Ohutula 40
40
Ohweemesa neende ohuyaanayo Eyeema ly'Ohubaao hw'Omwaami
1Omwaami yaboolera Musa ati, 2“Hu ludaalo lutaangira olw'omwoosi nilwo lwoochia ohweemeseraho Eyeema ly'Ohubaao hw'Omwaami. 3Lite mu Esanduuku ly'Endagaano elirimo Amalako Ehumi kala, haandi ote epasya mu moni walyo. 4Chia oleete emeesa yosi oyiingisemo, mani oyiteeho ebiindu byoosi ebyehoonyerwa. Haandi oleete wiingisemo esiteeni sy'etaara ositeeho amataara koosi. 5Taamo alutaari y'esaabbu y'ohuniooheseraho obubbaani mu moni w'Esanduuku ly'Endagaano, haandi waanihe epasya mu siruwa w'Eyeema. 6Bulaanu ta mu moni w'Eyeema omwo alutaari yisaamba ebiyaanwa. 7Haandi chia ote olukaraaya lw'ohweeyoseraho akatikaati w'Eyeema neende alutaari eyo mani olwiichusemo amaachi. 8Taao olukaka lwebodoohanie mani waanihe epasya mu siruwa syaalwo.
9“Yawula Eyeema elyo, alala neende ebiindi byehoonyerwamo byoosi niwehoonyera ohubichuhaangaho amafuta moolerefu, mani linyale ohuba elyoolerefu. 10Esiloondaho, chia waawule alutaari alala neende ebiindu byehoonyerwa byoosi, niwehoonyera ohubichuhaangaho amafuta, niyehola ohuba enjoolerefu abweene. 11Chia haandi mani ohole otyo olukaraaya lw'ohweeyoseraho alala neende obweemero bwaayo mu ngira nasilala eyo.
12“Chia oleete Arooni neende abaana bae boosi hu siruwa sy'Eyeema, mani obaboolere bahole omusiro kw'ohweyoka. 13Fwaala Arooni ebyefwaalo by'obulaamisi, omuchuheho amafuta, mani mu ngira yino omwaawule, yaahalaabanire koti omulaamisi. 14Haandi chia oleete abaana bae boosi mani obafwaale amasaati. 15Mala otyo mani obachuheho amafuta, koti sa lu ochuhire hu saabwe, hu baahalaabanire bosi koti abalaamisi. Ohubachuhaho amafuta huno huchia ohubahola babe abalaamisi endaalo echiicha choosi.”
16Mani Musa yahola buli siindu koti sa lu Omwaami yali n'alagiire. 17Mani hu ludaalo lutaangira olw'omwoosi kutaangira, okw'omwaaka kw'ohubiri ohutula nibali nibatulire mu Misiri, Eyeema elyo ely'ohubaao hw'Omwaami lyemesibwa. 18Musa yata aasi obweemero bwalyo, yeemesa efureemu chaalyo, mani yaambaania emisiruunga kihalakaniamo chaalyo, haandi niyeemesa emisiiro kyaalyo. 19Yabaambula esibwiiha hu Yeema, mani n'abwiihaho esyohumukulu, koti lu Omwaami yali n'alagiire. 20Bulaanu yabukula ebituundu bibiri eby'makina bira, mani naamala naachita mu Sanduuku ly'Endagaano. Yabukula emisiiro, mani naamala nakiingisa mu ngata ch'Esanduuku, mani haandi naata humukulu esifuuniho. 21Yabukula esanduuku mani yaalita mu Yeema, mani niyaaniha epasya eyo. Mani mu ngira yino, yanyala ohuhiingakira Esanduuku ly'Endagaano, koti sa lu Omwaami yali n'alagiire.
