שמות יז

יז

משה מוציא מים מן הצור

(במד' 20‏.1‏‑13)

1וַ֠יִּסְעוּ כָּל־עֲדַ֨ת בְּנֵֽי־יִשְׂרָאֵ֧ל #16‏.1; במד' 33‏.12מִמִּדְבַּר־סִ֛ין לְמַסְעֵיהֶ֖ם עַל־פִּ֣י יְהוָ֑ה וַֽיַּחֲנוּ֙ #19‏.2; במד' 33‏.14בִּרְפִידִ֔ים #במד' 20‏.5; 21‏.5וְאֵ֥ין מַ֖יִם לִשְׁתֹּ֥ת הָעָֽם׃ 2#14‏.11; במד' 20‏.2‏‑3, 13וַיָּ֤רֶב הָעָם֙ עִם־מֹשֶׁ֔ה וַיֹּ֣אמְר֔וּ תְּנוּ־לָ֥נוּ מַ֖יִם וְנִשְׁתֶּ֑ה וַיֹּ֤אמֶר לָהֶם֙ מֹשֶׁ֔ה #16‏.8מַה־תְּרִיבוּן֙ עִמָּדִ֔י #דבר' 6‏.16; תהל' 78‏.18, 41; מתי 4‏.7; מה"ש 5‏.9; קור"א 10‏.9מַה־תְּנַסּ֖וּן אֶת־יְהוָֽה׃ 3וַיִּצְמָ֨א שָׁ֤ם הָעָם֙ לַמַּ֔יִם #15‏.24+וַיָּ֥לֶן הָעָ֖ם עַל־מֹשֶׁ֑ה וַיֹּ֗אמֶר לָ֤מָּה זֶּה֙ הֶעֱלִיתָ֣נוּ מִמִּצְרַ֔יִם לְהָמִ֥ית אֹתִ֛י וְאֶת־בָּנַ֥י #12‏.38+וְאֶת־מִקְנַ֖י בַּצָּמָֽא׃ 4#15‏.25וַיִּצְעַ֤ק מֹשֶׁה֙ אֶל־יְהוָ֣ה לֵאמֹ֔ר מָ֥ה אֶעֱשֶׂ֖ה לָעָ֣ם הַזֶּ֑ה #ויק' 20‏.2+; במד' 14‏.10; שמ"א 30‏.6; יוח' 10‏.31; מה"ש 14‏.5ע֥וֹד מְעַ֖ט וּסְקָלֻֽנִי׃ 5וַיֹּ֨אמֶר יְהוָ֜ה אֶל־מֹשֶׁ֗ה עֲבֹר֙ לִפְנֵ֣י הָעָ֔ם וְקַ֥ח אִתְּךָ֖ #3‏.16, 18מִזִּקְנֵ֣י יִשְׂרָאֵ֑ל #4‏.2+וּמַטְּךָ֗ אֲשֶׁ֨ר #7‏.20הִכִּ֤יתָ בּוֹ֙ אֶת־הַיְאֹ֔ר קַ֥ח בְּיָדְךָ֖ וְהָלָֽכְתָּ׃ 6הִנְנִ֣י עֹמֵד֩ לְפָנֶ֨יךָ שָּׁ֥ם ׀ עַֽל־הַצּוּר֮ #3‏.1+בְּחֹרֵב֒ #במד' 20‏.8‏‑11וְהִכִּ֣יתָ בַצּ֗וּר #דבר' 8‏.15; ישע' 48‏.21; תהל' 78‏.15; 105‏.41; 114‏.8; נחמ' 9‏.15; קור"א 10‏.4וְיָצְא֥וּ מִמֶּ֛נּוּ מַ֖יִם וְשָׁתָ֣ה הָעָ֑ם וַיַּ֤עַשׂ כֵּן֙ מֹשֶׁ֔ה לְעֵינֵ֖י #דהי"א 15‏.25+זִקְנֵ֥י יִשְׂרָאֵֽל׃ 7וַיִּקְרָא֙ שֵׁ֣ם הַמָּק֔וֹם #דבר' 6‏.16; 9‏.22; 33‏.8; תהל' 95‏.8מַסָּ֖ה #במד' 20‏.13, 24; 27‏.14; דבר' 33‏.8; תהל' 81‏.8; 95‏.8; 106‏.32; עבר' 3‏.8וּמְרִיבָ֑ה עַל־רִ֣יב ׀ בְּנֵ֣י יִשְׂרָאֵ֗ל וְעַ֨ל #17‏.2+נַסֹּתָ֤ם אֶת־יְהוָה֙ לֵאמֹ֔ר הֲיֵ֧שׁ יְהוָ֛ה בְּקִרְבֵּ֖נוּ אִם־אָֽיִן׃ פ

