Matayo 12
12
Esiteebo sidiira hu Sabbaato
(Mrk 2:23-28; Luk 6:1-5)
1 #
Amal 23:25. Endaalo nichibitirehoo ndiidi Yesu yabitira mu ndalo y'engaano yiindi hu ludaalo lwa Sabbaato. Enjala yali niyiluma abeeki bae muno, mani sakira bachaaka ohwaakula emitwe ky'engaano ekyo, baakiwuula nibalya. 2Nae Abafarisaayo nibabona batyo, baboolera Yesu bati, “Bone, abeeki bao bali ohuhola esitafukiirirwa ohuholwa hu ludaalo lwa Sabbaato.”
3 #
1 Sam 21:1-6. Yesu yababoolera ati, Musisiiri ohusomaho bi Daudi yahola enjala niyimuluma neende ba yali nabo: 4#Lef 24:9.koti lu beengira mu Nyuumba ya Nasaae baalya hu migaati kyohu alutaari ekyali nikitafukiirirwa ohuliibwa neende omuundu yeesi ohutusaho abalaamisi ba Nasaae boong'ene? 5#Hub 28:9,10.Nae oba eng'we musisiiri ohusomaho hu malako ka Musa kaboola koti lu buli lwa Sabbaato, omulaamisi womu Nyuumba ya Nasaae afunakaanga elako lya Sabbaato, nae aba koti otaafunaakeho elako? 6Mbaboolera endi, abweene ano aliwo esihuluundu esihiraho enyuumba ya Nasaae. 7#Mat 9:13; Hos 6:6.Eng'we muba mwamanya amahuluundu k'emboosi chino, Ese nyenya esisa, ataali ebiyaanwa by'esolo chisaambwa, haba simwahaheengeere omusaango abo ababa nibataaholereho esibi syoosi. 8Olwohuba Omwaana w'Omuundu niye Omwaami wa Sabbaato yosi.
Omusaacha w'omuhono kwafwa
(Mrk 2:23-28; Luk 6:1-5)
9Yesu niyatula ao, yeengira mu Sinagoogi, yabukaanamo omusaacha w'omuhono kwafwa. 10Abaandu baandi bamuteeba bati; “Sifukiirirwa ohuwonia omuundu hu ludaalo lwa Sabbaato?” Bamuleetera omusaacha oyo hu beemeo banyale ohumunyoolaho emboosi y'ohumufunaaniraho.
11 #
Luk 14:5. Nae Yesu yababoolera ati, “Naanu hweeng'we mweesi, yi koondi lyae niliba nilikwiire mu liina, otahalihweesa yaalitusamo hu ludaalo lwa Sabbaato? 12Nae siba sitye, hu muundu wuno ohirira elalira eyale ekoondi obuhoonyi! Mani sakira omuundu naaba naahola esiindu silai hu ludaalo lwa Sabbaato, haba s'aba afunaka amalako.” 13Abweene ao, Yesu yaboolera omuundu w'omuhono kwafwa oyo ati, “Kolola omuhono kwao.”
Mani omuundu oyo nga lu yakololosa sa ati omuhono kwae, kwawonerao kwaaba koti okwaasye. 14Abafarisaayo nabo bachaaka sa ohukoonya engira yohumwiita.
Omuhalaabani wa Nasaae mulobole
15Yesu niyamanya esyo, yeemao yaatula ao. Esidiiyiha sy'abaandu syamala syaamuloondaho, yaawonia abalwaae boosi abaliwo, 16mani yaabalagira ati, batabooleraho abaandu baandi ebimudiiraho. 17Yaboola atyo, hu mboosi chi nabbi Yisaaya yaboola choolerere chiti:
18 #
Yis 42:1-4. “Eng'we boneho, omuhalaabani waange
yi mweene ndedoolera;
Omukoosi waange, haandi yi mwooyo
kwaange kusangaalira muno;
Ndahamuteeho Mwooyo Mwoolerefu
waange hu achie alaangirire
obwoolerefu, mu syaalo syoosi.
19Oyo haba saachia ohuyiingana, alala neende
ohuhabuha; kata abulao owahawulireho
ekono lyae hu ngira.
