Esy'Abaleefi 27
27
Amalako kadiira hu biyaanwa bichiira Omwaami
1Omwaami yaberesa Musa 2amalako kaloondaho kano yeekese abaandu ba Yisiraeli. Omuundu n'amalire ohuyaanwa eyiri Omwaami ohwooseresa esyeyamo sikabuhaaneho sy'omuundu wuundi, omuundu oyo ahoyere ohulehuulwa nibamalire ohumutuungira obuungi bw'eseende obwaaka koti obulomalomwaho buno. 3Obuungi bw'eseende chihoyera omuundu musaacha oli ow'emyaaka amahumi kabiri ohwoolera elalira hu myaaka amahumi kasaasaba, buhoyere ohuba ebituundu by'efeesa amahumi kataanu ohweema koti obukusi buba nibwafukiirirwa obuyeraaniraho. 4Nae omuundu oyo naaba naali ow'esihasi, obukusi bumuyeraaniraho buba buli ebituundu by'efeesa amahumi kadatu. 5Nae naaba naali ow'emyaaka ohuchaakira hu myaaka kitaanu ohwoolera elalira hu myaaka amahumi kabiri, ow'esisaacha aba achia ohuba ow'ebituundu by'efeesa amahumi kabiri, nae ow'esihasi ebituundu ehumi. 6Nae omuundu naaba naali otulira hu mwoosi mulala ohwoolera elalira hu myaaka kitaanu eky'obuhuluundu, obukusi bwae buba ohuchia ohuba buti: Ow'esisaacha ebituundu by'efeesa bitaanu, nae ow'esihasi ebituundu by'efeesa bidatu. 7Nae omuundu naaba naali emyaaka amahumi kasaasaba ohwemeeda mu moni, obukusi bwae buba buchia ohuba buti: Ow'esisaacha aba achia ohubechaanga ebituundu by'efeesa ehumi neende bitaanu, nae ow'esihasi ebituundu by'efeesa ehumi.
8Nae omuundu oyo oba naaholere esyeyamo esyo naaba naali omumanani muno, kata otanyala ohunyoola eseende echio, aba achia ohuyirwa eyiri omulaamisi, mani omulaamisi amukerehe obukusi buba nibuli obuyeraanu hooho, obuchianakana neende ohunyala bw'omuundu oyo hu anyale ohutuunga.
9Nae esyeyamo esyo nisiba nisyali esy'esisolo sifukiirirwa ohuba esiyaanwa eyiri Omwaami, buli siyaanwa siba nisyeeyamirwe eyiri Omwaami siba nisihoyeere ohuba nisiri esilafu, 10mani omuundu oba naali niye oholere esyeyamo esyo haba saaba n'ahoyere ohuchia haandi yofwaang'aniamo esiyaanwa esyo neende esiindi daawe. Nae naahola atyo, ebisolo ebyo byoombi bulaanu biba nibihoyere ohuba eby'Omwaami sa. 11Nae esyeyamo esyo nisiba nisyali nisiri esy'esisolo sy'omusiro esitahoyera ohuba esiyaanwa eyiri Omwaami, omuundu oyo aba achia ohuba n'ahoyere ohuchia yaabukula esisolo esyo mani yaasiyira mberi eyiri omulaamisi. 12Mani omulaamisi oyo niye oba naachia ohusikereha obukusi ohweema hu bukusi buba nibuhoyera ohuba obwaasyo, mani obwo nibwo obuba buchia ohuba obukusi bwasyo bweene. 13Mani omuundu oba nasireetere bulaanu n'adaha ohusikula simukobolere, aba ahoyere ohutuunga obukusi obwo, haandi yeecha yameedaho eseende chiindi echiri amahumi kabiri hu buli emia (20/100) y'obukusi obwo.
14Omuundu yeesi n'ayaana enyuumba yae eyiri Omwaami, omulaamisi niye oba n'ahoyere ohuyikereha obukusi bu yiba niyihoyeere ohweema hu bulai oba obubi bwaayo, mani obwo nibwo obuba buchia ohuba obukusi bwayo bweene. 15Mani omuundu oyo oba niye oyaanire enyuumba yae eyo, nae haandi niye odaha ohuyinunula yimukobolere, bulaanu aba ahoyere ohuyikula obukusi obwo, haandi yameedaho eseende choola amahumi kabiri hu buli emia (20/100) y'obukusi obwo.
