Esy'Abaleefi 6
6
1 #
Hub 5:5-8. Omwaami haandi yaberesa Musa amalako kano. 2Esiyaanwa sihoyere ohuubbwa niwiichuhana omuundu yeesi yaahola esyonoono eyiri Omwaami, naahaya ohukobosera Omuisiraeli waasye esiindu syaaba niyamusiingira oba naaba yamwiibaho esiindu syoosi, oba naaba namwiiba 3oba naaba yamubachira hu siindu syoosi esiba nisikotere, haandi naaba niyelayira nae haba saasibweeneho. 4Omuundu yeesi naaba naaholere esyonoono, mani yaamanya ati sy'aholere sibi nisyo, ahoyere ohutulaniramo yaachia yaakobosayo esyo syoosi syaaba n'anyoolere oba niyanyoola mu bwiibi, oba syaaba yanyoola mu hufwiinyirira abaasye, oba ohutula hu siindu sibamusiingira, oba ohutula hu siindu siba nisyakota mani nae yaaba niyasidoola sa, 5oba ohutula hu siindu syoosi syaaba niyalaira naabacha sa; ahoyere ohusikobosayo syosi, haandi ameedeho neende esituundu silala hu bituundu bitaanu byasyo, mani amale abiberese oyo owali omweenesyo, hu ludaalo lwaaba naachia ohuyaaniraho esiyaanwa sy'embaanga ohumuloba. 6Mani ahoyere ohuleeta eyiri omulaamisi esiyaanwa sy'ohutuunga ekobi eyiri Omwaami, ekoondi emiiku, oba embusi ehole, buli situla nga haba sisiriho obufwoolwa bwoosi daawe. Obukusi bwa buli situla buhoyere ohukererwaangwa hu bukusi buba nibwabufukiirirwa ohwehoonyeraanga obuba nibuliwo. 7Mani omulaamisi oyo aba achia ohuyaana esiyaana esyo esy'esyonoono sy'omuundu oyo, mani anyale ohuleherwamo.
Ebiyaanwa bisaambwa byoosi.
8Omwaami haandi yalagira Musa 9ohuberesa Arooni alala neende abaana bae amalako kano, akadiira hu biyaanwa bisaambwa byoosi. Esiyaanwa sisaambwa, sihoyere ohulehwa hu alutaari ohumala esiro syoosi, haandi omuliro kwosi kuhoyere ohulehwa nikwaaduha kutyo. 10Mani omulaamisi, naaba niyefwaalire esyefwaalo sy'elaasi, haandi neende esinyaasa esiimbikiti esy'elaasi, ahoyere ohuchia yaatusaho ekohe ly'obuchuude elyo, eliba nilidoong'ere hu alutaari, mani naalita endulo w'alutaari eyo. 11Naamala atyo, achia yafwaalulamo engubo echio choosi mani yafwaala echiindi mani yaakiinga ekohe elyo yaalitusa erwaanyi w'ekaambi yaaliyira abuundu ataali aw'omusiro. 12Omuliro kuli hu alutaari kuhoyere ohulehwa nikwaaduhaanga sa esiha syoosi, nae kutalehwaanga kusima daawe. Buli echuli, omulaamisi ahoyere ohuchichaanga n'ameedaho eehwi, naatekehaho bulai ebiyaanwa bisaambwa byoosi, haandi n'asaamba amasinya k'esiyaanwa sy'ohukobola alala. 13Omuliro kuhoyere ohulehwa nikwaaduha esiha syoosi hu alutaari, nae kutalehwaanga kusima daawe.