20Oyo haba saachia ohufunaka kata ekada lyahooha,
oba kata yaasimia olutaambi
lulyoolyoota,
yaheedinyirise ohwoola lu bwadyeeri
bwaheechule mu syaalo,
21haandi ni mu liita lyae nimwo mu Bateende balisuubira.”
Yesu neende Bbelisebbuuli
(Mrk 3:19-30; Luk 11:14-23)
22Olwoola abaandu baandi baleetera Yesu omuundu muwofu haandi otanyala ohulomaloma olwohuba yaliho omusaambwa. Yesu yeemao yaawonia omuundu oyo, yachaaka ohulomaloma alala neende ohubona. 23Abaandu bawuka muno baaboola bati, “Wuno haba saanyala ohuba naali niye omwiichuhulu wa Daudi?”
24 #
Mat 9:34; 10:25. Nae Abafarisaayo nibawulira sino, bakobolamo bati, “Omuundu oyo yeerusa emisaambwa olwohuba ali neende amaani ka Bbelisebbuuli, omwaami w'emisaambwa kyoosi.”
25Yesu nae koti lu yali naamanyire ebibaaso byaabwe, yababoolera ati, “Obwaami bwoosi nibweekabuhaniamo obweene bwachaaka ohulwaanakana, haba sibwahayiindira. 26Sakira nikali mbwe Sitaani yahachaaka ohwiirusa Sitaani waasye mu bwaami bw'emisaambwa kyeene ekyo, esyo siba syeekesa siti Sitaani mweene amalire ohweekabuhaniamo, mani bulaanu, obwaami bwae bwahayiindira butye? 27Mani nikali mbwe ese njirusa emisaambwa hulw'amaani ka Bbelisebbuuli, nae abaloondi beeng'we baba bakiirusa hulw'amaani ka naanu? Sakira abaandu beeng'we beene nibo abacha ohubaheengera omusaango kubahire! 28Nae nikali mbwe njirusa emisaambwa hulw'amaani ka Mwooyo wa Nasaae, mani eng'we muhoyere mumanye muti, Obwaami bwa Nasaae bwamala ohuboolamo. 29Abulao omuundu onyala ohufunaka enyuumba y'omuundu w'amaani maangi, yaayiingiramo yaamunyakaho ebiindu byae byoosi naatataangiire yaamuboya, hu yaanyala ohumunyakaho ebiindu byomu nyuumba yae. 30#Mrk 9:40.Omuundu wutaholera alala naange, aba ali ohunwaania, haandi mubwadyeeri bweene, omuundu wutahoonyana naange ohubuusa alala, aba ali ohusalaania sa. 31Sakira mbaboolera endi, abaandu babi bachia ohuleherwamo alala neende enomanoma yaabwe yifwoola Nasaae eyo, nae omuundu yeesi olomaloma bubi hu Mwooyo Mwoolerefu, haba saachia ohuleherwamo bulaanu buti haandi kata neende mu ndaalo chiichayo choosi. 32#Luk 12:10.Omuundu yeesi olomaloma bubi hu Omwaana w'Omuundu, achia ohulerwamo, nae oyo yeesi owulomaloma bubi hu Mwooyo Mwoolerefu, saachia ohuleherwamo, bulaanu kata neende mu ndaalo chiichayo.
Olukaado ludiira hu musaala neende ebyaamo byakwo
(Luk 6:43-45)
33 #
Mat 7:20; Luk 6:44. “Omusaala mulai kwaamaho ebyaamo bilai; Nae omusaala mubi kwosi kwaamaho ebyaamo bibi. Olwohuba, obulai bw'omusaala bumanyihaniraanga hu byaamo byakwo. 34#Mat 3:7; 23:33; Luk 3:7; Mat 15:18; Luk 6:45. Abaana b'enjuha eng'we, mwahanyala mutye ohulomaloma emboosi ndai, nimuli neende emyooyo mibi kityo? Olwohuba, omuundu alomalomaanga ebitula mu mwooyo kwae. 35Omuundu mulai atusa hu biindu bilai biba nibyeechula mu mwooyo kwae; haandi omuundu mubi yesi yaatusa hu biindu bibi, biba nibyeechula mu mwooyo kwae. 36Ese mbaboolera obwadyeeri endi, hu ludaalo lw'ohuheengeraho emisaango, buli muundu yeesi achia ohweelomalomaho hulwabuli mboosi mbi yoosi yi yalomaloma. 37Olwohuba emboosi chao nicho echirihutusaho omusaango kata chaahuboyaho omusaango.”
