Mariko 14
14
Oluhobo lw'ohwiita Yesu
(Mat 26:1-5; Luk 22:1-2; Yow 11:45-53)
1 #
Hut 12:1-27. Bulaanu chali chidoong'ere endaalo chibiri ohwoola hu Paasaka neende esidyaalo sy'Emigaati Ekitabbaahirwe. Mani abalaamisi bahuluundu alala neende abaandiiki b'Amalako bachaaka ohukoonya engira y'ohumudiira mu bweekisi bamale bamwiite; 2olwohuba bali baboolere bati, “Sisilai ohumudiirira hu sidyaalo, olwohuba abaandu banyala ohunioosa ebiita.”
Yesu abahwa amafuta Bbetania
3 #
Luk 7:37,38. Nae niyali ali Bbetani mu nyuumba ya Simooni owali yalwaalaho obulwaae bw'ebigeenge, niyehaale naali ohulya, omuhasi wuundi yeecha neende echupa y'amafuta k'esing'aari siingi, ak'obukusi bwa aakulu muno, yafuungula echupa ya amafuta eyo, mani yaakachuha hu mutwe kwa Yesu. 4Nae baliwo abaandu baandi ababoolanira abeene-na-beene bati, “Lwasiina anyaasa amafuta ako atyo? 5Olwohuba amafuta kano kanyala ohukuswamo edinaari chihira emia chidatu #14:5 Edinaari Edinaari ndala yali omusaara kw'omuhalaabani kw'oludaalo lulala mani eseende echo chaabereswa abamanani.” Mani basoolania omuhasi oyo muno. 6Nae Yesu yababoolera ati, “Mulehe omuhasi oyo abe; Siina syeene simumufwaambya? Yaholeere esiindu silai muno. 7#Amal 15:11. Olwohuba abamanani muchia ohuba nabo endaalo choosi, mani munyala ohubaholera ebilai buli siha simudahiramo; nae ese haba simuchia ohuba naange esiha syoosi. 8Omuhasi oyo aholeere syabeere naanyala; abahiire elalira omubiri kwaange amafuta ohukutekehera ohusiihwa. 9Nae mbaboolera obwadyeeri endi, buli abuundu woosi yi Mboosi Ndai yahayaalirwe mu syaalo syoosi, esiindu si yaholeere sino, bachia ohusilomalomaangaho nibamwichulisa.”
Yuda afukiirira ohulya mu Yesu olukwe
(Mat 26:14-16; Luk 22:3-6)
10Abweene ao, mulala hu beeki ehumi neende babiri abo olaangwa ati, Yuda Yisikarioti, yachia eyiri abalaamisi bahuluundu, n'akoonya engeri y'ohuliiramo Yesu olukwe. 11Nae nibawulira batyo, basaangaala muno mani baalaka ohumuba eseende. Mani yachaaka ohukoonya engeri y'ohumuliiramo olukwe.
Yesu aliira ebyohulya by'esidyaalo sya Paasaka alala neende abeeki bae
(Mat 26:17-25; Luk 22:7-14,21-23; Yow 13:21-30)
12Hu ludaalo lutaangira olw'esidyaalo sy'Emigaati Ekitabbaahirwe, oludaalo lubeteraangaho ekoondi ly'esidyaalo sya Paasaka, abeeki bae bamuteeba bati, “Odaha huchie huhutekehere yeena y'onaliira esidyaalo sya Paasaka?” 13Mani yatuma abeeki bae babiri n'ababoolera ati, “Muchie mu siko, mani muchia ohubukaanana neende omusaacha okiingire esyoongo y'amaachi; mani mumuloonde, 14mani muboolere omweene nyuumba yi yengiramo muti, ‘Omweekesa aboola ati, esiseenge si wundekeheere ohuliiramo esidyaalo sya Paasaka alala neende abeeki baange, siri yeena?’ 15Mani achia ohubeekesa esiseenge sy'aakulu sihoongo esitekeehwe bulai; omwo nimwo mu muba mututekehere.” 16Mani abeeki abo batulaniramo baachia mu siko, mani baanyoola buli siindu koti lu yali n'ababoleere; mani baachaaka ohutekeha esidyaalo sya Paasaka.
