Matayo 21
21
Ohwiingira hwa Yesu hw'oluyaali mu Yerusalemu
(Mrk 11:1-11; Luk 19:28-40; Yow 12:12-19)
1Nae Yesu neende abeeki bae nibali aambi ohwiingira mu siko sya Yerusalemu, boola Bbetifaage aambi neende olugulu lw'emiseituuni. Mani Yesu yatuma abeeki babiri, 2n'ababoolera ati, “Muchie mu siko sibali mu moni, mani muchia ohwaakaanayo esuhiri yi baboyere niyiri neende omwaana kwayo. Muchiboolole, mani muchindeetere. 3Nae omuundu yeesi naababoolera esiindu syoosi, mumuboolera muti, ‘Omwaami niye ochidaha,’ mani achia ohuchibalehera.”
4Sino syeeholeha ohwooseresa abweene bi omunabbi yalomaloma n'aboola ati;
5 #
Sak 9:9. “Muboolere omuhaana wa Siyooni muti,
boneho, omutuki wao mbao
yeecha yooli,
Muloonga muno, haandi yehaale
hu suhiri,
hu mwaana kw'esuhiri, esuhiri
njere.”
6Mani, abeeki abo bachia baahola koti lu Yesu yali naabatumire; 7baleeta esuhiri eyo, neende omwaana kwayo, bachiaalaho engubo chaabwe, mani Yesu yaachiihalaho. 8Esidiiyiha sy'abaandu sihoongo nasyo syaala engubo chaabwe hu ngira, nae abaandi baakula amasaga k'emisaala nibakaala hu ngira. 9#Sab 118:25,26.Esidiiyiha sy'abaandu syali nisimwiimiriiremo, neende esyali simuloondaho, byachaaka ohuhuumaanga biti, “Hosaana! Omwaana wa Daudi! Ali neende ehabi oyo owiicha mu liita ly'Omwaami! Hosaana aakulu Muukulu eyo!”
10Mani Yesu niyeengira mu Yerusalemu, abaandu bomu siko omwo boosi beehoya muno, edooho lyoosi lyaaduma-buduma, nibateeba bati, “Wuno niye wiina?”
11Esidiiyiha nasyo syakobolamo siti, “Wuno niye Yesu Omunabbi ohutula Nasareeti mu Galilaaya.”
Yesu yeengira mu Nyuumba ya Nasaae
(Mrk 11:15-19; Luk 19:45-48; Yow 2:13-22)
12Yesu yeengira mu Nyuumba ya Nasaae, #21:12 Nyuumba ya Nasaae: Ebyandiiko bihuluundu bihale biindi bileha ‘ya Nasaae.’ yachaaka ohwiiruhaniamo abali nibakuliramo neende abali nibakusiramo ebiindu. Yafuumamya emeesa ch'abafuunjisi b'eseende neende ebisaala by'abachurusi b'amabburuuku. 13#Yis 56:7; Yer 7:11. Yesu yababoolera ati, “Syandiikwa mu byandiiko byoolerefu siti, ‘Enyuumba yaange yinalaangwaangwa yiti Nyuumba ya Nasaae.’ Nae eng'we muyikaluuhaanie ohuba eng'uungu y'abanyaka.”
14Mani abawofu neende abalema beemao beecha yaali mu Nyuumba ya Nasaae omwo, yaabawonia. 15Nae abalaamisi bahuluundu, neende abeekesa b'Amalako, nibabona eby'amayia bi Yesu yali n'aholere, alala neende abaana bayere bali nibahuumuliraanga mu Nyuumba ya Nasaae omwo bati, “Hosaana! Omwaana wa Daudi,” etima lyabadiira muno. 16#Sab 8:2.Bateeba Yesu bati, “Oli ohuwulira bi baana bano baboolaanga?”
