Matayo 23
23
Yesu alabula abaandu ohweliinda eyiri abeekesa b'Amalako neende Abafarisaayo
(Mrk 12:38-39; Luk 11:43-46; 20:45-46)
1Olwoola, Yesu yaboolera esidiiyiha sy'abaandu, alala neende abeeki bae ati, 2“Abeekesa b'Amalako neende Abafarisaayo, nibo abali mu bweyaango bwa Musa bw'ohweekesa amalako, 3sakira muhoyere ohuholaanga alala neende ohuwuliraanga byoosi-byoosi bi bababoolera, nae mutaholaanga koti lu bahola, olwohuba sibaholaanga bi beekesa. 4Baboyaanga emigugu misito kitanyaliha #23:4 kitanyaliha: Ebyandiiko bihuluundu bihale biindi bileha ‘ekitanyaliha.’ mani bakidwiiha hu mabeka k'abaandu baandi, nae abeene nibatateemaho ohugeeng'a kata sa olwaala lw'omuhono kwaabwe hu mugugu musito okwo ohubahoonya. 5#Mat 6:1; Amal 6:8; Hub 15:38.Buli siindu si bahola, bachiiririraanga sa mbwe hu baandu bababone. Mani muboneho koti lu babambaliyaanga ebibandiiho by'ebyaandiiko byoolerefu, babyeebaandiiha hu bweeni, neende hu maambala; haandi bahola amakemo k'amaganjuula kaabwe kaba amaleeyi, haandi amatakalafu. 6Baheera muno obwiihalo bw'oluyaali nibali hu sidyaalo, kata mu Sinagoogi; 7haandi baheera muno ohubereswaanga oluyaali luhoongo mu biito, neende abaandu ohubafumia bati, Abeekesa! Abeekesa! 8Nae eng'we haba simuhoyere ohulaangwaanga muti, ‘Omweekesa,’ olwohuba muli neende omweekesa mulala yeeng'ene, niye Kristo, nae eng'we mweesi muli abeebulanwa. 9Haandi mutalaangaanga omuundu yeesi hu syaalo huno muti, ‘Seefwe’ olwohuba muli neende Seeng'we mulala yeeng'ene, oli Muukulu. 10Haandi batabalangaanga bati, ‘Abaami’ olwohuba muli neende Omwaami mulala yeeng'ene, niye Kristo. 11#Mat 20:26,27; Mrk 9:35; 10:43,44; Luk 22:26.Omuundu ohiramo oluyaali mweeng'we, ahoyere ohubechaanga omuhalaabani weeng'we. 12#Luk 14:11; 18:14.Omuundu yeesi, oweniinia omweene, achia ohwiiswaanga aasi, nae omuundu yeesi oweyisa aasi, achia ohuniinisibwaanga.
Yesu abwaaba obweebachirisi bw'abahoongo b'ediini
(Mrk 12:40; Luk 11:39-42,44,52; 20:47)
13“Chibaakaanire eng'we, Abafarisaayo alala neende Abaandiiki b'Amalako. Abebachirisi eng'we! Olwohuba mwiikaliraanga abaandu omulyaango kuchia mu bwaami bwo Muukulu, nae eng'we beene simwiingiriramo daawe, haandi haba simufukiirira abo abadaha ohwiingiriramo beengira. 14Chibaakaanire eng'we, Abeekesa b'Amalako neende Abafarisaayo. Abebachirisi eng'we! Mung'uulaanga abahasi bafwiire enyuumba chaabwe, mani mumala mwekaadirisira hu husaba huleeyi muno! Sakira muchia ohunyoola esinyaaso sihiramo obuhoongo. #23:14 Chibaakaanire eng'we, Abeekesa b'Amalako neende Abafarisaayo. Abebachirisi eng'we! Mung'uulaanga abahasi bafwiire enyuumba chaabwe, mani mumala mweekaadirisira hu hulaama huleeyi muno! Sakira muchia ohunyoola esinyaaso sihiramo obuhoongo: Ebyandiiko bihuluundu biindi bimeedaangaho bino noomaliirisa olunyiriri lw'ehumi-na-chibiri. 15Chibaakaanire eng'we, Abeekesa b'Amalako neende Abafarisaayo. Abebachirisi eng'we! Mukeendaanaanga hu syaalo, ni mwaambuha-yambuha enyaanja, ohwoola lu mukaluuhanisira omuundu kata mulala sa, yeengira mu diini yeeng'we. Mani nimumala ohumukaluuhania, mukeraanga omuundu oyo yeehola omubi w'ohuchia mu nyaanja y'omuliro, #23:15 nyaanja y'omuliro: Mu Lugiriki mbwe, Geyena. amahabi kabiri ohuhiraho eng'we beene!
