במדבר י
י
חצוצרות הכסף
1וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ 2עֲשֵׂ֣ה לְךָ֗ שְׁתֵּי֙ חֲצֽוֹצְרֹ֣ת כֶּ֔סֶף מִקְשָׁ֖ה תַּעֲשֶׂ֣ה אֹתָ֑ם וְהָי֤וּ לְךָ֙ #ישע' 1.13לְמִקְרָ֣א הָֽעֵדָ֔ה וּלְמַסַּ֖ע אֶת־הַֽמַּחֲנֽוֹת׃ 3וְתָקְע֖וּ בָּהֵ֑ן #ירמ' 4.5; יואל 2.15וְנֽוֹעֲד֤וּ אֵלֶ֨יךָ֙ כָּל־הָ֣עֵדָ֔ה אֶל־פֶּ֖תַח אֹ֥הֶל מוֹעֵֽד׃ 4וְאִם־בְּאַחַ֖ת יִתְקָ֑עוּ וְנוֹעֲד֤וּ אֵלֶ֨יךָ֙ #שמות 18.21; במד' 1.16; 7.2הַנְּשִׂיאִ֔ים רָאשֵׁ֖י אַלְפֵ֥י יִשְׂרָאֵֽל׃ 5וּתְקַעְתֶּ֖ם תְּרוּעָ֑ה וְנָֽסְעוּ֙ הַֽמַּחֲנ֔וֹת #10.14הַחֹנִ֖ים קֵֽדְמָה׃ 6וּתְקַעְתֶּ֤ם תְּרוּעָה֙ שֵׁנִ֔ית וְנָֽסְעוּ֙ הַֽמַּחֲנ֔וֹת #10.18הַחֹנִ֖ים תֵּימָ֑נָה תְּרוּעָ֥ה יִתְקְע֖וּ לְמַסְעֵיהֶֽם׃ 7וּבְהַקְהִ֖יל אֶת־הַקָּהָ֑ל תִּתְקְע֖וּ וְלֹ֥א #יואל 2.1תָרִֽיעוּ׃ 8וּבְנֵ֤י אַהֲרֹן֙ #31.6; הושע 5.8; נחמ' 12.35, 41; דהי"ב 13.12, 14הַכֹּ֣הֲנִ֔ים יִתְקְע֖וּ בַּֽחֲצֹצְר֑וֹת וְהָי֥וּ לָכֶ֛ם לְחֻקַּ֥ת עוֹלָ֖ם לְדֹרֹתֵיכֶֽם׃ 9וְכִֽי־תָבֹ֨אוּ מִלְחָמָ֜ה בְּאַרְצְכֶ֗ם עַל־הַצַּר֙ הַצֹּרֵ֣ר אֶתְכֶ֔ם #קור"א 14.8וַהֲרֵעֹתֶ֖ם בַּחֲצֹצְר֑וֹת #ברא' 8.1+וֲנִזְכַּרְתֶּ֗ם לִפְנֵי֙ יְהוָ֣ה אֱלֹֽהֵיכֶ֔ם וְנוֹשַׁעְתֶּ֖ם מֵאֹיְבֵיכֶֽם׃ 10וּבְי֨וֹם #מל"ב 11.14; תהל' 98.6; עזרא 3.10‑13; דהי"א 13.8; 15.24‑25; דהי"ב 15.14; 20.27‑28שִׂמְחַתְכֶ֥ם #תהל' 81.4‑6וּֽבְמוֹעֲדֵיכֶם֮ וּבְרָאשֵׁ֣י חָדְשֵׁיכֶם֒ וּתְקַעְתֶּ֣ם בַּחֲצֹֽצְרֹ֗ת עַ֚ל עֹלֹ֣תֵיכֶ֔ם וְעַ֖ל זִבְחֵ֣י שַׁלְמֵיכֶ֑ם וְהָי֨וּ לָכֶ֤ם לְזִכָּרוֹן֙ לִפְנֵ֣י אֱלֹֽהֵיכֶ֔ם #ויק' 11.44+אֲנִ֖י יְהוָ֥ה אֱלֹהֵיכֶֽם׃ פ
בני ישראל יוצאים מסיני