16Nae omuundu yeesi n'ayaana esituundu siindi sy'eloba lyae eyiri Omwaami, obukusi buba buchia ohukerehwa ohweema hu buungi bw'emwo yiba niyinyala ohutaakwa mu situundu sy'eloba esyo, ohukeraania neende ebituundu by'efeesa ehumi hu buli ekiloguraamu amahumi kabiri ak'esimera silaangwa amabere masuungu. 17N'ayaana eloba elyo luunyuma lw'Omwaaka kw'Ohukobosera ohuwa sa kuti, obukusi bwaalyo bwiichufu bweene nibwo obuba nibunaholerwaho. 18Nae naaliyaana luunyuma hale hooho, omulaamisi aba achia ohubaliirira obuungi bw'eseende ohweema hu myaaka kiba nikinaba nikisiindoong'ereyo Omwaaka kw'Ohukobosera hu kweemeo kwoole, mani ahendeeseho obukusi. 19Mani nikali mbwe omuundu oba niye owayaana omukuunda okwo niye oba naadaha ohukukula kumukobolere, omusaacha oyo oba omuhasi oyo aba ahoyere ohutuunga obukusi obwo haandi neende ohumeedaho eseende chiba nichaaka neende amahumi kabiri hu buli emia (20/100) y'obukusi obwo. 20Nae nibaba nibakusa omukuunda okwo omuundu wuundi sa, omweenekwo naataakula yaakwekobosera ohutula hu Omwaami, ao baba basubire ehabi y'ohukukula ohukwekobosera. 21Mani Omwaaka kw'Ohukobosera nikuloondaho, omukuunda okwo kuba kuchia ohweehola okw'Omwaami okw'olubeerera; kuba kuchia ohubechaanga okw'abalaamisi boong'ene.
22Nae omuundu yeesi n'ayaana eyiri Omwaami omukuunda kwaaba niyakula sa, 23omulaamisi aba niye oba naachia ohubaliirira obukusi bwaako ohweema hu buungi bw'emyaaka kiba nikidoong'ereyo ohwoola hu Mwaaka kw'Ohukobosera, mani haandi omuundu oyo aba n'ahoyere ohutuunga eseende echio ludaalo lweene olwo; eseende echio chiba chiri ech'Omwaami nichio. 24Omwaaka kw'Ohukobosera nikwoola, omukuunda okwo kuba kuhoyera ohukoboserwa owali omweenekwo, oba ab'olwiibulo lwae.
25Obukusi buno bwoosi buhoyere ohukerehwa ohweema hu bukusi buba nibwateebwao.
26Esyaamberi syoosi esy'esisolo sy'Omwaami nisyo, mani abulao oyo yeesi onyala ohumuyaanira esisolo siri sityo, koti esiyaanwa syebihaya daawe. Embusi yoosi, ekoondi doto lyoosi, oba emeeme yoosi, byoosi biba biri eby'Omwaami nibyo. 27Nae esyaamberi syoosi esy'esisolo sy'omusiro syoosi, si nyala ohukulwa hu bukusi buba nibwafukiirirwa, haandi neende ohumeedaho eseende choola amahumi kabiri hu buli emia (20/100) ey'obukusi obwo. Nae nisitakulwa syaakoboswa, si nyala ohukuswa oyo yeesi odaha hu bukusi buba nibwakerehwa.
28 #
Hub 18:14. Abulao oyo yeesi onyala ohukula yeekobosera esiindu syoosi syaaba niyahoyera ohuyaana: Olwohuba esiindu syoosi esiba nisyayaanwa mu mera yino yoosi, siba syali nisiri esy'Omwaami olubeerera, mani haandi sisiba nisinyala ohwehoonyerwa haandi daawe; sihoyere ohuba nisyamala ohusihiriswa, kata neende nisiba nisyali omuundu, esisolo, oba eloba. Sino siba nisiri esy'Omwaami endaalo choosi. 29Kata neende omuundu, oba niyayaanwa buhaya, anyala ohukulwa yaakoboswa; aba ohoyera ohwiitwa-bwiitwa.
30 #
Hub 18:21; Amal 14:22-29. Silala sy'ehumi (1/10) hu bilime byoosi ebitula mu loba, oba emere, oba ebyaamo, byoosi by'Omwaami nibyo. 31Mani omuundu yeesi naaba naadaha ohubikula yeekobosere aba aboyeere ohubikula obukusi bwaabyo bubyakerehwa, haandi neende ohumeedaho eseende choola amahumi kabiri hu buli emia (20/100) ey'obukusi obwo. 32Silala hu buli bisolo ehumi ebituke, sy'Omwaami nisyo. Mani ebisolo byoosi nibiba nibibalwa, buli sisolo sy'ehumi siba siri esy'Omwaami. 33Omweene bisolo bino haba s'ahoyere ohubitekeha, mbwe hu bisolo by'ehumi bidoolwa hu bibe ebibiichikani byoong'ene.
34Kano niko amalako ka Omwaami yalagira Musa, hu Lugulu lwa Sinai ohuchiira abaandu ba Yisiraeli.
