Mɨlʉmlʉ 27
27
Pol lé ecenɔ Rom
1É jɔʼ Fɛstwis a lɛɛ ó, bɨh e Pol tɨʼe cyen é titima lé eto Italia ɛ, bé a si cen Pol bé e myʉʉ mɨmbʉʼ mɨfih, e nuu njwɨɨ nter bɨzima, die le Yʉlios. Ntoo bɨzima bɨ Rom ye, yé a jebɔ ó, Ntoo bɨzima mo Kɛɛza. 2No ó bɨh bé a kable é titima yé a duho nkana Adramit ɨ. Yé ó b'a jala le eto é mobʉm mo lal Azia ɛ. Bɨh ze tɨŋɔ cyen, toŋɔ. Aristarkus, mʉr Masedwan, é lal Tesalonika, a be ó lé eliʼle bɨh. 3É mɛn tɨ, bɨh bé a be ó si to pyal Sidɔn. No ó, Yʉlios a be ó si nʉa Pol mbɨmbɨa. Nye e nye ó, nye toʼ boo ofo be, to bee be, diŋa ó, bé ódwe nye mɨngula. 4Bɨh ze bâʼle kable é titima tɨ, tɨŋɔ cyen, toŋɔ, lé ecwɨɨ teme maŋ. Pubo kʉ ze kamle bɨh lé enʉa ntɨn. Ebe no ó bɨh bé a ka cwɨɨ é nko paʼ dine Siprʉs, wé a pemle e bɨh e nkuo e. 5Jɔʼ bɨh bé a sil ntaa maŋ ndɨ kunokuno e lal Silisia, ndwe e waa Pamfilia ɛ, bɨh ze pyal é Mira, ndɨ é lal Lisia ɛ. 6Gʉʼ ó njwɨɨ nter bɨzima a bee yʉʉ titima yé a duho Alɛksandri, yaa yé a be lé eto Italia ɛ. Nye ze kɛl bɨh tɨ.
7Bɨh ze kœʼ cyen é titima cɨcyoʼ, cɨcyoʼ. Bɨh bé a si lɛŋ molu njɨ lé ekœʼ no. É bwaʼbwaʼ tuu ó bɨh bé a to pyal kunokuno e nkana Kanidus. É mpʉ pubo, wé a be lé esa ó, bɨh l'ayi to ká ká é zi waa ɛ, bɨh bé a ka to pyal é dine ndɨ ejebɔ ó, Krɛt ɨ. Bɨh bé a laa dine laa ó, é nko paʼ dine nko tie, lé ebee dine Salmone é nko paʼ mbo ejʉm. 8Bɨh bé a si to dolo e buobuo mɨtuu é nkpah pɨn dine laa. Bɨh ze pyal é lʉʉ ebʉm, die e tɨ: «Mbɨambɨa ebʉm». Lé a be ó kunokuno e nkana Lase. 9Bɨh bé a si dimle buobuo jɔʼ. Yé a si sa bɨh bʉa é jɔʼ yaa lé eto dolo lé ekœʼ cyen é titima, ebe, Moho-eti-mode#27.9 Moho-eti-mode, wé ó lʉʉ die bʉr bé a gʉa é l'efu le ejebe moho njwɨɨ opara ndɨ emyɛʼ motié é Wolo sàa ɛ. Ndwɛa waa, wé ó mɨtila ɨ Mɨtiila 16.1-34 ndwe e 23.26-32. Mɨndwɛa myaa, myé esa ó, Zyɛm cyelɨ empime le ndwe le epɛʼ bʉr bɨbaa bɨ ebebe nye a niʼe be e. Wé a be ó, ebʉʼ e bɨsʉhʉ bé a jeme é mosie mo ompie. Bé a lɛɛ-lɛɛ ó, yé ó jɔʼ bʉr lé ejala le ecyel bɨcyen é maŋ é lɔb onkuo e., wé a be ó si bɛa laa. Ebe no ó Pol a dwe be motɨɨ maʼ ɛ.