16“Chibaakaanire eng'we, abeemirisi bawofu! Mweekesaanga muti, ‘Omuundu niyechubira enyuumba ya Nasaae, ohweechuba ohwo haba sihwahamuholaho esiindu syoosi, nae muti niyeechubira esaabbu yomu nyuumba ya Nasaae, ohweechuba ohwo huba humudiiraho.’ 17Abasiru batabona eng'we! Siina esihira esiindi oluyaali, esaabbu, kose enyuumba ya Nasaae yikera esaabbu eyo yaaba enjoolerefu? 18Haandi mweekesaanga muti, ‘Omuundu yeesi niyeechubira alutaari, ohweechuba ohwo sihwahamuholaho esiindu syoosi; nae muti niyeechubira ebiyaanwa biri hu alutaari, ohweechuba ohwo huba humudiiraho.’ 19Eng'we nga mwawofulira elalira! Siina esihira esiindi oluyaali, esiyaanwa kose alutaari, yikeraanga esiyaanwa esyo nisiba esyoolerefu? 20Sakira omuundu niyeechubira alutaari, aba yeechubiire alutaari neende buli siindu siyiliho syoosi. 21Haandi omuundu niyeechubira enyuumba ya Nasaae, aba yeechubiire enyuumba ya Nasaae, neende Nasaae oyilimo yesi. 22#Yis 66:1; Mat 5:34.Haandi mani omuundu weechubira ekulu, oyo aba yeechubiire esisaala sy'obutuki sya Nasaae neende Nasaae osiihalaangaho mweene.
23 #
Lef 27:30. “Nae chibaakaanire eng'we, Abeekesa b'Amalako neende Abafarisaayo. Abebachirisi eng'we! Olwohuba muberesaanga Nasaae silala sy'ehumi sy'ebiindu bidiidi-diidi koti ebituunguyu, ebiinjaari alala neende ebiindu biindi biwunya esing'aari, nae simudeebaangayo hu biindu bihoongo bi Malako keekesa koti, ohuba neende obwadyeeri, esisa, neende efukiirira. Muhoyere ohwooseresaanga ebiindu bino ataali ohulekeeresa ebiindi ebyo. 24Eng'we abeemirisi batabona, mwiinamyaanga esikoombe sy'amaachi keeng'we k'ohung'wa muhenenamo esiiye yiba niyikakwiiremo, nae muhaywa ohuhenenamo engamia yiba niyikalimo nayo!
25“Chibaakaanire eng'we, Abeekesa b'Amalako neende Abafarisaayo. Abebachirisi eng'we! Eng'we aboosa humukulu w'ebikoombe neende ow'esaani, nae muukati wabyo, mweechulamo eby'obwiibi neende okuliira. 26Abafarisaayo batabona eng'we! Mutaangireenge mberi mwoosa muukati w'esikoombe neende ow'esaani, hu bulaanu erwaanyi yosi yimale yibe cheege endafu.
27 #
Biho 23:3. “Chibaakaanire eng'we, Abeekesa b'Amalako neende Abafarisaayo. Abebachirisi eng'we! Mbao mufwaana neende ebiriindwa bibahirwe eraangi ya rachaari, ebiboneha bulai bweene humukulu, nae muukati wabyo mwiichuulemo amakuumba k'abafu, neende engakaayi chahwo. 28Nasilala, mwesi mufwaana bulai haandi aboolerefu humukulu, nae mu myooyo kyeeng'we bweene, mweechulamo obweebachirisi neende ebyonoono.
