Yeremia 49
49
Omwaami aheengera Abaamooni omusaango
1 #
Esek 21:28-32; 25:1-7; Amos 1:13-15; Sefa 2:8-11. Ebidiira hu Abaamooni. Omwaami ateeba ati: Babulao abasaacha mu Yisiraeli, kose?
Babulahoo abanyala ohuwaabina esyaalo syaabwe?
Lwasiina mani baleha abaandu beenamira Moleki esituundu sy'enono ya Gaadi,
baamenya mu biko byasyo?
2Mani sakira, bone, ebiha bichia ohwoola,
Omwaami niye oboola,
lu njia ohukera ohulira hw'ebiita huwuliirihanire
mu Rabba, esiko sihoongo sy'Abaamooni.
Haandi syahalehwe nisiri ekuunda,
haandi engoongo chasyo chahasaambwe omuliro.
Olwo nilwo lu Yisiraeli syaheekobosere ebituundu byasyo ebyasinyakwaho.
Omwaami niye oboola.
3“Abaandu ba Hesibboni, muhubbe embuungu, olwohuba Ai sinyakirwe!
Eng'we abahaana ba Rabba, mulire!
Mweefwaale ebigunia,
mulire, mwiiruhire mu ngaka nimudikaana!
Olwohuba Moleki, nasaae weeng'we achia ohuyirwa mu jeela,
alala neende abalaamisi bae neende abachweenufu bae.
4Eng'we abaandu bataali abeesikwa,
lwasiina mweefumya neende amahooho keeng'we?
Eng'we abeesika obuyiinda bwako, nimuboola muti,
‘Wiina onatuseete?’
5Omwaami w'Obunyala aboola ati,
bone, njia ohubaleetera esitiisa
ohutula hu mbeka choosi.
Mani buli muundu yaheeruhe ohuwonia obulamu bwae,
abuleo ogumya amaye keeng'we.
6“Nae luunyuma, njia ohukobosera Abaamooni ehabi chaabwe. Ese Omwaami, Niise oboolere.”
Omwaami aheengera Edomu omusaango
7 #
Yis 34:5-17; 63:1-6; Esek 25:12-14; 35:1-15; Amos 1:11,12; Oba 1:1-14; Mal 1:2-5. Ebidiira hu Edomu.
Omwaami w'Obunyala aboola ebidiira hu Edomu ati:
“Mu baandu ba Temani, mubulamo ab'amakesi daawe?
Abakesikesi haba sibasiinyala ohukeraka daawe?
Amakesi kaabwe kakota kose?
8Eng'we aba Dedani,
mukaluuhane, mwiiruhe mweekise!
Olwohuba njia ohukwiisa hu beechuhulu ba Esau amasira,
esiha sy'ohubasaandya syoolere.
9Abaandu nibanoka emisabbiibbu,
balehaangaho ekiindi.
Abeebi nibeecha esiro,
bayiraangaho ebiindu bi badaha byoong'ene.
10Nae Ese, fwaluliire elalira abeechuhulu ba Esau, mani niimbaleha bihaya,
nimbwiihula ebituundu bi beekisamo,
mani haba sibanyala hweekisa daawe.
Abaana ba Edomu boosi basihiriire, neende bamwaanang'ina,
neende abaasye boosi, abulao odoong'ereo kata.
11Mulehe bamulehwa beeng'we, njia ohubaliinda bulai;
haandi lehe abahasi bafwiirwe beeng'we baandeesike.”
12Olwohuba Omwaami ateeba ati: “Nikali mbwe abo abatahoyerwa ohusaanda, bosi basaandisibwa, eng'we mubaasa muti haba simuchia husaandisibwa daawe? Haba simuchia hulehwa daawe, nae muchia ohusaandisibwa. 13Olwohuba ese Omwaami mweene, niise oweechubire endi esiko sya Bbosura syaheehole esitiisa, ekuunda, neende esibwaabo; haandi engoongo chisyebodoohaanie chaheehole amakuunda endaalo choosi.”
14Mani nimboola endi: Edomu, mbuliire omulaanga ohutula eyiri Omwaami,
haandi wamwaanda amalire ohutumwa mu byaalo ohuboola ati:
“Bibuuse alala amaye kabyo ohuhulwaania,
kachie mu biita!”
15Olwohuba, bone, Omwaami achia ohuhuhola obe omudiidi mu byaalo,
mani abaandu bahulekerese.
16Ohwehuduumbasa hwao ohwo huhubachirisa sa.
Abulao ohutya koti lw'obaasa.
Ewe omenya mu njafwa ch'olwaanda,
aakulu woolugulu luleeyi.
Kata awahaba nooli aakulu muno koti eeswi,
njia ohuhwaanulayo, Omwaami niye oboola.
