Mɨlʉmlʉ 23
23
1No ó, Pol a dwɛʼ bʉr o Bʉm Nɨnɨ é tʉʉʉŋ. Nye ó: «Obɨɔ ga bam aa! Me e leme é mo é pyɛɛɛ lé etiʼe é mih mo Zyɛm, ze pyal é muh é dobo lɨ.»
2No ó, njwɨɨ opara Ananias a lɛɛ e bʉr o b'a be kunokuno e Pol ó, bé ŋmɛhɛ nye é nʉm. 3No ó Pol a lɛɛ e nye ó: «Zyɛm óŋmɛh ó go, go sa pɨpɨm ndɨ kɔna, mɨndwiba e l'epɛm ɨ! Gumo gɨ gʉa ze di naa ndindil é ntiii lé etiʼe lɔb wam nɨ! Go entaa motie mo Moyiz é jɔʼ go lé edwe nkul ó, bé ŋmɛhɛ me e!»
4Baa b'a be kunokuno e Pol ɨ, ze lɛɛ e nye ó: «Zê go lé elwɨɨ njwɨɨ opara mo Zyɛm ɛ?» 5No ó Pol a bɨha e be ó: «Obɨɔ ga bam aa! Me baagʉa ó, yé ó njwɨɨ opara. Nkʉ me be ó be, gʉa ó, nye ó njwɨɨ opara nɛʼɛ, mpa me baalwib no, ebe, yé ó tila é Kalara Zyɛm ó: “Alwib e tamamʉr lal go nʉm ebebe.”»
6Sa gwar, é jɔʼ Pol a ka gʉa ó, bʉr o Bʉm Nɨnɨ, bé a be ó monkɔm moba, oSadwisyɛŋ, nwaʼ nkɔm, oFarizyɛŋ, nuu ɨ, no ó nye a lwib lé eyɨm twii é mih mo bʉr o Bʉm Nɨnɨ. Nye ó: «Obɨɔ ga bam ɔɔ! Me wâʼ ó Farizyɛŋ ɔɔ! Oda, bé a be nteme ó, oFarizyɛŋ ɔɔ! Leme wam, wé ó lwɨŋla e mbɛla ó, odwè, bé ópàh ɔɔ! Yé ó ebe mbɛla waa ó me lé ecyɛb tɨʼ é nkar wiʼ yi ɔɔ!» 7É jɔʼ nye a lɛɛ mokan maa ɛ, oFarizyɛŋ bé e l'oSadwisyɛŋ ze taare lé esa mosono paʼra wɔɔ. Ebe no ó gwɨhla yɔɔ, yé a bɔʼa monkɔm moba ɛ. 8(Ebe, oSadwisyɛŋ, bé elɛɛ ó, odwè, bé ákwoʼ pàh é mofoo. Bé elɛɛ nteme ó, beengles, bé abe. Mɨsisim, myé abe. OFarizyɛŋ bɛɛ lé ekʉ buʼla ó, bɨsa byaa bibyɛh, byé ó tɨ.) 9Bé a be ó si bul bɨn motwii kʉ e nkul. No ó bʉʉ oyeʼle o motie é nkɔm oFarizyɛŋ, bé a cyɛb cɨcyel, ntɔʼ bɛʼ ó: «Bɨh bɛɛ, bé abee sa ebebe é mʉr nwa! Yé ó, go tiŋa ó, sisim, nkʉ ntɔʼ engles ó b'a lwib e nye!»
10No ó, é jɔʼ bʉr, bé a be si bul sa bɨntʉ ɨ, njwɨɨ bɨzima nɨnɨ ze joʼo bʉa, ó bé amu jaa nya Pol bɨpeh bɨpeh. Ebe no ó nye a dwe bɨzima nkul ó, byé fula si, nko bʉr, bé a be e. Bé toʼ, to dwih Pol é mobo mɔɔ. Bé òbula to e nye é nkal bɨzima tʉŋlʉ.
11É pum wé a ka bɔma ɛ, Da Yesʉs ze pyal nye, ntɔʼ lɛɛ e nye ó: «Tʉmɨ nyʉl! É mpʉ gɨ sil boʼlo bɨsa go lé egʉa é lʉ wam ɨ Yerʉsalɛm ɨ, yé ekʉ jala ó, go saʼ no ɨ nkana Rom.»