17Mani obwiire nibweera, Yesu yeecha neende abeeki bae ehumi neende babiri. 18#Sab 41:9. Nae nibali hu meesa nibalya, Yesu yababoola ati, “Mbaboolera obwadyeeri endi, mulala hu eng'we, oyo oli ohulya naange, achia ohuundyaamo olukwe.” 19Mani bachaaka ohwelalihirira, bachaaka ohumuteeba sya mulala-mulala bati, “Niye ese, kose?” 20Nae yababoolera ati, “Niye mulala hu ehumi neende babiri, oyo oli ohudoonga naange mu sikae silala. 21Olwohuba Omwaana w'Omuundu awaao koti lu syandiikwa, nae chimwakaanire oyo olya mu Omwaana w'Omuundu olukwe! Syahahirire omuundu oyo obuteebulwa.”
Esy'engoloobe sy'Omwaami
(Mat 26:26-30; Luk 22:14-20; 1 Kor 11:23-25)
22Nae nibali nibalya, Yesu yabukula omugaati, yakusabira ehabi, mani yaakumekula-mekulamo, mani yaababeresa, n'aboola ati, “Mubukule; kuno nikwo omubiri kwaange.” 23Haandi yabukula esikoombe, nae niyamala ohweebasa, yasiberesa abeeki bae, mani boosi baasing'waamo. 24#Hut 24:8; Yer 31:31-34. Mani yababoolera ati, “Kano niko amabaanga kaange ak' #14:24 ak'endagaano: Ebyandiiko bihuluundu bihale biindi bimeedaho biti, ‘njaaha.’endagaano, akeediswa hulw'abaandu abaangi. 25Mbaboolera obwadyeeri endi, siinja ohung'waaho haandi hu syaamo sy'emisabbiibbu ohwoola hu ludaalo lundahasing'weereho buyaaha mu Bwaami bwa Nasaae.”
26Nae nibamala ohweemba olweembo, batula baachia hu lugulu lw'Emiseituuni.
Yesu atuumbula ohwekaana hwa Petero
(Mat 26:31; Luk 22:31-34; Yow 13:36-38)
27 #
Sak 13:7. Mani Yesu yababoolera ati, “Mweesi muchia ohuundulaho; olwohuba syandiikwa siti, ‘Ndahahuye omwaayi, mani amakoondi kasalaane.’ 28#Mat 28:16. Nae nindahamale ohusyuuha, ndahabataangirire ohuchia Galilaaya.” 29Nae Petero yamuboolera ati, “Kata boosi bahulehe, ese haba siinja ohuhuleha.” 30Nae Yesu yamuboolera ati, “Huboolera obwadyeeri endi, mu siro sy'olwaleero syeene sino, edaaywa niyisisiiri ohuholyoohera habiri, onaba omalire ohundekaana amahabi kadatu.” 31Nae Petero yakobolamo neende esimyeeni ati, “Kata neende nihuli ohufwa, ndafwa naawe, haba siinja ohuhwekaana.” Mani boosi baaboola nasilala batyo.