10Nye ó: «Obɨɔ bam aa! Me ebee ó, é mpʉ bɨna lé ekœʼ ga cyen é titima no e, bɨna mu ó é nkpah ebebe, ebe, titima, ndwe e sa yiyɛh ndɨ tɨʼ tʉŋlʉ ɨ, byé ódim! Ndwe nteme, bɨna bé óbɛm dimle ga bɨtiʼ ga bina, bɨna bʉr o tɨ.» 11Sa gwar, njwɨɨ nter bɨzima a baajoʼo motɨɨ mo Pol. Nye a bula joʼo ó, motɨɨ mo ndul titima, bé e l'akum titima. Nye a tɨe njwɨɨ nter bɨzima ó, bé toʼ dolo lé ekœʼ cyen é titima. 12Mpʉ ebʉm laa, lé a baajʉʼa e bɨtitima é jɔʼ ejyoo e, no ó bʉr é buobuo, bé a jɛna zi é titima ɛ, bé a nʉa tiʼa ó, bé toʼ dolo lé ekœʼ cyen é titima. Bé a bee ó, ǃyé óbana nɛʼɛ, bé ejala le epyal ɨ Fenika. Yé ó ndɨ e l'ebʉm bʉr lé egwɨm to lɛŋ-lɛŋ jɔʼ ejyoo e. Lé a be ó é dine Krɛt. Lé a dwɛʼ ó, tie nko dobo lé eja ɛ, le edwɛʼ nteme tin nko dobo lé eja ɛ.
Bwaʼbwaʼ nkuo é maŋ
13É jɔʼ ma pubo a taare publo, lé eduho nko tie e, bé a taare jwɨʼ ó, bé óbɛm koʼo lé eloŋlo bɨgwɨma byɔɔ. Bé ntɔʼ pɛʼ nkwab nkoho yé a mɛr-mɛr titima é sʉm maŋ ɨ, ze to le ekpahɔ pɨn dine Krɛt. 14Sa gwar, agum bɛa nɛʼɛ, nkuo ze kʉ kuulo e nkul, duho é dine. Bé a jebe-jebe nkuo waa ó, Nkuo lé eduho paʼ nko tin nko dobo lé emʉa ɛ. 15É jɔʼ nkuo waa a ŋmɛha é titima yih ɨ, yé a be ó é kɔbla lé emɛr ye ó, nkuo ayi loʼlo ye. Bɨh bé a fuo ka bir ó, nkuo toʼ e bɨh nko nye a be lé eto-to e. 16É jɔʼ bɨh bé a pyal é nuu ma dine maŋ, die Kawʉda ɛ, titima, yé ze laa dine é paʼ nko tie. Bɨh bé a si bi buobuo tuu lé etiile ma byɛl é titima. 17Bé ntɔʼ pɛʼ byɛl waa é modibe, bɨr we é titima tʉŋlʉ. Bé ze cen okulu é kubo titima, ndwe le ekaʼ modumo mɔɔ ó, bé mɛrɨ ye, yé l'aka bʉl. É mpʉ bé a kpɛɛ ó, bé amu to mɛʼa é mɨmbeʼe mosɨa ndɨ é pɨn Sirti ɨ, no ó bé a fil kan titima si ɨ. Nkuo ze to e titima é nko paʼ nye a kpɛl to e. 18É mɛn tɨ, nkuo ze bul ncyeŋ bɨh e nkul, é mbi ndɨ ó, bé ze taare lé eguho mɨmbeʼ modile é modibe. 19É l'elu lé a bɔma ɛ, nkuo, nye osi taare nɛʼɛ, oduʼ o titima, bé ntɔʼ guho byʉʉ bɨsa bɨ titima é modibe e mobo mɔɔ. 20É molu é buobuo, bɨh bé a baabe e nkul eka bee nkʉ dobo, nkʉ atwitwɛn. Nkuo a kuulo ó, é bɛabɛa, ndwe nteme nkul e nkul. Bɨh bé a baaka be e mbɛla ɨ mɨleme ó, bɨh bé ótiʼe.