11וַיְהִ֞י #שמות 40.17בַּשָּׁנָ֧ה הַשֵּׁנִ֛ית בַּחֹ֥דֶשׁ הַשֵּׁנִ֖י בְּעֶשְׂרִ֣ים בַּחֹ֑דֶשׁ נַעֲלָה֙ הֶֽעָנָ֔ן מֵעַ֖ל #התג' 15.5מִשְׁכַּ֥ן הָעֵדֻֽת׃ 12וַיִּסְע֧וּ בְנֵֽי־יִשְׂרָאֵ֛ל #שמות 40.36לְמַסְעֵיהֶ֖ם #שמות 19.1; 16.1; ויק' 25.1+; במד' 33.15+מִמִּדְבַּ֣ר סִינָ֑י וַיִּשְׁכֹּ֥ן הֶעָנָ֖ן בְּמִדְבַּ֥ר #מל"א 11.18+פָּארָֽן׃ 13#דבר' 1.6וַיִּסְע֖וּ בָּרִאשֹׁנָ֑ה עַל־פִּ֥י יְהוָ֖ה בְּיַד־מֹשֶֽׁה׃ 14וַיִּסַּ֞ע דֶּ֣גֶל מַחֲנֵ֧ה בְנֵֽי־יְהוּדָ֛ה #2.3‑9בָּרִאשֹׁנָ֖ה לְצִבְאֹתָ֑ם וְעַל־צְבָא֔וֹ #1.7נַחְשׁ֖וֹן בֶּן־עַמִּינָדָֽב׃ 15וְעַ֨ל־צְבָ֔א מַטֵּ֖ה בְּנֵ֣י יִשָׂשכָ֑ר #1.8נְתַנְאֵ֖ל בֶּן־צוּעָֽר׃ 16וְעַ֨ל־צְבָ֔א מַטֵּ֖ה בְּנֵ֣י זְבוּלֻ֑ן #1.9אֱלִיאָ֖ב בֶּן־חֵלֽוֹן׃ 17#4.21‑32; 10.21וְהוּרַ֖ד הַמִּשְׁכָּ֑ן וְנָסְע֤וּ בְנֵֽי־גֵרְשׁוֹן֙ וּבְנֵ֣י מְרָרִ֔י נֹשְׂאֵ֖י הַמִּשְׁכָּֽן׃ ס 18#2.10‑16וְנָסַ֗ע דֶּ֛גֶל מַחֲנֵ֥ה רְאוּבֵ֖ן לְצִבְאֹתָ֑ם וְעַל־צְבָא֔וֹ #1.5אֱלִיצ֖וּר בֶּן־שְׁדֵיאֽוּר׃ 19וְעַ֨ל־צְבָ֔א מַטֵּ֖ה בְּנֵ֣י שִׁמְע֑וֹן #1.6שְׁלֻֽמִיאֵ֖ל בֶּן־צוּרִֽי שַׁדָּֽי׃ 20וְעַל־צְבָ֖א מַטֵּ֣ה בְנֵי־גָ֑ד #1.14אֶלְיָסָ֖ף בֶּן־דְּעוּאֵֽל׃ 21#4.4‑20וְנָסְעוּ֙ הַקְּהָתִ֔ים נֹשְׂאֵ֖י הַמִּקְדָּ֑שׁ #10.17וְהֵקִ֥ימוּ אֶת־הַמִּשְׁכָּ֖ן עַד־בֹּאָֽם׃ ס 22#2.18‑24וְנָסַ֗ע דֶּ֛גֶל מַחֲנֵ֥ה בְנֵֽי־אֶפְרַ֖יִם לְצִבְאֹתָ֑ם וְעַל־צְבָא֔וֹ #1.10אֱלִישָׁמָ֖ע בֶּן־עַמִּיהֽוּד׃ 23וְעַ֨ל־צְבָ֔א מַטֵּ֖ה בְּנֵ֣י מְנַשֶּׁ֑ה #1.10גַּמְלִיאֵ֖ל בֶּן־פְּדָה־צֽוּר׃ 24וְעַ֨ל־צְבָ֔א מַטֵּ֖ה בְּנֵ֣י בִנְיָמִ֑ן #1.11אֲבִידָ֖ן בֶּן־גִּדְעוֹנִֽי׃ ס 25#2.25‑31וְנָסַ֗ע דֶּ֚גֶל מַחֲנֵ֣ה בְנֵי־דָ֔ן #יהושע 6.9, 13מְאַסֵּ֥ף לְכָל־הַֽמַּחֲנֹ֖ת לְצִבְאֹתָ֑ם וְעַל־צְבָא֔וֹ #1.12אֲחִיעֶ֖זֶר בֶּן־עַמִּישַׁדָּֽי׃ 26וְעַל־צְבָ֔א מַטֵּ֖ה בְּנֵ֣י אָשֵׁ֑ר #1.13פַּגְעִיאֵ֖ל בֶּן־עָכְרָֽן׃ 27וְעַ֨ל־צְבָ֔א מַטֵּ֖ה בְּנֵ֣י נַפְתָּלִ֑י #1.15אֲחִירַ֖ע בֶּן־עֵינָֽן׃ 28אֵ֛לֶּה מַסְעֵ֥י בְנֵֽי־יִשְׂרָאֵ֖ל לְצִבְאֹתָ֑ם וַיִּסָּֽעוּ׃ ס 