Amaliro 3
3
Ohusaandya, ohweyolobya neende ohusuubira
1Niise omuundu wabona esaando
oyo yi Omwaami yasaandya.
2Yaanjirusa mani yandeeta
mu siirima omutaali obulafu.
3Mubwadyeeri bweene Omwaami yasaandiisye
amahabi neende amahabi oludaalo lwoosi pe.
4Anyaalire omubiri neende esihoba syaange,
mani n'afunaka-funaka amakuumba kaange.
5Yanjikaliire mu jeela
omuli engisa neende obuchuuni.
6Akerere ndaamenya mu siirima
koti abo abafwa hale muno.
7Asitiriire yandebodoohania mbula yinyala ohweyibira;
yamboyere neende omunyororo musito.
8Kata andahalira mani ndekongooya ohuhoonya,
haba saawulira ohusaba hwaange.
9Yekaale engira chaange mani yachoombahaho esida sy'amakina mabaache.
Ahyamiise engira chaange.
10Yandekaluuhanisiire ali koti elyaaka elindetekeheere,
koti edalang'i yindekisiire.
11Yanjiruuse yandusa hu ngira, mani yambosyoola-mbosyoolamo
mani yaandeha ao atyo.
12Aleegere oluyiingo lwae
mani yaahola ohuba esabba y'olusaale lwae.
13Afumiite obusaale bwae
mu mwooyo kwaange.
14Abaandu boosi baanjeha
haandi ndeeholere olweembo lwaabwe oludaalo lwoosi pe.
15Yaambereese obubuuha ohulya
mani yanjikusa ebiindu bihahaata.
16Akerere ndamenena embaale
haandi yafuufula mu kohe.
17Omwooyo kwaange kubula omuleembe,
njibiriire koti esangaalo lu liri.
18Ao mani nimboola endi, “Oluyaali lwaange luweere,
haandi esuubi lyaange mu Omwaami likotere.”
19Ninjichulisa hu buchuuni bwaange neende hu tima lyaange,
bihahaata koti obubuuha neende endusye.
20Omwooyo kwaange kusibaasaho buli siha
mani nindewunamira.
21Nae njichulisa sino,
mani sakira ndi neende esuubi.
22Obuheeri bw'Omwaami butaakama haba sibuwa daawe,
esisa syae haba sisyaakama daawe.
23Buli buhya syehola esiyaaha;
siingi muno haandi syeesikwa.
24Omwooyo kwaange kuboola kuti, “Omwaami niye omukabo kwaange,”
“Sakira musuubiriramo.”
25Omwaami mulai eyiri abo abamwesika,
eyiri buli muundu omukoonya.
26Silai omuundu ohwesimiirisa kaala
n'aliinda Omwaami amuwonie.
27Silai omuundu ohweeka ohwesimiirisa
ohutula mubuyere bwae.
28Omuundu naasaanda,
silai yehaleho yeeng'ene mani awuleere.
29Leha yeyolobye
awuundi anyala ohuba neende esuubi liindi.
30Kata ayahanyekwa oba yaahuywa,
leha yesimiirise mu byoosi.
31Olwohuba Omwaami haba saachia
hutusukuna endaalo choosi daawe.
32Nae kata ayahaleeta engisa, achia ohutudiirira esisa,
olwohuba obuheeri bwae butaakama buungi nibwo.
33Olwohuba esichiiririrwa syae haba sinisyo ohuchuunia
oba ohudiisya abaandu engisa daawe.
34Ohusenakira
ababoye bohu syaalo boosi,
35ohwiima abaandu bae ebibahoyera
mu moni w'oyo oli Aakulu Muno,
36neende ohuheengera omuundu omusaango,
ebyo Omwaami haba saabifukiirira daawe.
37Wiina mweene owalagiraho mani syolerera,
ohutusaho Omwaami nasifukiriire?
38Hasibe esilai oba esibi,
sibaao oyo oli Aakulu Muno n'amalire ohusifukiirira.
39Lwasiina omuundu osisiiri omulamu yekanyiirisa,
ebidiira hu husaandisibwa ohweema hubyonoono byae?
40Lehe hutingaale mani hwehaliirise esaambo cheefwe,
mani hukaluuhane hukobole eyiri Omwaami.
41Lehe husiingise emyooyo kyeefwe neende amahono keefwe
eyiri Nasaae muukulu, mani huboole huti:
42Huholere ebibi haandi hujeemere,
mani Ewe haba sootuleheeremo daawe.
43“Ewe otuboyeere obwaalaba mani watwoongaho,
notwiita ataali ohusaasira daawe.
44Ewe webwiihire esireesi
mani ohusaba hweefwe huhaye ohuhwoolaho daawe.