17Omwaami aboola ati: “Amasira kahakwe hu Edomu kahabe akatiisa muno, buli owahabiteengeo yahaticheenge mani awukaho sa. 18#Huc 19:24,25.Koti lu Sodomu neende Gomora neende ebiko bibyebodohaanie byasihiriswa, nilwo sa lu Edomu syahasihiriswe, mani abuleo omuundu omenyamo, haandi yibuleo walukeenda olisibaamo. Omwaami niye oboola. 19Bone, koti lu dalang'i yahabbiichuhe niyitulira mu bichaha biri hu ndulo w'omwaalo kwa Yorodaani, mani niyichia mu bwaayiro bulai, syesi nilwo lu ndaheeche mani njiruse ab'Edomu mu syaalo syaabwe byaangu endyo. Mani omweemeresi yindahadoole niye owahatuke mu Edomu. Wiina mweene onyala ohundeekeraniaho? Wiina mweene onyala ohuunyiingania? Mutuki siina onyala ohuunyiingania? 20Mani sakira wulire bi Omwaami yetekeehe ohuhola hu baandu bomu Edomu, neende esichiiririrwa sy'ohuhola hu baandu bomu siko sya Temani. Kata neende abaana baabwe bayere bachia ohuhwehweeswa bayirwe, mani buli muundu yahateteeng'ale sa. 21Edomu nisyahakwe, syahabeeo esiyoka sy'amaani esyahakere esyaalo syoosi syaateengeereha, mani ekono lyasyo lyawuliirihana ohwoolera elalira hu Nyaanja Njahanyu. 22Bone, omusuku yahaseete Bbosura koti eeswi, niyibaambuule embaya chalyo. Hu ludaalo olwo, abasikaari b'amaani ba Edomu bahatye koti omuhasi olumwa engasi.”
Omwaami aheengera Damasiko omusaango
23 #
Yis 17:1-3; Amos 1:3-5; Sak 9:1. Ebidiira hu Damasiko
Bino nibyo bi Omwaami yalomaloma ebidiira hu Damasiko: “Abomu biko bya Hamati neende Aripaadi bibaheheere,
olwohuba bawuliire emboosi chitiisa.
Ohweyendeherera hubechuule mu myooyo.
Haba sibanyala huyenjeera daawe.
24Abaandu bomu Damasiko baweeremo amaani,
bakwiiremo oluteengo.
Obuchuuni neende engisa bi badiirire,
bali koti omuhasi olumwa engasi.
25Esiko simanyihaane haandi esyalichiingimo esangaalo
syebwaabire.
26Mani sakira abasaacha baraaga bamwo bachia ohwiitirwa mu ngira chaamwo,
haandi abasikaari basyo boosi bachia ohusihirira hu ludaalo olwo.
Omwaami w'Obunyala niye oboola.
27Njia ohuyaambya omuliro hu bida bya Damasiko,
mani kuchia ohusaamba amadooho k'omutuki Bbenadaadi.”
Ohuheengera omusaango oluya lwa Kedari neende esiko sya Hasoori
28Ebidiira hu Kedari neende obwaami bwa Hasoori bi Nebukadineesa omutuki wa Bbabbilooni yaamba.
Omwaami aboola ati:
Siingire, museete abaandu ba kedari!
Musihirise oluya lw'abaandu b'ebukwe!
29Munyake amayeema kaabwe neende ebyaayo byaabwe,
mudiire obutimba bwaabwe neende ebiindu biindi ebiri mu mayeema kaabwe.
Muyire engamia chaabwe,
mani mubaboolere muti: Ebitiisa bi bali hu nyaande choosi!
30“Eng'we abaandu ba Hasoori,
Yiruhe, muchie mweekise eyale muno.
Omwaami niye oboola.
Olwohuba Nebukadineesa omutuki wa Bbabbilooni
yetekeehe ohubaholaho esibi,
haandi abahobere.
31“Siingire, muchie museete abaandu bomu syaalo esyo,
abo abawulira bati bali mu muleembe.
Omwaami niye oboola.
Ebiko byaabwe bibulaho emilyaango kata sa ebiikalao,
haandi sibisiiliindwa daawe.
32Engamia chaabwe chichia ohunyakwa,
eng'oombe chaabwe chichia ohuyaaywa.
Njia ohusalaanisira hu nyaande choosi
abaandu abo abahendeesa efwiiri lyaabwe lyeembikitana.
Njia ohubakwiisaho amasira ohutula hu nyaande chaabwe choosi.
Omwaami niye oboola.
33Hasoori syaheehole esiparara sy'endaalo choosi,
abuundu yi mabbwe kamenya.
Abulao omuundu wahamenyemo,
haandi yibulao walukeenda owahamenye hoomo.”