Yesu atuumbula esinyaaso syaabwe
(Luk 11:47-51)
29“Chibaakaanire eng'we, Abeekesa b'Amalako neende Abafarisaayo. Abebachirisi eng'we! Olwohuba niing'we aboombahaanga ebiriindwa by'abanabbi, haandi mutereesa bilai byeene ebiriindwa by'aboolerefu, 30nimuboola muti, ‘Huba nihwaliwo mu ndaalo cha bakuuka yeefwe, haba sihwahabeere silala nabo mu hwiidisa amabaanga k'abanabbi.’ 31Mbao hane eng'we beene mweetuumbulaanga muti muli abeechuhulu baabo, abeeta abanabbi. 32Sakira bulaanu eng'we muchiiririre sa neende ohuhola bi bakuuka yeeng'we bachaakisa ohutula hale. 33#Mat 3:7; 12:34; Luk 3:7. Enjuha eng'we, haandi abaana b'enjuha eng'we! Munaawone mutye ohuheengerwa omusaango kw'ohuchia mu nyaanja y'omuliro kutasima? #23:33 nyaanja y'omuliro kutasima: Mu Lugiriki bati, Geyena. 34Sakira njia ohubatumira abanabbi, neende abaandu bakesi muno, neende abeekesa b'Amalako, nae abaandi hu abo muchia ohubeeta nimubabaamba hu musalabba, haandi abaandi muchia mubanaale embooko mu Sinagoogi cheeng'we, nimubayiima ohubasaandya ohutula mu siko silala ohwoola mu siindi. 35#Huc 4:8; 2 Biha 24:20,21. Ao niwo yi mabaanga k'aboolerefu boosi akeediswa hu syaalo, kahabeemereho ohutulira elalira hu mabaanga kataaliho omusaango k'Abbeli ohwoola hu mabaanga kataaliho omusaango ka Sakariya omwaana wa Bberakia, yi mweetera akatikaati w'abuundu woolerefu neende alutaari. 36Mbaboolera obwadyeeri endi, esinyaaso sino syoosi sichia ohwiicha hu luse luno!
Ohudaha hwa Yesu eyiri Yerusalemu
(Luk 13:34-35)
37“Aaa, ewe Yerusalemu, owiita abanabbi, haandi ohubba abaandu ba bahutumiire amakina! Ndahateemaho amahabi maangi muno ohubabuusa alala mbabwiihe koti lu ngoho yibwihaanga obumwiinyu bwayo mu mbaya chayo, nae mwaahaya ohuufukiirira. 38#Yer 22:5.Boneho enyuumba ya Nasaae eyo koti lu yichia ohweebwaabwa, yidoong'e koti ekuunda! #23:38 koti ekuunda: Ebyandiiko bihuluundu bihale bileha ‘koti ekuunda.’ 39#Sab 118:26. Mani mbaboolera endi, haba simuchia ohuumbonaho haandi, ohwoola lu mwahaboolere muti, ‘Akinisibwe oyo owiicha mu liita ly'Omwaami.’ ”
Currently Selected:
Matayo 23: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Matayo 23
23
Yesu alabula abaandu ohweliinda eyiri abeekesa b'Amalako neende Abafarisaayo
(Mrk 12:38-39; Luk 11:43-46; 20:45-46)
1Olwoola, Yesu yaboolera esidiiyiha sy'abaandu, alala neende abeeki bae ati, 2“Abeekesa b'Amalako neende Abafarisaayo, nibo abali mu bweyaango bwa Musa bw'ohweekesa amalako, 3sakira muhoyere ohuholaanga alala neende ohuwuliraanga byoosi-byoosi bi bababoolera, nae mutaholaanga koti lu bahola, olwohuba sibaholaanga bi beekesa. 4Baboyaanga emigugu misito kitanyaliha #23:4 kitanyaliha: Ebyandiiko bihuluundu bihale biindi bileha ‘ekitanyaliha.’ mani bakidwiiha hu mabeka k'abaandu baandi, nae abeene nibatateemaho ohugeeng'a kata sa olwaala lw'omuhono kwaabwe hu mugugu musito okwo ohubahoonya. 5#Mat 6:1; Amal 6:8; Hub 15:38.Buli siindu si bahola, bachiiririraanga sa mbwe hu baandu bababone. Mani muboneho koti lu babambaliyaanga ebibandiiho by'ebyaandiiko byoolerefu, babyeebaandiiha hu bweeni, neende hu maambala; haandi bahola amakemo k'amaganjuula kaabwe kaba amaleeyi, haandi amatakalafu. 6Baheera muno obwiihalo bw'oluyaali nibali hu sidyaalo, kata mu Sinagoogi; 7haandi baheera muno ohubereswaanga oluyaali luhoongo mu biito, neende abaandu ohubafumia bati, Abeekesa! Abeekesa! 8Nae eng'we haba simuhoyere ohulaangwaanga muti, ‘Omweekesa,’ olwohuba muli neende omweekesa mulala yeeng'ene, niye Kristo, nae eng'we mweesi muli abeebulanwa. 9Haandi mutalaangaanga omuundu yeesi hu syaalo huno muti, ‘Seefwe’ olwohuba muli neende Seeng'we mulala yeeng'ene, oli Muukulu. 10Haandi batabalangaanga bati, ‘Abaami’ olwohuba muli neende Omwaami mulala yeeng'ene, niye Kristo. 11#Mat 20:26,27; Mrk 9:35; 10:43,44; Luk 22:26.Omuundu ohiramo oluyaali mweeng'we, ahoyere ohubechaanga omuhalaabani weeng'we. 12#Luk 14:11; 18:14.Omuundu yeesi, oweniinia omweene, achia ohwiiswaanga aasi, nae omuundu yeesi oweyisa aasi, achia ohuniinisibwaanga.