45Otuholere hwaaba koti esituuli sy'amasiingo neende ebikoha
mu baandu boosi hu syaalo.
46“Abasuku beefwe boosi
batulekeeresa haandi baatunyeka.
47Oluteengo neende ohunyakwa,
amasira neende ohusihiirira bitukwiireho.
48Emoni chaange chihulukusa emyaalo ky'amasika
hulw'ohusihirisa abaandu baange.
49“Amasika kaange kanaahulukuse ataali ohwaakama,
ataali ohuhama,
50ohwoola Omwaami Muukulu
lu anatingaaleho aasi mani yaatubona.
51Omwooyo kwaange kwichuulemo engisa
hulw'ebiindu bikwiire hu baandu bomu siko syaange.
52“Abasuku baange baanyiimire
koti abayiima eyoni ataali esifune syoosi.
53Baasukuune mu liina nisisiiri omulamu
mani nibambuukaho amakina.
54Amaachi kahulukusa, nikabita hu mutwe kwaange
mani nimboola endi: ‘Ese fwiire.’
55“Ewe Omwaami, ese ndahulaanga,
ni ndi aasi mu liina;
56wabulira omulaanga kwaange, ‘Otadiimbya
amatwi kao, nae wulira amaliro kaange mani wuhoonye.’
57Ewe wasuda aambi nindahulaanga;
mani n'oboola oti: ‘Otatya daawe!’
58“Ewe Omwaami, wanjabina,
wawonia obulamu bwaange.
59Ewe Omwaami, obweene ebibi bi baaholere,
heengere omusaango mani hire.
60Obweene koti lu basuku baange baasyuula. Haandi koti lu bali ohuuhoba.
61“Ewe Omwaami, owuliire koti lu bali ohuunyeka
haandi koti lu bali ohuuhoba.
62Abasuku baange, baanomanomaho oludaalo lwoosi,
haandi bateesa ebindiiraho.
63Bona, baanyemba nibandekeeresa
buli yi baba nibehaale neende yi beemere.
64“Ewe Omwaami, basaandye,
ohuchianakana neende ebiholwa byaabwe.
65Babwaabe,
mani oboomye emyooyo.
66Ewe Omwaami, mu tima lyao, bakiiye mani obasihirise
obamaleo hu syaalo.”
Currently Selected:
Amaliro 3: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Amaliro 3
3
Ohusaandya, ohweyolobya neende ohusuubira
1Niise omuundu wabona esaando
oyo yi Omwaami yasaandya.
2Yaanjirusa mani yandeeta
mu siirima omutaali obulafu.
3Mubwadyeeri bweene Omwaami yasaandiisye
amahabi neende amahabi oludaalo lwoosi pe.
4Anyaalire omubiri neende esihoba syaange,
mani n'afunaka-funaka amakuumba kaange.
5Yanjikaliire mu jeela
omuli engisa neende obuchuuni.
6Akerere ndaamenya mu siirima
koti abo abafwa hale muno.
7Asitiriire yandebodoohania mbula yinyala ohweyibira;
yamboyere neende omunyororo musito.
8Kata andahalira mani ndekongooya ohuhoonya,
haba saawulira ohusaba hwaange.
9Yekaale engira chaange mani yachoombahaho esida sy'amakina mabaache.
Ahyamiise engira chaange.
10Yandekaluuhanisiire ali koti elyaaka elindetekeheere,
koti edalang'i yindekisiire.
11Yanjiruuse yandusa hu ngira, mani yambosyoola-mbosyoolamo
mani yaandeha ao atyo.
12Aleegere oluyiingo lwae
mani yaahola ohuba esabba y'olusaale lwae.
13Afumiite obusaale bwae
mu mwooyo kwaange.
14Abaandu boosi baanjeha
haandi ndeeholere olweembo lwaabwe oludaalo lwoosi pe.
15Yaambereese obubuuha ohulya
mani yanjikusa ebiindu bihahaata.
16Akerere ndamenena embaale
haandi yafuufula mu kohe.
17Omwooyo kwaange kubula omuleembe,
njibiriire koti esangaalo lu liri.
18Ao mani nimboola endi, “Oluyaali lwaange luweere,
haandi esuubi lyaange mu Omwaami likotere.”
19Ninjichulisa hu buchuuni bwaange neende hu tima lyaange,
bihahaata koti obubuuha neende endusye.
20Omwooyo kwaange kusibaasaho buli siha
mani nindewunamira.
21Nae njichulisa sino,
mani sakira ndi neende esuubi.
22Obuheeri bw'Omwaami butaakama haba sibuwa daawe,
esisa syae haba sisyaakama daawe.
23Buli buhya syehola esiyaaha;
siingi muno haandi syeesikwa.