Currently Selected:
Esy'Abaleefi 27: SAMDC
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Esy'Abaleefi 27
27
Amalako kadiira hu biyaanwa bichiira Omwaami
1Omwaami yaberesa Musa 2amalako kaloondaho kano yeekese abaandu ba Yisiraeli. Omuundu n'amalire ohuyaanwa eyiri Omwaami ohwooseresa esyeyamo sikabuhaaneho sy'omuundu wuundi, omuundu oyo ahoyere ohulehuulwa nibamalire ohumutuungira obuungi bw'eseende obwaaka koti obulomalomwaho buno. 3Obuungi bw'eseende chihoyera omuundu musaacha oli ow'emyaaka amahumi kabiri ohwoolera elalira hu myaaka amahumi kasaasaba, buhoyere ohuba ebituundu by'efeesa amahumi kataanu ohweema koti obukusi buba nibwafukiirirwa obuyeraaniraho. 4Nae omuundu oyo naaba naali ow'esihasi, obukusi bumuyeraaniraho buba buli ebituundu by'efeesa amahumi kadatu. 5Nae naaba naali ow'emyaaka ohuchaakira hu myaaka kitaanu ohwoolera elalira hu myaaka amahumi kabiri, ow'esisaacha aba achia ohuba ow'ebituundu by'efeesa amahumi kabiri, nae ow'esihasi ebituundu ehumi. 6Nae omuundu naaba naali otulira hu mwoosi mulala ohwoolera elalira hu myaaka kitaanu eky'obuhuluundu, obukusi bwae buba ohuchia ohuba buti: Ow'esisaacha ebituundu by'efeesa bitaanu, nae ow'esihasi ebituundu by'efeesa bidatu. 7Nae omuundu naaba naali emyaaka amahumi kasaasaba ohwemeeda mu moni, obukusi bwae buba buchia ohuba buti: Ow'esisaacha aba achia ohubechaanga ebituundu by'efeesa ehumi neende bitaanu, nae ow'esihasi ebituundu by'efeesa ehumi.
8Nae omuundu oyo oba naaholere esyeyamo esyo naaba naali omumanani muno, kata otanyala ohunyoola eseende echio, aba achia ohuyirwa eyiri omulaamisi, mani omulaamisi amukerehe obukusi buba nibuli obuyeraanu hooho, obuchianakana neende ohunyala bw'omuundu oyo hu anyale ohutuunga.
9Nae esyeyamo esyo nisiba nisyali esy'esisolo sifukiirirwa ohuba esiyaanwa eyiri Omwaami, buli siyaanwa siba nisyeeyamirwe eyiri Omwaami siba nisihoyeere ohuba nisiri esilafu, 10mani omuundu oba naali niye oholere esyeyamo esyo haba saaba n'ahoyere ohuchia haandi yofwaang'aniamo esiyaanwa esyo neende esiindi daawe. Nae naahola atyo, ebisolo ebyo byoombi bulaanu biba nibihoyere ohuba eby'Omwaami sa. 11Nae esyeyamo esyo nisiba nisyali nisiri esy'esisolo sy'omusiro esitahoyera ohuba esiyaanwa eyiri Omwaami, omuundu oyo aba achia ohuba n'ahoyere ohuchia yaabukula esisolo esyo mani yaasiyira mberi eyiri omulaamisi. 12Mani omulaamisi oyo niye oba naachia ohusikereha obukusi ohweema hu bukusi buba nibuhoyera ohuba obwaasyo, mani obwo nibwo obuba buchia ohuba obukusi bwasyo bweene. 13Mani omuundu oba nasireetere bulaanu n'adaha ohusikula simukobolere, aba ahoyere ohutuunga obukusi obwo, haandi yeecha yameedaho eseende chiindi echiri amahumi kabiri hu buli emia (20/100) y'obukusi obwo.
14Omuundu yeesi n'ayaana enyuumba yae eyiri Omwaami, omulaamisi niye oba n'ahoyere ohuyikereha obukusi bu yiba niyihoyeere ohweema hu bulai oba obubi bwaayo, mani obwo nibwo obuba buchia ohuba obukusi bwayo bweene. 15Mani omuundu oyo oba niye oyaanire enyuumba yae eyo, nae haandi niye odaha ohuyinunula yimukobolere, bulaanu aba ahoyere ohuyikula obukusi obwo, haandi yameedaho eseende choola amahumi kabiri hu buli emia (20/100) y'obukusi obwo.
