KUHALAWA 4
4
Mulungu Komgwaa Musa Mhiko za Kutenda Mizonza
1Abaho Musa kamwidika MNDEWA, “Yowaze kamba wanhu waja hawanitogole ama hawanitegeleze na kulonga, ‘MNDEWA hakulawilile’?”
2MNDEWA kamuuza, “Kugoga choni mumkono wako?”
Kalonga, “Fimbo.”
3MNDEWA kamulongela, “Ibwanhe hasi.” Musa viyaibwanhile hasi ija ifimbo, igaluka nyoka, na Musa kazumha kuchugu. 4Abaho MNDEWA kamulongela Musa, “Golosa mkono wako, umgoge umkila.” Avo Musa kagolosa mkono wake na kumgoga, na ija inyoka kagaluka kuwa fimbo kabili. 5MNDEWA kalonga, “Vino vivo vondawatogole kamba, MNDEWA, Mulungu wa wahenga zao, Mulungu wa Ablaham, Isaka, na Yakobo, kakulawilila gweye.”
6Kabili MNDEWA kamulongela Musa, “Gela mkono wako mdiguo hana imhambaga yako.” Avo Musa kagela mkono wake mdiguo hana imhambaga yake, na viyaulavile, mkono wake ukala na dikulu, ugaluka mnzelu kamba usage. 7Abaho MNDEWA kamulongela, “Gela kabili mkono wako mdiguo hana imhambaga.” Avo kaugela kabili mkono wake mdiguo hana imhambaga, na viyaulavile, uwa mgima kamba vulukalile lukuli lwake lusigale. 8MNDEWA kamulongela Musa, “Kamba hawakutogole ama kukutegeleza mumzonza wa ichanduso, basi wokutogola mumzonza wa ikabili. 9Na kamba hawaitogole mizonza ino mibili, ama kukutegeleza, deha mazi kidogo kulawa Mulwanda lwa Naili, ukagetile muisi inyalile. Mazi gondaudehe kulawa mulwanda gogaluka mulopa muisi inyalile.”
10Musa kamulongela MNDEWA, “Mndewa wangu, nie sidaha kulonga goya songela umwaka, mbaka kipigiti kino vuulonga na nie. Nie nna kigagaziko, na lulimi lwangu luzalama.”
11MNDEWA kamulongela, “Yalihi yamgwelele munhu mulomo? Yalihi yomtenda munhu kuwa kinziwi ama bubui? Yalihi yomgwelela meso ama yomtenda yawe kimbugumbugu? Sio nie, MNDEWA? 12Avo genda, nokugwelela udaho wa kulonga, na nokufundiza mbuli za kulonga.”
13Ila Musa kalonga, “MNDEWA, mtume munhu iyagwe.”
14Abaho MNDEWA kamonela lusango Musa, na kulonga, “Komonaze mkulu wako Haloni Mulawi? Nivimanya kamba kodaha kulonga goya. Heyo ka mnzila kokwiza kuiting'hana na gweye, na moyo wake wodeng'ha ng'hani yahakona gweye. 15Longelela nayo, na umulongele mbuli za kulonga, na nie nowa hamoja na mulomo wako na mulomo wake, na nie nowafundiza mweye gaja gondamtende. 16Heyo iyo yondayawalongele wanhu sama yako gweye, yowa kamba vija heyo iyo yali na mulomo wako gweye na kamba vija gweye iyo Mulungu kumwake. 17Sola fimbo ino igoge mumkono wako kwavija kotenda mizonza kubitila fimbo ino.”
Musa Kobweleganya Misili
18Abaho Musa kabwela ha mkwe yake Yeslo na kumulongela, “Beta nibweleganye ha wandugu zangu ako Misili, nyone kamba wang'hali wagima ama vilihi.”
Yeslo kalonga, “Genda, na nie nokulondela upile mmwanza wako.”
19MNDEWA kamulongela Musa kuna iisi ya Midiani, “Bwela muisi ya Misili, kwavija waja wose wakalile wozahila ugima wako wadanganhika.” 20Avo Musa kawasola wanage na mtwanzi wake, na kuwakweleza mmhunda na kubweleganya muisi ya Misili, na Musa kaigoga ija ifimbo ya Mulungu mumkono wake.