Abeemirisi badaha Yesu ahole esiholwa sy'amayia
(Mrk 8:11-12; Luk 11:29-32)
38 #
Mat 16:1; Mrk 8:11; Luk 11:16. Olwoola, Abeekesa b'Amalako baandi, alala neende Abafarisaayo, balomalomera aakulu nibaboola bati; “Omweekesa, efwe hudaha ohole esyaamayia huboneho.”
39 #
Mat 16:4; Mrk 8:12. Yesu niyawulira atyo, yabakobolamo ati; “Abaandu b'oluse lubi koti eng'we, nibo abasaba esilolero sy'amayia mberi hu bamale bafukiirire. Mani abulao esilolero si bachia ohubaberesa, ohumalaho esya nabbi Yona syoong'ene. 40#Yon 1:17. Koti lu Yona yamala endaalo chidatu neende ebiro bidatu mu nda y'okung'eeni, nilwo lu Omwaana w'Omuundu yesi achia ohumala endaalo chidatu neende ebiro bidatu n'asisiiri emakoombe. 41#Yon 3:5. Oludaalo lw'ohuheengeraho omusaango, abaandu ba Ninefe baheeme mu siina naang'we mani babaheengere omusaango ohubahira, olwohuba nibawulira enjekesa ya Yona, beeyolobya ebyonoono byaabwe, nae ano mbano aliwo omuundu ohirira elalira Yona oluyaali! 42#1 Abat 10:1-10; 2 Biha 9:1-12. Oludaalo lw'ohuheengeraho omusaango, omutuki muhasi wa Seebba, yesi yaheeme mu siina naang'we, yaabaheengera omusaango ohubahira, olwohuba omweene oyo yakeenda ohutula mu syaalo sy'eyale muno ohuchia ohuwuliraho hu makesi ka Solomooni, nae ano aliwo omuundu ohirira elalira Solomooni oluyaali!
Ohukobola hw'ebihyeeno
(Luk 11:24-26)
43“Esihyeeno nisitula mu muundu, sing'alaalaanga mu siparara nisikoonya abuundu wohuwuluuhira, mani sihaywa ohunyoola. 44Bulaanu nisiba nisihayirwe ohunyoola yi sichiira, syebooleraanga siti, ‘Ese haangaluhe sa mu nyuumba yaange yi ndaatuliremo yira.’ Mani nisikaluhayo, syaanyoola enyuumba eyo niyiri ebihaya, haandi niyitereeserwe niyiboneha bulai, 45sichichaanga sikoonya mani sikaluha neende ebihyeeno byaasye biindi, bitaanu-na-bibiri, ebisihiraho obubi, biingira mu nyuumba eyo nibimenyamo. Mani muhumaliiriha, omuundu oyo, amalaanga aba mu bulamu bubi muno ohuhiraho bu yalimo hale. Nasilala nilwo lu byaheehole hu baandu b'oluse lubi luno.”
Ng'ina Yesu neende bamwaanang'ina Yesu
(Mrk 3:31-35; Luk 8:19-21)
46Yesu niyali n'asilomalomaanga neende abaandu abo, nae boneho ng'ina neende bamwaanang'ina beecha boola yali. Niboola ao, beema erwaanyi, baatuma emboosi eyiri Yesu nibadaha ohulomalomaho nae. 47#12:47 Ebyandiiko bihuluundu bihale byameedaho olunyiriri 47, Omuundu wuundi yaboolera Yesu ati, “Bone, mbao maakoo neende bamwaanamaao beemere erwaanyi badaha ohulomalomaho naawe.”
48Yesu niyawulira atyo, yakobolamo ati, “Maama niye naanu? Nae bamwaanama nibo naanu?” 49Yesu yakolola omuhono kwae mani yaasyoomesa hu beeki bae yaaboola ati, “Bone, maama neende bamwaanama mbano.” 50Olwohuba omuundu yeesi ohola bi Laata wo Muukulu adaha, oyo niye mwaanaama, mboocho yaange neende maama.
