Yobbu 15
15
Enganiaaya y'Elifaasi ypohubiri
15:1—21:34
Elifaasi
1Elifaasi Omutemaani yakobolamo ati:
2“Sihoyerwa omuundu w'amakesi ohukobolamo neende emboosi chibulamo amahuluundu,
mani omweene yeyichusamo neende emboosi chiri koti omuyaka kuwuucha?
3Mani ahoyere ayiingane neende enomanoma yitahoonya,
oba mu mboosi echitamuhoonya?
4Nae oli ohumalao ohwiisa oluyaali mu Nasaae,
haandi oli ohukayira abaandu ohwebaasaho mu moni wa Nasaae.
5Olwohuba emboosi chitula muhanwa wao cheekesa ebyonoono byao,
haandi wehoonyera olulimi lw'obubalabalanu.
6Omunwa kwao kweene nikwo okuhuheengera omusaango ohuhuhira, nae haba siniise;
emboosi chao cheene nicho echihuheengera omusaango.
7“Obaasa oti niiwe omuundu wataangira ohwiibulwa?
Oba oti waliwo engulu nichisisiiri ohubaao?
8Watekeeresaho endeesa ya Nasaae?
Haandi obaasa oti niiwe omukesi weeng'ene?
9Siindu siina syoomanyire si efwe hutaamanyire?
Siindu siina syeene syoomanyire esitaali alafu yi huli?
10Efwe huli neende abembuchi haandi abakofu,
abahira laatao obuhuluundu.
11Ebiindu bi Nasaae ahuholera ohuhugumia nibyo byoolekeeresa oti bidiidi muno yooli,
haandi waabisa emoni mu mboosi chae nyifu yooli?
12Lwasiina omwooyo kwao kuhutusao,
haandi lwasiina omyuulamyuula emoni neende obwaalaba,
13mani waanyoolerera Nasaae,
nooleha emboosi chifwaana chiti ohutulaanga mu munwa kwao?
14 #
Yob 25:4-6. Omuundu niye siina, hwaabuleho esihyaamu?
Oba oyo owiibulwa sa neende omuhasi, anyale ohuba omuluungifu?
15Bona, Nasaae siyeesika kata aboolerefu bae,
haandi kata ekulu silyoolerefu mu moni wae;
16nae omuundu muhola-mbi haandi omudoondobanu yahake yeena ohuba omubi,
omuundu ong'wa ebyonoono koti ong'wa amaachi!
17“Tekeeresa, mani njia ohuhweekesa bi mbweene;
haandi njia ohuhuboolera bi manyire
18(ebiindu bi baandu b'amakesi baboolere,
haandi bi bakuuka yaabwe bataakisire,
19baberesa esyaalo sino boong'ene,
mani omuteende yeesi yahaya ohubabitamo).
20Omuholi w'ebyonoono anyaahanira mubuchuuni endaalo chae choosi,
oyo atadeeba hu baasye, asaanda emyaaka kyoosi.
21Amakono katiisa kawuumira mu matwi kae;
lwanyoleereho ebiindu bilai, ao nilwo lu munyaka amuchoomera.
22Haba safukiirira ati achia ohukobola naatula mu siirima,
haandi olugaanga nilwo olumulindirire.
23Ang'alaala erwaanyi n'akoonya esyohulya, n'ateeba ati, ‘Siri yeena?’
Amanyire ati oludaalo lw'esiirima luli aambi ohwoola;
24ebidinyu neende esaando bi mutiisa;
mani byamusidoyera, koti omutuki yetekeheere ohulwaana.
25Olwohuba akoloole omuhono kwae mani yeetika hu Nasaae,
mani yaajeemera Omunyala w'ebiindu byoosi,
26niyooma omutwe,
mani n'adiira engabo hoongo ohulwaania Nasaae;
27olwohuba yebwiihire mu moni wae neende esuunga yae,
haandi ahomeere mu sibuno syae,
28haandi amenyere mu biko bitaalimo abaandu,
mu nyuumba chi muundu atahoyere ohumenyamo,
echihoyere ohweehola ebituuli by'ebikoha;
29haba saacha ohuba omuyiinda, haandi emyaandu kyae haba sikicha ohuyiindira,
haandi omweene haba saacha ohumala esiha sileeyi hu syaalo;
30saacha ohuwona esiirima;
omuliro kuchia ohwoomia ebisina byae,
haandi ebyaamo byae bicha ohubbuyuulwa neende omuyaka.
31Leha ahaye ohwebacha omweene, mani yeesike ebiindu bitahoonya;
olwohuba omukabo kwae kuchia ohuba ebiindu bitahoonya.
32Achia ohukunyoola endaalo chae nichisisiiri ohwoola,
haandi amasaga kae haba sikacha ohudoong'a nikali amabisi. 33Achia ohusisimula emisabbiibbu kyae kiteenga, koti omutuli,
haandi asukune ebyaamo byae, koti omusaala museituuni.
34Olwohuba abo abateesa oluyaali mu Nasaae bachia ohuba abakuumba,
haandi omuliro kuchia ohusaamba amayeema k'abaandu baliichaki.
35Beechuule ebibaaso bibi haandi bahola ebyonoono
mani emyooyo kyaabwe kyetekeehe ohubacha.”