Bʉm ejʉŋɔ Pol
12Ngbaa le eka be, é molama mo mɛn nɛʼɛ, oYʉden ze kaʼ bʉm, deŋɔ mɨnkɛla ó, bé aŋa de mode nkʉ monwoʼ, to pyal é jɔʼ bé óbe si jʉ Pol ɨ. 13Baa b'a kaʼ bʉm ɨ, bé a si laa bʉr mowʉm monâ. 14No ó bé a ze to bee ojwɨɨ be opara ndwe e l'otamabʉr o lal. Bé e be ó: «Bɨh bʉr o tɨʼ mu ó si nʉa tiʼa, le ede mɨnkɛla ó, bɨh bé ákwoʼ boblo sa ede é mɨnʉm mih, to pyal é jɔʼ bɨh bé óbe si jʉ Pol ɨ. 15No ó, bɨn bʉr o tɨ, ndwe e bʉr o Bʉm Nɨnɨ bɨbɛh, dîʼe ga njwɨɨ bɨzima nɨnɨ é zi bɨkʉʉŋʉ, ó nye kpahba dwe bɨn Pol. Saʼ ga pɨʼ ndɨ ó, bé toŋla ó, bɨn bé óto timle lɔb we mbɨmbɨa. É wih paʼ, mɨleme, myé ó bɨh é ntɨɨɨŋ ó, bɨh jʉʼo nye, nye dina zi e zi, apa pyal wâ.»
16To kœb ó, ma kɛl mo Pol a be ó si jʉʼra bʉm yaa, nye ntɔʼ to é nkal bɨzima, to pʉr Pol lɔb eboʼo lé a be ó, lé óniŋle e. 17Pol nyɛɛ ze jebe nuu njwɨɨ nter bɨzima. Nye e nye ó: «Toʼ e ma soho nwaʼ nko njwɨɨ bɨzima nɨnɨ win ndɨ ɨ, ebe, nye e yʉʉ sa nye lé egwɨm lɛɛ nye e!»
18No ó nye a nʉa nye, to e nye nko njwɨɨ bɨzima nɨnɨ waa a be e. Nye e nye ó: «Pol ndɨ mbʉʼ ɨ, nye si jebe me, ze lɛɛ e me ó, me ntaʼ go e ma soho nwa. Nye e yʉʉ sɔʼɔ nye lé egwɨm lɛɛ go e.» 19No ó, njwɨɨ bɨzima nɨnɨ a mɛr ma soho nɨ é mbo, bé e nɔɔ to é l'empàh. No ó nye a dî e nye ó: «Go ekpɛl lɛɛ me yé?» 20No ó nye a bɨha ó: «OYʉden, bɨ di twii ó, bé ódî e go ó, bé ntaʼ e Pol é mɛn é Bʉm Nɨnɨ yih. Bé ósa mpʉ sa lɛɛ ó, bé óbâʼle timle lɔb we. 21Sa gwar, atwe twii e be, ebe, bʉr bé óto bono nye e, bé elaa bʉr mowʉm monâ! Bɨ bɛa kaʼ bʉm, de mɨnkɛla ó, bé aŋa de mode nkʉ nyʉl monwoʼ, to pyal é jɔʼ bé óbe si jʉ nye e. No ó, banana, eboʼo, lɨ niŋle! Bé mu kʉ ka bono ó njɨ mpɨha go.» 22Njwɨɨ bɨzima nɨnɨ waa ntɔʼ cyel ma soho nɨ mpene ó: «Ato gwih mʉr ó, go be ó si gwih me mɨlɔb mɨnɨ.» Nye ntɔʼ bir nye ó, nye toʼ.
Pol lé ecenɔ boo Felik
23Pie tɨ, njwɨɨ bɨzima nɨnɨ ze jebe bʉʉ ojwɨɨ o nter bɨzima oba. Nye e be ó: «Syɛŋɨ ga bɨzima mɨnter mɨmba, ndwe e bʉr mowʉm tambɛl ndɨ okœʼa o bɨkabala ɛ, kɛl obil o mokʉa mɨnter mɨmba. Kʉmsa ga ó, bɨn toʼ Sezare é mowala bu mo pum. 24Kʉmsa ga nteme bɨkabala bɨ enkɛɛ Pol tɨ. Bɨn bé à to e nye boo ngoman Felik, sɔʼɔ l'asa nye.»
25No ó nye a tile nteme kalara é mbi wi:
26Yé ó mɛm, Klodiʉs Lisyas, ó lé etile go, Tamamʉr Felik, Ngoman wih.