21MNDEWA kamulongela Musa, “Uhabweleganya muisi ya Misili, ukaitende mizonza yose ija inikugwelele udaho wa kuitenda, ukaitende haulongozi wa Falao. Ila nie nougela udala moyo wake giladi sambiyawaleke wanhu wachole. 22Abaho mulongele Falao kamba MNDEWA kalonga vino, ‘Islaeli iyo chaudele wangu, 23na nie nikulongela, “Muleke mwanangu yachole, giladi yakanitambikile.” Ila kulema kumuleka yachole, avo nomkoma chaudele wako.’ ”
24Viwakalile mnzila wochola Misili, MNDEWA kaiting'hana na Musa hanhu hawekile ng'hambi na kulonda kumkoma. 25Ila Sipola, mtwanzi wake, kasola dibwe dibita na kumwingiza kumbi mwanage na kumkwasa Musa mmagulu gake na idigovi, na kumulongela, “Kweli gweye iyo mbigalo wa mulopa kumwangu nie!” 26Avo MNDEWA kaleka kumkoma Musa. Abaho Sipola kalonga, “Gweye kwa mulawilamhambe wa mulopa kubitila kumbi.”
27MNDEWA kamulongela Haloni, “Genda muluwala koiting'hana na Musa.” Avo kachola na kum'vika hana idigongo da Mulungu, kamnonela. 28Musa kamulongela Haloni mbuli zose MNDEWA ziyamtumile heyo yeze kulonga na mizonza yose iyamulagize kuitenda. 29Abaho Musa na Haloni wawakema hamoja wakulu wose wa Islaeli, 30na Haloni kawalongela mbuli zose MNDEWA ziyamulongele Musa. Vivija Haloni katenda ija imizonza haulongozi wao, 31na hewo watogola. Na viwahulike kamba MNDEWA kayona migayo yao na konda kuwataza, wafugama mavindi wainamila mbaka hasi, watambika.
Currently Selected:
KUHALAWA 4: Kizalamo
Highlight
Share
Copy
Want to have your highlights saved across all your devices? Sign up or sign in
Zaramo Bible Translation Project: © 2023 Pioneer Bible Translators
New Testament is a revision of: Zaramo New Testament: © 2020 The Word for the World International and © 2020 Pioneer Bible Translators
KUHALAWA 4
4
Mulungu Komgwaa Musa Mhiko za Kutenda Mizonza
1Abaho Musa kamwidika MNDEWA, “Yowaze kamba wanhu waja hawanitogole ama hawanitegeleze na kulonga, ‘MNDEWA hakulawilile’?”
2MNDEWA kamuuza, “Kugoga choni mumkono wako?”
Kalonga, “Fimbo.”
3MNDEWA kamulongela, “Ibwanhe hasi.” Musa viyaibwanhile hasi ija ifimbo, igaluka nyoka, na Musa kazumha kuchugu. 4Abaho MNDEWA kamulongela Musa, “Golosa mkono wako, umgoge umkila.” Avo Musa kagolosa mkono wake na kumgoga, na ija inyoka kagaluka kuwa fimbo kabili. 5MNDEWA kalonga, “Vino vivo vondawatogole kamba, MNDEWA, Mulungu wa wahenga zao, Mulungu wa Ablaham, Isaka, na Yakobo, kakulawilila gweye.”
6Kabili MNDEWA kamulongela Musa, “Gela mkono wako mdiguo hana imhambaga yako.” Avo Musa kagela mkono wake mdiguo hana imhambaga yake, na viyaulavile, mkono wake ukala na dikulu, ugaluka mnzelu kamba usage. 7Abaho MNDEWA kamulongela, “Gela kabili mkono wako mdiguo hana imhambaga.” Avo kaugela kabili mkono wake mdiguo hana imhambaga, na viyaulavile, uwa mgima kamba vulukalile lukuli lwake lusigale. 8MNDEWA kamulongela Musa, “Kamba hawakutogole ama kukutegeleza mumzonza wa ichanduso, basi wokutogola mumzonza wa ikabili. 9Na kamba hawaitogole mizonza ino mibili, ama kukutegeleza, deha mazi kidogo kulawa Mulwanda lwa Naili, ukagetile muisi inyalile. Mazi gondaudehe kulawa mulwanda gogaluka mulopa muisi inyalile.”