Yesu asabira mu ndalo Getisemane
(Mat 26:36-46; Luk 22:39-46)
32Beemao baachia abuundu alaangwa ati, Getisemane; Yesu yaboolera abeeki bae ati, “Mwiihale ano, ese hole ninaama.” 33Yabukula Petero neende Yakobbo, neende Yowaana yaachia nabo, mani esibeera siingi muno syaamudiira yachaaka ohwelalihirira muno. 34Yesu haandi yababoolera ati, “Ndi neende esibeera esiingi muno, esinyala kata ohuunjita-bwiita; mudoong'e ano mani mube meeso.” #14:34 mube meeso: Oba mutakona. 35Mani niyamala atyo, yasudaho mu moni budiidi, yaakwa aasi yaalaama n'aboola ati, siba nisinyaliha, esiha syohusaanda sino syahambitireho. 36Mani yaaboola ati, “Abba, Laata, Ewe niiwe omunyala w'ebiindu byoosi; nduseho esikoombe sino; nae sitaba koti lu ese ndaha, nae hasibe koti lu ewe mweene odaha.” 37Mani haandi yabakaana nibakona, mani yaboolera Petero ati, “Simooni, wesi oli ohukona? Sonyalaho ohubaaho meeso #14:37 ohubaaho meeso: Oba ohumokaho. kata esaa ndala? 38Mube meeso #14:38 Mube meeso: Oba mutakona. mulaame muhaye ohukwa mu mateemo; omwooyo kweene kweenya, nae omubiri nikwo omukata.” 39Haandi Yesu yatula ao yaachia ohulaama, naalomaloma emboosi nasilala echo. 40Yesu haandi yakobola yaabanyoola nibakona, olwohuba emoni chaabwe chali nichiichuulemo endoolo muno; mani baahaywa esyohumukobolamo. 41Yesu haandi yakobola ehabi lyohudatu, mani yaababoolera ati, “Musiikona sa nimuwuluha? Biyerere; esiha syahoola; Omwaana w'Omuundu aliibwemo olukwe, adiiswe mu mahono k'abahola-mbi. 42Musiingire, mani huweeo; bone, ochia ohuundyaamo olukwe nguno yoolere.”
Ohudiirwa hwa Yesu
(Mat 26:47-56; Luk 22:47-53; Yow 18:3-12)
43Abweene ao, Yesu niyali asilomaloma, mulala hu beeki ehumi neende babiri olaangwa ati Yuda, yeecha neende esidiiyiha sy'abaandu nibali neende engaanga neende ebiruga, nibatula eyiri abalaamisi bahuluundu neende abaandiiki b'Amalako alala neende abahuluundu. 44Nae omuhobi oyo yali amalire ohubaberesa esilolero, n'aboola ati, “Oyo yi njia ohukwa mu sirifu niye oyo sa; mani mumudiire, mumwomiise bilai mani mumuyire.” 45Mani omuhobi oyo niyeecha, yachooma tiiri eyiri Yesu, yaboola ati, “Omwaami!” #14:45 Omwaami: Mu Luibburania bati ‘Rabbi’ oba ‘Omweekesa.’ Mani yaamukwa mu sirifu yaamuheesa. 46Bamukwaaho bamudiira. 47Nae mulala hu baandu bali beemere aambi ao yasobolayo olugaanga lwae, mani yaatemaho ohutwi hw'omuwaambe w'omulaamisi muhuluundu. 48Nae Yesu yababoolera ati, “Mwiichire neende engaanga alala neende ebiruga ohundiira koti abeechera omunyaka? 49#Luk 19:47; 21:37. Buli ludaalo ndabeereenge naang'we ninjekesa mu Nyuumba ya Nasaae, mwaahaya ohuundiiraho. Nae lehe ebyandiiko byoolerefu byoolerere.” 50Mani boosi bamuleha, beeruha.
51Omusyaani muraaga wuundi yaloonda hu Yesu n'atefwaalire esiindu syoosi hu mubiri ohutusaho niyeeboyere efuungo yoong'ene; mani baamukwaaho, 52nae yabeechimulaho, yaabalehera efuungo eyo, yeeruha n'awaao syeekenye.