Currently Selected:
Matayo 12: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Matayo 12
12
Esiteebo sidiira hu Sabbaato
(Mrk 2:23-28; Luk 6:1-5)
1 #
Amal 23:25. Endaalo nichibitirehoo ndiidi Yesu yabitira mu ndalo y'engaano yiindi hu ludaalo lwa Sabbaato. Enjala yali niyiluma abeeki bae muno, mani sakira bachaaka ohwaakula emitwe ky'engaano ekyo, baakiwuula nibalya. 2Nae Abafarisaayo nibabona batyo, baboolera Yesu bati, “Bone, abeeki bao bali ohuhola esitafukiirirwa ohuholwa hu ludaalo lwa Sabbaato.”
3 #
1 Sam 21:1-6. Yesu yababoolera ati, Musisiiri ohusomaho bi Daudi yahola enjala niyimuluma neende ba yali nabo: 4#Lef 24:9.koti lu beengira mu Nyuumba ya Nasaae baalya hu migaati kyohu alutaari ekyali nikitafukiirirwa ohuliibwa neende omuundu yeesi ohutusaho abalaamisi ba Nasaae boong'ene? 5#Hub 28:9,10.Nae oba eng'we musisiiri ohusomaho hu malako ka Musa kaboola koti lu buli lwa Sabbaato, omulaamisi womu Nyuumba ya Nasaae afunakaanga elako lya Sabbaato, nae aba koti otaafunaakeho elako? 6Mbaboolera endi, abweene ano aliwo esihuluundu esihiraho enyuumba ya Nasaae. 7#Mat 9:13; Hos 6:6.Eng'we muba mwamanya amahuluundu k'emboosi chino, Ese nyenya esisa, ataali ebiyaanwa by'esolo chisaambwa, haba simwahaheengeere omusaango abo ababa nibataaholereho esibi syoosi. 8Olwohuba Omwaana w'Omuundu niye Omwaami wa Sabbaato yosi.
Omusaacha w'omuhono kwafwa
(Mrk 2:23-28; Luk 6:1-5)
9Yesu niyatula ao, yeengira mu Sinagoogi, yabukaanamo omusaacha w'omuhono kwafwa. 10Abaandu baandi bamuteeba bati; “Sifukiirirwa ohuwonia omuundu hu ludaalo lwa Sabbaato?” Bamuleetera omusaacha oyo hu beemeo banyale ohumunyoolaho emboosi y'ohumufunaaniraho.
11 #
Luk 14:5. Nae Yesu yababoolera ati, “Naanu hweeng'we mweesi, yi koondi lyae niliba nilikwiire mu liina, otahalihweesa yaalitusamo hu ludaalo lwa Sabbaato? 12Nae siba sitye, hu muundu wuno ohirira elalira eyale ekoondi obuhoonyi! Mani sakira omuundu naaba naahola esiindu silai hu ludaalo lwa Sabbaato, haba s'aba afunaka amalako.” 13Abweene ao, Yesu yaboolera omuundu w'omuhono kwafwa oyo ati, “Kolola omuhono kwao.”
Mani omuundu oyo nga lu yakololosa sa ati omuhono kwae, kwawonerao kwaaba koti okwaasye. 14Abafarisaayo nabo bachaaka sa ohukoonya engira yohumwiita.
Omuhalaabani wa Nasaae mulobole
15Yesu niyamanya esyo, yeemao yaatula ao. Esidiiyiha sy'abaandu syamala syaamuloondaho, yaawonia abalwaae boosi abaliwo, 16mani yaabalagira ati, batabooleraho abaandu baandi ebimudiiraho. 17Yaboola atyo, hu mboosi chi nabbi Yisaaya yaboola choolerere chiti:
18 #
Yis 42:1-4. “Eng'we boneho, omuhalaabani waange
yi mweene ndedoolera;
Omukoosi waange, haandi yi mwooyo
kwaange kusangaalira muno;
Ndahamuteeho Mwooyo Mwoolerefu
waange hu achie alaangirire
obwoolerefu, mu syaalo syoosi.
19Oyo haba saachia ohuyiingana, alala neende
ohuhabuha; kata abulao owahawulireho
ekono lyae hu ngira.