10Musa kamulongela MNDEWA, “Mndewa wangu, nie sidaha kulonga goya songela umwaka, mbaka kipigiti kino vuulonga na nie. Nie nna kigagaziko, na lulimi lwangu luzalama.”
11MNDEWA kamulongela, “Yalihi yamgwelele munhu mulomo? Yalihi yomtenda munhu kuwa kinziwi ama bubui? Yalihi yomgwelela meso ama yomtenda yawe kimbugumbugu? Sio nie, MNDEWA? 12Avo genda, nokugwelela udaho wa kulonga, na nokufundiza mbuli za kulonga.”
13Ila Musa kalonga, “MNDEWA, mtume munhu iyagwe.”
14Abaho MNDEWA kamonela lusango Musa, na kulonga, “Komonaze mkulu wako Haloni Mulawi? Nivimanya kamba kodaha kulonga goya. Heyo ka mnzila kokwiza kuiting'hana na gweye, na moyo wake wodeng'ha ng'hani yahakona gweye. 15Longelela nayo, na umulongele mbuli za kulonga, na nie nowa hamoja na mulomo wako na mulomo wake, na nie nowafundiza mweye gaja gondamtende. 16Heyo iyo yondayawalongele wanhu sama yako gweye, yowa kamba vija heyo iyo yali na mulomo wako gweye na kamba vija gweye iyo Mulungu kumwake. 17Sola fimbo ino igoge mumkono wako kwavija kotenda mizonza kubitila fimbo ino.”
Musa Kobweleganya Misili
18Abaho Musa kabwela ha mkwe yake Yeslo na kumulongela, “Beta nibweleganye ha wandugu zangu ako Misili, nyone kamba wang'hali wagima ama vilihi.”
Yeslo kalonga, “Genda, na nie nokulondela upile mmwanza wako.”
19MNDEWA kamulongela Musa kuna iisi ya Midiani, “Bwela muisi ya Misili, kwavija waja wose wakalile wozahila ugima wako wadanganhika.” 20Avo Musa kawasola wanage na mtwanzi wake, na kuwakweleza mmhunda na kubweleganya muisi ya Misili, na Musa kaigoga ija ifimbo ya Mulungu mumkono wake.
21MNDEWA kamulongela Musa, “Uhabweleganya muisi ya Misili, ukaitende mizonza yose ija inikugwelele udaho wa kuitenda, ukaitende haulongozi wa Falao. Ila nie nougela udala moyo wake giladi sambiyawaleke wanhu wachole. 22Abaho mulongele Falao kamba MNDEWA kalonga vino, ‘Islaeli iyo chaudele wangu, 23na nie nikulongela, “Muleke mwanangu yachole, giladi yakanitambikile.” Ila kulema kumuleka yachole, avo nomkoma chaudele wako.’ ”
24Viwakalile mnzila wochola Misili, MNDEWA kaiting'hana na Musa hanhu hawekile ng'hambi na kulonda kumkoma. 25Ila Sipola, mtwanzi wake, kasola dibwe dibita na kumwingiza kumbi mwanage na kumkwasa Musa mmagulu gake na idigovi, na kumulongela, “Kweli gweye iyo mbigalo wa mulopa kumwangu nie!” 26Avo MNDEWA kaleka kumkoma Musa. Abaho Sipola kalonga, “Gweye kwa mulawilamhambe wa mulopa kubitila kumbi.”
27MNDEWA kamulongela Haloni, “Genda muluwala koiting'hana na Musa.” Avo kachola na kum'vika hana idigongo da Mulungu, kamnonela. 28Musa kamulongela Haloni mbuli zose MNDEWA ziyamtumile heyo yeze kulonga na mizonza yose iyamulagize kuitenda. 29Abaho Musa na Haloni wawakema hamoja wakulu wose wa Islaeli, 30na Haloni kawalongela mbuli zose MNDEWA ziyamulongele Musa. Vivija Haloni katenda ija imizonza haulongozi wao, 31na hewo watogola. Na viwahulike kamba MNDEWA kayona migayo yao na konda kuwataza, wafugama mavindi wainamila mbaka hasi, watambika.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zaramo Bible Translation Project: © 2023 Pioneer Bible Translators
New Testament is a revision of: Zaramo New Testament: © 2020 The Word for the World International and © 2020 Pioneer Bible Translators