Abarooma 3
3
1Siluwo esiindu syoosi si Bayudaaya bahirira Abateende? Oba mahuluundu siina akali mu huhebwa? 2Ohuhira ohwo ahira muno mu buli ngeri choosi! Muhuchaaka hweene, Nasaae yadiisa Abayudaaya emboosi yae. 3Nae lwasiina abaandi hu abo haba sibeesikwa daawe? Obuteesikwa bwaabwe bumalao obweesikwa bwa Nasaae? 4#Sab 51:4. Haba daawe, esyo haba sisinyalihana kata nabudiidi! Nasaae ahoyere ohuba owadyeeri kata neende buli muundu yaahaba omubacha. Koti lu byandiiko byoolerefu biboola biti,
“Ohoyere weyekese ohuba omuluungifu mu nomanoma yao;
ohoyere ohuhira omusaango kwao n'oyaaswa.”
5Nae ohuhola bubi hweefwe nihuba nihweekesera elalira bweene obwadyeeri bwa Nasaae, hunyala hwaboola huti Nasaae ahola bubi n'atusaandya? (Sino nisyo esiteebo sihoyeerwe ohuteebwa koti omuundu.) 6Haba sisinyalihana kata nabudiidi! Nasaae nataali owadyeeri, yahanyala atye ohuheengera esyaalo omusaango?
7Nae obubacha bwaange nibwemeeda ohweekesa koti lu Nasaae ali ow'obwadyeeri, mani yaabereswa oluyaali, lwasiina mba nisiheengerwa omusaango ohuuhira koti omuhola-mbi? 8Lwasiina sihuboola huti, “Lehe hwonoone, hu silai sinyale ohutulamo”? Mubwadyeeri bweene abaandu baandi bamala ohuunyeka nibaafunaana bati ndaboola esiindu sino! Bahaheengerwe omusaango ohubahira koti lu bahoyera.
Abulao omuundu muluungifu.
9Mani efwe Abayudaaya huliho neende engeri yoosi yi huhiriramo Abateende obulai? Haba daawe, kata nabudiidi! Malire ohweekesa endi Abayudaaya neende Abateende boosi nasilala bali mu bunyala bw'esyonoono. 10#Sab 14:1-3; 53:1-3. Koti lu ebyandiiko byoolerefu biboola biti:
“Abulao omuundu muluungifu kata mulala,
11abulao omuundu mukesi
oba owiinamira Nasaae.
12Boosi batula hu Nasaae;
boosi badoondobana;
boosi alala abulao ohola esiluungifu, kata mulala yeeng'ene.
13 #
Sab 5:9;
Sab 140:3. Emboosi chaabwe cheechula obubacha bw'ohufwa;
enimi chaabwe chihulukusa obubacha bubi,
eminwa kyaabwe kitulamo ohutiisa-tiisa hubi ohuli koti obusiba bw'enjuha;
14 #
Sab 10:7. enomanoma yaabwe yeechula ebichubo bilulu byoong'ene. 15#Yis 59:7,8. Baangu muno ohunyaala neende ohwiita;
16buli yi bachiira balehayo ohunyaasa neende ohusihirisa.
17Haba sibamanyireho engira yileeta omuleembe,
18 #
Sab 36:1. kata sibadeeba hu hwiisa oluyaali mu Nasaae.”
19Bulaanu humanyire huti ebyo byoosi ebiri mu malako ka Musa bidiira hu abo abatukwa neende amalako ako, hu muundu abuleo owewosaho mani yaakayira Nasaae ohuheengera esyaalo syoosi omusaango. 20#Sab 143:2; Gal 2:16. Olwohuba abulao omuundu yeesi oli omuluungifu mu moni wa Nasaae hulw'ohwooseresa bi malako ka Musa kadaha; bi malako kahola nibyo ohubonesa abaandu koti abahola-mbi.