21Baa b'a be é titima ɛ, bé a si di é bɛabɛa, ade. No ó, Pol a ze cyɛb cɨcyel é mih mɔɔ. Nye ó: «Bɨn bʉr o titima yiʼ ee! Toŋla ga mpʉ me a ngbaa kamle bɨn lé ekable é titima ɨ Krɛt ɨ. Nkʉ bɨn bé a be ó be, du motɨɨ mam nɛʼɛ, mpa bɨn bé a be ó, si syɛhle mɨtuu e mɨndɛl, aka dimle bɨsɔʼɔ é buobuo. 22No ó, banana, me etɨe bɨn ó nɛɛ: bɨna bɨnɨ ga monyʉl, ebe, abe e mʉr ngwar ódim é cyen bɨna ndɨ ekœʼ ga é titima yi. Titima, yé ome ó ngo dɨ, 23ebe, muh e pum wi, nuu engles si ze gumo me be e. Nye duho ó, boo Zyɛm, waa me lé egumo e nye, waa me lé edwiibɨ ɨ. 24No ó, engles waa be ó si pyal, ze lɛɛ e me ó: “Pol, ajoʼo bʉa. Yé ekʉ jala ó, go toʼ, to cyɛb é mih mo Kɛɛza. Nye ó ngo tiʼe go lɔb. Zyɛm ótiʼ bʉr bɨbɛh bɨn e boo nɔɔ ndɨ ekœʼ cyen é titima ɛ. Yé ó ebe ncwɨncwɨa nye lé elɛʼle go e.” 25No ó, jyɛɛ ga yam, tʉmɨ ga monyʉl, ebe, mɨ jyɛʼ taa buʼo yam boo Zyɛm, le ekʉ gʉa ó, sa yaa yiyɛh, yé ósyɛɛlɨ mpʉ nye lɛɛ me e. 26Sa gwar, bɨna bé ekʉ jala le esyel ga titima é pɨn lʉʉ dine maŋ.»
27Ngbàa nkuo a taare lé ekuulo, yé a be ó, yé mu mɨpum ewʉm e mɨnâ. No ó nkuo a loʼlo bɨh, to e bɨh é maŋ bé lé ejebe-jebe ó, Adria ɛ#27.27 Maŋ Mediterane, mé e lʉʉ die ó, Adria.. Kunokuno e teme pum nɛʼɛ, oduʼ o titima, bé ze jwɨʼ ó, bɨh bé mu ó lé ekunbo e nuu si fih. 28No ó bé a guho kol-mɨra lé egwɨm gʉa modime mo maŋ. No ó bé a ze bee ó, maŋ, mé a be ó, mé dina é dime, tɔɔ omɨra mowʉm molɛl e tambɛl. No ó bé a ze lɛŋ ma jɔʼ, bé ntɔʼ bâʼle guho kol-mɨra, ze beɔ ó, yé a be ó, yé mu omɨra mowʉm moba e mwom, lé eto si. 29Bé a kpɛɛ ó, titima yɔɔ, yé amu jaa mɛʼa é mokoʼ. Ebe no ó bé a to é ndʉa é titima, ntɔʼ fil monkwab bɨnkoho bɨnâ é modibe e. Pie tɨ, bé a fuo ka gwɨm njɨ ó, mɛn, wé lama#27.29 Yé e nkul edwirɔ nteme ó: «Bɨh bé a ka jwɨʼla ó, pum waa lɛŋɨ bɨh, bɨh l'adwè.». 30No ó, bʉʉ oduʼ o titima, bé a be ó, lé ejɨ kpɛɛ, liʼɔ titima. Bé ze fil ma byɛl nɨ é modibe, waa lé etiʼ bʉr é jɔʼ titima lé edɨ ɨ. Bé a sa no ó, mpʉ sa lɛɛ ó, bé óguho monkwab bɨnkoho é maŋ é nko paʼ empom e titima dolo. To kœb ó, bé a gwɨm ó, bé kpɛŋɨ. 31No ó, Pol a lɛɛ e njwɨɨ nter bɨzima nɨ ndwe e byʉʉ bɨzima ó: «ǃƗ bʉr ba, bé adi é titima yiʼ tʉŋlʉ nɛʼɛ, kʉ gʉa ó, bɨna bé abe e nkul etiʼe ga!»