29וַיֹּ֣אמֶר מֹשֶׁ֗ה #שפט' 4.11לְ֠חֹבָב בֶּן־רְעוּאֵ֣ל הַמִּדְיָנִי֮ #שמות 2.18; 3.1; 18.12חֹתֵ֣ן מֹשֶׁה֒ נֹסְעִ֣ים ׀ אֲנַ֗חְנוּ אֶל־הַמָּקוֹם֙ אֲשֶׁ֣ר אָמַ֣ר יְהוָ֔ה אֹת֖וֹ #ברא' 12.7+אֶתֵּ֣ן לָכֶ֑ם לְכָ֤ה אִתָּ֨נוּ֙ וְהֵטַ֣בְנוּ לָ֔ךְ כִּֽי־יְהוָ֥ה #דבר' 4.40; 30.5דִּבֶּר־ט֖וֹב עַל־יִשְׂרָאֵֽל׃ 30וַיֹּ֥אמֶר אֵלָ֖יו #שפט' 1.16לֹ֣א אֵלֵ֑ךְ כִּ֧י אִם־אֶל־אַרְצִ֛י וְאֶל־מוֹלַדְתִּ֖י אֵלֵֽךְ׃ 31וַיֹּ֕אמֶר אַל־נָ֖א תַּעֲזֹ֣ב אֹתָ֑נוּ כִּ֣י ׀ עַל־כֵּ֣ן יָדַ֗עְתָּ חֲנֹתֵ֨נוּ֙ בַּמִּדְבָּ֔ר #איוב 29.15וְהָיִ֥יתָ לָּ֖נוּ לְעֵינָֽיִם׃ 32וְהָיָ֖ה כִּי־תֵלֵ֣ךְ עִמָּ֑נוּ וְהָיָ֣ה ׀ הַטּ֣וֹב הַה֗וּא אֲשֶׁ֨ר יֵיטִ֧יב יְהוָ֛ה עִמָּ֖נוּ #ויק' 19.34; דבר' 10.18‑19וְהֵטַ֥בְנוּ לָֽךְ׃ 33#10.12וַיִּסְעוּ֙ מֵהַ֣ר יְהוָ֔ה דֶּ֖רֶךְ שְׁלֹ֣שֶׁת יָמִ֑ים וַאֲר֨וֹן בְּרִית־יְהוָ֜ה #שמות 13.21+נֹסֵ֣עַ לִפְנֵיהֶ֗ם דֶּ֚רֶךְ שְׁלֹ֣שֶׁת יָמִ֔ים לָת֥וּר לָהֶ֖ם #דבר' 12.9; מל"א 8.56; ישע' 11.10; 28.12; 66.1; תהל' 23.2; 95.11; 132.8, 14; דהי"א 28.2; מתי 11.28‑29מְנוּחָֽה׃ 34#9.15‑23וַעֲנַ֧ן יְהוָ֛ה עֲלֵיהֶ֖ם יוֹמָ֑ם בְּנָסְעָ֖ם מִן־הַֽמַּחֲנֶֽה׃ ׆ ס 35וַיְהִ֛י בִּנְסֹ֥עַ הָאָרֹ֖ן וַיֹּ֣אמֶר מֹשֶׁ֑ה #תהל' 3.8; 7.7; 9.20; 10.12; 17.13; 132.8; דהי"ב 6.41קוּמָ֣ה ׀ יְהוָ֗ה וְיָפֻ֨צוּ֙ אֹֽיְבֶ֔יךָ #דבר' 7.10; 32.41וְיָנֻ֥סוּ מְשַׂנְאֶ֖יךָ מִפָּנֶֽיךָ׃ 36וּבְנֻחֹ֖ה יֹאמַ֑ר #ישע' 63.17; תהל' 6.5; 90.13; 126.4שׁוּבָ֣ה יְהוָ֔ה רִֽבְב֖וֹת אַלְפֵ֥י יִשְׂרָאֵֽל׃ ׆ ס
Currently Selected:
במדבר י: תנ"ך
Highlight
Share
Copy
Want to have your highlights saved across all your devices? Sign up or sign in
Hebrew Old Testament BSI with Cross References
Copyright © 2017 The Bible Society in Israel
Jerusalem, Israel.
All Rights Reserved.
www.haktuvim.com