Me esoho go. 27Me elɛɛ go ó: oYʉden, bé a si mɛr mʉr nwa, bé nteme, bé a be ó, bé jʉ ó nye. É jɔʼ me a joʼo ó, nye ó mʉr Rom ɨ, me ntɔʼ to e bɨzima gumo bé a be e, pɛʼ nye, ntɔʼ tiʼ nye. 28No ó mpʉ me a pa tiʼe é leme wam ó, me gʉŋa sa oYʉden, bé a pur nye e ye e, me a si to e nye é Bʉm Nɨnɨ yɔɔ. 29Me ze kœb ó, bé be ó lé epur nye é lɔb yʉʉ sɔʼɔ lé etiibe e motie mɔɔ ɛ, abe é lɔb bɨpura bɨmpa, nkʉ byaa mʉr lé ejala le ejʉŋɔ, nkʉ kaʼɔ monkara, nkʉ gbaŋɔ é mbʉʼ tɨʼ ɨ. 30No ó, é jɔʼ bé ze lɛɛ me ó, oYʉden, bɨ kaʼ bʉm, le etwe twii ó, bé jʉ ó nye e, no ó me ka kpahbe lomo nye gʉʼ go ye e. Me si lɛɛ nteme e bʉr o ndɨ epur nye ó, bé toʼ, to pur nye é mih mo. [Diʼe mbɨmbɨa.]
31Bɨzima ntɔʼ sa mpʉ nye a lɛɛ ó, byé saʼ ɛ. Byé ntɔʼ nʉa Pol, to liʼle nye é pum e pum, to pyal Antipatris. 32É mɛn tɨ, obil o mokʉa ndwe e byʉʉ bɨzima, bé ntɔʼ bula, to ni é nkal bɨzima tʉŋlʉ. Yé a kʉ ka liʼ ó njɨ okœʼa o bɨkabala, ó bé toʼ, to liʼle Pol. 33É jɔʼ bé a pyal Sezare e, okœʼa o bɨkabala ze dwe ngoman kalara waa, le ecyel nteme Pol é mih me. 34Jɔʼ ngoman a sil láa nye e, no ó nye a dî e Pol ó, nye mʉr wáa lal. Jɨh tɨʼ nye a gʉa ó, nye ó mʉr lal Silisia, 35nye ntɔʼ ze lɛɛ e nye ó: «Me ójoʼo mɨnkar myo é jɔʼ bʉr o ndɨ epur go e, bé óbe si pyal ɨ.» No ó nye a lomo bɨzima bye ó, bé baʼla Pol é bii mo Erod tʉŋlʉ.
Currently Selected:
Mɨlʉmlʉ 23: ozmBad
Highlight
Copy
Compare
Share
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.
Mɨlʉmlʉ 23
23
1No ó, Pol a dwɛʼ bʉr o Bʉm Nɨnɨ é tʉʉʉŋ. Nye ó: «Obɨɔ ga bam aa! Me e leme é mo é pyɛɛɛ lé etiʼe é mih mo Zyɛm, ze pyal é muh é dobo lɨ.»
2No ó, njwɨɨ opara Ananias a lɛɛ e bʉr o b'a be kunokuno e Pol ó, bé ŋmɛhɛ nye é nʉm. 3No ó Pol a lɛɛ e nye ó: «Zyɛm óŋmɛh ó go, go sa pɨpɨm ndɨ kɔna, mɨndwiba e l'epɛm ɨ! Gumo gɨ gʉa ze di naa ndindil é ntiii lé etiʼe lɔb wam nɨ! Go entaa motie mo Moyiz é jɔʼ go lé edwe nkul ó, bé ŋmɛhɛ me e!»
4Baa b'a be kunokuno e Pol ɨ, ze lɛɛ e nye ó: «Zê go lé elwɨɨ njwɨɨ opara mo Zyɛm ɛ?» 5No ó Pol a bɨha e be ó: «Obɨɔ ga bam aa! Me baagʉa ó, yé ó njwɨɨ opara. Nkʉ me be ó be, gʉa ó, nye ó njwɨɨ opara nɛʼɛ, mpa me baalwib no, ebe, yé ó tila é Kalara Zyɛm ó: “Alwib e tamamʉr lal go nʉm ebebe.”»