32É jɔʼ yaa ó bɨzima, byé a ze tiʼe mɨkol myé a dɨ mɛr byɛl ɨ, ntɔʼ birɔ we ó, wé toʼ.
33É jɔʼ mɛn, wé a be, wé mu lé elama ɛ, Pol ze lɛɛ e bʉr bɨbɛh ó, bé deʼ mode. Nye e be ó: «Mbe ga: yé mu ó molu mowʉm e monâ ngbàa bɨn ndɨ esyɛl ba e bɨn bʉr o tɨ, tiibe e cyen yi. Bɨn bé ade sɔʼɔ. 34No ó, mɛm, me ejwɨʼla e bɨn ó nɛɛ, bɨn deʼ mode, ebe, yé ekʉ jala ó, bɨn tiʼa. Mʉr ngwar é sama yin, nye aŋa dimle dam be ó koho mpuo lʉ we ngwar.»
35Jɔʼ Pol a sil lɛɛ be no e, nye ze nʉa bler, ntɔʼ dwe Zyɛm ekiba, mʉr nyiwɛh lé ebee. Nye ze pɛ̂ʼ ye bɨpeh, ntɔʼ taare lé ede. 36No ó bɨbɛh, bé a ze gbaŋɔ nkul é monyʉl, ze deŋɔ mode. 37Bɨh bé a be é titima tʉŋlʉ ó, bʉr mɨnter mɨmba e mowʉm tambɛl le bʉr tobo (276). 38É jɔʼ bɨh bé a de bim yé a jala e bɨh ɨ, bé ze guho mɨkɔɔlʉ mode é modibe, lé esaa ó, titima, yé dwɛhba.
Titima, yi bʉl
39É jɔʼ mɛn, wé a lama ɛ, bʉr o b'a sea-sea é titima ɛ, bé a baabe lé edweʼe si waa. Bé ze bee mɨmbeʼe mosɨa. Bé ntɔʼ ze jwɨʼ ó, bé óbɛm syel titima tɨ. 40Bé ntɔʼ tiʼɔ okulu bé a mɛr-mɛr titima gumo gwar ɨ, liʼɔ monkwab bɨnkoho tɨʼ é modibe. É jɔʼ yaa nteme ó bé a tii okulu bé a sa-sa ó, titima dwibra ɛ. Bé ntɔʼ bɨn kan é titima nko ndʉa, lé ecen titima nko ebʉm laa. 41A vwaʼ e titima, ebe, mɨmbeʼe mosɨa, myé a be ó é sʉm maŋ é gumo yaa. Tɨʼ nteme ó titima yé a ka bil ɨ. Paʼ empom e titima ze ni é mosɨa si, aka be e nkul epʉʼa. Ndʉa titima epihe, wé ntɔʼ bwiʼ ebe nkul oboʼo.
42Bɨzima, byé a be ó lé ebà jwɨʼ ó, bé jʉʼo mɨmbʉʼ, lé ekpɛɛ ó, myé amu kpɛɛ lé edwaʼ. 43No ó njwɨɨ nter bɨzima a tiʼe é leme we ó, nye kamle ó e tiʼ mo Pol. Nye ze kamle be lé esa mpʉ bɛɛ, bé a jwɨʼ ó, bé sa ó mye e. No ó nye a lɛɛ e be ó, baa bɨbɛh bé a be e nkul edwaʼ ɛ, bé lyaha é modibe efoʼ, toŋɔ tin. 44Nye e bʉʉ bʉr ó, bé duʼa, lé emɛr mobɔm, nkʉ bɨpeh bɨ titima byé a be lé etonbo é modibe e. Ebe no ó bɨbɛh, bé a pʉʼa é modibe, kumo tin, sɔʼɔ l'asa mʉr ɨ.
