Yobbu 24
24
1“Lwasiina Omunyala w'ebiindu byoosi haba sataao ebiha by'ohuheengeramo omusaango,
haandi lwasiina abaandu bamumanyire haba siboola hu ludaalo lwae?
2Baluwo abaandu beeya amahoni k'enjaho;
bayaaya ebyaayo mani babituka koti ebyaabwe.
3Banyuula abaana bafwiirwe esuhiri chaabwe;
bahayira hu endaawu chi bahasi bafwiirwe chibabasiingira.
4Basiindiha abamanani nibabatusa hu ngira;
abamanani bohu syaalo boosi abeene beekisa sa.
5Bone, abamanani bali koti esuhiri ndeende mu sichiimi
bali eyo nibahalaabana,
nibakoonya esyohulya mu siparara
si banaaberese abaana baabwe.
6Mu ndalo chitaali echaabwe nimwo mu babuusa ebyohulya by'esolo chaabwe
mani banoka emisabbiibbu ch'omuhola-mbi.
7Esiro syoosi beeyalisa esyeekenye, nibabula esy'ohwebwiiha,
haandi babula esiindu sy'ohwebwiiha mu mboo.
8Efula yomu ngulu yibahubba yabadosa,
mani befwiinyirira hu makina nibakoonya owehwiyikama.
9(Baliwo abo abatusa abaana bafwiirwe hu mbeere,
mani babukula abaana badoto koti esiindu sisiingwa.)
10Abamanani bakeenda esyeekenye nibabula esy'ohwefwaala;
bakiinga engaano yi bakesere, nae sibulao esiindu si balya;
11badiinya amafuta ohutula mu misaala ky'emiseituuni ky'abonooni;
haandi banyuha efiini mu bibbaahiro, nae haba obuluwo bubeeta nibataahoombereho.
12Abamanani bang'orootanira mu siko nibafwa,
haandi abanyaalirwe balira nibakoonya obuhoonyi;
nae Nasaae haba s'adeeba hu husaba hwaabwe.
13“Aluwo abo abajeemera obulafu,
abatanalana neende engeri chaabwo,
mani bahaya ohudoong'a mu ngira chaabwo.
14Omwiiti asiingira mu siirima,
n'adaha ohwiita omumanani neende obula obuhoonyi;
nae musiro ali koti omwiibi.
15Emoni ch'omucheke chosi chiliinda esiirima sidiire,
n'aboola ati, ‘Abulao omuundu ochia ohuumbona’;
mani yebwiiha mu moni.
16Badomola ebida by'enyuumba mu siirima;
nae esideete beeyikalirao;
mani baahaya ohubona obulafu.
17Boosi batya obulafu bw'esideete;
olwohuba banalana neende ebitiisa byomu siirima.
18“Muboola muti, ‘Bahulukuswa baayirwa neende omuhula kw'amaachi;
omukabo kwaabwe kuli mu byaalo byabwaabwa;
abulao omuundu ochiira ena ndalo chaabwe ch'emisabbiibbu ohuhalaabana.
19Koti esiminyu neende omubasu bimalao amaachi k'omunyiti;
nilwo lu makoombe kamalao abonooni.
20Kata bang'inaabwe babeebirira;
eliita lyaabwe bulaanu haba siliichuliswa;
nilwo lu bahola-mbi bafunakwa koti omusaala.’
21“Basaandya omuhasi mukuumba otebulaangaho,
haandi bahaya ohuhoonya omuhasi mufwiirwe.
22Nae Nasaae neende amaani kae akera omuundu w'obunyala buungi yaayiindira;
mani basiingira nibasinyiihe obulamu.
23Nasaae abaleha baamenya ataali obudinyu bwoosi, mani yaabahoonya;
nae yewuunja engeri chaabwe koti lu chiri.
24Banyoola oluyaali ohumala esiha sidiidi sa, mani bamala baakotao;
bahooha mani boomerera koti esaafu;
bahalakwa koti emitwe ch'engaano.
25Nibitaali bityo, wiina mweene ochia ohuboola ati ndi omubacha,
mani yeekesa ati bi mboola bibulao obwadyeeri?”