Nae Yesu yabakobolamo ati, “Eee. Nae eng'we musisiiri ohusomaho esyandiiko siboola siti, ‘Ni mu minwa ky'abayere neende abaana badoto banuuna, nimwo omutula efuma ya Nasaae ndai mu bwiichufu’?”
17Yesu yeemao yaabaleha ao, yaatula mu siko esyo yaachia mu Bbetani yi yeeyalisa.
Yesu abwaaba omusaala kw'enduli
(Mrk 11:12-14,20-24)
18Echuli nibuhyeere, Yesu yakobola mu siko esyo, yaawulira enjala niyimuluma. 19Niyabona omutuli hu ndulo w'engira, yasuda yoola mu sisina syakwo, nae yaahaya ohunyoolahooho esyaamo syoosi, ohumalaho amasaafu mahaya nikadidya. Mani yaboolera omusaala okwo ati, “Siwahaamehooho esyaamo syoosi, ehabi liindi!” Mani omusaala okwo, nikwoomerao. 20Abeeki nibabona sino, bawuka muno baateeba bati, “Lwasiina, omusaala kw'enduli okwo kwoomere bwaangu kutyo?”
21 #
Mat 17:20; 1 Kor 13:2. Nae Yesu yabakobolamo ati, “Mbaboolera obwadyeeri endi, nimuba neende efukiirira, mani mwaahaya ohukanakana, muba muchia ohunyala ohuhola si ese holere hu musaala kw'enduli okwo, nae kata nimuboolera olugulu luno muti, ‘Siingira ano mani weesukune mu nyaanja,’ nibiba sa koti lu muba muboolere. 22Haandi nimuba neende efukiirira, muba muchia ohunyoolaanga byoosi-byoosi bi muba nimusabire.”
Esiteebo sidiira hu bunyala bwa Yesu
(Mrk 11:27-33; Luk 20:1-8)
23Yesu yeengira mu Nyuumba ya Nasaae, nae niyaba niyeekesa, Abalaamisi bahuluundu, alala neende abahuluundu b'Abayudaaya beecha yaali baamuteeba bati, “Bunyala siina bw'oli nabwo ohuhola ebiindu bino? Nae wiina owahuberesa obunyala obwo?”
24Yesu yabakobolamo ati, “Mulehe syesi mbateebeho esiindu silala mberi, nae ni musiingaluhamo, syesi mba njia ohubaboolera yi ndatusa obunyala bw'ohuhola ebiindu bino. 25Obunyala bwa Yowaana bw'ohubaatiisa abaandu, bwatula yeena? Bwatula eyiri Nasaae, kose eyiri abaandu?” Nae abeene-na-beene bachaaka ohuteebana bati, “Huboole hutye? Nihuboola huti, ‘Bwatula eyiri Nasaae,’ aba achia ohututeeba ati, ‘Nae hu siina simwamufukiirira?’ 26Nae nihuboola huti, ‘Bwatula mu baandu’ hutya bi baandu banyala ohutuhola, olwohuba abaandu boosi bomiisa bati, Yowaana yaba omunabbi wadyeeri.” 27Mani nibamukobolamo bati, “Hukoterwe.” Nae yesi yababoolera ati, “Mani syesi siindababoolera yi ndatusa obunyala bw'ohuhola ebiindu bino.
Olukaado lw'abaana babiri
28“Bulaanu naang'we mubaasa mutye? Omuundu wuundi yaba neende abaana bae basyaani babiri. Yaboolera omusyaani muhuluundu ati, ‘mwaana waange, chia olime mu ndalo yaange enyaanga yino.’ 29Nae yamukobolamo ati, ‘Haba siinjia huchia daawe.’ Nae luunyuma, yeemao yebaasa, mani yaachia. 30Luunyuma, Saabwe yachia eyiri omusyaani wuundi oyo, yesi yaamuboolera ati achie ahole nasilala atyo. Oyo nae, yamukobolamo ati, ‘Eee, omuhuluundu njia ohuchia,’ nae yaahaya ohuchia. 31Bulaanu hu babiri abo, wiina mweene owahola si saabwe yali niyeenya?”
