Esabbuli 10
10
Esaala y'ohusaba obwadyeeri
1Ewe Omwaami, lwasiina weemere eyale otyo?
Lwasiina ewe weekisa mu biha by'obudinyu?
2Abahola-mbi baloonda neende esimyeeni nibeerusa abamanani;
leha abeene baambisibwe mu miteego ki bateka.
3Olwohuba abahola-mbi bebwaaba mu bwekoombi bw'emyooyo kyaabwe,
haandi omuundu wokuliira kw'efuni, haba s'adeeba hu Mwaami.
4Mu hwehuduumbasa hwae, omuhola-mbi, haba s'akoonya Omwaami daawe;
ebibaaso byae byoosi biboola sa biti, “Nasaae haba s'achia ohunjolobya daawe.”
5Ebiindu bi bahola, bibachiira bulai ebiha byoosi;
eheenga ch'emisaango kyao yiri aakulu muno, haba sibanyala huyibona daawe;
nae abasuku bae achia ohubadumuula.
6Abaasa mu mwooyo kwae ati, “Ese haba siinja ohutulao;
emiika choosi pe, haba siinja hunyoolaho ebidinyu.”
7 #
Rom 3:14. Mu munwa kwae mweechulamo ohubwaaba, neende obubacha, alala neende ohufwiinyirira abaandu baandi;
olulimi lwae lweechulamo ebibaaso bibi neende obulyaanga.
8Beeboonderera abaandu mu byaalo;
beeta abaandu babulaho emisaango mu bweekisi.
Emoni chae chilengeesa ohubona abateenyala babanaakweeho,
9yeboonderera mu bweekisi koti edalang'i niyekoonyera;
beeboonderera bati hu banyale ohukwa hu bamanani,
bakwa hu bamanani mani bamale babahwehweese babayire mu haanda chaabwe.
10Abali mu ngisa abo banyoonyobolwa, mani beebiswa aasi,
mani bayiingirwa neende amaani kaabwe.
11Babaasa mu myooyo kyaabwe bati, “Nasaae yamala ohwiibirira hale,
yeekisa, haba s'abona daawe.”
12Ewe Omwaami, siingira; Ewe Nasaae, siingisa omuhono kwao;
oteebirira abasaanda!
13Lwasiina ababi bebwaaba Nasaae,
haandi baboola mu myooyo kyaabwe bati, “Ewe haba soocha ohubaheengera omusaango”?
14Nae ewe obona, haandi otingaala etima lyaabwe neende esireka syaabwe,
mani wetekeehe ohuhoonya abali mu budahano;
olwohuba abali mu budahano beeruhira yooli;
ewe omweene niiwe omuhoonyi w'abaana bafwiirwe.
15Funaka amahono k'ababi, alala neende ak'abahola-mbi;
koonyeresa obubi bwaabwe ohwoola lu wahabamalireyo boosi;
16Omwaami niye omutuki w'endaalo choosi;
haandi ebyaalo bichia ohusihirira ohutula mu syaalo syae.
17Ewe Omwaami, ochia ohuwulira bi baloonga beekoomba;
ochia ohubagumia emyooyo, ochia ohubatekeeresa
18ochia ohuholera abaana bafwiirwe neende abafwiinyirirwa ab'obwadyeeri,
mani omuundu ofwa sa ahaye ohuleeta amasira hu syaalo.
Currently Selected:
Esabbuli 10: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Esabbuli 10
10
Esaala y'ohusaba obwadyeeri
1Ewe Omwaami, lwasiina weemere eyale otyo?
Lwasiina ewe weekisa mu biha by'obudinyu?
2Abahola-mbi baloonda neende esimyeeni nibeerusa abamanani;
leha abeene baambisibwe mu miteego ki bateka.
3Olwohuba abahola-mbi bebwaaba mu bwekoombi bw'emyooyo kyaabwe,
haandi omuundu wokuliira kw'efuni, haba s'adeeba hu Mwaami.
4Mu hwehuduumbasa hwae, omuhola-mbi, haba s'akoonya Omwaami daawe;
ebibaaso byae byoosi biboola sa biti, “Nasaae haba s'achia ohunjolobya daawe.”
5Ebiindu bi bahola, bibachiira bulai ebiha byoosi;
eheenga ch'emisaango kyao yiri aakulu muno, haba sibanyala huyibona daawe;
nae abasuku bae achia ohubadumuula.
6Abaasa mu mwooyo kwae ati, “Ese haba siinja ohutulao;
emiika choosi pe, haba siinja hunyoolaho ebidinyu.”
7 #
Rom 3:14. Mu munwa kwae mweechulamo ohubwaaba, neende obubacha, alala neende ohufwiinyirira abaandu baandi;
olulimi lwae lweechulamo ebibaaso bibi neende obulyaanga.
8Beeboonderera abaandu mu byaalo;
beeta abaandu babulaho emisaango mu bweekisi.
Emoni chae chilengeesa ohubona abateenyala babanaakweeho,
9yeboonderera mu bweekisi koti edalang'i niyekoonyera;
beeboonderera bati hu banyale ohukwa hu bamanani,
bakwa hu bamanani mani bamale babahwehweese babayire mu haanda chaabwe.
10Abali mu ngisa abo banyoonyobolwa, mani beebiswa aasi,
mani bayiingirwa neende amaani kaabwe.
11Babaasa mu myooyo kyaabwe bati, “Nasaae yamala ohwiibirira hale,
yeekisa, haba s'abona daawe.”
12Ewe Omwaami, siingira; Ewe Nasaae, siingisa omuhono kwao;
oteebirira abasaanda!
13Lwasiina ababi bebwaaba Nasaae,
haandi baboola mu myooyo kyaabwe bati, “Ewe haba soocha ohubaheengera omusaango”?
14Nae ewe obona, haandi otingaala etima lyaabwe neende esireka syaabwe,
mani wetekeehe ohuhoonya abali mu budahano;
olwohuba abali mu budahano beeruhira yooli;
ewe omweene niiwe omuhoonyi w'abaana bafwiirwe.
15Funaka amahono k'ababi, alala neende ak'abahola-mbi;
koonyeresa obubi bwaabwe ohwoola lu wahabamalireyo boosi;
16Omwaami niye omutuki w'endaalo choosi;
haandi ebyaalo bichia ohusihirira ohutula mu syaalo syae.
17Ewe Omwaami, ochia ohuwulira bi baloonga beekoomba;
ochia ohubagumia emyooyo, ochia ohubatekeeresa
18ochia ohuholera abaana bafwiirwe neende abafwiinyirirwa ab'obwadyeeri,
mani omuundu ofwa sa ahaye ohuleeta amasira hu syaalo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019