa. 42Bʉr bɨbɛh ze de é de de, díle. 43Bɨpeh bɨbler le bɨpeh bɨ ofu byé a kur si ɨ, bé a be ó si syɛŋ bye, loŋlo bɨkar ewʉm e bɨba. 44Bʉrʉm otɔɔyin otɛn o b'a de mode maa.
Yesʉs lé ekœʼ é modibe kʉ
(Mataos 14.22; Yʉanes 6.16)
45Agum bɛa nɛʼɛ, Yesʉs ze tine ompʉn be ó, bé kabla é byɛl, bé à samle, to é l'ebʉm e maŋ e nkɔm-nkɛɛ, nko Betsɛda. É jɔʼ yaa, nyɛɛ óliʼ lé ebuulo ntuntuma bʉr. 46É jɔʼ nye a be si buulo be e, nye ntɔʼ ze bere é l'ecwɨʼ kʉ, lé eto jwɨʼla e Zyɛm. 47É jɔʼ dobo, lé a be, lé mu si lɨŋa ɛ, Yesʉs a be ó, nye dina é l'ebʉm nye ome, byɛl, wé a be ó, wé mu teme maŋ. 48ǃNye bee nɛʼɛ, ompʉn be lé ekʉ jaʼra e ntuʼo, ebe, pubo, wé a duho ó, nko bé a be lé ejɨ to e. Ngbaa le eka be, yé mu lé eto saa molama mo mɛn nɛʼɛ, nyi ze du be, lé eto le ekœʼ é modibe kʉ! Nye ze sa mpʉ sa lɛɛ ó, nye laa ó be. 49Mpʉ bé a bee mʉr lé ekœʼ é modibe kʉ ɨ, bé a jwɨʼ ó, yé ó ndim. Bʉŋɔ bɨtim le onkœme. 50ebe, bɨbɛh, bé a be ó si bee nye. Mopɨʼ ze dim be é mɨlʉ. Cye e cye yaa, Yesʉs, nye e be ó: «Tʉmɨ ga monyʉl. Yé ó me! Ajoʼo ga bʉa.»
51Nye ze to kable é byɛl nko bé a be e, pubo ntɔʼ sie. Ompʉn be ze laŋle jehe sa yaa é buobuo, 52ebe, bé a baagʉa joʼo sa esima le ebul bɨbler, lé a pa kʉ kpɛl lɛɛ ɛ, ebe, mɨleme myɔɔ, myé a be ó é lele lé ebuʼla.
Yesʉs lé etiʼ mɨsyoblʉ é Genezarɛt
(Mataos 14.34)
53Bé ntɔʼ ntaa maŋ, to pyal é l'ebʉm e Genezarɛt. Bé ze syel byɛl wɔɔ é l'ebʉm. 54Jɨh tɨʼ bé a kʉ fulo é byɛl, bʉr ntɔʼ ze dweʼɔ Yesʉs, 55ntɔʼ tɨŋɔ mɨkam, toŋɔ é lal e lal wɛh, lé eto le enkɛɔ mɨsyoblʉ myɔɔ mimyɛh é mɨtɔɔ, to le etoŋɔ e mye gumo yiyɛh bé a jʉʼra nye e. 56É gumo yiyɛh Yesʉs a to-to e, é mokwar, le bɨnkana ndwe e mompɔ́ɔ́, bʉr, bé a be ó lé eze e mɨsyoblʉ myɔɔ, to le ejyɛʼ mye é mobɨm bɨnkana. Bé ze jwɨʼla e nye ó, nye mɛʼla ó, bé kuna e mozeʼle mo kan we. Mʉr nyiwɛh a kuna e me e, a be ó si tiʼe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.