Esy'Abaleefi 24
24
Ohuliinda bulai amataara
(Hut 27:20-21)
1Omwaami yaboolera Musa 2ohuberesa amalako kaloondaho kano abaandu ba Yisiraeli: Muleeteenge amafuta k'emiseituuni amahaya amalai akahiramo, ak'amataara kali mu Yeema, hu kanyale ohwaaduhaanga esiha syoosi. 3Buli ngoloobe, Arooni ahoyere ohuchichaanga nakaambya, mani naakaleha nikaaduhira mu moni w'Omwaami, erwaanyi w'epasya, mu moni w'Esanduuku ly'Endagaano eliri Abuundu Ahiramo Obwoolerefu, ohwoola echuli. Esilagiro sino sihoyere ohuloondwaanga endaalo choosi echiicha. 4Arooni niye ochia ohuliindaanga amataara kano akali hu siteeni sy'amataara sy'esaabbu haya, haandi niye ohoyere ohubona ati, kaaduhira eyiri Omwaami, esiha syoosi.
Emigaati kiyaanirwe eyiri Nasaae
5 #
Hut 25:30. Bukuleenge ekiloguraamu ehumi-na-chibiri echy'obusye, mani muhubbamo emigaati ehumi-na-kibiri. 6Tekeheenge emigaati mu nyiriri chibiri, emigaati kisaasaba mu buli lunyiriri, hu meesa yafuunihwa neende esaabbu njereere, eyiri Omwaami. 7Techeenge obubbaani buhaya hu buli lunyiriri, koti esilolero sy'esiyaanwa sy'ebyohulya eyiri Omwaami, ohubukula abuundu w'emigaati. 8Buli Sabbaato, endaalo choosi echiicha, emigaati kihoyeerwe ohutebwaanga eyiri Omwaami. Kuno kuli omulimo kwa Yisiraeli endaalo choosi pe. 9#Mat 12:4; Mrk 2:26; Luk 6:4.Emigaati kino kiba kiri eky'Arooni neende abeechuhulu bae, haandi bachia ohukiriraanga Abuundu Woolerefu, olwohuba sino siba siri esituundu syoolerefu muno hu byohulya biyaniirwe Omwaami hulw'abalaamisi.
Esibonereso sy'ohuboneraho esihoyera neende esichiirayo
10Bulaanu, omwaana w'omuhasi Muisiraeli, yi laatang'ene yali Omumisiri, yasiingira yaatula mu baandu ba Yisiraeli; omwaana w'omuhasi Muisiraeli oyo neende omusaacha Muisiraeli beecha baasoolanira mu kaambi omwo, 11mani omwaana w'omuhasi Muisiraeli yafwoola Omwaami, haandi yaabwaaba eliita lyae. Mani baamuleeta eyiri Musa. Eliita lya ng'ina lyali Selomiiti, omuhaana wa Dibbiri, ow'enono ya Daani. 12Bamwiikalira baamuliinda, ohwoola lu hudaha hw'Omwaami hulinyalihanira ohumanyihana yi bali.
13Omwaami yaboobera Musa ati, 14“Bukula omusaacha oyo omutuse erwaanyi w'ekaambi. Buli muundu yeesi owali naamuwuliireho n'abwaaba yeeche ate omuhono kwae hu mutwe kw'omusaacha oyo, ohweekesa mbwe omusaango kumuhirire, mani oluyia olwo lwoosi luhoyeere ohumuhubba amakina ohwoola lwaafwa.” 15Mani weemeo oboolere abaandu ba Yisiraeli oti, omuundu yeesi obwaaba Nasaae ahoyere ohubereswa esibonereso koti lu biba nibihoyera 16mani yeetwe. Buli Muisiraeli yeesi, oba omuteende yeesi owamenya mu Yisiraeli, ofwoola Omwaami, oluyia lwoosi luhoyeere ohumuubba amakina ohwoola lu aafwa.
17 #
Hut 21:12. “Buli muundu yeesi owiita, ahoyere ohwiitwa, 18haandi omuundu yeesi owiita esisolo sy'omuundu wuundi, ahoyere ohusikobosao.” Esihuluundu siri mbwe, obulamu hulw'obulamu.
19“Omuundu yeesi nanyaala omuundu wuundi, esiindu syaaba naaholere owaasye oyo nisyo esiba sichia ohumweeholaho. 20#Hut 21:23-25; Amal 19:21; Mat 5:38.Naaba naahalaake ekuumba, ekuumba lala lyae lyosi liba lichia ohuhalakwa; naaba naamuwofuuse emoni ndala, emoni ndala yae yosi yiba yichia ohuwofuswa; naaba naamubboongolemo eliino lala, eliino lala hu meeno kae liba lichia ohubboongolwamo.” Obunyaalifu bwoosi bwaaba naaholere hu muundu wuundi, nibwo obuba nibuchia ohumweeholaho ohumutuunga. 21Oyo yeesi owiita esisolo syoosi ahoyere ohusikobosao, nae oyo owiita omuundu, yesi yeetwa sa. 22#Hub 15:16.Elako lino lidiira hweeng'we mweesi, hu Baisiraeli neende hu bateende ababamenyamo, olwohuba ese niise Omwaami Nasaae weeng'we. 23Mani Musa niyamala ohuboola atyo eyiri abaandu ba Yisiraeli, babukula omuundu oyo mani baamutusa erwaanyi w'ekaambi, mani baamuhubba amakina yaafwa. Mu ngira yino, abaandu ba Yisiraeli bahola esiindu si Omwaami yali n'alagiire Musa ati siholwe.