Ebiyaanwa by'emere
14Kano kati niko amalako kadiira hu biyaanwa by'emere. Omulaamisi w'oluya lw'Arooni niye ohoyere ohuchichaanga ayira esiyaanwa sy'emere eyiri Omwaami, mu moni w'alutaari. 15Bulaanu achia ohubukulaanga oluyu lulala olw'obusye neende amafuta, haandi ameedeho obubbaani, mani amale asaambirenge hu alutaari koti ahalolero heekesa mbwe obusye bwoosi buyaanirwe eyiri Omwaami. Esaami y'esiyaanwa sino, yisangaasa muno Omwaami. 16Nae obudoong'aho bwoosi Arooni neende abaana bae nibo abahoyere ohubulichaanga; buhoyere ohuliirwaanga Abuundu Woolerefu nibutabbaahirwe; mu lwaanyi lw'Eyeema ly'Ohubaao hw'Omwaami, ao niwo yi bachia ohubuliiraanga. 17Haba sibuhoyeerwe ohubbaahwa neende amamera daawe. Esyo, ese mbabeere ohuba koti omukabo kwaabwe ohutula hu biyaanwa byaange by'ohusaambwa bulaamba neende omuliro; siindu syoolerefu muno, koti sa ebiyaanwa by'esyonoono, haandi koti ebiyaanwa by'ohutuunga ekobi. 18Mani hulw'endaalo choosi echiicha, buli muundu w'esisaacha omwiichuhulu w'Arooni, niye ohoyere ohulichaanga sino siyaanwa, nisiri koti omukabo kwaabwe okuchiiririra okw'ebyohulya okuyaanwa eyiri Omwaami. Mani omuundu yeesi odiiraho hu siyaanwa sy'esyohulya esyo, aba achia ohunyaalwa neende amaani k'obwoolerefu bwasyo.
19Haandi Omwaami yaaberesa Musa amalako kano 20akadiira hu hwaawula omulaamisi ow'oluya lwa Arooni. Hu ludaalo lu yaaulirwaho, ahoyere ohuchia yayaanira esiyaanwa Omwaami esy'ekiloguraamu ndala ey'obusye (obuungi obwaaka koti obw'esiyaanwa sy'emere esya buli ludaalo), esituundu ayaanayo echuli, haandi esituundu siindi asiyaaneyo engoloobe. 21Buhoyere ohusaaswa alala neende amafuta mani baamala baabudeehera hu sikaraayi mani baakihalaka-halakamo mani baakiyaanayo koti esiyaanwa sy'emere, esiri neende esaami yisangaasa Omwaami. 22Endaalo choosi echiicha, esiyaanwa sino sichia ohuyaanwaanga neende buli mwiichuhulu w'Arooni oba naali ohuhalaabanaanga koti Omulaamisi Muhuluundu. Sihoyere ohusaambibwaanga bulaamba siwa, koti esiyaanwa sy'Omwaami. 23Abulao esituundu syoosi esy'esiyaanwa sy'emere si mulaamisi yeesi yoobba esihoyere ohuliibwa daawe; syoosi sihoyere ohusaambibwa syaawa.
Ebiyaanwa by'esyonoono
24Omwaami haandi yalagira Musa 25ohuberesa Arooni alala neende abaana bae amalako akadiira hu biyaanwa by'esyonoono bino biti. Esisolo siba nisichia ohuyaanwa koti esiyaanwa sy'esyonoono, sihoyere ohwiitirwa hu lwaande lw'emukulu lw'alutaari, yi bisolo by'ebiyaanwa bisaambwa byoosi yi biitirwaanga. Esiyaanwa sino siba siri esiyaanwa syoolerefu muno. 26Omulaamisi yeesi oba niye oyaanayo esiyaanwa sy'esisolo, niye oba ahoyere ohuyiriira Abuundu Woolerefu, alwaanyi lw'Eyeema ly'Ohubaao hw'Omwaami. 27Omuundu yeesi odiira, oba esiindu syoosi esidiira hu nyama y'esisolo esyo, aba achia oba siba sichia ohunyaalibwa neende amaani k'obwoolerefu bwayo. Oba esiindu syoosi esyaholwa mu ngubo, nisidoonyaho amabaanga k'esisolo ako, siba sihoyere ohwooserwa Abuundu Woolerefu ao. 28Buli nuungiro y'eloba yi baba nibadeheeremo, yihoyere ohwaatwa, nae nikali mbwe enuungiro eyo y'esichuma, yiba yihoyere ohuruudwa mani syaakamulwa neende amaachi manyirifu muno. 29Buli muundu w'esisaacha otula hu mabaanga k'obulaamisi niye ohoyere ohulya esiyaanwa sino; esyoolerefu muno. 30Nae amabaanga kaandi koosi nikaleetwa keengiswa mu Yeema, mani kehoonyerwa mu muduunga kw'ohumalao esyonoono, esisolo esyo haba sisiba nisihoyeerwe ohuliibwa daawe; siba sihoyere ohusaambwaanga sa siwa.