Yesu abwaaba obweebachirisi bw'abahoongo b'ediini
(Mrk 12:40; Luk 11:39-42,44,52; 20:47)
13“Chibaakaanire eng'we, Abafarisaayo alala neende Abaandiiki b'Amalako. Abebachirisi eng'we! Olwohuba mwiikaliraanga abaandu omulyaango kuchia mu bwaami bwo Muukulu, nae eng'we beene simwiingiriramo daawe, haandi haba simufukiirira abo abadaha ohwiingiriramo beengira. 14Chibaakaanire eng'we, Abeekesa b'Amalako neende Abafarisaayo. Abebachirisi eng'we! Mung'uulaanga abahasi bafwiire enyuumba chaabwe, mani mumala mwekaadirisira hu husaba huleeyi muno! Sakira muchia ohunyoola esinyaaso sihiramo obuhoongo. #23:14 Chibaakaanire eng'we, Abeekesa b'Amalako neende Abafarisaayo. Abebachirisi eng'we! Mung'uulaanga abahasi bafwiire enyuumba chaabwe, mani mumala mweekaadirisira hu hulaama huleeyi muno! Sakira muchia ohunyoola esinyaaso sihiramo obuhoongo: Ebyandiiko bihuluundu biindi bimeedaangaho bino noomaliirisa olunyiriri lw'ehumi-na-chibiri. 15Chibaakaanire eng'we, Abeekesa b'Amalako neende Abafarisaayo. Abebachirisi eng'we! Mukeendaanaanga hu syaalo, ni mwaambuha-yambuha enyaanja, ohwoola lu mukaluuhanisira omuundu kata mulala sa, yeengira mu diini yeeng'we. Mani nimumala ohumukaluuhania, mukeraanga omuundu oyo yeehola omubi w'ohuchia mu nyaanja y'omuliro, #23:15 nyaanja y'omuliro: Mu Lugiriki mbwe, Geyena. amahabi kabiri ohuhiraho eng'we beene!
16“Chibaakaanire eng'we, abeemirisi bawofu! Mweekesaanga muti, ‘Omuundu niyechubira enyuumba ya Nasaae, ohweechuba ohwo haba sihwahamuholaho esiindu syoosi, nae muti niyeechubira esaabbu yomu nyuumba ya Nasaae, ohweechuba ohwo huba humudiiraho.’ 17Abasiru batabona eng'we! Siina esihira esiindi oluyaali, esaabbu, kose enyuumba ya Nasaae yikera esaabbu eyo yaaba enjoolerefu? 18Haandi mweekesaanga muti, ‘Omuundu yeesi niyeechubira alutaari, ohweechuba ohwo sihwahamuholaho esiindu syoosi; nae muti niyeechubira ebiyaanwa biri hu alutaari, ohweechuba ohwo huba humudiiraho.’ 19Eng'we nga mwawofulira elalira! Siina esihira esiindi oluyaali, esiyaanwa kose alutaari, yikeraanga esiyaanwa esyo nisiba esyoolerefu? 20Sakira omuundu niyeechubira alutaari, aba yeechubiire alutaari neende buli siindu siyiliho syoosi. 21Haandi omuundu niyeechubira enyuumba ya Nasaae, aba yeechubiire enyuumba ya Nasaae, neende Nasaae oyilimo yesi. 22#Yis 66:1; Mat 5:34.Haandi mani omuundu weechubira ekulu, oyo aba yeechubiire esisaala sy'obutuki sya Nasaae neende Nasaae osiihalaangaho mweene.
23 #
Lef 27:30. “Nae chibaakaanire eng'we, Abeekesa b'Amalako neende Abafarisaayo. Abebachirisi eng'we! Olwohuba muberesaanga Nasaae silala sy'ehumi sy'ebiindu bidiidi-diidi koti ebituunguyu, ebiinjaari alala neende ebiindu biindi biwunya esing'aari, nae simudeebaangayo hu biindu bihoongo bi Malako keekesa koti, ohuba neende obwadyeeri, esisa, neende efukiirira. Muhoyere ohwooseresaanga ebiindu bino ataali ohulekeeresa ebiindi ebyo. 24Eng'we abeemirisi batabona, mwiinamyaanga esikoombe sy'amaachi keeng'we k'ohung'wa muhenenamo esiiye yiba niyikakwiiremo, nae muhaywa ohuhenenamo engamia yiba niyikalimo nayo!
