Yobbu 29
29
Emboosi cha Yobbu chimaliirihayo echohweosaho
1Yobbu haandi yachaaka ohwekanyiirisa hwae, mani n'aboola ati:
2“Eee, mba ndi mu ndaalo hale,
koti lu ndabeechaanga Nasaae nasiniindire;
3obulafu bwae nibusiihosa hu mutwe kwaange,
haandi nisiikeendera obulafu bwae niimbita mu siriima;
4mu biha bi ndali neende emyaandu,
Nasaae niye owali owasyaange, haandi n'akayirira edaala lyaange;
5ow'Obunyala bwoosi niyali n'asisiiri naange,
abaana baange nibasiindebodohaanie;
6nisinyoola amabeere maangi,
haandi nisinyoola amafuta maangi ohutula mu misaala kyaange!
7Nindatulaanga niinjia mu siruwa sy'esiko,
nindatekehaanga obwiihalo bwaange mu lwaanyi,
8abaraaga baambonaanga mani baanjikulira obweyaango,
haandi abakofu basiingiraanga mani baamberesa oluyaali;
9abaana b'abatuki bawuleraanga
mani bediira hu minwa kyaabwe;
10amakono k'abahunuufu keekalaanga,
haandi enimi chaabwe chayaandaanga hu bisinini byaabwe.
11Abaandu baambuliraanga, banaangaanga ow'ehabi,
haandi nibambonaanga, basifukiiriraanga;
12olwohuba ndahoonyaanga omumanani waliraanga n'asaba obuhoonyi,
neende omwaana mufwiirwe otaali neende omuundu omuhoonya.
13Ehabi ch'abaandu bandawoniaanga chanjichangaaho,
haandi ebiindu bi ndaholeraanga abahasi bafwiirwe byabasaangasaanga mani nibeemba olw'esaangaalo.
14Ndaholaanga ebiindu biluungifu, mani byandebodoohania;
obwadyeeri bwaange bwali koti esyefwaalo syaange oba esitaambaya syoohumutwe kwaange.
15Niise owali emoni ch'abawofu,
haandi amakulu k'abalema.
16Ndali laatang'ene abamanani,
haandi ndakoonyeresaanga ohumanya esifune sy'abaandu bataamanyire.
17Ndasihirisaanga amaani k'abaandu bataali abaluungifu,
haandi ndakera balakasaanga ebiindu bibayaayire.
18Mani ndabaasa endi, ‘Njia ohufwiira mu siyu syaange,
mani njia ohwingiiya endaalo chaange chibe koti omusenye,
19emisi kyaange kichia ohulaanda choole hu maachi,
haandi olume lukwe hu masaga kaange esiro syoosi,
20buli muundu yanjisaangamo oluyaali,
haandi amaani kaange kemeedaanga buli ludaalo.’
21“Abaandu batekeeresaanga bi mboola, mani baliindaanga,
ohuwulira bi ngeraka nibawuulere.
22Nindamalaanga ohulomaloma, abulao omuundu wuundi owalomalomaanga haandi,
emboosi chaange chabeengiraanga mu mwooyo.
23Baniindaanga koti abaandu baliinda efula;
mani nibaanjakaanira koti abaakaanira efula y'etoocho.
24Ndabamweenyeraanga nibaweeremo emyooyo;
enjeho chaange chabakobosaangamo amaani.
25Ndabaheengeraangao esy'ohuhola, mani ndaaba koti omwiimirisi,
ndabamenyamo koti omutuki mu maye kae,
koti omuundu ogumya abaandu balira.
Currently Selected:
Yobbu 29: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Yobbu 29
29
Emboosi cha Yobbu chimaliirihayo echohweosaho
1Yobbu haandi yachaaka ohwekanyiirisa hwae, mani n'aboola ati:
2“Eee, mba ndi mu ndaalo hale,
koti lu ndabeechaanga Nasaae nasiniindire;
3obulafu bwae nibusiihosa hu mutwe kwaange,
haandi nisiikeendera obulafu bwae niimbita mu siriima;
4mu biha bi ndali neende emyaandu,
Nasaae niye owali owasyaange, haandi n'akayirira edaala lyaange;
5ow'Obunyala bwoosi niyali n'asisiiri naange,
abaana baange nibasiindebodohaanie;
6nisinyoola amabeere maangi,
haandi nisinyoola amafuta maangi ohutula mu misaala kyaange!
7Nindatulaanga niinjia mu siruwa sy'esiko,
nindatekehaanga obwiihalo bwaange mu lwaanyi,
8abaraaga baambonaanga mani baanjikulira obweyaango,
haandi abakofu basiingiraanga mani baamberesa oluyaali;
9abaana b'abatuki bawuleraanga
mani bediira hu minwa kyaabwe;
10amakono k'abahunuufu keekalaanga,
haandi enimi chaabwe chayaandaanga hu bisinini byaabwe.
11Abaandu baambuliraanga, banaangaanga ow'ehabi,
haandi nibambonaanga, basifukiiriraanga;
12olwohuba ndahoonyaanga omumanani waliraanga n'asaba obuhoonyi,
neende omwaana mufwiirwe otaali neende omuundu omuhoonya.
13Ehabi ch'abaandu bandawoniaanga chanjichangaaho,
haandi ebiindu bi ndaholeraanga abahasi bafwiirwe byabasaangasaanga mani nibeemba olw'esaangaalo.
14Ndaholaanga ebiindu biluungifu, mani byandebodoohania;
obwadyeeri bwaange bwali koti esyefwaalo syaange oba esitaambaya syoohumutwe kwaange.
15Niise owali emoni ch'abawofu,
haandi amakulu k'abalema.
16Ndali laatang'ene abamanani,
haandi ndakoonyeresaanga ohumanya esifune sy'abaandu bataamanyire.
17Ndasihirisaanga amaani k'abaandu bataali abaluungifu,
haandi ndakera balakasaanga ebiindu bibayaayire.
18Mani ndabaasa endi, ‘Njia ohufwiira mu siyu syaange,
mani njia ohwingiiya endaalo chaange chibe koti omusenye,
19emisi kyaange kichia ohulaanda choole hu maachi,
haandi olume lukwe hu masaga kaange esiro syoosi,
20buli muundu yanjisaangamo oluyaali,
haandi amaani kaange kemeedaanga buli ludaalo.’
21“Abaandu batekeeresaanga bi mboola, mani baliindaanga,
ohuwulira bi ngeraka nibawuulere.
22Nindamalaanga ohulomaloma, abulao omuundu wuundi owalomalomaanga haandi,
emboosi chaange chabeengiraanga mu mwooyo.
23Baniindaanga koti abaandu baliinda efula;
mani nibaanjakaanira koti abaakaanira efula y'etoocho.
24Ndabamweenyeraanga nibaweeremo emyooyo;
enjeho chaange chabakobosaangamo amaani.
25Ndabaheengeraangao esy'ohuhola, mani ndaaba koti omwiimirisi,
ndabamenyamo koti omutuki mu maye kae,
koti omuundu ogumya abaandu balira.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019