KUHALAWA 18
18
Yeslo Komtembelela Musa
1Yeslo, mkulu wa nhambiko wa isi ya Midiani, tata mkwe wa Musa, kahulika kila kinhu MNDEWA Mulungu kiyawatendele Musa na wanhu zake Waislaeli kipigiti viyawalavile muisi ya Misili. 2Avo Yeslo kachola ha Musa hamoja na Sipola mtwanzi wa Musa, ayo Musa yakalile yam'bwezile kumwake Yeslo, 3hamoja na wanage wabili wambigalo. Mwana imwe kakala yokemigwa Gelishom,#18:3 Twaga da Gelishom dilinga na ulonzi wa Kieblania uli na nhegulo ya muhenza hiko. kwavija mkipigiti Musa viyakalile Midiani kakala yalongile, “Nie nikala muhenza muisi ya uhenza.” 4Mwanage wa ikabili kakala yokemigwa Eliezeli#18:4 Mkieblania Eli nhegulo yake Mulungu wangu, na Ezeli nhegulo yake kutaza., kwavija Musa kalonga, “Mulungu wa tataangu iyo yanitazile, kanikombola kulawa mdizele da Falao.”
5Yeslo hamoja na wanage Musa na mtwanzi wake Musa, wamcholela Musa kuluwala kuyakalile yekile ng'hambi yake behi na idigongo da Mulungu. 6Kamgalila usenga Musa, kamulongela, “Nie, Yeslo, nokwiza kumwako, hamoja na mtwanzi wako na wanago wabili.” 7Avo Musa kachola kum'bokela tata mkwe yake, kafugama mavindi na kamnonela. Wailamsa abaho wachola mdihema da Musa. 8Musa kamulongela Yeslo kila kinhu MNDEWA kiyatendile ha Falao na ha Wamisili sama ya Waislaeli, mbuli zose ndala ziwaiting'hanile mnzila, na vija MNDEWA viyawakombole. 9Yeslo viyahulike vinhu vose vinogile MNDEWA viyawatendele Waislaeli avija viyawakombole kulawa mmakono ga Wamisili, kanogelwa ng'hani, 10kalonga, “Yayenzigwe MNDEWA, yawakombole mweye kulawa mmakono ga Wamisili na ga Falao. Yayenzigwe MNDEWA, yawakombole wanhu zake kulawa muunyakadala. 11Sambi novitanga kamba, MNDEWA iyo mkulu kubanza miungu yose, kwavija kawakombola Waislaeli kulawa ha Wamisili wene matopa.” 12Abaho Yeslo kamulavila Mulungu nhosa ya kulukuza na nhosa ziyagwe, na Haloni keza hamoja na wavyele wose wa Islaeli kuja mandia hamoja na Yeslo haulongozi wa Mulungu.
Kusaguligwa kwa Walamula
(Ng'humb. 1:9-18)
13Zua da ikabili Musa kasola nafasi yake kamba mulamula wa wanhu, na wanhu wamzunguluka songela imitondo mbaka ichungulo. 14Kipigiti Yeslo viyagawene gaja gose Musa gayawatendele wanhu, kalonga, “Choni kino chuuwatendela wanhu? Habali utenda gano gose gweye wiyeka, na wanhu wano wose wokuzunguluka gweye songela imitondo mbaka ichungulo?”
15Musa kamulongela Yeslo, “Kwavija wanhu wokwiza kumwangu na kuuza gaja goyolonda Mulungu. 16Wanhu wahawa na ngomba yoyose, woigala kumwangu, na nie nowalamula wanhu hiwo, na nowalongela ndagizi na malagizo ga Mulungu.”