Yesu ayaaswa mu siina
(Mat 26:57-68; Luk 22:54-55,63-71; Yow 18:13-14,19-24)
53Beemao baayira Yesu eyiri omulaamisi muhuluundu mweene; mani abalaamisi baandi bahuluundu neende abahuluundu alala neende abaandiiki b'Amalako boosi bebuusa alala. 54Nae Petero owali aloondeere eyale hu Yesu, ohwoolera elalira mu lwaanyi lw'omulaamisi muhuluundu mweene; yali yehaale neende abaliindi, niyoota omuliro. 55Bulaanu abalaamisi bahuluundu alala neende ab'esiina boosi bateeberesa esifune syeene si nyala syaakera beeta Yesu; nae baahaya kata ohusinyoola. 56Olwohuba abaandu abaangi batusa ebifune by'obubacha hu Yesu, nae ebifune byaabwe ebyo byahaya ohufwaanana. 57Haandi abaandu baandi basiingira baatusa obuloli bw'obubacha nibaboola bati, 58#Yow 2:19. “Hwawulira wuno n'aboola ati, ‘Njia ohugemula Enyuumba ya Nasaae yino eyoombahwa neende amahono, nae mu ndaalo chidatu, njia ohwoombaha eyiindi, eyitoombahwa neende amahono.’ ” 59Kata katyo, abulao obuloli bwaabwe obwanyala ohufwaanana. 60Mani omulaamisi muhuluundu mweene yasiingira yeema akatikaati waabwe, yateeba Yesu ati, “Obulaho esiindu syoosi sy'onyala wakaluhamo? Sifune siina syeene si bano bali ohuhufunaaniraho?” 61Nae Yesu yawuleera sa yaahaya ohukaluhamo esiindu syoosi. Haandi omulaamisi muhuluundu mweene yateeba Yesu ati, “Niiwe Kristo, Omwaana wa Nasaae w'Ehabi?” 62#Dan 7:13. Nae Yesu yaboola ati, “Niise; haandi wahabone Omwaana w'Omuundu niyehaale hu muhono muluungi kwa Nasaae w'obunyala bwoosi, haandi niyeechera mu maleesi komu Kulu.” 63Nae omulaamisi muhuluundu mweene yataandula engubo chae, n'aboola ati, “Lwasiina haandi husiikoonyeresa abaloli baandi? 64#Lef 24:16. Mbao mwewuliirire enomanoma yae eyifwoola Nasaae eyo. Nang'we muheengao mutye?” Mani boosi bamuheengera omusaango bati ahoyere ohufwa. 65Abaandi bachaaka ohumufuuchaho amate, baamuboya mu moni, mani baamuhuya, nibaboola bati, “Tuumbulaho ohuhuyire!” Mani Abasikaari baamudiira bachaaka ohumupaama.
Petero yekaana Yesu
(Mat 26:69-75; Luk 22:56-62; Yow 18:15-18,25-27)
66Nae Petero niyali n'asisiiri mu lwaanyi aasi, mulala hu bahalaabani bahaana b'omulaamisi muhuluundu mweene yeecha; 67mani yaabona Petero niyoota omuliro, yamwehaliirisa, mani yamuboolera ati, “Ewe wesi obeere neende Yesu Omunasareeti.” 68Nae Petero yekaana, n'aboola ati, “Ese siwumao siimanyire kata ngoterwe syoliho.” Yasiingira yaatula erwaanyi yeema hu siruwa. #14:68 hu siruwa: Oba hu ndulo w'olwaanyi. Ebyandiiko bihuluundu bihale bimeedaho biti, ‘mani engoho daaywa yaholyooha.’ 69Haandi omuhalaabani muhaana oyo yaamubona mani yaboobera abaandu bali nibeemere ao ati, “Omusaacha wuno niye mulala hu baandu abo.” 70Petero haandi yekaana. Nae ebiha bidiidi nibyabitao, abaandu bali nibeemere ao, bosi baboolera Petero bati, “Mubwadyeeri bweene, ewe oli sa mulala hu baandu abo; olwohuba oli Omugalilaaya.” 71Petero yeemao yachaaka ohwebwaaba alala neende ohwelayira muno ati, “Ese siimanyire omusaacha yi muli ohulomalomaangaho oyo.” 72Abweene ao, edaaywa yaholyooha ehabi lyohubiri. Petero niyechulisa koti Yesu yali amubooleere ati, “Edaaywa niyitaholyoohera habiri, onaba wundekaaniire hadatu.” Mani yatuunduha yaalira muno.
