ויקרא ב
ב
קרבן מנחה
1וְנֶ֗פֶשׁ כִּֽי־תַקְרִ֞יב #6.7‑11; במד' 15.4קָרְבַּ֤ן מִנְחָה֙ לַֽיהוָ֔ה סֹ֖לֶת יִהְיֶ֣ה קָרְבָּנ֑וֹ וְיָצַ֤ק עָלֶ֨יהָ֙ שֶׁ֔מֶן וְנָתַ֥ן עָלֶ֖יהָ #6.8+לְבֹנָֽה׃ 2וֶֽהֱבִיאָ֗הּ אֶל־בְּנֵ֣י אַהֲרֹן֮ הַכֹּהֲנִים֒ #5.12; 6.8; במד' 5.26וְקָמַ֨ץ מִשָּׁ֜ם מְלֹ֣א קֻמְצ֗וֹ מִסָּלְתָּהּ֙ וּמִשַּׁמְנָ֔הּ עַ֖ל כָּל־לְבֹנָתָ֑הּ וְהִקְטִ֨יר הַכֹּהֵ֜ן #2.9, 16; 5.12; 24.7; מה"ש 10.4אֶת־אַזְכָּרָתָהּ֙ הַמִּזְבֵּ֔חָה אִשֵּׁ֛ה #ברא' 8.21+רֵ֥יחַ נִיחֹ֖חַ לַיהוָֽה׃ 3#2.10; 6.9וְהַנּוֹתֶ֨רֶת֙ מִן־הַמִּנְחָ֔ה #10.12‑13; קור"א 9.13לְאַהֲרֹ֖ן וּלְבָנָ֑יו #2.10; 6.10, 18, 22; 7.1, 6; 10.12, 17; 14.13; 24.9; במד' 18.9קֹ֥דֶשׁ קָֽדָשִׁ֖ים מֵאִשֵּׁ֥י יְהוָֽה׃ ס 4וְכִ֥י תַקְרִ֛ב קָרְבַּ֥ן מִנְחָ֖ה #יחז' 46.20מַאֲפֵ֣ה תַנּ֑וּר סֹ֣לֶת #שמות 29.2חַלּ֤וֹת מַצֹּת֙ בְּלוּלֹ֣ת בַּשֶּׁ֔מֶן וּרְקִיקֵ֥י מַצּ֖וֹת מְשֻׁחִ֥ים בַּשָּֽׁמֶן׃ ס 5וְאִם־מִנְחָ֥ה #6.14; 7.9עַל־הַֽמַּחֲבַ֖ת קָרְבָּנֶ֑ךָ סֹ֛לֶת בְּלוּלָ֥ה בַשֶּׁ֖מֶן מַצָּ֥ה תִהְיֶֽה׃ 6פָּת֤וֹת אֹתָהּ֙ פִּתִּ֔ים וְיָצַקְתָּ֥ עָלֶ֖יהָ שָׁ֑מֶן מִנְחָ֖ה הִֽוא׃ ס 7וְאִם־מִנְחַ֥ת #7.9מַרְחֶ֖שֶׁת קָרְבָּנֶ֑ךָ סֹ֥לֶת בַּשֶּׁ֖מֶן תֵּעָשֶֽׂה׃ 8וְהֵבֵאתָ֣ אֶת־הַמִּנְחָ֗ה אֲשֶׁ֧ר יֵעָשֶׂ֛ה מֵאֵ֖לֶּה לַיהוָ֑ה וְהִקְרִיבָהּ֙ אֶל־הַכֹּהֵ֔ן וְהִגִּישָׁ֖הּ אֶל־הַמִּזְבֵּֽחַ׃ 9וְהֵרִ֨ים הַכֹּהֵ֤ן מִן־הַמִּנְחָה֙ #2.2, 16; 5.12; 24.7; מה"ש 10.4אֶת־אַזְכָּ֣רָתָ֔הּ וְהִקְטִ֖יר הַמִּזְבֵּ֑חָה אִשֵּׁ֛ה רֵ֥יחַ נִיחֹ֖חַ לַיהוָֽה׃ 10#2.3; 6.9וְהַנּוֹתֶ֨רֶת֙ מִן־הַמִּנְחָ֔ה לְאַהֲרֹ֖ן וּלְבָנָ֑יו קֹ֥דֶשׁ קָֽדָשִׁ֖ים מֵאִשֵּׁ֥י יְהוָֽה׃ 11כָּל־הַמִּנְחָ֗ה אֲשֶׁ֤ר תַּקְרִ֨יבוּ֙ לַיהוָ֔ה #שמות 23.18; 34.25; ויק' 6.9‑10לֹ֥א תֵעָשֶׂ֖ה #שמות 12.19+חָמֵ֑ץ כִּ֤י כָל־שְׂאֹר֙ וְכָל־דְּבַ֔שׁ לֹֽא־תַקְטִ֧ירוּ מִמֶּ֛נּוּ #שמות 29.18, 41; 30.20; ויק' 3.3, 9, 11, 14; 7.5, 25; 22.7; במד' 15.3, 25אִשֶּׁ֖ה לַֽיהוָֽה׃ 12#שמות 34.22; ויק' 23.10, 17‑18קָרְבַּ֥ן רֵאשִׁ֛ית תַּקְרִ֥יבוּ אֹתָ֖ם לַיהוָ֑ה וְאֶל־הַמִּזְבֵּ֥חַ לֹא־יַעֲל֖וּ לְרֵ֥יחַ נִיחֹֽחַ׃ 13וְכָל־קָרְבַּ֣ן מִנְחָתְךָ֮ #במד' 18.19; יחז' 43.24; מרק' 9.49; קול' 4.6בַּמֶּ֣לַח תִּמְלָח֒ וְלֹ֣א תַשְׁבִּ֗ית #במד' 18.19; דהי"ב 13.5מֶ֚לַח בְּרִ֣ית אֱלֹהֶ֔יךָ מֵעַ֖ל מִנְחָתֶ֑ךָ עַ֥ל כָּל־קָרְבָּנְךָ֖ תַּקְרִ֥יב מֶֽלַח׃ ס 14וְאִם־תַּקְרִ֛יב מִנְחַ֥ת בִּכּוּרִ֖ים לַיהוָ֑ה אָבִ֞יב קָל֤וּי בָּאֵשׁ֙ גֶּ֣רֶשׂ #23.14כַּרְמֶ֔ל תַּקְרִ֕יב אֵ֖ת מִנְחַ֥ת בִּכּוּרֶֽיךָ׃ 15וְנָתַתָּ֤ עָלֶ֨יהָ֙ שֶׁ֔מֶן וְשַׂמְתָּ֥ עָלֶ֖יהָ #6.8+לְבֹנָ֑ה מִנְחָ֖ה הִֽוא׃ 16וְהִקְטִ֨יר הַכֹּהֵ֜ן #2.2, 9; 5.12; 24.7; מה"ש 10.4אֶת־אַזְכָּרָתָ֗הּ מִגִּרְשָׂהּ֙ וּמִשַּׁמְנָ֔הּ עַ֖ל כָּל־לְבֹנָתָ֑הּ אִשֶּׁ֖ה לַיהוָֽה׃ פ
Currently Selected:
ויקרא ב: תנ"ך
Highlight
Share
Copy
Want to have your highlights saved across all your devices? Sign up or sign in
Hebrew Old Testament BSI with Cross References
Copyright © 2017 The Bible Society in Israel
Jerusalem, Israel.
All Rights Reserved.
www.haktuvim.com