20Oyo haba saachia ohufunaka kata ekada lyahooha,
oba kata yaasimia olutaambi
lulyoolyoota,
yaheedinyirise ohwoola lu bwadyeeri
bwaheechule mu syaalo,
21haandi ni mu liita lyae nimwo mu Bateende balisuubira.”
Yesu neende Bbelisebbuuli
(Mrk 3:19-30; Luk 11:14-23)
22Olwoola abaandu baandi baleetera Yesu omuundu muwofu haandi otanyala ohulomaloma olwohuba yaliho omusaambwa. Yesu yeemao yaawonia omuundu oyo, yachaaka ohulomaloma alala neende ohubona. 23Abaandu bawuka muno baaboola bati, “Wuno haba saanyala ohuba naali niye omwiichuhulu wa Daudi?”
24 #
Mat 9:34; 10:25. Nae Abafarisaayo nibawulira sino, bakobolamo bati, “Omuundu oyo yeerusa emisaambwa olwohuba ali neende amaani ka Bbelisebbuuli, omwaami w'emisaambwa kyoosi.”
25Yesu nae koti lu yali naamanyire ebibaaso byaabwe, yababoolera ati, “Obwaami bwoosi nibweekabuhaniamo obweene bwachaaka ohulwaanakana, haba sibwahayiindira. 26Sakira nikali mbwe Sitaani yahachaaka ohwiirusa Sitaani waasye mu bwaami bw'emisaambwa kyeene ekyo, esyo siba syeekesa siti Sitaani mweene amalire ohweekabuhaniamo, mani bulaanu, obwaami bwae bwahayiindira butye? 27Mani nikali mbwe ese njirusa emisaambwa hulw'amaani ka Bbelisebbuuli, nae abaloondi beeng'we baba bakiirusa hulw'amaani ka naanu? Sakira abaandu beeng'we beene nibo abacha ohubaheengera omusaango kubahire! 28Nae nikali mbwe njirusa emisaambwa hulw'amaani ka Mwooyo wa Nasaae, mani eng'we muhoyere mumanye muti, Obwaami bwa Nasaae bwamala ohuboolamo. 29Abulao omuundu onyala ohufunaka enyuumba y'omuundu w'amaani maangi, yaayiingiramo yaamunyakaho ebiindu byae byoosi naatataangiire yaamuboya, hu yaanyala ohumunyakaho ebiindu byomu nyuumba yae. 30#Mrk 9:40.Omuundu wutaholera alala naange, aba ali ohunwaania, haandi mubwadyeeri bweene, omuundu wutahoonyana naange ohubuusa alala, aba ali ohusalaania sa. 31Sakira mbaboolera endi, abaandu babi bachia ohuleherwamo alala neende enomanoma yaabwe yifwoola Nasaae eyo, nae omuundu yeesi olomaloma bubi hu Mwooyo Mwoolerefu, haba saachia ohuleherwamo bulaanu buti haandi kata neende mu ndaalo chiichayo choosi. 32#Luk 12:10.Omuundu yeesi olomaloma bubi hu Omwaana w'Omuundu, achia ohulerwamo, nae oyo yeesi owulomaloma bubi hu Mwooyo Mwoolerefu, saachia ohuleherwamo, bulaanu kata neende mu ndaalo chiichayo.
Olukaado ludiira hu musaala neende ebyaamo byakwo
(Luk 6:43-45)
33 #
Mat 7:20; Luk 6:44. “Omusaala mulai kwaamaho ebyaamo bilai; Nae omusaala mubi kwosi kwaamaho ebyaamo bibi. Olwohuba, obulai bw'omusaala bumanyihaniraanga hu byaamo byakwo. 34#Mat 3:7; 23:33; Luk 3:7; Mat 15:18; Luk 6:45. Abaana b'enjuha eng'we, mwahanyala mutye ohulomaloma emboosi ndai, nimuli neende emyooyo mibi kityo? Olwohuba, omuundu alomalomaanga ebitula mu mwooyo kwae. 35Omuundu mulai atusa hu biindu bilai biba nibyeechula mu mwooyo kwae; haandi omuundu mubi yesi yaatusa hu biindu bibi, biba nibyeechula mu mwooyo kwae. 36Ese mbaboolera obwadyeeri endi, hu ludaalo lw'ohuheengeraho emisaango, buli muundu yeesi achia ohweelomalomaho hulwabuli mboosi mbi yoosi yi yalomaloma. 37Olwohuba emboosi chao nicho echirihutusaho omusaango kata chaahuboyaho omusaango.”