Engeri yi huholelwa abaluungifu neende Nasaae
21Nae bulaanu engeri yi Nasaae aholeramo abaandu ohuba abaluungifu alala nae yamala ohumanyihana. Engeri yino haba siyiloondakana neende amalako ka Musa daawe, kata syahaba siti amalako ka Musa neende abanabbi byatusa obuloli buyidiiraho. 22#Gal 2:16. Olwohuba Nasaae ahola abaandu ohuba abaluungifu ohubitira mu fukiirira yaabwe mu Yesu Kristo. Nasaae aholaanga sino eyiri abo boosi abafukiirira mu Kristo, olwohuba yibulao engabuhana yoosi: 23olwohuba abaandu boosi bamala ohwonoona, mani bali eyale muno neende oluyaali lwa Nasaae. 24Nae ohubitira mu siyaanwa sy'embabaasi cha Nasaae sihwabereswa buhaya, abaandu boosi baholwa abaluungifu neende Nasaae ohubitira mu Kristo Yesu, obanunula mu byonoono byaabwe. 25Kristo Yesu niye yi Nasaae yataao ohuba esiyaanwa simalao esyonoono ohubitira mu hufwa hwae, eyiri abo boosi abamufukiiriramo. Nasaae yahola atyo ohweekesa obuluungifu bwae, olwohuba hale, mu hwesimiirisa hwae koti Nasaae, haba siyadeebaanga hu byonoono byaabwe. 26Nae mu biha bya bulaanu, yehaliirisa ebyonoono byaabwe, mani hwaanyale ohweekesa obuluungifu bwae. Mu ngeri yino Nasaae yeyekesa omweene koti lwali omuluungifu haandi koti lwahola buli muundu yeesi ofukiirira mu Kristo yaaba omuluungifu.
27Mani bulaanu siindu siina esinyala syaakera hwefumia? Sibulao daawe! Haandi siina syeene esikera byaaba bityo? Mani siriho mu hwooseresa hweefwe hw'amalako ka Musa? Haba daawe, nae olwohuba mbwe huli neende efukiirira. 28Mani humaliirisa nihuboola huti, omuundu aholwa yaaba omuluungifu neende Nasaae ohubitira muhufukiirira hwoong'ene, nae ataali mu hwooseresa bi malako ka Musa kadaha. 29Kose huboole huti Nasaae wuno ali Nasaae w'Abayudaaya boong'ene? Haba saali Nasaae w'Abateende bosi? Ngandi ali Nasaae waabwe. 30#Amal 6:4; Gal 3:20. Nasaae ali mulala yeeng'ene, mani achia ohuhola Abayudaaya ohuba abaluungifu alala nae ohweema hu fukiirira yaabwe, haandi achia ohuhola Abateende ohuba abaluungifu ohubitira mu fukiirira yaabwe. 31Nae sino syeekesa siti hulehane neende amalako ka Musa hulw'efukiirira yino? Haba daawe! Ohumalaho efwe hwomiise amalako koosi.
Currently Selected:
Abarooma 3: SAMIA
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Abarooma 3
3
1Siluwo esiindu syoosi si Bayudaaya bahirira Abateende? Oba mahuluundu siina akali mu huhebwa? 2Ohuhira ohwo ahira muno mu buli ngeri choosi! Muhuchaaka hweene, Nasaae yadiisa Abayudaaya emboosi yae. 3Nae lwasiina abaandi hu abo haba sibeesikwa daawe? Obuteesikwa bwaabwe bumalao obweesikwa bwa Nasaae? 4#Sab 51:4. Haba daawe, esyo haba sisinyalihana kata nabudiidi! Nasaae ahoyere ohuba owadyeeri kata neende buli muundu yaahaba omubacha. Koti lu byandiiko byoolerefu biboola biti,
“Ohoyere weyekese ohuba omuluungifu mu nomanoma yao;
ohoyere ohuhira omusaango kwao n'oyaaswa.”
5Nae ohuhola bubi hweefwe nihuba nihweekesera elalira bweene obwadyeeri bwa Nasaae, hunyala hwaboola huti Nasaae ahola bubi n'atusaandya? (Sino nisyo esiteebo sihoyeerwe ohuteebwa koti omuundu.) 6Haba sisinyalihana kata nabudiidi! Nasaae nataali owadyeeri, yahanyala atye ohuheengera esyaalo omusaango?
7Nae obubacha bwaange nibwemeeda ohweekesa koti lu Nasaae ali ow'obwadyeeri, mani yaabereswa oluyaali, lwasiina mba nisiheengerwa omusaango ohuuhira koti omuhola-mbi? 8Lwasiina sihuboola huti, “Lehe hwonoone, hu silai sinyale ohutulamo”? Mubwadyeeri bweene abaandu baandi bamala ohuunyeka nibaafunaana bati ndaboola esiindu sino! Bahaheengerwe omusaango ohubahira koti lu bahoyera.
Abulao omuundu muluungifu.
9Mani efwe Abayudaaya huliho neende engeri yoosi yi huhiriramo Abateende obulai? Haba daawe, kata nabudiidi! Malire ohweekesa endi Abayudaaya neende Abateende boosi nasilala bali mu bunyala bw'esyonoono. 10#Sab 14:1-3; 53:1-3. Koti lu ebyandiiko byoolerefu biboola biti:
“Abulao omuundu muluungifu kata mulala,
11abulao omuundu mukesi
oba owiinamira Nasaae.