Currently Selected:
Mariko 14: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Mariko 14
14
Oluhobo lw'ohwiita Yesu
(Mat 26:1-5; Luk 22:1-2; Yow 11:45-53)
1 #
Hut 12:1-27. Bulaanu chali chidoong'ere endaalo chibiri ohwoola hu Paasaka neende esidyaalo sy'Emigaati Ekitabbaahirwe. Mani abalaamisi bahuluundu alala neende abaandiiki b'Amalako bachaaka ohukoonya engira y'ohumudiira mu bweekisi bamale bamwiite; 2olwohuba bali baboolere bati, “Sisilai ohumudiirira hu sidyaalo, olwohuba abaandu banyala ohunioosa ebiita.”
Yesu abahwa amafuta Bbetania
3 #
Luk 7:37,38. Nae niyali ali Bbetani mu nyuumba ya Simooni owali yalwaalaho obulwaae bw'ebigeenge, niyehaale naali ohulya, omuhasi wuundi yeecha neende echupa y'amafuta k'esing'aari siingi, ak'obukusi bwa aakulu muno, yafuungula echupa ya amafuta eyo, mani yaakachuha hu mutwe kwa Yesu. 4Nae baliwo abaandu baandi ababoolanira abeene-na-beene bati, “Lwasiina anyaasa amafuta ako atyo? 5Olwohuba amafuta kano kanyala ohukuswamo edinaari chihira emia chidatu #14:5 Edinaari Edinaari ndala yali omusaara kw'omuhalaabani kw'oludaalo lulala mani eseende echo chaabereswa abamanani.” Mani basoolania omuhasi oyo muno. 6Nae Yesu yababoolera ati, “Mulehe omuhasi oyo abe; Siina syeene simumufwaambya? Yaholeere esiindu silai muno. 7#Amal 15:11. Olwohuba abamanani muchia ohuba nabo endaalo choosi, mani munyala ohubaholera ebilai buli siha simudahiramo; nae ese haba simuchia ohuba naange esiha syoosi. 8Omuhasi oyo aholeere syabeere naanyala; abahiire elalira omubiri kwaange amafuta ohukutekehera ohusiihwa. 9Nae mbaboolera obwadyeeri endi, buli abuundu woosi yi Mboosi Ndai yahayaalirwe mu syaalo syoosi, esiindu si yaholeere sino, bachia ohusilomalomaangaho nibamwichulisa.”
Yuda afukiirira ohulya mu Yesu olukwe
(Mat 26:14-16; Luk 22:3-6)
10Abweene ao, mulala hu beeki ehumi neende babiri abo olaangwa ati, Yuda Yisikarioti, yachia eyiri abalaamisi bahuluundu, n'akoonya engeri y'ohuliiramo Yesu olukwe. 11Nae nibawulira batyo, basaangaala muno mani baalaka ohumuba eseende. Mani yachaaka ohukoonya engeri y'ohumuliiramo olukwe.
Yesu aliira ebyohulya by'esidyaalo sya Paasaka alala neende abeeki bae
(Mat 26:17-25; Luk 22:7-14,21-23; Yow 13:21-30)
12Hu ludaalo lutaangira olw'esidyaalo sy'Emigaati Ekitabbaahirwe, oludaalo lubeteraangaho ekoondi ly'esidyaalo sya Paasaka, abeeki bae bamuteeba bati, “Odaha huchie huhutekehere yeena y'onaliira esidyaalo sya Paasaka?” 13Mani yatuma abeeki bae babiri n'ababoolera ati, “Muchie mu siko, mani muchia ohubukaanana neende omusaacha okiingire esyoongo y'amaachi; mani mumuloonde, 14mani muboolere omweene nyuumba yi yengiramo muti, ‘Omweekesa aboola ati, esiseenge si wundekeheere ohuliiramo esidyaalo sya Paasaka alala neende abeeki baange, siri yeena?’ 15Mani achia ohubeekesa esiseenge sy'aakulu sihoongo esitekeehwe bulai; omwo nimwo mu muba mututekehere.” 16Mani abeeki abo batulaniramo baachia mu siko, mani baanyoola buli siindu koti lu yali n'ababoleere; mani baachaaka ohutekeha esidyaalo sya Paasaka.