Abeemirisi badaha Yesu ahole esiholwa sy'amayia
(Mrk 8:11-12; Luk 11:29-32)
38 #
Mat 16:1; Mrk 8:11; Luk 11:16. Olwoola, Abeekesa b'Amalako baandi, alala neende Abafarisaayo, balomalomera aakulu nibaboola bati; “Omweekesa, efwe hudaha ohole esyaamayia huboneho.”
39 #
Mat 16:4; Mrk 8:12. Yesu niyawulira atyo, yabakobolamo ati; “Abaandu b'oluse lubi koti eng'we, nibo abasaba esilolero sy'amayia mberi hu bamale bafukiirire. Mani abulao esilolero si bachia ohubaberesa, ohumalaho esya nabbi Yona syoong'ene. 40#Yon 1:17. Koti lu Yona yamala endaalo chidatu neende ebiro bidatu mu nda y'okung'eeni, nilwo lu Omwaana w'Omuundu yesi achia ohumala endaalo chidatu neende ebiro bidatu n'asisiiri emakoombe. 41#Yon 3:5. Oludaalo lw'ohuheengeraho omusaango, abaandu ba Ninefe baheeme mu siina naang'we mani babaheengere omusaango ohubahira, olwohuba nibawulira enjekesa ya Yona, beeyolobya ebyonoono byaabwe, nae ano mbano aliwo omuundu ohirira elalira Yona oluyaali! 42#1 Abat 10:1-10; 2 Biha 9:1-12. Oludaalo lw'ohuheengeraho omusaango, omutuki muhasi wa Seebba, yesi yaheeme mu siina naang'we, yaabaheengera omusaango ohubahira, olwohuba omweene oyo yakeenda ohutula mu syaalo sy'eyale muno ohuchia ohuwuliraho hu makesi ka Solomooni, nae ano aliwo omuundu ohirira elalira Solomooni oluyaali!
Ohukobola hw'ebihyeeno
(Luk 11:24-26)
43“Esihyeeno nisitula mu muundu, sing'alaalaanga mu siparara nisikoonya abuundu wohuwuluuhira, mani sihaywa ohunyoola. 44Bulaanu nisiba nisihayirwe ohunyoola yi sichiira, syebooleraanga siti, ‘Ese haangaluhe sa mu nyuumba yaange yi ndaatuliremo yira.’ Mani nisikaluhayo, syaanyoola enyuumba eyo niyiri ebihaya, haandi niyitereeserwe niyiboneha bulai, 45sichichaanga sikoonya mani sikaluha neende ebihyeeno byaasye biindi, bitaanu-na-bibiri, ebisihiraho obubi, biingira mu nyuumba eyo nibimenyamo. Mani muhumaliiriha, omuundu oyo, amalaanga aba mu bulamu bubi muno ohuhiraho bu yalimo hale. Nasilala nilwo lu byaheehole hu baandu b'oluse lubi luno.”
Ng'ina Yesu neende bamwaanang'ina Yesu
(Mrk 3:31-35; Luk 8:19-21)
46Yesu niyali n'asilomalomaanga neende abaandu abo, nae boneho ng'ina neende bamwaanang'ina beecha boola yali. Niboola ao, beema erwaanyi, baatuma emboosi eyiri Yesu nibadaha ohulomalomaho nae. 47#12:47 Ebyandiiko bihuluundu bihale byameedaho olunyiriri 47, Omuundu wuundi yaboolera Yesu ati, “Bone, mbao maakoo neende bamwaanamaao beemere erwaanyi badaha ohulomalomaho naawe.”
48Yesu niyawulira atyo, yakobolamo ati, “Maama niye naanu? Nae bamwaanama nibo naanu?” 49Yesu yakolola omuhono kwae mani yaasyoomesa hu beeki bae yaaboola ati, “Bone, maama neende bamwaanama mbano.” 50Olwohuba omuundu yeesi ohola bi Laata wo Muukulu adaha, oyo niye mwaanaama, mboocho yaange neende maama.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019