17Yeslo kamulongela Musa, “Kinhu chuutenda hakinogile. 18Kweli koidonheza mwenyego, moidonheza mose, gweye na wanhu wano wali hamoja na gweye. Sang'hano ino ng'hulu ng'hani kumwako, hudaha kuisang'hana gweye wiyeka. 19Nitegeleze nie. Nie nokugwelela masala, na Mulungu kowa hamoja na gweye. Wime haulongozi wa Mulungu sama ya wanhu wose, na gweye kozigala mbuli zao kumwake. 20Gweye uwafundize ndagizi za Mulungu, kowapetela vija vowolondigwa kukala, na kija chowolondigwa kutenda. 21Sagula wanhu wali na udaho kulawa mmwanza wa wanhu wose, wanhu womdumba Mulungu, wanhu walibule uzenzeleganye, na awo wokwihilwa kulava ama kubokela hela za uzenzeleganye. Uwasagule wawe vilangizi wa wanhu alufu, wanhu mia, wanhu malongo matano, na wanhu longo dimwe. 22Hewo wosang'hanika kamba walamula wa wanhu mkipigiti chose, kila mbuli ngaga woigala kumwako, ila mbuli ibuhile woilamula hewo wenyego. Avo vobuha kumwako kwavija wosangila kulamula mbuli hamoja na gweye. 23Kamba uhatenda vino, kamba viyalagize Mulungu, huidonheza, na wanhu wano wose wochola mzikae zao kuno mbuli zao zimalile.”
24Musa kamtegeleza Yeslo na kutenda gose gayalongile. 25Musa kasagula wanhu wali na udaho kulawa mwa Waislaeli wose, na kuwatenda kuwa vilangizi, wawe wakulu wa madale ga wanhu alufu, wanhu mia, wanhu malongo matano, na wanhu longo dimwe. 26Na hewo wasang'hanika kamba walamula wa wanhu m'vipigiti vose, mbuli ngaga wazigala ha Musa, ila mbuli zibuhile wazilamula hewo wenyego. 27Abaho Musa kamulaga Yeslo, na Yeslo kabwela muisi yake mwenyego.
Currently Selected:
KUHALAWA 18: Kizalamo
Highlight
Share
Copy
Want to have your highlights saved across all your devices? Sign up or sign in
Zaramo Bible Translation Project: © 2023 Pioneer Bible Translators
New Testament is a revision of: Zaramo New Testament: © 2020 The Word for the World International and © 2020 Pioneer Bible Translators
KUHALAWA 18
18
Yeslo Komtembelela Musa
1Yeslo, mkulu wa nhambiko wa isi ya Midiani, tata mkwe wa Musa, kahulika kila kinhu MNDEWA Mulungu kiyawatendele Musa na wanhu zake Waislaeli kipigiti viyawalavile muisi ya Misili. 2Avo Yeslo kachola ha Musa hamoja na Sipola mtwanzi wa Musa, ayo Musa yakalile yam'bwezile kumwake Yeslo, 3hamoja na wanage wabili wambigalo. Mwana imwe kakala yokemigwa Gelishom,#18:3 Twaga da Gelishom dilinga na ulonzi wa Kieblania uli na nhegulo ya muhenza hiko. kwavija mkipigiti Musa viyakalile Midiani kakala yalongile, “Nie nikala muhenza muisi ya uhenza.” 4Mwanage wa ikabili kakala yokemigwa Eliezeli#18:4 Mkieblania Eli nhegulo yake Mulungu wangu, na Ezeli nhegulo yake kutaza., kwavija Musa kalonga, “Mulungu wa tataangu iyo yanitazile, kanikombola kulawa mdizele da Falao.”