Currently Selected:
Mɨlʉmlʉ 27: ozmBad
Highlight
Copy
Compare
Share
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.
Mɨlʉmlʉ 27
27
Pol lé ecenɔ Rom
1É jɔʼ Fɛstwis a lɛɛ ó, bɨh e Pol tɨʼe cyen é titima lé eto Italia ɛ, bé a si cen Pol bé e myʉʉ mɨmbʉʼ mɨfih, e nuu njwɨɨ nter bɨzima, die le Yʉlios. Ntoo bɨzima bɨ Rom ye, yé a jebɔ ó, Ntoo bɨzima mo Kɛɛza. 2No ó bɨh bé a kable é titima yé a duho nkana Adramit ɨ. Yé ó b'a jala le eto é mobʉm mo lal Azia ɛ. Bɨh ze tɨŋɔ cyen, toŋɔ. Aristarkus, mʉr Masedwan, é lal Tesalonika, a be ó lé eliʼle bɨh. 3É mɛn tɨ, bɨh bé a be ó si to pyal Sidɔn. No ó, Yʉlios a be ó si nʉa Pol mbɨmbɨa. Nye e nye ó, nye toʼ boo ofo be, to bee be, diŋa ó, bé ódwe nye mɨngula. 4Bɨh ze bâʼle kable é titima tɨ, tɨŋɔ cyen, toŋɔ, lé ecwɨɨ teme maŋ. Pubo kʉ ze kamle bɨh lé enʉa ntɨn. Ebe no ó bɨh bé a ka cwɨɨ é nko paʼ dine Siprʉs, wé a pemle e bɨh e nkuo e. 5Jɔʼ bɨh bé a sil ntaa maŋ ndɨ kunokuno e lal Silisia, ndwe e waa Pamfilia ɛ, bɨh ze pyal é Mira, ndɨ é lal Lisia ɛ. 6Gʉʼ ó njwɨɨ nter bɨzima a bee yʉʉ titima yé a duho Alɛksandri, yaa yé a be lé eto Italia ɛ. Nye ze kɛl bɨh tɨ.
7Bɨh ze kœʼ cyen é titima cɨcyoʼ, cɨcyoʼ. Bɨh bé a si lɛŋ molu njɨ lé ekœʼ no. É bwaʼbwaʼ tuu ó bɨh bé a to pyal kunokuno e nkana Kanidus. É mpʉ pubo, wé a be lé esa ó, bɨh l'ayi to ká ká é zi waa ɛ, bɨh bé a ka to pyal é dine ndɨ ejebɔ ó, Krɛt ɨ. Bɨh bé a laa dine laa ó, é nko paʼ dine nko tie, lé ebee dine Salmone é nko paʼ mbo ejʉm. 8Bɨh bé a si to dolo e buobuo mɨtuu é nkpah pɨn dine laa. Bɨh ze pyal é lʉʉ ebʉm, die e tɨ: «Mbɨambɨa ebʉm». Lé a be ó kunokuno e nkana Lase. 9Bɨh bé a si dimle buobuo jɔʼ. Yé a si sa bɨh bʉa é jɔʼ yaa lé eto dolo lé ekœʼ cyen é titima, ebe, Moho-eti-mode#27.9 Moho-eti-mode, wé ó lʉʉ die bʉr bé a gʉa é l'efu le ejebe moho njwɨɨ opara ndɨ emyɛʼ motié é Wolo sàa ɛ. Ndwɛa waa, wé ó mɨtila ɨ Mɨtiila 16.1-34 ndwe e 23.26-32. Mɨndwɛa myaa, myé esa ó, Zyɛm cyelɨ empime le ndwe le epɛʼ bʉr bɨbaa bɨ ebebe nye a niʼe be e. Wé a be ó, ebʉʼ e bɨsʉhʉ bé a jeme é mosie mo ompie. Bé a lɛɛ-lɛɛ ó, yé ó jɔʼ bʉr lé ejala le ecyel bɨcyen é maŋ é lɔb onkuo e., wé a be ó si bɛa laa. Ebe no ó Pol a dwe be motɨɨ maʼ ɛ.