6Sa gwar, é jɔʼ Pol a ka gʉa ó, bʉr o Bʉm Nɨnɨ, bé a be ó monkɔm moba, oSadwisyɛŋ, nwaʼ nkɔm, oFarizyɛŋ, nuu ɨ, no ó nye a lwib lé eyɨm twii é mih mo bʉr o Bʉm Nɨnɨ. Nye ó: «Obɨɔ ga bam ɔɔ! Me wâʼ ó Farizyɛŋ ɔɔ! Oda, bé a be nteme ó, oFarizyɛŋ ɔɔ! Leme wam, wé ó lwɨŋla e mbɛla ó, odwè, bé ópàh ɔɔ! Yé ó ebe mbɛla waa ó me lé ecyɛb tɨʼ é nkar wiʼ yi ɔɔ!» 7É jɔʼ nye a lɛɛ mokan maa ɛ, oFarizyɛŋ bé e l'oSadwisyɛŋ ze taare lé esa mosono paʼra wɔɔ. Ebe no ó gwɨhla yɔɔ, yé a bɔʼa monkɔm moba ɛ. 8(Ebe, oSadwisyɛŋ, bé elɛɛ ó, odwè, bé ákwoʼ pàh é mofoo. Bé elɛɛ nteme ó, beengles, bé abe. Mɨsisim, myé abe. OFarizyɛŋ bɛɛ lé ekʉ buʼla ó, bɨsa byaa bibyɛh, byé ó tɨ.) 9Bé a be ó si bul bɨn motwii kʉ e nkul. No ó bʉʉ oyeʼle o motie é nkɔm oFarizyɛŋ, bé a cyɛb cɨcyel, ntɔʼ bɛʼ ó: «Bɨh bɛɛ, bé abee sa ebebe é mʉr nwa! Yé ó, go tiŋa ó, sisim, nkʉ ntɔʼ engles ó b'a lwib e nye!»
10No ó, é jɔʼ bʉr, bé a be si bul sa bɨntʉ ɨ, njwɨɨ bɨzima nɨnɨ ze joʼo bʉa, ó bé amu jaa nya Pol bɨpeh bɨpeh. Ebe no ó nye a dwe bɨzima nkul ó, byé fula si, nko bʉr, bé a be e. Bé toʼ, to dwih Pol é mobo mɔɔ. Bé òbula to e nye é nkal bɨzima tʉŋlʉ.
11É pum wé a ka bɔma ɛ, Da Yesʉs ze pyal nye, ntɔʼ lɛɛ e nye ó: «Tʉmɨ nyʉl! É mpʉ gɨ sil boʼlo bɨsa go lé egʉa é lʉ wam ɨ Yerʉsalɛm ɨ, yé ekʉ jala ó, go saʼ no ɨ nkana Rom.»
Bʉm ejʉŋɔ Pol
12Ngbaa le eka be, é molama mo mɛn nɛʼɛ, oYʉden ze kaʼ bʉm, deŋɔ mɨnkɛla ó, bé aŋa de mode nkʉ monwoʼ, to pyal é jɔʼ bé óbe si jʉ Pol ɨ. 13Baa b'a kaʼ bʉm ɨ, bé a si laa bʉr mowʉm monâ. 14No ó bé a ze to bee ojwɨɨ be opara ndwe e l'otamabʉr o lal. Bé e be ó: «Bɨh bʉr o tɨʼ mu ó si nʉa tiʼa, le ede mɨnkɛla ó, bɨh bé ákwoʼ boblo sa ede é mɨnʉm mih, to pyal é jɔʼ bɨh bé óbe si jʉ Pol ɨ. 15No ó, bɨn bʉr o tɨ, ndwe e bʉr o Bʉm Nɨnɨ bɨbɛh, dîʼe ga njwɨɨ bɨzima nɨnɨ é zi bɨkʉʉŋʉ, ó nye kpahba dwe bɨn Pol. Saʼ ga pɨʼ ndɨ ó, bé toŋla ó, bɨn bé óto timle lɔb we mbɨmbɨa. É wih paʼ, mɨleme, myé ó bɨh é ntɨɨɨŋ ó, bɨh jʉʼo nye, nye dina zi e zi, apa pyal wâ.»
16To kœb ó, ma kɛl mo Pol a be ó si jʉʼra bʉm yaa, nye ntɔʼ to é nkal bɨzima, to pʉr Pol lɔb eboʼo lé a be ó, lé óniŋle e. 17Pol nyɛɛ ze jebe nuu njwɨɨ nter bɨzima. Nye e nye ó: «Toʼ e ma soho nwaʼ nko njwɨɨ bɨzima nɨnɨ win ndɨ ɨ, ebe, nye e yʉʉ sa nye lé egwɨm lɛɛ nye e!»