12Boosi batula hu Nasaae;
boosi badoondobana;
boosi alala abulao ohola esiluungifu, kata mulala yeeng'ene.
13 #
Sab 5:9;
Sab 140:3. Emboosi chaabwe cheechula obubacha bw'ohufwa;
enimi chaabwe chihulukusa obubacha bubi,
eminwa kyaabwe kitulamo ohutiisa-tiisa hubi ohuli koti obusiba bw'enjuha;
14 #
Sab 10:7. enomanoma yaabwe yeechula ebichubo bilulu byoong'ene. 15#Yis 59:7,8. Baangu muno ohunyaala neende ohwiita;
16buli yi bachiira balehayo ohunyaasa neende ohusihirisa.
17Haba sibamanyireho engira yileeta omuleembe,
18 #
Sab 36:1. kata sibadeeba hu hwiisa oluyaali mu Nasaae.”
19Bulaanu humanyire huti ebyo byoosi ebiri mu malako ka Musa bidiira hu abo abatukwa neende amalako ako, hu muundu abuleo owewosaho mani yaakayira Nasaae ohuheengera esyaalo syoosi omusaango. 20#Sab 143:2; Gal 2:16. Olwohuba abulao omuundu yeesi oli omuluungifu mu moni wa Nasaae hulw'ohwooseresa bi malako ka Musa kadaha; bi malako kahola nibyo ohubonesa abaandu koti abahola-mbi.
Engeri yi huholelwa abaluungifu neende Nasaae
21Nae bulaanu engeri yi Nasaae aholeramo abaandu ohuba abaluungifu alala nae yamala ohumanyihana. Engeri yino haba siyiloondakana neende amalako ka Musa daawe, kata syahaba siti amalako ka Musa neende abanabbi byatusa obuloli buyidiiraho. 22#Gal 2:16. Olwohuba Nasaae ahola abaandu ohuba abaluungifu ohubitira mu fukiirira yaabwe mu Yesu Kristo. Nasaae aholaanga sino eyiri abo boosi abafukiirira mu Kristo, olwohuba yibulao engabuhana yoosi: 23olwohuba abaandu boosi bamala ohwonoona, mani bali eyale muno neende oluyaali lwa Nasaae. 24Nae ohubitira mu siyaanwa sy'embabaasi cha Nasaae sihwabereswa buhaya, abaandu boosi baholwa abaluungifu neende Nasaae ohubitira mu Kristo Yesu, obanunula mu byonoono byaabwe. 25Kristo Yesu niye yi Nasaae yataao ohuba esiyaanwa simalao esyonoono ohubitira mu hufwa hwae, eyiri abo boosi abamufukiiriramo. Nasaae yahola atyo ohweekesa obuluungifu bwae, olwohuba hale, mu hwesimiirisa hwae koti Nasaae, haba siyadeebaanga hu byonoono byaabwe. 26Nae mu biha bya bulaanu, yehaliirisa ebyonoono byaabwe, mani hwaanyale ohweekesa obuluungifu bwae. Mu ngeri yino Nasaae yeyekesa omweene koti lwali omuluungifu haandi koti lwahola buli muundu yeesi ofukiirira mu Kristo yaaba omuluungifu.
27Mani bulaanu siindu siina esinyala syaakera hwefumia? Sibulao daawe! Haandi siina syeene esikera byaaba bityo? Mani siriho mu hwooseresa hweefwe hw'amalako ka Musa? Haba daawe, nae olwohuba mbwe huli neende efukiirira. 28Mani humaliirisa nihuboola huti, omuundu aholwa yaaba omuluungifu neende Nasaae ohubitira muhufukiirira hwoong'ene, nae ataali mu hwooseresa bi malako ka Musa kadaha. 29Kose huboole huti Nasaae wuno ali Nasaae w'Abayudaaya boong'ene? Haba saali Nasaae w'Abateende bosi? Ngandi ali Nasaae waabwe. 30#Amal 6:4; Gal 3:20. Nasaae ali mulala yeeng'ene, mani achia ohuhola Abayudaaya ohuba abaluungifu alala nae ohweema hu fukiirira yaabwe, haandi achia ohuhola Abateende ohuba abaluungifu ohubitira mu fukiirira yaabwe. 31Nae sino syeekesa siti hulehane neende amalako ka Musa hulw'efukiirira yino? Haba daawe! Ohumalaho efwe hwomiise amalako koosi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019