10Nye ó: «Obɨɔ bam aa! Me ebee ó, é mpʉ bɨna lé ekœʼ ga cyen é titima no e, bɨna mu ó é nkpah ebebe, ebe, titima, ndwe e sa yiyɛh ndɨ tɨʼ tʉŋlʉ ɨ, byé ódim! Ndwe nteme, bɨna bé óbɛm dimle ga bɨtiʼ ga bina, bɨna bʉr o tɨ.» 11Sa gwar, njwɨɨ nter bɨzima a baajoʼo motɨɨ mo Pol. Nye a bula joʼo ó, motɨɨ mo ndul titima, bé e l'akum titima. Nye a tɨe njwɨɨ nter bɨzima ó, bé toʼ dolo lé ekœʼ cyen é titima. 12Mpʉ ebʉm laa, lé a baajʉʼa e bɨtitima é jɔʼ ejyoo e, no ó bʉr é buobuo, bé a jɛna zi é titima ɛ, bé a nʉa tiʼa ó, bé toʼ dolo lé ekœʼ cyen é titima. Bé a bee ó, ǃyé óbana nɛʼɛ, bé ejala le epyal ɨ Fenika. Yé ó ndɨ e l'ebʉm bʉr lé egwɨm to lɛŋ-lɛŋ jɔʼ ejyoo e. Lé a be ó é dine Krɛt. Lé a dwɛʼ ó, tie nko dobo lé eja ɛ, le edwɛʼ nteme tin nko dobo lé eja ɛ.
Bwaʼbwaʼ nkuo é maŋ
13É jɔʼ ma pubo a taare publo, lé eduho nko tie e, bé a taare jwɨʼ ó, bé óbɛm koʼo lé eloŋlo bɨgwɨma byɔɔ. Bé ntɔʼ pɛʼ nkwab nkoho yé a mɛr-mɛr titima é sʉm maŋ ɨ, ze to le ekpahɔ pɨn dine Krɛt. 14Sa gwar, agum bɛa nɛʼɛ, nkuo ze kʉ kuulo e nkul, duho é dine. Bé a jebe-jebe nkuo waa ó, Nkuo lé eduho paʼ nko tin nko dobo lé emʉa ɛ. 15É jɔʼ nkuo waa a ŋmɛha é titima yih ɨ, yé a be ó é kɔbla lé emɛr ye ó, nkuo ayi loʼlo ye. Bɨh bé a fuo ka bir ó, nkuo toʼ e bɨh nko nye a be lé eto-to e. 16É jɔʼ bɨh bé a pyal é nuu ma dine maŋ, die Kawʉda ɛ, titima, yé ze laa dine é paʼ nko tie. Bɨh bé a si bi buobuo tuu lé etiile ma byɛl é titima. 17Bé ntɔʼ pɛʼ byɛl waa é modibe, bɨr we é titima tʉŋlʉ. Bé ze cen okulu é kubo titima, ndwe le ekaʼ modumo mɔɔ ó, bé mɛrɨ ye, yé l'aka bʉl. É mpʉ bé a kpɛɛ ó, bé amu to mɛʼa é mɨmbeʼe mosɨa ndɨ é pɨn Sirti ɨ, no ó bé a fil kan titima si ɨ. Nkuo ze to e titima é nko paʼ nye a kpɛl to e. 18É mɛn tɨ, nkuo ze bul ncyeŋ bɨh e nkul, é mbi ndɨ ó, bé ze taare lé eguho mɨmbeʼ modile é modibe. 19É l'elu lé a bɔma ɛ, nkuo, nye osi taare nɛʼɛ, oduʼ o titima, bé ntɔʼ guho byʉʉ bɨsa bɨ titima é modibe e mobo mɔɔ. 20É molu é buobuo, bɨh bé a baabe e nkul eka bee nkʉ dobo, nkʉ atwitwɛn. Nkuo a kuulo ó, é bɛabɛa, ndwe nteme nkul e nkul. Bɨh bé a baaka be e mbɛla ɨ mɨleme ó, bɨh bé ótiʼe.