17Mani obwiire nibweera, Yesu yeecha neende abeeki bae ehumi neende babiri. 18#Sab 41:9. Nae nibali hu meesa nibalya, Yesu yababoola ati, “Mbaboolera obwadyeeri endi, mulala hu eng'we, oyo oli ohulya naange, achia ohuundyaamo olukwe.” 19Mani bachaaka ohwelalihirira, bachaaka ohumuteeba sya mulala-mulala bati, “Niye ese, kose?” 20Nae yababoolera ati, “Niye mulala hu ehumi neende babiri, oyo oli ohudoonga naange mu sikae silala. 21Olwohuba Omwaana w'Omuundu awaao koti lu syandiikwa, nae chimwakaanire oyo olya mu Omwaana w'Omuundu olukwe! Syahahirire omuundu oyo obuteebulwa.”
Esy'engoloobe sy'Omwaami
(Mat 26:26-30; Luk 22:14-20; 1 Kor 11:23-25)
22Nae nibali nibalya, Yesu yabukula omugaati, yakusabira ehabi, mani yaakumekula-mekulamo, mani yaababeresa, n'aboola ati, “Mubukule; kuno nikwo omubiri kwaange.” 23Haandi yabukula esikoombe, nae niyamala ohweebasa, yasiberesa abeeki bae, mani boosi baasing'waamo. 24#Hut 24:8; Yer 31:31-34. Mani yababoolera ati, “Kano niko amabaanga kaange ak' #14:24 ak'endagaano: Ebyandiiko bihuluundu bihale biindi bimeedaho biti, ‘njaaha.’endagaano, akeediswa hulw'abaandu abaangi. 25Mbaboolera obwadyeeri endi, siinja ohung'waaho haandi hu syaamo sy'emisabbiibbu ohwoola hu ludaalo lundahasing'weereho buyaaha mu Bwaami bwa Nasaae.”
26Nae nibamala ohweemba olweembo, batula baachia hu lugulu lw'Emiseituuni.
Yesu atuumbula ohwekaana hwa Petero
(Mat 26:31; Luk 22:31-34; Yow 13:36-38)
27 #
Sak 13:7. Mani Yesu yababoolera ati, “Mweesi muchia ohuundulaho; olwohuba syandiikwa siti, ‘Ndahahuye omwaayi, mani amakoondi kasalaane.’ 28#Mat 28:16. Nae nindahamale ohusyuuha, ndahabataangirire ohuchia Galilaaya.” 29Nae Petero yamuboolera ati, “Kata boosi bahulehe, ese haba siinja ohuhuleha.” 30Nae Yesu yamuboolera ati, “Huboolera obwadyeeri endi, mu siro sy'olwaleero syeene sino, edaaywa niyisisiiri ohuholyoohera habiri, onaba omalire ohundekaana amahabi kadatu.” 31Nae Petero yakobolamo neende esimyeeni ati, “Kata neende nihuli ohufwa, ndafwa naawe, haba siinja ohuhwekaana.” Mani boosi baaboola nasilala batyo.