25“Chibaakaanire eng'we, Abeekesa b'Amalako neende Abafarisaayo. Abebachirisi eng'we! Eng'we aboosa humukulu w'ebikoombe neende ow'esaani, nae muukati wabyo, mweechulamo eby'obwiibi neende okuliira. 26Abafarisaayo batabona eng'we! Mutaangireenge mberi mwoosa muukati w'esikoombe neende ow'esaani, hu bulaanu erwaanyi yosi yimale yibe cheege endafu.
27 #
Biho 23:3. “Chibaakaanire eng'we, Abeekesa b'Amalako neende Abafarisaayo. Abebachirisi eng'we! Mbao mufwaana neende ebiriindwa bibahirwe eraangi ya rachaari, ebiboneha bulai bweene humukulu, nae muukati wabyo mwiichuulemo amakuumba k'abafu, neende engakaayi chahwo. 28Nasilala, mwesi mufwaana bulai haandi aboolerefu humukulu, nae mu myooyo kyeeng'we bweene, mweechulamo obweebachirisi neende ebyonoono.
Yesu atuumbula esinyaaso syaabwe
(Luk 11:47-51)
29“Chibaakaanire eng'we, Abeekesa b'Amalako neende Abafarisaayo. Abebachirisi eng'we! Olwohuba niing'we aboombahaanga ebiriindwa by'abanabbi, haandi mutereesa bilai byeene ebiriindwa by'aboolerefu, 30nimuboola muti, ‘Huba nihwaliwo mu ndaalo cha bakuuka yeefwe, haba sihwahabeere silala nabo mu hwiidisa amabaanga k'abanabbi.’ 31Mbao hane eng'we beene mweetuumbulaanga muti muli abeechuhulu baabo, abeeta abanabbi. 32Sakira bulaanu eng'we muchiiririre sa neende ohuhola bi bakuuka yeeng'we bachaakisa ohutula hale. 33#Mat 3:7; 12:34; Luk 3:7. Enjuha eng'we, haandi abaana b'enjuha eng'we! Munaawone mutye ohuheengerwa omusaango kw'ohuchia mu nyaanja y'omuliro kutasima? #23:33 nyaanja y'omuliro kutasima: Mu Lugiriki bati, Geyena. 34Sakira njia ohubatumira abanabbi, neende abaandu bakesi muno, neende abeekesa b'Amalako, nae abaandi hu abo muchia ohubeeta nimubabaamba hu musalabba, haandi abaandi muchia mubanaale embooko mu Sinagoogi cheeng'we, nimubayiima ohubasaandya ohutula mu siko silala ohwoola mu siindi. 35#Huc 4:8; 2 Biha 24:20,21. Ao niwo yi mabaanga k'aboolerefu boosi akeediswa hu syaalo, kahabeemereho ohutulira elalira hu mabaanga kataaliho omusaango k'Abbeli ohwoola hu mabaanga kataaliho omusaango ka Sakariya omwaana wa Bberakia, yi mweetera akatikaati w'abuundu woolerefu neende alutaari. 36Mbaboolera obwadyeeri endi, esinyaaso sino syoosi sichia ohwiicha hu luse luno!
Ohudaha hwa Yesu eyiri Yerusalemu
(Luk 13:34-35)
37“Aaa, ewe Yerusalemu, owiita abanabbi, haandi ohubba abaandu ba bahutumiire amakina! Ndahateemaho amahabi maangi muno ohubabuusa alala mbabwiihe koti lu ngoho yibwihaanga obumwiinyu bwayo mu mbaya chayo, nae mwaahaya ohuufukiirira. 38#Yer 22:5.Boneho enyuumba ya Nasaae eyo koti lu yichia ohweebwaabwa, yidoong'e koti ekuunda! #23:38 koti ekuunda: Ebyandiiko bihuluundu bihale bileha ‘koti ekuunda.’ 39#Sab 118:26. Mani mbaboolera endi, haba simuchia ohuumbonaho haandi, ohwoola lu mwahaboolere muti, ‘Akinisibwe oyo owiicha mu liita ly'Omwaami.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019