22Yata emeesa mu Yeema, hu lwaande lw'emukulu erwaanyi w'epasya, 23mani yaataaho emigaati kiba nibakibereese Omwaami, koti sa lu Omwaami yali n'alagiire. 24Yata esiteeni sy'etaara mu Yeema, hu lwaande lw'emwaalo, olutingaalaane neende emeesa, 25mani ebweene eyo eyiri ohubaao hw'Omwaami, yayaambiayo amataara ako koti sa lu Omwaami yali n'alagiire. 26Yata alutaari y'esaabbu mu Yeema omwo, mu moni w'epasya, 27mani nanioohesa obubbaani buwunya esing'aari silai muno, koti lu Omwaami yali n'alagiire. 28Yaaniha epasya hu siruwa sy'Eyeema, 29mani ebweene eyo, mu moni w'epasya, yataayo alutaari yohusaambiraho ebiyaanwa. Hu bweene ohwo, nihwo hu yayaaniraho ebiyaanwa by'ohusaamba, alala neende ebiyaanwa by'emere, koti lu Omwaami yali n'alagiire. 30Yata olukaraaya lw'ohweeyoseraho akatikaati w'Eyeema neende alutaari, mani n'alwiichusamo amaachi. 31Musa, Arooni, alala neende abaana bae boosi, besaabiraangamo amahono haandi beeyoseraangamo amakulu kaabwe 32buli lu babeechaanga nibeengira mu Yeema elyo, oba buli lu babeechaanga nibachia eyiri alutaari, koti lu Omwaami yali n'alagiire. 33Musa yataao olukaka lwebodoohania Eyeema elyo, haandi yataamo alutaari, haandi yaaniha epasya hu siruwa sy'olukaka olwo. Mani ao, Musa yaamaliirisa ohuhola emirimo kyoosi.
Esireesi syalichiingi aakulu w'eyeema ly'Ohubaao hw'Omwaami
(Hub 9:15-23)
34 #
1 Abat 8:10,11; Yis 6:4; Esek 43:4,5; Hub 15:8. Bulaanu, esireesi syabwiiha hu Yeema, mani obulafu bwiita emoni bw'ohubaao hw'Omwaami, nibwiichula mu Yeema. 35Mani, ohweema hu sino, Musa yahaywa engeri y'ohwiingiriramo mu Yeema omwo. 36Abaisiraeli bosi bachaaka ohuwuyaanga nibachia nibata ekaambi abuundu waandi, nikali mbwe esireesi syalichiingi syosi nisitulire hu Yeema ohwo. 37Nae esireesi nisyalichiingi ni sisihayiire hu Yeema ohwo, Abaisiraeli haba sibawuuyiaanga ekaambi ohuchia abuundu waandi daawe. 38Mani endaalo choosi Abaisiraeli nibali mu siparara, babonaanga esireesi sy'ohubaao hw'Omwaami nisiri aakulu w'Eyeema esiha sy'esideete syoong'ene, nae esiro, babonaanga omuliro kwaaduha nikuli aakulu waalyo.
Currently Selected:
Ohutula 40: SAMDC
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Ohutula 40
40
Ohweemesa neende ohuyaanayo Eyeema ly'Ohubaao hw'Omwaami
1Omwaami yaboolera Musa ati, 2“Hu ludaalo lutaangira olw'omwoosi nilwo lwoochia ohweemeseraho Eyeema ly'Ohubaao hw'Omwaami. 3Lite mu Esanduuku ly'Endagaano elirimo Amalako Ehumi kala, haandi ote epasya mu moni walyo. 4Chia oleete emeesa yosi oyiingisemo, mani oyiteeho ebiindu byoosi ebyehoonyerwa. Haandi oleete wiingisemo esiteeni sy'etaara ositeeho amataara koosi. 5Taamo alutaari y'esaabbu y'ohuniooheseraho obubbaani mu moni w'Esanduuku ly'Endagaano, haandi waanihe epasya mu siruwa w'Eyeema. 6Bulaanu ta mu moni w'Eyeema omwo alutaari yisaamba ebiyaanwa. 7Haandi chia ote olukaraaya lw'ohweeyoseraho akatikaati w'Eyeema neende alutaari eyo mani olwiichusemo amaachi. 8Taao olukaka lwebodoohanie mani waanihe epasya mu siruwa syaalwo.
9“Yawula Eyeema elyo, alala neende ebiindi byehoonyerwamo byoosi niwehoonyera ohubichuhaangaho amafuta moolerefu, mani linyale ohuba elyoolerefu. 10Esiloondaho, chia waawule alutaari alala neende ebiindu byehoonyerwa byoosi, niwehoonyera ohubichuhaangaho amafuta, niyehola ohuba enjoolerefu abweene. 11Chia haandi mani ohole otyo olukaraaya lw'ohweeyoseraho alala neende obweemero bwaayo mu ngira nasilala eyo.
12“Chia oleete Arooni neende abaana bae boosi hu siruwa sy'Eyeema, mani obaboolere bahole omusiro kw'ohweyoka. 13Fwaala Arooni ebyefwaalo by'obulaamisi, omuchuheho amafuta, mani mu ngira yino omwaawule, yaahalaabanire koti omulaamisi. 14Haandi chia oleete abaana bae boosi mani obafwaale amasaati. 15Mala otyo mani obachuheho amafuta, koti sa lu ochuhire hu saabwe, hu baahalaabanire bosi koti abalaamisi. Ohubachuhaho amafuta huno huchia ohubahola babe abalaamisi endaalo echiicha choosi.”