16Nae omuundu yeesi n'ayaana esituundu siindi sy'eloba lyae eyiri Omwaami, obukusi buba buchia ohukerehwa ohweema hu buungi bw'emwo yiba niyinyala ohutaakwa mu situundu sy'eloba esyo, ohukeraania neende ebituundu by'efeesa ehumi hu buli ekiloguraamu amahumi kabiri ak'esimera silaangwa amabere masuungu. 17N'ayaana eloba elyo luunyuma lw'Omwaaka kw'Ohukobosera ohuwa sa kuti, obukusi bwaalyo bwiichufu bweene nibwo obuba nibunaholerwaho. 18Nae naaliyaana luunyuma hale hooho, omulaamisi aba achia ohubaliirira obuungi bw'eseende ohweema hu myaaka kiba nikinaba nikisiindoong'ereyo Omwaaka kw'Ohukobosera hu kweemeo kwoole, mani ahendeeseho obukusi. 19Mani nikali mbwe omuundu oba niye owayaana omukuunda okwo niye oba naadaha ohukukula kumukobolere, omusaacha oyo oba omuhasi oyo aba ahoyere ohutuunga obukusi obwo haandi neende ohumeedaho eseende chiba nichaaka neende amahumi kabiri hu buli emia (20/100) y'obukusi obwo. 20Nae nibaba nibakusa omukuunda okwo omuundu wuundi sa, omweenekwo naataakula yaakwekobosera ohutula hu Omwaami, ao baba basubire ehabi y'ohukukula ohukwekobosera. 21Mani Omwaaka kw'Ohukobosera nikuloondaho, omukuunda okwo kuba kuchia ohweehola okw'Omwaami okw'olubeerera; kuba kuchia ohubechaanga okw'abalaamisi boong'ene.
22Nae omuundu yeesi n'ayaana eyiri Omwaami omukuunda kwaaba niyakula sa, 23omulaamisi aba niye oba naachia ohubaliirira obukusi bwaako ohweema hu buungi bw'emyaaka kiba nikidoong'ereyo ohwoola hu Mwaaka kw'Ohukobosera, mani haandi omuundu oyo aba n'ahoyere ohutuunga eseende echio ludaalo lweene olwo; eseende echio chiba chiri ech'Omwaami nichio. 24Omwaaka kw'Ohukobosera nikwoola, omukuunda okwo kuba kuhoyera ohukoboserwa owali omweenekwo, oba ab'olwiibulo lwae.
25Obukusi buno bwoosi buhoyere ohukerehwa ohweema hu bukusi buba nibwateebwao.
26Esyaamberi syoosi esy'esisolo sy'Omwaami nisyo, mani abulao oyo yeesi onyala ohumuyaanira esisolo siri sityo, koti esiyaanwa syebihaya daawe. Embusi yoosi, ekoondi doto lyoosi, oba emeeme yoosi, byoosi biba biri eby'Omwaami nibyo. 27Nae esyaamberi syoosi esy'esisolo sy'omusiro syoosi, si nyala ohukulwa hu bukusi buba nibwafukiirirwa, haandi neende ohumeedaho eseende choola amahumi kabiri hu buli emia (20/100) ey'obukusi obwo. Nae nisitakulwa syaakoboswa, si nyala ohukuswa oyo yeesi odaha hu bukusi buba nibwakerehwa.
28 #
Hub 18:14. Abulao oyo yeesi onyala ohukula yeekobosera esiindu syoosi syaaba niyahoyera ohuyaana: Olwohuba esiindu syoosi esiba nisyayaanwa mu mera yino yoosi, siba syali nisiri esy'Omwaami olubeerera, mani haandi sisiba nisinyala ohwehoonyerwa haandi daawe; sihoyere ohuba nisyamala ohusihiriswa, kata neende nisiba nisyali omuundu, esisolo, oba eloba. Sino siba nisiri esy'Omwaami endaalo choosi. 29Kata neende omuundu, oba niyayaanwa buhaya, anyala ohukulwa yaakoboswa; aba ohoyera ohwiitwa-bwiitwa.
30 #
Hub 18:21; Amal 14:22-29. Silala sy'ehumi (1/10) hu bilime byoosi ebitula mu loba, oba emere, oba ebyaamo, byoosi by'Omwaami nibyo. 31Mani omuundu yeesi naaba naadaha ohubikula yeekobosere aba aboyeere ohubikula obukusi bwaabyo bubyakerehwa, haandi neende ohumeedaho eseende choola amahumi kabiri hu buli emia (20/100) ey'obukusi obwo. 32Silala hu buli bisolo ehumi ebituke, sy'Omwaami nisyo. Mani ebisolo byoosi nibiba nibibalwa, buli sisolo sy'ehumi siba siri esy'Omwaami. 33Omweene bisolo bino haba s'ahoyere ohubitekeha, mbwe hu bisolo by'ehumi bidoolwa hu bibe ebibiichikani byoong'ene.
34Kano niko amalako ka Omwaami yalagira Musa, hu Lugulu lwa Sinai ohuchiira abaandu ba Yisiraeli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019