Bamukobolamo bati, “Omwaana muhuluundu oyo.”
Yesu yababoolera ati, “Mbaboolera obwadyeeri endi, abatoosa b'omusolo neende abahasi bacheke, bachia ohubataangirira ohwiingira mu Bwaami bwa Nasaae. 32#Luk 3:12; 7:29,30.Olwohuba, Yowaana yeecha yi muli ohubeekesa engira y'obwadyeeri, nae mwaahaya ohumufukiirira; nae abatoosa b'omusolo neende abahasi bacheke bamufukiirira. Haandi kata nimwabona mutyo, simweefunakaho mani mwamufukiirira kata.”
Olukaado lw'abahalaabani bomu ndalo y'emisabbiibbu
(Mrk 12:1-12; Luk 20:9-19)
33 #
Yis 5:1,2. Yesu yaboola ati, “Mutekeerese olukaado luundi. Yaliwo omweenengo wuundi owataaka endalo y'emisabbiibbu, mani yaayisitiraho olukaka ohuyebodoohania. Haandi yayabamo eliina ly'ohuhunyiramo efiini, mani yoombahamo omunaara. Yapaangisa endalo eyo abalimi baandi, nae omweene yeemao yaasamula mu syaalo sy'eyale. 34Endaalo ch'ohunoka emisabbiibbu nichoola, yatuma abahalaabani bae eyiri abalimi abo ati bamubeerese omukabo kwae. 35Nae abalimi nabo, bakwa hu bahalaabani bae abo baahuya mulala, beeta owuundi, haandi baalasa owuundi amakina. 36Nae haandi, omweene ndalo oyo yeemao yaatuma abahalaabani baandi baangi ohuhiraho abataangira, nae abalimi abo baabahola nasilala batyo. 37Luunyuma lwa byoosi, yeemao yaatuma Omwaana wae mweene n'aboola ati, ‘Leero hu luno bachia ohutya Omwaana waange mani bamwiisemo oluyaali.’ 38Nae nibabona Omwaana wae, bafukiirisania abeene-na-beene bati, ‘Wuno niye omusiha wae; leha humwiite, mani hweebukulire omwaandu kwae.’ 39Mani beemao baamukwaaho, baamusukuna erwaanyi w'endalo y'eemisabbiibbu, baamwiita. 40Bulaanu, omweene ndalo niyahakobole, yahaholere abalimi abo siina?”
41Bamuboolera bati, “Syadyeeri, achia ohwiita bubi abalimi babi abo, amale apaangise abalimi baandi endalo yae, abachia ohumuberesa omukabo kwae kw'efiini, ebiha by'ohunoka emisabbiibbu nibyoolere.”
42 #
Sab 118:22,23. Yesu yabateeba ati, “Musisiiri ohusomaho ebyandiiko byoolerefu muti;
‘Ekina li boombahi balekeeresa
nilyo elyeeholere ehuluundu mu musiingi;
kuno mulimo kw'Omwaami nikwo;
haandi kutubonehera bulai muno!’
43Sakira mbaboolera endi, bachia ohubang'uula obwaami bwa Nasaae babuberese abaandu baandi, abaama ebyaamo bilai.”
44 # 21:44 Nae oyo okwa hu kina lino, achia ohudonyohamo ebidonye; nae oyo yi kina lino likwaaho, lichia ohumusasakula yeehole koti olufuufu: Ebyandiiko bihuluundu bihale biindi bimeedaho ano olunyiriri 44 ebiindi haba.
45Abahuluundu b'Abalaamisi, neende Abafarisaayo nibawulira engaado chi Yesu yakaada echo, bamanya sa bati nibo ba yali naalomalomaho. 46Nae nibateemaho ohumudiira, batya muno esidiiyiha syali syafukiirira siti, Yesu yali omunabbi wa Nasaae.