Yesu asabira mu ndalo Getisemane
(Mat 26:36-46; Luk 22:39-46)
32Beemao baachia abuundu alaangwa ati, Getisemane; Yesu yaboolera abeeki bae ati, “Mwiihale ano, ese hole ninaama.” 33Yabukula Petero neende Yakobbo, neende Yowaana yaachia nabo, mani esibeera siingi muno syaamudiira yachaaka ohwelalihirira muno. 34Yesu haandi yababoolera ati, “Ndi neende esibeera esiingi muno, esinyala kata ohuunjita-bwiita; mudoong'e ano mani mube meeso.” #14:34 mube meeso: Oba mutakona. 35Mani niyamala atyo, yasudaho mu moni budiidi, yaakwa aasi yaalaama n'aboola ati, siba nisinyaliha, esiha syohusaanda sino syahambitireho. 36Mani yaaboola ati, “Abba, Laata, Ewe niiwe omunyala w'ebiindu byoosi; nduseho esikoombe sino; nae sitaba koti lu ese ndaha, nae hasibe koti lu ewe mweene odaha.” 37Mani haandi yabakaana nibakona, mani yaboolera Petero ati, “Simooni, wesi oli ohukona? Sonyalaho ohubaaho meeso #14:37 ohubaaho meeso: Oba ohumokaho. kata esaa ndala? 38Mube meeso #14:38 Mube meeso: Oba mutakona. mulaame muhaye ohukwa mu mateemo; omwooyo kweene kweenya, nae omubiri nikwo omukata.” 39Haandi Yesu yatula ao yaachia ohulaama, naalomaloma emboosi nasilala echo. 40Yesu haandi yakobola yaabanyoola nibakona, olwohuba emoni chaabwe chali nichiichuulemo endoolo muno; mani baahaywa esyohumukobolamo. 41Yesu haandi yakobola ehabi lyohudatu, mani yaababoolera ati, “Musiikona sa nimuwuluha? Biyerere; esiha syahoola; Omwaana w'Omuundu aliibwemo olukwe, adiiswe mu mahono k'abahola-mbi. 42Musiingire, mani huweeo; bone, ochia ohuundyaamo olukwe nguno yoolere.”
Ohudiirwa hwa Yesu
(Mat 26:47-56; Luk 22:47-53; Yow 18:3-12)
43Abweene ao, Yesu niyali asilomaloma, mulala hu beeki ehumi neende babiri olaangwa ati Yuda, yeecha neende esidiiyiha sy'abaandu nibali neende engaanga neende ebiruga, nibatula eyiri abalaamisi bahuluundu neende abaandiiki b'Amalako alala neende abahuluundu. 44Nae omuhobi oyo yali amalire ohubaberesa esilolero, n'aboola ati, “Oyo yi njia ohukwa mu sirifu niye oyo sa; mani mumudiire, mumwomiise bilai mani mumuyire.” 45Mani omuhobi oyo niyeecha, yachooma tiiri eyiri Yesu, yaboola ati, “Omwaami!” #14:45 Omwaami: Mu Luibburania bati ‘Rabbi’ oba ‘Omweekesa.’ Mani yaamukwa mu sirifu yaamuheesa. 46Bamukwaaho bamudiira. 47Nae mulala hu baandu bali beemere aambi ao yasobolayo olugaanga lwae, mani yaatemaho ohutwi hw'omuwaambe w'omulaamisi muhuluundu. 48Nae Yesu yababoolera ati, “Mwiichire neende engaanga alala neende ebiruga ohundiira koti abeechera omunyaka? 49#Luk 19:47; 21:37. Buli ludaalo ndabeereenge naang'we ninjekesa mu Nyuumba ya Nasaae, mwaahaya ohuundiiraho. Nae lehe ebyandiiko byoolerefu byoolerere.” 50Mani boosi bamuleha, beeruha.
51Omusyaani muraaga wuundi yaloonda hu Yesu n'atefwaalire esiindu syoosi hu mubiri ohutusaho niyeeboyere efuungo yoong'ene; mani baamukwaaho, 52nae yabeechimulaho, yaabalehera efuungo eyo, yeeruha n'awaao syeekenye.