Currently Selected:
Yobbu 15: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Yobbu 15
15
Enganiaaya y'Elifaasi ypohubiri
15:1—21:34
Elifaasi
1Elifaasi Omutemaani yakobolamo ati:
2“Sihoyerwa omuundu w'amakesi ohukobolamo neende emboosi chibulamo amahuluundu,
mani omweene yeyichusamo neende emboosi chiri koti omuyaka kuwuucha?
3Mani ahoyere ayiingane neende enomanoma yitahoonya,
oba mu mboosi echitamuhoonya?
4Nae oli ohumalao ohwiisa oluyaali mu Nasaae,
haandi oli ohukayira abaandu ohwebaasaho mu moni wa Nasaae.
5Olwohuba emboosi chitula muhanwa wao cheekesa ebyonoono byao,
haandi wehoonyera olulimi lw'obubalabalanu.
6Omunwa kwao kweene nikwo okuhuheengera omusaango ohuhuhira, nae haba siniise;
emboosi chao cheene nicho echihuheengera omusaango.
7“Obaasa oti niiwe omuundu wataangira ohwiibulwa?
Oba oti waliwo engulu nichisisiiri ohubaao?
8Watekeeresaho endeesa ya Nasaae?
Haandi obaasa oti niiwe omukesi weeng'ene?
9Siindu siina syoomanyire si efwe hutaamanyire?
Siindu siina syeene syoomanyire esitaali alafu yi huli?
10Efwe huli neende abembuchi haandi abakofu,
abahira laatao obuhuluundu.
11Ebiindu bi Nasaae ahuholera ohuhugumia nibyo byoolekeeresa oti bidiidi muno yooli,
haandi waabisa emoni mu mboosi chae nyifu yooli?
12Lwasiina omwooyo kwao kuhutusao,
haandi lwasiina omyuulamyuula emoni neende obwaalaba,
13mani waanyoolerera Nasaae,
nooleha emboosi chifwaana chiti ohutulaanga mu munwa kwao?
14 #
Yob 25:4-6. Omuundu niye siina, hwaabuleho esihyaamu?
Oba oyo owiibulwa sa neende omuhasi, anyale ohuba omuluungifu?
15Bona, Nasaae siyeesika kata aboolerefu bae,
haandi kata ekulu silyoolerefu mu moni wae;
16nae omuundu muhola-mbi haandi omudoondobanu yahake yeena ohuba omubi,
omuundu ong'wa ebyonoono koti ong'wa amaachi!
17“Tekeeresa, mani njia ohuhweekesa bi mbweene;
haandi njia ohuhuboolera bi manyire
18(ebiindu bi baandu b'amakesi baboolere,
haandi bi bakuuka yaabwe bataakisire,
19baberesa esyaalo sino boong'ene,
mani omuteende yeesi yahaya ohubabitamo).
20Omuholi w'ebyonoono anyaahanira mubuchuuni endaalo chae choosi,
oyo atadeeba hu baasye, asaanda emyaaka kyoosi.
21Amakono katiisa kawuumira mu matwi kae;
lwanyoleereho ebiindu bilai, ao nilwo lu munyaka amuchoomera.
22Haba safukiirira ati achia ohukobola naatula mu siirima,
haandi olugaanga nilwo olumulindirire.
23Ang'alaala erwaanyi n'akoonya esyohulya, n'ateeba ati, ‘Siri yeena?’
Amanyire ati oludaalo lw'esiirima luli aambi ohwoola;
24ebidinyu neende esaando bi mutiisa;
mani byamusidoyera, koti omutuki yetekeheere ohulwaana.
25Olwohuba akoloole omuhono kwae mani yeetika hu Nasaae,
mani yaajeemera Omunyala w'ebiindu byoosi,
26niyooma omutwe,
mani n'adiira engabo hoongo ohulwaania Nasaae;
27olwohuba yebwiihire mu moni wae neende esuunga yae,
haandi ahomeere mu sibuno syae,
28haandi amenyere mu biko bitaalimo abaandu,
mu nyuumba chi muundu atahoyere ohumenyamo,
echihoyere ohweehola ebituuli by'ebikoha;
29haba saacha ohuba omuyiinda, haandi emyaandu kyae haba sikicha ohuyiindira,
haandi omweene haba saacha ohumala esiha sileeyi hu syaalo;
30saacha ohuwona esiirima;
omuliro kuchia ohwoomia ebisina byae,
haandi ebyaamo byae bicha ohubbuyuulwa neende omuyaka.
31Leha ahaye ohwebacha omweene, mani yeesike ebiindu bitahoonya;
olwohuba omukabo kwae kuchia ohuba ebiindu bitahoonya.
32Achia ohukunyoola endaalo chae nichisisiiri ohwoola,
haandi amasaga kae haba sikacha ohudoong'a nikali amabisi. 33Achia ohusisimula emisabbiibbu kyae kiteenga, koti omutuli,
haandi asukune ebyaamo byae, koti omusaala museituuni.
34Olwohuba abo abateesa oluyaali mu Nasaae bachia ohuba abakuumba,
haandi omuliro kuchia ohusaamba amayeema k'abaandu baliichaki.
35Beechuule ebibaaso bibi haandi bahola ebyonoono
mani emyooyo kyaabwe kyetekeehe ohubacha.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019