Currently Selected:
Matayo 21: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Matayo 21
21
Ohwiingira hwa Yesu hw'oluyaali mu Yerusalemu
(Mrk 11:1-11; Luk 19:28-40; Yow 12:12-19)
1Nae Yesu neende abeeki bae nibali aambi ohwiingira mu siko sya Yerusalemu, boola Bbetifaage aambi neende olugulu lw'emiseituuni. Mani Yesu yatuma abeeki babiri, 2n'ababoolera ati, “Muchie mu siko sibali mu moni, mani muchia ohwaakaanayo esuhiri yi baboyere niyiri neende omwaana kwayo. Muchiboolole, mani muchindeetere. 3Nae omuundu yeesi naababoolera esiindu syoosi, mumuboolera muti, ‘Omwaami niye ochidaha,’ mani achia ohuchibalehera.”
4Sino syeeholeha ohwooseresa abweene bi omunabbi yalomaloma n'aboola ati;
5 #
Sak 9:9. “Muboolere omuhaana wa Siyooni muti,
boneho, omutuki wao mbao
yeecha yooli,
Muloonga muno, haandi yehaale
hu suhiri,
hu mwaana kw'esuhiri, esuhiri
njere.”
6Mani, abeeki abo bachia baahola koti lu Yesu yali naabatumire; 7baleeta esuhiri eyo, neende omwaana kwayo, bachiaalaho engubo chaabwe, mani Yesu yaachiihalaho. 8Esidiiyiha sy'abaandu sihoongo nasyo syaala engubo chaabwe hu ngira, nae abaandi baakula amasaga k'emisaala nibakaala hu ngira. 9#Sab 118:25,26.Esidiiyiha sy'abaandu syali nisimwiimiriiremo, neende esyali simuloondaho, byachaaka ohuhuumaanga biti, “Hosaana! Omwaana wa Daudi! Ali neende ehabi oyo owiicha mu liita ly'Omwaami! Hosaana aakulu Muukulu eyo!”
10Mani Yesu niyeengira mu Yerusalemu, abaandu bomu siko omwo boosi beehoya muno, edooho lyoosi lyaaduma-buduma, nibateeba bati, “Wuno niye wiina?”
11Esidiiyiha nasyo syakobolamo siti, “Wuno niye Yesu Omunabbi ohutula Nasareeti mu Galilaaya.”
Yesu yeengira mu Nyuumba ya Nasaae
(Mrk 11:15-19; Luk 19:45-48; Yow 2:13-22)
12Yesu yeengira mu Nyuumba ya Nasaae, #21:12 Nyuumba ya Nasaae: Ebyandiiko bihuluundu bihale biindi bileha ‘ya Nasaae.’ yachaaka ohwiiruhaniamo abali nibakuliramo neende abali nibakusiramo ebiindu. Yafuumamya emeesa ch'abafuunjisi b'eseende neende ebisaala by'abachurusi b'amabburuuku. 13#Yis 56:7; Yer 7:11. Yesu yababoolera ati, “Syandiikwa mu byandiiko byoolerefu siti, ‘Enyuumba yaange yinalaangwaangwa yiti Nyuumba ya Nasaae.’ Nae eng'we muyikaluuhaanie ohuba eng'uungu y'abanyaka.”
14Mani abawofu neende abalema beemao beecha yaali mu Nyuumba ya Nasaae omwo, yaabawonia. 15Nae abalaamisi bahuluundu, neende abeekesa b'Amalako, nibabona eby'amayia bi Yesu yali n'aholere, alala neende abaana bayere bali nibahuumuliraanga mu Nyuumba ya Nasaae omwo bati, “Hosaana! Omwaana wa Daudi,” etima lyabadiira muno. 16#Sab 8:2.Bateeba Yesu bati, “Oli ohuwulira bi baana bano baboolaanga?”