Currently Selected:
Yobbu 24: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Yobbu 24
24
1“Lwasiina Omunyala w'ebiindu byoosi haba sataao ebiha by'ohuheengeramo omusaango,
haandi lwasiina abaandu bamumanyire haba siboola hu ludaalo lwae?
2Baluwo abaandu beeya amahoni k'enjaho;
bayaaya ebyaayo mani babituka koti ebyaabwe.
3Banyuula abaana bafwiirwe esuhiri chaabwe;
bahayira hu endaawu chi bahasi bafwiirwe chibabasiingira.
4Basiindiha abamanani nibabatusa hu ngira;
abamanani bohu syaalo boosi abeene beekisa sa.
5Bone, abamanani bali koti esuhiri ndeende mu sichiimi
bali eyo nibahalaabana,
nibakoonya esyohulya mu siparara
si banaaberese abaana baabwe.
6Mu ndalo chitaali echaabwe nimwo mu babuusa ebyohulya by'esolo chaabwe
mani banoka emisabbiibbu ch'omuhola-mbi.
7Esiro syoosi beeyalisa esyeekenye, nibabula esy'ohwebwiiha,
haandi babula esiindu sy'ohwebwiiha mu mboo.
8Efula yomu ngulu yibahubba yabadosa,
mani befwiinyirira hu makina nibakoonya owehwiyikama.
9(Baliwo abo abatusa abaana bafwiirwe hu mbeere,
mani babukula abaana badoto koti esiindu sisiingwa.)
10Abamanani bakeenda esyeekenye nibabula esy'ohwefwaala;
bakiinga engaano yi bakesere, nae sibulao esiindu si balya;
11badiinya amafuta ohutula mu misaala ky'emiseituuni ky'abonooni;
haandi banyuha efiini mu bibbaahiro, nae haba obuluwo bubeeta nibataahoombereho.
12Abamanani bang'orootanira mu siko nibafwa,
haandi abanyaalirwe balira nibakoonya obuhoonyi;
nae Nasaae haba s'adeeba hu husaba hwaabwe.
13“Aluwo abo abajeemera obulafu,
abatanalana neende engeri chaabwo,
mani bahaya ohudoong'a mu ngira chaabwo.
14Omwiiti asiingira mu siirima,
n'adaha ohwiita omumanani neende obula obuhoonyi;
nae musiro ali koti omwiibi.
15Emoni ch'omucheke chosi chiliinda esiirima sidiire,
n'aboola ati, ‘Abulao omuundu ochia ohuumbona’;
mani yebwiiha mu moni.
16Badomola ebida by'enyuumba mu siirima;
nae esideete beeyikalirao;
mani baahaya ohubona obulafu.
17Boosi batya obulafu bw'esideete;
olwohuba banalana neende ebitiisa byomu siirima.
18“Muboola muti, ‘Bahulukuswa baayirwa neende omuhula kw'amaachi;
omukabo kwaabwe kuli mu byaalo byabwaabwa;
abulao omuundu ochiira ena ndalo chaabwe ch'emisabbiibbu ohuhalaabana.
19Koti esiminyu neende omubasu bimalao amaachi k'omunyiti;
nilwo lu makoombe kamalao abonooni.
20Kata bang'inaabwe babeebirira;
eliita lyaabwe bulaanu haba siliichuliswa;
nilwo lu bahola-mbi bafunakwa koti omusaala.’
21“Basaandya omuhasi mukuumba otebulaangaho,
haandi bahaya ohuhoonya omuhasi mufwiirwe.
22Nae Nasaae neende amaani kae akera omuundu w'obunyala buungi yaayiindira;
mani basiingira nibasinyiihe obulamu.
23Nasaae abaleha baamenya ataali obudinyu bwoosi, mani yaabahoonya;
nae yewuunja engeri chaabwe koti lu chiri.
24Banyoola oluyaali ohumala esiha sidiidi sa, mani bamala baakotao;
bahooha mani boomerera koti esaafu;
bahalakwa koti emitwe ch'engaano.
25Nibitaali bityo, wiina mweene ochia ohuboola ati ndi omubacha,
mani yeekesa ati bi mboola bibulao obwadyeeri?”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019