Currently Selected:
Esy'Abaleefi 6: SAMDC
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Esy'Abaleefi 6
6
1 #
Hub 5:5-8. Omwaami haandi yaberesa Musa amalako kano. 2Esiyaanwa sihoyere ohuubbwa niwiichuhana omuundu yeesi yaahola esyonoono eyiri Omwaami, naahaya ohukobosera Omuisiraeli waasye esiindu syaaba niyamusiingira oba naaba yamwiibaho esiindu syoosi, oba naaba namwiiba 3oba naaba yamubachira hu siindu syoosi esiba nisikotere, haandi naaba niyelayira nae haba saasibweeneho. 4Omuundu yeesi naaba naaholere esyonoono, mani yaamanya ati sy'aholere sibi nisyo, ahoyere ohutulaniramo yaachia yaakobosayo esyo syoosi syaaba n'anyoolere oba niyanyoola mu bwiibi, oba syaaba yanyoola mu hufwiinyirira abaasye, oba ohutula hu siindu sibamusiingira, oba ohutula hu siindu siba nisyakota mani nae yaaba niyasidoola sa, 5oba ohutula hu siindu syoosi syaaba niyalaira naabacha sa; ahoyere ohusikobosayo syosi, haandi ameedeho neende esituundu silala hu bituundu bitaanu byasyo, mani amale abiberese oyo owali omweenesyo, hu ludaalo lwaaba naachia ohuyaaniraho esiyaanwa sy'embaanga ohumuloba. 6Mani ahoyere ohuleeta eyiri omulaamisi esiyaanwa sy'ohutuunga ekobi eyiri Omwaami, ekoondi emiiku, oba embusi ehole, buli situla nga haba sisiriho obufwoolwa bwoosi daawe. Obukusi bwa buli situla buhoyere ohukererwaangwa hu bukusi buba nibwabufukiirirwa ohwehoonyeraanga obuba nibuliwo. 7Mani omulaamisi oyo aba achia ohuyaana esiyaana esyo esy'esyonoono sy'omuundu oyo, mani anyale ohuleherwamo.
Ebiyaanwa bisaambwa byoosi.
8Omwaami haandi yalagira Musa 9ohuberesa Arooni alala neende abaana bae amalako kano, akadiira hu biyaanwa bisaambwa byoosi. Esiyaanwa sisaambwa, sihoyere ohulehwa hu alutaari ohumala esiro syoosi, haandi omuliro kwosi kuhoyere ohulehwa nikwaaduha kutyo. 10Mani omulaamisi, naaba niyefwaalire esyefwaalo sy'elaasi, haandi neende esinyaasa esiimbikiti esy'elaasi, ahoyere ohuchia yaatusaho ekohe ly'obuchuude elyo, eliba nilidoong'ere hu alutaari, mani naalita endulo w'alutaari eyo. 11Naamala atyo, achia yafwaalulamo engubo echio choosi mani yafwaala echiindi mani yaakiinga ekohe elyo yaalitusa erwaanyi w'ekaambi yaaliyira abuundu ataali aw'omusiro. 12Omuliro kuli hu alutaari kuhoyere ohulehwa nikwaaduhaanga sa esiha syoosi, nae kutalehwaanga kusima daawe. Buli echuli, omulaamisi ahoyere ohuchichaanga n'ameedaho eehwi, naatekehaho bulai ebiyaanwa bisaambwa byoosi, haandi n'asaamba amasinya k'esiyaanwa sy'ohukobola alala. 13Omuliro kuhoyere ohulehwa nikwaaduha esiha syoosi hu alutaari, nae kutalehwaanga kusima daawe.