Yesu ayaaswa mu siina
(Mat 26:57-68; Luk 22:54-55,63-71; Yow 18:13-14,19-24)
53Beemao baayira Yesu eyiri omulaamisi muhuluundu mweene; mani abalaamisi baandi bahuluundu neende abahuluundu alala neende abaandiiki b'Amalako boosi bebuusa alala. 54Nae Petero owali aloondeere eyale hu Yesu, ohwoolera elalira mu lwaanyi lw'omulaamisi muhuluundu mweene; yali yehaale neende abaliindi, niyoota omuliro. 55Bulaanu abalaamisi bahuluundu alala neende ab'esiina boosi bateeberesa esifune syeene si nyala syaakera beeta Yesu; nae baahaya kata ohusinyoola. 56Olwohuba abaandu abaangi batusa ebifune by'obubacha hu Yesu, nae ebifune byaabwe ebyo byahaya ohufwaanana. 57Haandi abaandu baandi basiingira baatusa obuloli bw'obubacha nibaboola bati, 58#Yow 2:19. “Hwawulira wuno n'aboola ati, ‘Njia ohugemula Enyuumba ya Nasaae yino eyoombahwa neende amahono, nae mu ndaalo chidatu, njia ohwoombaha eyiindi, eyitoombahwa neende amahono.’ ” 59Kata katyo, abulao obuloli bwaabwe obwanyala ohufwaanana. 60Mani omulaamisi muhuluundu mweene yasiingira yeema akatikaati waabwe, yateeba Yesu ati, “Obulaho esiindu syoosi sy'onyala wakaluhamo? Sifune siina syeene si bano bali ohuhufunaaniraho?” 61Nae Yesu yawuleera sa yaahaya ohukaluhamo esiindu syoosi. Haandi omulaamisi muhuluundu mweene yateeba Yesu ati, “Niiwe Kristo, Omwaana wa Nasaae w'Ehabi?” 62#Dan 7:13. Nae Yesu yaboola ati, “Niise; haandi wahabone Omwaana w'Omuundu niyehaale hu muhono muluungi kwa Nasaae w'obunyala bwoosi, haandi niyeechera mu maleesi komu Kulu.” 63Nae omulaamisi muhuluundu mweene yataandula engubo chae, n'aboola ati, “Lwasiina haandi husiikoonyeresa abaloli baandi? 64#Lef 24:16. Mbao mwewuliirire enomanoma yae eyifwoola Nasaae eyo. Nang'we muheengao mutye?” Mani boosi bamuheengera omusaango bati ahoyere ohufwa. 65Abaandi bachaaka ohumufuuchaho amate, baamuboya mu moni, mani baamuhuya, nibaboola bati, “Tuumbulaho ohuhuyire!” Mani Abasikaari baamudiira bachaaka ohumupaama.
Petero yekaana Yesu
(Mat 26:69-75; Luk 22:56-62; Yow 18:15-18,25-27)
66Nae Petero niyali n'asisiiri mu lwaanyi aasi, mulala hu bahalaabani bahaana b'omulaamisi muhuluundu mweene yeecha; 67mani yaabona Petero niyoota omuliro, yamwehaliirisa, mani yamuboolera ati, “Ewe wesi obeere neende Yesu Omunasareeti.” 68Nae Petero yekaana, n'aboola ati, “Ese siwumao siimanyire kata ngoterwe syoliho.” Yasiingira yaatula erwaanyi yeema hu siruwa. #14:68 hu siruwa: Oba hu ndulo w'olwaanyi. Ebyandiiko bihuluundu bihale bimeedaho biti, ‘mani engoho daaywa yaholyooha.’ 69Haandi omuhalaabani muhaana oyo yaamubona mani yaboobera abaandu bali nibeemere ao ati, “Omusaacha wuno niye mulala hu baandu abo.” 70Petero haandi yekaana. Nae ebiha bidiidi nibyabitao, abaandu bali nibeemere ao, bosi baboolera Petero bati, “Mubwadyeeri bweene, ewe oli sa mulala hu baandu abo; olwohuba oli Omugalilaaya.” 71Petero yeemao yachaaka ohwebwaaba alala neende ohwelayira muno ati, “Ese siimanyire omusaacha yi muli ohulomalomaangaho oyo.” 72Abweene ao, edaaywa yaholyooha ehabi lyohubiri. Petero niyechulisa koti Yesu yali amubooleere ati, “Edaaywa niyitaholyoohera habiri, onaba wundekaaniire hadatu.” Mani yatuunduha yaalira muno.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019