מלחמה בעמלק

8וַיָּבֹ֖א #ברא' 36‏.12+עֲמָלֵ֑ק וַיִּלָּ֥חֶם עִם־יִשְׂרָאֵ֖ל #17‏.1בִּרְפִידִֽם׃ 9וַיֹּ֨אמֶר מֹשֶׁ֤ה #24‏.13אֶל־יְהוֹשֻׁ֨עַ֙ בְּחַר־לָ֣נוּ אֲנָשִׁ֔ים וְצֵ֖א הִלָּחֵ֣ם בַּעֲמָלֵ֑ק מָחָ֗ר אָנֹכִ֤י נִצָּב֙ עַל־רֹ֣אשׁ הַגִּבְעָ֔ה #4‏.2+וּמַטֵּ֥ה הָאֱלֹהִ֖ים בְּיָדִֽי׃ 10וַיַּ֣עַשׂ יְהוֹשֻׁ֗עַ כַּאֲשֶׁ֤ר אָֽמַר־לוֹ֙ מֹשֶׁ֔ה לְהִלָּחֵ֖ם בַּעֲמָלֵ֑ק וּמֹשֶׁה֙ אַהֲרֹ֣ן #24‏.14; 31‏.2וְח֔וּר עָל֖וּ רֹ֥אשׁ הַגִּבְעָֽה׃ 11וְהָיָ֗ה כַּאֲשֶׁ֨ר יָרִ֥ים מֹשֶׁ֛ה יָד֖וֹ וְגָבַ֣ר יִשְׂרָאֵ֑ל וְכַאֲשֶׁ֥ר יָנִ֛יחַ יָד֖וֹ וְגָבַ֥ר עֲמָלֵֽק׃ 12וִידֵ֤י מֹשֶׁה֙ כְּבֵדִ֔ים וַיִּקְחוּ־אֶ֛בֶן וַיָּשִׂ֥ימוּ תַחְתָּ֖יו וַיֵּ֣שֶׁב עָלֶ֑יהָ וְאַהֲרֹ֨ן וְח֜וּר תָּֽמְכ֣וּ בְיָדָ֗יו מִזֶּ֤ה אֶחָד֙ וּמִזֶּ֣ה אֶחָ֔ד וַיְהִ֥י יָדָ֛יו אֱמוּנָ֖ה עַד־בֹּ֥א הַשָּֽׁמֶשׁ׃ 13וַיַּחֲלֹ֧שׁ יְהוֹשֻׁ֛עַ אֶת־עֲמָלֵ֥ק וְאֶת־עַמּ֖וֹ לְפִי־חָֽרֶב׃ פ

14וַיֹּ֨אמֶר יְהוָ֜ה אֶל־מֹשֶׁ֗ה #24‏.4; 34‏.27; במד' 33‏.2כְּתֹ֨ב זֹ֤את זִכָּרוֹן֙ בַּסֵּ֔פֶר וְשִׂ֖ים בְּאָזְנֵ֣י יְהוֹשֻׁ֑עַ כִּֽי־מָחֹ֤ה #דבר' 25‏.19; שמ"א 15‏.3אֶמְחֶה֙ אֶת־זֵ֣כֶר עֲמָלֵ֔ק מִתַּ֖חַת הַשָּׁמָֽיִם׃ 15#ברא' 8‏.20+; שמות 24‏.4וַיִּ֥בֶן מֹשֶׁ֖ה מִזְבֵּ֑חַ #ברא' 22‏.14; שפט' 6‏.24וַיִּקְרָ֥א שְׁמ֖וֹ יְהוָ֥ה ׀ נִסִּֽי׃ 16וַיֹּ֗אמֶר #ברא' 22‏.16כִּֽי־יָד֙ עַל־כֵּ֣ס יָ֔הּ מִלְחָמָ֥ה לַיהוָ֖ה בַּֽעֲמָלֵ֑ק מִדֹּ֖ר דֹּֽר׃ פ

Currently Selected:

שמות יז: תנ"ך

Highlight

Copy