Ebiyaanwa by'emere
14Kano kati niko amalako kadiira hu biyaanwa by'emere. Omulaamisi w'oluya lw'Arooni niye ohoyere ohuchichaanga ayira esiyaanwa sy'emere eyiri Omwaami, mu moni w'alutaari. 15Bulaanu achia ohubukulaanga oluyu lulala olw'obusye neende amafuta, haandi ameedeho obubbaani, mani amale asaambirenge hu alutaari koti ahalolero heekesa mbwe obusye bwoosi buyaanirwe eyiri Omwaami. Esaami y'esiyaanwa sino, yisangaasa muno Omwaami. 16Nae obudoong'aho bwoosi Arooni neende abaana bae nibo abahoyere ohubulichaanga; buhoyere ohuliirwaanga Abuundu Woolerefu nibutabbaahirwe; mu lwaanyi lw'Eyeema ly'Ohubaao hw'Omwaami, ao niwo yi bachia ohubuliiraanga. 17Haba sibuhoyeerwe ohubbaahwa neende amamera daawe. Esyo, ese mbabeere ohuba koti omukabo kwaabwe ohutula hu biyaanwa byaange by'ohusaambwa bulaamba neende omuliro; siindu syoolerefu muno, koti sa ebiyaanwa by'esyonoono, haandi koti ebiyaanwa by'ohutuunga ekobi. 18Mani hulw'endaalo choosi echiicha, buli muundu w'esisaacha omwiichuhulu w'Arooni, niye ohoyere ohulichaanga sino siyaanwa, nisiri koti omukabo kwaabwe okuchiiririra okw'ebyohulya okuyaanwa eyiri Omwaami. Mani omuundu yeesi odiiraho hu siyaanwa sy'esyohulya esyo, aba achia ohunyaalwa neende amaani k'obwoolerefu bwasyo.
19Haandi Omwaami yaaberesa Musa amalako kano 20akadiira hu hwaawula omulaamisi ow'oluya lwa Arooni. Hu ludaalo lu yaaulirwaho, ahoyere ohuchia yayaanira esiyaanwa Omwaami esy'ekiloguraamu ndala ey'obusye (obuungi obwaaka koti obw'esiyaanwa sy'emere esya buli ludaalo), esituundu ayaanayo echuli, haandi esituundu siindi asiyaaneyo engoloobe. 21Buhoyere ohusaaswa alala neende amafuta mani baamala baabudeehera hu sikaraayi mani baakihalaka-halakamo mani baakiyaanayo koti esiyaanwa sy'emere, esiri neende esaami yisangaasa Omwaami. 22Endaalo choosi echiicha, esiyaanwa sino sichia ohuyaanwaanga neende buli mwiichuhulu w'Arooni oba naali ohuhalaabanaanga koti Omulaamisi Muhuluundu. Sihoyere ohusaambibwaanga bulaamba siwa, koti esiyaanwa sy'Omwaami. 23Abulao esituundu syoosi esy'esiyaanwa sy'emere si mulaamisi yeesi yoobba esihoyere ohuliibwa daawe; syoosi sihoyere ohusaambibwa syaawa.
Ebiyaanwa by'esyonoono
24Omwaami haandi yalagira Musa 25ohuberesa Arooni alala neende abaana bae amalako akadiira hu biyaanwa by'esyonoono bino biti. Esisolo siba nisichia ohuyaanwa koti esiyaanwa sy'esyonoono, sihoyere ohwiitirwa hu lwaande lw'emukulu lw'alutaari, yi bisolo by'ebiyaanwa bisaambwa byoosi yi biitirwaanga. Esiyaanwa sino siba siri esiyaanwa syoolerefu muno. 26Omulaamisi yeesi oba niye oyaanayo esiyaanwa sy'esisolo, niye oba ahoyere ohuyiriira Abuundu Woolerefu, alwaanyi lw'Eyeema ly'Ohubaao hw'Omwaami. 27Omuundu yeesi odiira, oba esiindu syoosi esidiira hu nyama y'esisolo esyo, aba achia oba siba sichia ohunyaalibwa neende amaani k'obwoolerefu bwayo. Oba esiindu syoosi esyaholwa mu ngubo, nisidoonyaho amabaanga k'esisolo ako, siba sihoyere ohwooserwa Abuundu Woolerefu ao. 28Buli nuungiro y'eloba yi baba nibadeheeremo, yihoyere ohwaatwa, nae nikali mbwe enuungiro eyo y'esichuma, yiba yihoyere ohuruudwa mani syaakamulwa neende amaachi manyirifu muno. 29Buli muundu w'esisaacha otula hu mabaanga k'obulaamisi niye ohoyere ohulya esiyaanwa sino; esyoolerefu muno. 30Nae amabaanga kaandi koosi nikaleetwa keengiswa mu Yeema, mani kehoonyerwa mu muduunga kw'ohumalao esyonoono, esisolo esyo haba sisiba nisihoyeerwe ohuliibwa daawe; siba sihoyere ohusaambwaanga sa siwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019