21Baa b'a be é titima ɛ, bé a si di é bɛabɛa, ade. No ó, Pol a ze cyɛb cɨcyel é mih mɔɔ. Nye ó: «Bɨn bʉr o titima yiʼ ee! Toŋla ga mpʉ me a ngbaa kamle bɨn lé ekable é titima ɨ Krɛt ɨ. Nkʉ bɨn bé a be ó be, du motɨɨ mam nɛʼɛ, mpa bɨn bé a be ó, si syɛhle mɨtuu e mɨndɛl, aka dimle bɨsɔʼɔ é buobuo. 22No ó, banana, me etɨe bɨn ó nɛɛ: bɨna bɨnɨ ga monyʉl, ebe, abe e mʉr ngwar ódim é cyen bɨna ndɨ ekœʼ ga é titima yi. Titima, yé ome ó ngo dɨ, 23ebe, muh e pum wi, nuu engles si ze gumo me be e. Nye duho ó, boo Zyɛm, waa me lé egumo e nye, waa me lé edwiibɨ ɨ. 24No ó, engles waa be ó si pyal, ze lɛɛ e me ó: “Pol, ajoʼo bʉa. Yé ekʉ jala ó, go toʼ, to cyɛb é mih mo Kɛɛza. Nye ó ngo tiʼe go lɔb. Zyɛm ótiʼ bʉr bɨbɛh bɨn e boo nɔɔ ndɨ ekœʼ cyen é titima ɛ. Yé ó ebe ncwɨncwɨa nye lé elɛʼle go e.” 25No ó, jyɛɛ ga yam, tʉmɨ ga monyʉl, ebe, mɨ jyɛʼ taa buʼo yam boo Zyɛm, le ekʉ gʉa ó, sa yaa yiyɛh, yé ósyɛɛlɨ mpʉ nye lɛɛ me e. 26Sa gwar, bɨna bé ekʉ jala le esyel ga titima é pɨn lʉʉ dine maŋ.»
27Ngbàa nkuo a taare lé ekuulo, yé a be ó, yé mu mɨpum ewʉm e mɨnâ. No ó nkuo a loʼlo bɨh, to e bɨh é maŋ bé lé ejebe-jebe ó, Adria ɛ#27.27 Maŋ Mediterane, mé e lʉʉ die ó, Adria.. Kunokuno e teme pum nɛʼɛ, oduʼ o titima, bé ze jwɨʼ ó, bɨh bé mu ó lé ekunbo e nuu si fih. 28No ó bé a guho kol-mɨra lé egwɨm gʉa modime mo maŋ. No ó bé a ze bee ó, maŋ, mé a be ó, mé dina é dime, tɔɔ omɨra mowʉm molɛl e tambɛl. No ó bé a ze lɛŋ ma jɔʼ, bé ntɔʼ bâʼle guho kol-mɨra, ze beɔ ó, yé a be ó, yé mu omɨra mowʉm moba e mwom, lé eto si. 29Bé a kpɛɛ ó, titima yɔɔ, yé amu jaa mɛʼa é mokoʼ. Ebe no ó bé a to é ndʉa é titima, ntɔʼ fil monkwab bɨnkoho bɨnâ é modibe e. Pie tɨ, bé a fuo ka gwɨm njɨ ó, mɛn, wé lama#27.29 Yé e nkul edwirɔ nteme ó: «Bɨh bé a ka jwɨʼla ó, pum waa lɛŋɨ bɨh, bɨh l'adwè.». 30No ó, bʉʉ oduʼ o titima, bé a be ó, lé ejɨ kpɛɛ, liʼɔ titima. Bé ze fil ma byɛl nɨ é modibe, waa lé etiʼ bʉr é jɔʼ titima lé edɨ ɨ. Bé a sa no ó, mpʉ sa lɛɛ ó, bé óguho monkwab bɨnkoho é maŋ é nko paʼ empom e titima dolo. To kœb ó, bé a gwɨm ó, bé kpɛŋɨ. 31No ó, Pol a lɛɛ e njwɨɨ nter bɨzima nɨ ndwe e byʉʉ bɨzima ó: «ǃƗ bʉr ba, bé adi é titima yiʼ tʉŋlʉ nɛʼɛ, kʉ gʉa ó, bɨna bé abe e nkul etiʼe ga!»