24Omwooyo kwaange kuboola kuti, “Omwaami niye omukabo kwaange,”
“Sakira musuubiriramo.”
25Omwaami mulai eyiri abo abamwesika,
eyiri buli muundu omukoonya.
26Silai omuundu ohwesimiirisa kaala
n'aliinda Omwaami amuwonie.
27Silai omuundu ohweeka ohwesimiirisa
ohutula mubuyere bwae.
28Omuundu naasaanda,
silai yehaleho yeeng'ene mani awuleere.
29Leha yeyolobye
awuundi anyala ohuba neende esuubi liindi.
30Kata ayahanyekwa oba yaahuywa,
leha yesimiirise mu byoosi.
31Olwohuba Omwaami haba saachia
hutusukuna endaalo choosi daawe.
32Nae kata ayahaleeta engisa, achia ohutudiirira esisa,
olwohuba obuheeri bwae butaakama buungi nibwo.
33Olwohuba esichiiririrwa syae haba sinisyo ohuchuunia
oba ohudiisya abaandu engisa daawe.
34Ohusenakira
ababoye bohu syaalo boosi,
35ohwiima abaandu bae ebibahoyera
mu moni w'oyo oli Aakulu Muno,
36neende ohuheengera omuundu omusaango,
ebyo Omwaami haba saabifukiirira daawe.
37Wiina mweene owalagiraho mani syolerera,
ohutusaho Omwaami nasifukiriire?
38Hasibe esilai oba esibi,
sibaao oyo oli Aakulu Muno n'amalire ohusifukiirira.
39Lwasiina omuundu osisiiri omulamu yekanyiirisa,
ebidiira hu husaandisibwa ohweema hubyonoono byae?
40Lehe hutingaale mani hwehaliirise esaambo cheefwe,
mani hukaluuhane hukobole eyiri Omwaami.
41Lehe husiingise emyooyo kyeefwe neende amahono keefwe
eyiri Nasaae muukulu, mani huboole huti:
42Huholere ebibi haandi hujeemere,
mani Ewe haba sootuleheeremo daawe.
43“Ewe otuboyeere obwaalaba mani watwoongaho,
notwiita ataali ohusaasira daawe.
44Ewe webwiihire esireesi
mani ohusaba hweefwe huhaye ohuhwoolaho daawe.
45Otuholere hwaaba koti esituuli sy'amasiingo neende ebikoha
mu baandu boosi hu syaalo.
46“Abasuku beefwe boosi
batulekeeresa haandi baatunyeka.
47Oluteengo neende ohunyakwa,
amasira neende ohusihiirira bitukwiireho.
48Emoni chaange chihulukusa emyaalo ky'amasika
hulw'ohusihirisa abaandu baange.
49“Amasika kaange kanaahulukuse ataali ohwaakama,
ataali ohuhama,
50ohwoola Omwaami Muukulu
lu anatingaaleho aasi mani yaatubona.
51Omwooyo kwaange kwichuulemo engisa
hulw'ebiindu bikwiire hu baandu bomu siko syaange.
52“Abasuku baange baanyiimire
koti abayiima eyoni ataali esifune syoosi.
53Baasukuune mu liina nisisiiri omulamu
mani nibambuukaho amakina.
54Amaachi kahulukusa, nikabita hu mutwe kwaange
mani nimboola endi: ‘Ese fwiire.’
55“Ewe Omwaami, ese ndahulaanga,
ni ndi aasi mu liina;
56wabulira omulaanga kwaange, ‘Otadiimbya
amatwi kao, nae wulira amaliro kaange mani wuhoonye.’
57Ewe wasuda aambi nindahulaanga;
mani n'oboola oti: ‘Otatya daawe!’
58“Ewe Omwaami, wanjabina,
wawonia obulamu bwaange.
59Ewe Omwaami, obweene ebibi bi baaholere,
heengere omusaango mani hire.
60Obweene koti lu basuku baange baasyuula. Haandi koti lu bali ohuuhoba.
61“Ewe Omwaami, owuliire koti lu bali ohuunyeka
haandi koti lu bali ohuuhoba.
62Abasuku baange, baanomanomaho oludaalo lwoosi,
haandi bateesa ebindiiraho.
63Bona, baanyemba nibandekeeresa
buli yi baba nibehaale neende yi beemere.
64“Ewe Omwaami, basaandye,
ohuchianakana neende ebiholwa byaabwe.
65Babwaabe,
mani oboomye emyooyo.
66Ewe Omwaami, mu tima lyao, bakiiye mani obasihirise
obamaleo hu syaalo.”
©Bible Society of Kenya, 2019
©Bible Society of Uganda, 2019