Currently Selected:
Esy'Abaleefi 24: SAMDC
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Esy'Abaleefi 24
24
Ohuliinda bulai amataara
(Hut 27:20-21)
1Omwaami yaboolera Musa 2ohuberesa amalako kaloondaho kano abaandu ba Yisiraeli: Muleeteenge amafuta k'emiseituuni amahaya amalai akahiramo, ak'amataara kali mu Yeema, hu kanyale ohwaaduhaanga esiha syoosi. 3Buli ngoloobe, Arooni ahoyere ohuchichaanga nakaambya, mani naakaleha nikaaduhira mu moni w'Omwaami, erwaanyi w'epasya, mu moni w'Esanduuku ly'Endagaano eliri Abuundu Ahiramo Obwoolerefu, ohwoola echuli. Esilagiro sino sihoyere ohuloondwaanga endaalo choosi echiicha. 4Arooni niye ochia ohuliindaanga amataara kano akali hu siteeni sy'amataara sy'esaabbu haya, haandi niye ohoyere ohubona ati, kaaduhira eyiri Omwaami, esiha syoosi.
Emigaati kiyaanirwe eyiri Nasaae
5 #
Hut 25:30. Bukuleenge ekiloguraamu ehumi-na-chibiri echy'obusye, mani muhubbamo emigaati ehumi-na-kibiri. 6Tekeheenge emigaati mu nyiriri chibiri, emigaati kisaasaba mu buli lunyiriri, hu meesa yafuunihwa neende esaabbu njereere, eyiri Omwaami. 7Techeenge obubbaani buhaya hu buli lunyiriri, koti esilolero sy'esiyaanwa sy'ebyohulya eyiri Omwaami, ohubukula abuundu w'emigaati. 8Buli Sabbaato, endaalo choosi echiicha, emigaati kihoyeerwe ohutebwaanga eyiri Omwaami. Kuno kuli omulimo kwa Yisiraeli endaalo choosi pe. 9#Mat 12:4; Mrk 2:26; Luk 6:4.Emigaati kino kiba kiri eky'Arooni neende abeechuhulu bae, haandi bachia ohukiriraanga Abuundu Woolerefu, olwohuba sino siba siri esituundu syoolerefu muno hu byohulya biyaniirwe Omwaami hulw'abalaamisi.
Esibonereso sy'ohuboneraho esihoyera neende esichiirayo
10Bulaanu, omwaana w'omuhasi Muisiraeli, yi laatang'ene yali Omumisiri, yasiingira yaatula mu baandu ba Yisiraeli; omwaana w'omuhasi Muisiraeli oyo neende omusaacha Muisiraeli beecha baasoolanira mu kaambi omwo, 11mani omwaana w'omuhasi Muisiraeli yafwoola Omwaami, haandi yaabwaaba eliita lyae. Mani baamuleeta eyiri Musa. Eliita lya ng'ina lyali Selomiiti, omuhaana wa Dibbiri, ow'enono ya Daani. 12Bamwiikalira baamuliinda, ohwoola lu hudaha hw'Omwaami hulinyalihanira ohumanyihana yi bali.
13Omwaami yaboobera Musa ati, 14“Bukula omusaacha oyo omutuse erwaanyi w'ekaambi. Buli muundu yeesi owali naamuwuliireho n'abwaaba yeeche ate omuhono kwae hu mutwe kw'omusaacha oyo, ohweekesa mbwe omusaango kumuhirire, mani oluyia olwo lwoosi luhoyeere ohumuhubba amakina ohwoola lwaafwa.” 15Mani weemeo oboolere abaandu ba Yisiraeli oti, omuundu yeesi obwaaba Nasaae ahoyere ohubereswa esibonereso koti lu biba nibihoyera 16mani yeetwe. Buli Muisiraeli yeesi, oba omuteende yeesi owamenya mu Yisiraeli, ofwoola Omwaami, oluyia lwoosi luhoyeere ohumuubba amakina ohwoola lu aafwa.
17 #
Hut 21:12. “Buli muundu yeesi owiita, ahoyere ohwiitwa, 18haandi omuundu yeesi owiita esisolo sy'omuundu wuundi, ahoyere ohusikobosao.” Esihuluundu siri mbwe, obulamu hulw'obulamu.
19“Omuundu yeesi nanyaala omuundu wuundi, esiindu syaaba naaholere owaasye oyo nisyo esiba sichia ohumweeholaho. 20#Hut 21:23-25; Amal 19:21; Mat 5:38.Naaba naahalaake ekuumba, ekuumba lala lyae lyosi liba lichia ohuhalakwa; naaba naamuwofuuse emoni ndala, emoni ndala yae yosi yiba yichia ohuwofuswa; naaba naamubboongolemo eliino lala, eliino lala hu meeno kae liba lichia ohubboongolwamo.” Obunyaalifu bwoosi bwaaba naaholere hu muundu wuundi, nibwo obuba nibuchia ohumweeholaho ohumutuunga. 21Oyo yeesi owiita esisolo syoosi ahoyere ohusikobosao, nae oyo owiita omuundu, yesi yeetwa sa. 22#Hub 15:16.Elako lino lidiira hweeng'we mweesi, hu Baisiraeli neende hu bateende ababamenyamo, olwohuba ese niise Omwaami Nasaae weeng'we. 23Mani Musa niyamala ohuboola atyo eyiri abaandu ba Yisiraeli, babukula omuundu oyo mani baamutusa erwaanyi w'ekaambi, mani baamuhubba amakina yaafwa. Mu ngira yino, abaandu ba Yisiraeli bahola esiindu si Omwaami yali n'alagiire Musa ati siholwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019