32É jɔʼ yaa ó bɨzima, byé a ze tiʼe mɨkol myé a dɨ mɛr byɛl ɨ, ntɔʼ birɔ we ó, wé toʼ.
33É jɔʼ mɛn, wé a be, wé mu lé elama ɛ, Pol ze lɛɛ e bʉr bɨbɛh ó, bé deʼ mode. Nye e be ó: «Mbe ga: yé mu ó molu mowʉm e monâ ngbàa bɨn ndɨ esyɛl ba e bɨn bʉr o tɨ, tiibe e cyen yi. Bɨn bé ade sɔʼɔ. 34No ó, mɛm, me ejwɨʼla e bɨn ó nɛɛ, bɨn deʼ mode, ebe, yé ekʉ jala ó, bɨn tiʼa. Mʉr ngwar é sama yin, nye aŋa dimle dam be ó koho mpuo lʉ we ngwar.»
35Jɔʼ Pol a sil lɛɛ be no e, nye ze nʉa bler, ntɔʼ dwe Zyɛm ekiba, mʉr nyiwɛh lé ebee. Nye ze pɛ̂ʼ ye bɨpeh, ntɔʼ taare lé ede. 36No ó bɨbɛh, bé a ze gbaŋɔ nkul é monyʉl, ze deŋɔ mode. 37Bɨh bé a be é titima tʉŋlʉ ó, bʉr mɨnter mɨmba e mowʉm tambɛl le bʉr tobo (276). 38É jɔʼ bɨh bé a de bim yé a jala e bɨh ɨ, bé ze guho mɨkɔɔlʉ mode é modibe, lé esaa ó, titima, yé dwɛhba.
Titima, yi bʉl
39É jɔʼ mɛn, wé a lama ɛ, bʉr o b'a sea-sea é titima ɛ, bé a baabe lé edweʼe si waa. Bé ze bee mɨmbeʼe mosɨa. Bé ntɔʼ ze jwɨʼ ó, bé óbɛm syel titima tɨ. 40Bé ntɔʼ tiʼɔ okulu bé a mɛr-mɛr titima gumo gwar ɨ, liʼɔ monkwab bɨnkoho tɨʼ é modibe. É jɔʼ yaa nteme ó bé a tii okulu bé a sa-sa ó, titima dwibra ɛ. Bé ntɔʼ bɨn kan é titima nko ndʉa, lé ecen titima nko ebʉm laa. 41A vwaʼ e titima, ebe, mɨmbeʼe mosɨa, myé a be ó é sʉm maŋ é gumo yaa. Tɨʼ nteme ó titima yé a ka bil ɨ. Paʼ empom e titima ze ni é mosɨa si, aka be e nkul epʉʼa. Ndʉa titima epihe, wé ntɔʼ bwiʼ ebe nkul oboʼo.
42Bɨzima, byé a be ó lé ebà jwɨʼ ó, bé jʉʼo mɨmbʉʼ, lé ekpɛɛ ó, myé amu kpɛɛ lé edwaʼ. 43No ó njwɨɨ nter bɨzima a tiʼe é leme we ó, nye kamle ó e tiʼ mo Pol. Nye ze kamle be lé esa mpʉ bɛɛ, bé a jwɨʼ ó, bé sa ó mye e. No ó nye a lɛɛ e be ó, baa bɨbɛh bé a be e nkul edwaʼ ɛ, bé lyaha é modibe efoʼ, toŋɔ tin. 44Nye e bʉʉ bʉr ó, bé duʼa, lé emɛr mobɔm, nkʉ bɨpeh bɨ titima byé a be lé etonbo é modibe e. Ebe no ó bɨbɛh, bé a pʉʼa é modibe, kumo tin, sɔʼɔ l'asa mʉr ɨ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.