16Mani Musa yahola buli siindu koti sa lu Omwaami yali n'alagiire. 17Mani hu ludaalo lutaangira olw'omwoosi kutaangira, okw'omwaaka kw'ohubiri ohutula nibali nibatulire mu Misiri, Eyeema elyo ely'ohubaao hw'Omwaami lyemesibwa. 18Musa yata aasi obweemero bwalyo, yeemesa efureemu chaalyo, mani yaambaania emisiruunga kihalakaniamo chaalyo, haandi niyeemesa emisiiro kyaalyo. 19Yabaambula esibwiiha hu Yeema, mani n'abwiihaho esyohumukulu, koti lu Omwaami yali n'alagiire. 20Bulaanu yabukula ebituundu bibiri eby'makina bira, mani naamala naachita mu Sanduuku ly'Endagaano. Yabukula emisiiro, mani naamala nakiingisa mu ngata ch'Esanduuku, mani haandi naata humukulu esifuuniho. 21Yabukula esanduuku mani yaalita mu Yeema, mani niyaaniha epasya eyo. Mani mu ngira yino, yanyala ohuhiingakira Esanduuku ly'Endagaano, koti sa lu Omwaami yali n'alagiire.
22Yata emeesa mu Yeema, hu lwaande lw'emukulu erwaanyi w'epasya, 23mani yaataaho emigaati kiba nibakibereese Omwaami, koti sa lu Omwaami yali n'alagiire. 24Yata esiteeni sy'etaara mu Yeema, hu lwaande lw'emwaalo, olutingaalaane neende emeesa, 25mani ebweene eyo eyiri ohubaao hw'Omwaami, yayaambiayo amataara ako koti sa lu Omwaami yali n'alagiire. 26Yata alutaari y'esaabbu mu Yeema omwo, mu moni w'epasya, 27mani nanioohesa obubbaani buwunya esing'aari silai muno, koti lu Omwaami yali n'alagiire. 28Yaaniha epasya hu siruwa sy'Eyeema, 29mani ebweene eyo, mu moni w'epasya, yataayo alutaari yohusaambiraho ebiyaanwa. Hu bweene ohwo, nihwo hu yayaaniraho ebiyaanwa by'ohusaamba, alala neende ebiyaanwa by'emere, koti lu Omwaami yali n'alagiire. 30Yata olukaraaya lw'ohweeyoseraho akatikaati w'Eyeema neende alutaari, mani n'alwiichusamo amaachi. 31Musa, Arooni, alala neende abaana bae boosi, besaabiraangamo amahono haandi beeyoseraangamo amakulu kaabwe 32buli lu babeechaanga nibeengira mu Yeema elyo, oba buli lu babeechaanga nibachia eyiri alutaari, koti lu Omwaami yali n'alagiire. 33Musa yataao olukaka lwebodoohania Eyeema elyo, haandi yataamo alutaari, haandi yaaniha epasya hu siruwa sy'olukaka olwo. Mani ao, Musa yaamaliirisa ohuhola emirimo kyoosi.
Esireesi syalichiingi aakulu w'eyeema ly'Ohubaao hw'Omwaami
(Hub 9:15-23)
34 #
1 Abat 8:10,11; Yis 6:4; Esek 43:4,5; Hub 15:8. Bulaanu, esireesi syabwiiha hu Yeema, mani obulafu bwiita emoni bw'ohubaao hw'Omwaami, nibwiichula mu Yeema. 35Mani, ohweema hu sino, Musa yahaywa engeri y'ohwiingiriramo mu Yeema omwo. 36Abaisiraeli bosi bachaaka ohuwuyaanga nibachia nibata ekaambi abuundu waandi, nikali mbwe esireesi syalichiingi syosi nisitulire hu Yeema ohwo. 37Nae esireesi nisyalichiingi ni sisihayiire hu Yeema ohwo, Abaisiraeli haba sibawuuyiaanga ekaambi ohuchia abuundu waandi daawe. 38Mani endaalo choosi Abaisiraeli nibali mu siparara, babonaanga esireesi sy'ohubaao hw'Omwaami nisiri aakulu w'Eyeema esiha sy'esideete syoong'ene, nae esiro, babonaanga omuliro kwaaduha nikuli aakulu waalyo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019