Nae Yesu yabakobolamo ati, “Eee. Nae eng'we musisiiri ohusomaho esyandiiko siboola siti, ‘Ni mu minwa ky'abayere neende abaana badoto banuuna, nimwo omutula efuma ya Nasaae ndai mu bwiichufu’?”
17Yesu yeemao yaabaleha ao, yaatula mu siko esyo yaachia mu Bbetani yi yeeyalisa.
Yesu abwaaba omusaala kw'enduli
(Mrk 11:12-14,20-24)
18Echuli nibuhyeere, Yesu yakobola mu siko esyo, yaawulira enjala niyimuluma. 19Niyabona omutuli hu ndulo w'engira, yasuda yoola mu sisina syakwo, nae yaahaya ohunyoolahooho esyaamo syoosi, ohumalaho amasaafu mahaya nikadidya. Mani yaboolera omusaala okwo ati, “Siwahaamehooho esyaamo syoosi, ehabi liindi!” Mani omusaala okwo, nikwoomerao. 20Abeeki nibabona sino, bawuka muno baateeba bati, “Lwasiina, omusaala kw'enduli okwo kwoomere bwaangu kutyo?”
21 #
Mat 17:20; 1 Kor 13:2. Nae Yesu yabakobolamo ati, “Mbaboolera obwadyeeri endi, nimuba neende efukiirira, mani mwaahaya ohukanakana, muba muchia ohunyala ohuhola si ese holere hu musaala kw'enduli okwo, nae kata nimuboolera olugulu luno muti, ‘Siingira ano mani weesukune mu nyaanja,’ nibiba sa koti lu muba muboolere. 22Haandi nimuba neende efukiirira, muba muchia ohunyoolaanga byoosi-byoosi bi muba nimusabire.”
Esiteebo sidiira hu bunyala bwa Yesu
(Mrk 11:27-33; Luk 20:1-8)
23Yesu yeengira mu Nyuumba ya Nasaae, nae niyaba niyeekesa, Abalaamisi bahuluundu, alala neende abahuluundu b'Abayudaaya beecha yaali baamuteeba bati, “Bunyala siina bw'oli nabwo ohuhola ebiindu bino? Nae wiina owahuberesa obunyala obwo?”
24Yesu yabakobolamo ati, “Mulehe syesi mbateebeho esiindu silala mberi, nae ni musiingaluhamo, syesi mba njia ohubaboolera yi ndatusa obunyala bw'ohuhola ebiindu bino. 25Obunyala bwa Yowaana bw'ohubaatiisa abaandu, bwatula yeena? Bwatula eyiri Nasaae, kose eyiri abaandu?” Nae abeene-na-beene bachaaka ohuteebana bati, “Huboole hutye? Nihuboola huti, ‘Bwatula eyiri Nasaae,’ aba achia ohututeeba ati, ‘Nae hu siina simwamufukiirira?’ 26Nae nihuboola huti, ‘Bwatula mu baandu’ hutya bi baandu banyala ohutuhola, olwohuba abaandu boosi bomiisa bati, Yowaana yaba omunabbi wadyeeri.” 27Mani nibamukobolamo bati, “Hukoterwe.” Nae yesi yababoolera ati, “Mani syesi siindababoolera yi ndatusa obunyala bw'ohuhola ebiindu bino.
Olukaado lw'abaana babiri
28“Bulaanu naang'we mubaasa mutye? Omuundu wuundi yaba neende abaana bae basyaani babiri. Yaboolera omusyaani muhuluundu ati, ‘mwaana waange, chia olime mu ndalo yaange enyaanga yino.’ 29Nae yamukobolamo ati, ‘Haba siinjia huchia daawe.’ Nae luunyuma, yeemao yebaasa, mani yaachia. 30Luunyuma, Saabwe yachia eyiri omusyaani wuundi oyo, yesi yaamuboolera ati achie ahole nasilala atyo. Oyo nae, yamukobolamo ati, ‘Eee, omuhuluundu njia ohuchia,’ nae yaahaya ohuchia. 31Bulaanu hu babiri abo, wiina mweene owahola si saabwe yali niyeenya?”