5Yeslo hamoja na wanage Musa na mtwanzi wake Musa, wamcholela Musa kuluwala kuyakalile yekile ng'hambi yake behi na idigongo da Mulungu. 6Kamgalila usenga Musa, kamulongela, “Nie, Yeslo, nokwiza kumwako, hamoja na mtwanzi wako na wanago wabili.” 7Avo Musa kachola kum'bokela tata mkwe yake, kafugama mavindi na kamnonela. Wailamsa abaho wachola mdihema da Musa. 8Musa kamulongela Yeslo kila kinhu MNDEWA kiyatendile ha Falao na ha Wamisili sama ya Waislaeli, mbuli zose ndala ziwaiting'hanile mnzila, na vija MNDEWA viyawakombole. 9Yeslo viyahulike vinhu vose vinogile MNDEWA viyawatendele Waislaeli avija viyawakombole kulawa mmakono ga Wamisili, kanogelwa ng'hani, 10kalonga, “Yayenzigwe MNDEWA, yawakombole mweye kulawa mmakono ga Wamisili na ga Falao. Yayenzigwe MNDEWA, yawakombole wanhu zake kulawa muunyakadala. 11Sambi novitanga kamba, MNDEWA iyo mkulu kubanza miungu yose, kwavija kawakombola Waislaeli kulawa ha Wamisili wene matopa.” 12Abaho Yeslo kamulavila Mulungu nhosa ya kulukuza na nhosa ziyagwe, na Haloni keza hamoja na wavyele wose wa Islaeli kuja mandia hamoja na Yeslo haulongozi wa Mulungu.
Kusaguligwa kwa Walamula
(Ng'humb. 1:9-18)
13Zua da ikabili Musa kasola nafasi yake kamba mulamula wa wanhu, na wanhu wamzunguluka songela imitondo mbaka ichungulo. 14Kipigiti Yeslo viyagawene gaja gose Musa gayawatendele wanhu, kalonga, “Choni kino chuuwatendela wanhu? Habali utenda gano gose gweye wiyeka, na wanhu wano wose wokuzunguluka gweye songela imitondo mbaka ichungulo?”
15Musa kamulongela Yeslo, “Kwavija wanhu wokwiza kumwangu na kuuza gaja goyolonda Mulungu. 16Wanhu wahawa na ngomba yoyose, woigala kumwangu, na nie nowalamula wanhu hiwo, na nowalongela ndagizi na malagizo ga Mulungu.”
17Yeslo kamulongela Musa, “Kinhu chuutenda hakinogile. 18Kweli koidonheza mwenyego, moidonheza mose, gweye na wanhu wano wali hamoja na gweye. Sang'hano ino ng'hulu ng'hani kumwako, hudaha kuisang'hana gweye wiyeka. 19Nitegeleze nie. Nie nokugwelela masala, na Mulungu kowa hamoja na gweye. Wime haulongozi wa Mulungu sama ya wanhu wose, na gweye kozigala mbuli zao kumwake. 20Gweye uwafundize ndagizi za Mulungu, kowapetela vija vowolondigwa kukala, na kija chowolondigwa kutenda. 21Sagula wanhu wali na udaho kulawa mmwanza wa wanhu wose, wanhu womdumba Mulungu, wanhu walibule uzenzeleganye, na awo wokwihilwa kulava ama kubokela hela za uzenzeleganye. Uwasagule wawe vilangizi wa wanhu alufu, wanhu mia, wanhu malongo matano, na wanhu longo dimwe. 22Hewo wosang'hanika kamba walamula wa wanhu mkipigiti chose, kila mbuli ngaga woigala kumwako, ila mbuli ibuhile woilamula hewo wenyego. Avo vobuha kumwako kwavija wosangila kulamula mbuli hamoja na gweye. 23Kamba uhatenda vino, kamba viyalagize Mulungu, huidonheza, na wanhu wano wose wochola mzikae zao kuno mbuli zao zimalile.”
24Musa kamtegeleza Yeslo na kutenda gose gayalongile. 25Musa kasagula wanhu wali na udaho kulawa mwa Waislaeli wose, na kuwatenda kuwa vilangizi, wawe wakulu wa madale ga wanhu alufu, wanhu mia, wanhu malongo matano, na wanhu longo dimwe. 26Na hewo wasang'hanika kamba walamula wa wanhu m'vipigiti vose, mbuli ngaga wazigala ha Musa, ila mbuli zibuhile wazilamula hewo wenyego. 27Abaho Musa kamulaga Yeslo, na Yeslo kabwela muisi yake mwenyego.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zaramo Bible Translation Project: © 2023 Pioneer Bible Translators
New Testament is a revision of: Zaramo New Testament: © 2020 The Word for the World International and © 2020 Pioneer Bible Translators