18No ó nye a nʉa nye, to e nye nko njwɨɨ bɨzima nɨnɨ waa a be e. Nye e nye ó: «Pol ndɨ mbʉʼ ɨ, nye si jebe me, ze lɛɛ e me ó, me ntaʼ go e ma soho nwa. Nye e yʉʉ sɔʼɔ nye lé egwɨm lɛɛ go e.» 19No ó, njwɨɨ bɨzima nɨnɨ a mɛr ma soho nɨ é mbo, bé e nɔɔ to é l'empàh. No ó nye a dî e nye ó: «Go ekpɛl lɛɛ me yé?» 20No ó nye a bɨha ó: «OYʉden, bɨ di twii ó, bé ódî e go ó, bé ntaʼ e Pol é mɛn é Bʉm Nɨnɨ yih. Bé ósa mpʉ sa lɛɛ ó, bé óbâʼle timle lɔb we. 21Sa gwar, atwe twii e be, ebe, bʉr bé óto bono nye e, bé elaa bʉr mowʉm monâ! Bɨ bɛa kaʼ bʉm, de mɨnkɛla ó, bé aŋa de mode nkʉ nyʉl monwoʼ, to pyal é jɔʼ bé óbe si jʉ nye e. No ó, banana, eboʼo, lɨ niŋle! Bé mu kʉ ka bono ó njɨ mpɨha go.» 22Njwɨɨ bɨzima nɨnɨ waa ntɔʼ cyel ma soho nɨ mpene ó: «Ato gwih mʉr ó, go be ó si gwih me mɨlɔb mɨnɨ.» Nye ntɔʼ bir nye ó, nye toʼ.
Pol lé ecenɔ boo Felik
23Pie tɨ, njwɨɨ bɨzima nɨnɨ ze jebe bʉʉ ojwɨɨ o nter bɨzima oba. Nye e be ó: «Syɛŋɨ ga bɨzima mɨnter mɨmba, ndwe e bʉr mowʉm tambɛl ndɨ okœʼa o bɨkabala ɛ, kɛl obil o mokʉa mɨnter mɨmba. Kʉmsa ga ó, bɨn toʼ Sezare é mowala bu mo pum. 24Kʉmsa ga nteme bɨkabala bɨ enkɛɛ Pol tɨ. Bɨn bé à to e nye boo ngoman Felik, sɔʼɔ l'asa nye.»
25No ó nye a tile nteme kalara é mbi wi:
26Yé ó mɛm, Klodiʉs Lisyas, ó lé etile go, Tamamʉr Felik, Ngoman wih.
Me esoho go. 27Me elɛɛ go ó: oYʉden, bé a si mɛr mʉr nwa, bé nteme, bé a be ó, bé jʉ ó nye. É jɔʼ me a joʼo ó, nye ó mʉr Rom ɨ, me ntɔʼ to e bɨzima gumo bé a be e, pɛʼ nye, ntɔʼ tiʼ nye. 28No ó mpʉ me a pa tiʼe é leme wam ó, me gʉŋa sa oYʉden, bé a pur nye e ye e, me a si to e nye é Bʉm Nɨnɨ yɔɔ. 29Me ze kœb ó, bé be ó lé epur nye é lɔb yʉʉ sɔʼɔ lé etiibe e motie mɔɔ ɛ, abe é lɔb bɨpura bɨmpa, nkʉ byaa mʉr lé ejala le ejʉŋɔ, nkʉ kaʼɔ monkara, nkʉ gbaŋɔ é mbʉʼ tɨʼ ɨ. 30No ó, é jɔʼ bé ze lɛɛ me ó, oYʉden, bɨ kaʼ bʉm, le etwe twii ó, bé jʉ ó nye e, no ó me ka kpahbe lomo nye gʉʼ go ye e. Me si lɛɛ nteme e bʉr o ndɨ epur nye ó, bé toʼ, to pur nye é mih mo. [Diʼe mbɨmbɨa.]
31Bɨzima ntɔʼ sa mpʉ nye a lɛɛ ó, byé saʼ ɛ. Byé ntɔʼ nʉa Pol, to liʼle nye é pum e pum, to pyal Antipatris. 32É mɛn tɨ, obil o mokʉa ndwe e byʉʉ bɨzima, bé ntɔʼ bula, to ni é nkal bɨzima tʉŋlʉ. Yé a kʉ ka liʼ ó njɨ okœʼa o bɨkabala, ó bé toʼ, to liʼle Pol. 33É jɔʼ bé a pyal Sezare e, okœʼa o bɨkabala ze dwe ngoman kalara waa, le ecyel nteme Pol é mih me. 34Jɔʼ ngoman a sil láa nye e, no ó nye a dî e Pol ó, nye mʉr wáa lal. Jɨh tɨʼ nye a gʉa ó, nye ó mʉr lal Silisia, 35nye ntɔʼ ze lɛɛ e nye ó: «Me ójoʼo mɨnkar myo é jɔʼ bʉr o ndɨ epur go e, bé óbe si pyal ɨ.» No ó nye a lomo bɨzima bye ó, bé baʼla Pol é bii mo Erod tʉŋlʉ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.