Bamukobolamo bati, “Omwaana muhuluundu oyo.”
Yesu yababoolera ati, “Mbaboolera obwadyeeri endi, abatoosa b'omusolo neende abahasi bacheke, bachia ohubataangirira ohwiingira mu Bwaami bwa Nasaae. 32#Luk 3:12; 7:29,30.Olwohuba, Yowaana yeecha yi muli ohubeekesa engira y'obwadyeeri, nae mwaahaya ohumufukiirira; nae abatoosa b'omusolo neende abahasi bacheke bamufukiirira. Haandi kata nimwabona mutyo, simweefunakaho mani mwamufukiirira kata.”
Olukaado lw'abahalaabani bomu ndalo y'emisabbiibbu
(Mrk 12:1-12; Luk 20:9-19)
33 #
Yis 5:1,2. Yesu yaboola ati, “Mutekeerese olukaado luundi. Yaliwo omweenengo wuundi owataaka endalo y'emisabbiibbu, mani yaayisitiraho olukaka ohuyebodoohania. Haandi yayabamo eliina ly'ohuhunyiramo efiini, mani yoombahamo omunaara. Yapaangisa endalo eyo abalimi baandi, nae omweene yeemao yaasamula mu syaalo sy'eyale. 34Endaalo ch'ohunoka emisabbiibbu nichoola, yatuma abahalaabani bae eyiri abalimi abo ati bamubeerese omukabo kwae. 35Nae abalimi nabo, bakwa hu bahalaabani bae abo baahuya mulala, beeta owuundi, haandi baalasa owuundi amakina. 36Nae haandi, omweene ndalo oyo yeemao yaatuma abahalaabani baandi baangi ohuhiraho abataangira, nae abalimi abo baabahola nasilala batyo. 37Luunyuma lwa byoosi, yeemao yaatuma Omwaana wae mweene n'aboola ati, ‘Leero hu luno bachia ohutya Omwaana waange mani bamwiisemo oluyaali.’ 38Nae nibabona Omwaana wae, bafukiirisania abeene-na-beene bati, ‘Wuno niye omusiha wae; leha humwiite, mani hweebukulire omwaandu kwae.’ 39Mani beemao baamukwaaho, baamusukuna erwaanyi w'endalo y'eemisabbiibbu, baamwiita. 40Bulaanu, omweene ndalo niyahakobole, yahaholere abalimi abo siina?”
41Bamuboolera bati, “Syadyeeri, achia ohwiita bubi abalimi babi abo, amale apaangise abalimi baandi endalo yae, abachia ohumuberesa omukabo kwae kw'efiini, ebiha by'ohunoka emisabbiibbu nibyoolere.”
42 #
Sab 118:22,23. Yesu yabateeba ati, “Musisiiri ohusomaho ebyandiiko byoolerefu muti;
‘Ekina li boombahi balekeeresa
nilyo elyeeholere ehuluundu mu musiingi;
kuno mulimo kw'Omwaami nikwo;
haandi kutubonehera bulai muno!’
43Sakira mbaboolera endi, bachia ohubang'uula obwaami bwa Nasaae babuberese abaandu baandi, abaama ebyaamo bilai.”
44 # 21:44 Nae oyo okwa hu kina lino, achia ohudonyohamo ebidonye; nae oyo yi kina lino likwaaho, lichia ohumusasakula yeehole koti olufuufu: Ebyandiiko bihuluundu bihale biindi bimeedaho ano olunyiriri 44 ebiindi haba.
45Abahuluundu b'Abalaamisi, neende Abafarisaayo nibawulira engaado chi Yesu yakaada echo, bamanya sa bati nibo ba yali naalomalomaho. 46Nae nibateemaho ohumudiira, batya muno esidiiyiha syali syafukiirira siti, Yesu yali omunabbi wa Nasaae.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019