Omwaami aheengera Elamu omusaango
34Sedekia niyali hu yaheehola omutuki wa Buyudaaya sa ati, Omwaami yalomaloma ebidiira hu Elamu, niyamboolera ati: 35Ese Omwaami w'Obunyala mboola endi: “Bona, njia ohwiita abalasi b'obuyiingo boosi, abo abahola Elamu ohuba esy'amaani. 36Njia ohuwuucha hu elamu omuyaka ohutula hu nyaande choosi ech'ekulu. Njia ohusalaania abaandu basyo boosi, mani sibuleo esyaalo kata silala sibanyala ohwiiruhiramo. 37Njia ohuleetera abaandu bomu Elamu ohutya abasuku baabwe, neende abo abakiiya ohubeeta. Mu bwaalaba bwaange bw'amaani, njia ohubakwiisaho amasira. Njia ohubatumira amaye ohwoola lu ndahabasihirise ndaabamalao boosi. 38Njia ohusihirisa abatuki baabwe, mani male nde mu Elamu esisaala syaange sy'obutuki. Ese Omwaami, Niise oboola.” 39“Nae luunyuma, njia ohubakobosa haandi ehabi liindi mu Elamu. Ese Omwaami, Niise oboola.”
Currently Selected:
Yeremia 49: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Yeremia 49
49
Omwaami aheengera Abaamooni omusaango
1 #
Esek 21:28-32; 25:1-7; Amos 1:13-15; Sefa 2:8-11. Ebidiira hu Abaamooni. Omwaami ateeba ati: Babulao abasaacha mu Yisiraeli, kose?
Babulahoo abanyala ohuwaabina esyaalo syaabwe?
Lwasiina mani baleha abaandu beenamira Moleki esituundu sy'enono ya Gaadi,
baamenya mu biko byasyo?
2Mani sakira, bone, ebiha bichia ohwoola,
Omwaami niye oboola,
lu njia ohukera ohulira hw'ebiita huwuliirihanire
mu Rabba, esiko sihoongo sy'Abaamooni.
Haandi syahalehwe nisiri ekuunda,
haandi engoongo chasyo chahasaambwe omuliro.
Olwo nilwo lu Yisiraeli syaheekobosere ebituundu byasyo ebyasinyakwaho.
Omwaami niye oboola.
3“Abaandu ba Hesibboni, muhubbe embuungu, olwohuba Ai sinyakirwe!
Eng'we abahaana ba Rabba, mulire!
Mweefwaale ebigunia,
mulire, mwiiruhire mu ngaka nimudikaana!
Olwohuba Moleki, nasaae weeng'we achia ohuyirwa mu jeela,
alala neende abalaamisi bae neende abachweenufu bae.
4Eng'we abaandu bataali abeesikwa,
lwasiina mweefumya neende amahooho keeng'we?
Eng'we abeesika obuyiinda bwako, nimuboola muti,
‘Wiina onatuseete?’
5Omwaami w'Obunyala aboola ati,
bone, njia ohubaleetera esitiisa
ohutula hu mbeka choosi.
Mani buli muundu yaheeruhe ohuwonia obulamu bwae,
abuleo ogumya amaye keeng'we.
6“Nae luunyuma, njia ohukobosera Abaamooni ehabi chaabwe. Ese Omwaami, Niise oboolere.”
Omwaami aheengera Edomu omusaango
7 #
Yis 34:5-17; 63:1-6; Esek 25:12-14; 35:1-15; Amos 1:11,12; Oba 1:1-14; Mal 1:2-5. Ebidiira hu Edomu.
Omwaami w'Obunyala aboola ebidiira hu Edomu ati:
“Mu baandu ba Temani, mubulamo ab'amakesi daawe?
Abakesikesi haba sibasiinyala ohukeraka daawe?
Amakesi kaabwe kakota kose?
8Eng'we aba Dedani,
mukaluuhane, mwiiruhe mweekise!
Olwohuba njia ohukwiisa hu beechuhulu ba Esau amasira,
esiha sy'ohubasaandya syoolere.
9Abaandu nibanoka emisabbiibbu,
balehaangaho ekiindi.
Abeebi nibeecha esiro,
bayiraangaho ebiindu bi badaha byoong'ene.
10Nae Ese, fwaluliire elalira abeechuhulu ba Esau, mani niimbaleha bihaya,
nimbwiihula ebituundu bi beekisamo,
mani haba sibanyala hweekisa daawe.
Abaana ba Edomu boosi basihiriire, neende bamwaanang'ina,
neende abaasye boosi, abulao odoong'ereo kata.
11Mulehe bamulehwa beeng'we, njia ohubaliinda bulai;
haandi lehe abahasi bafwiirwe beeng'we baandeesike.”
12Olwohuba Omwaami ateeba ati: “Nikali mbwe abo abatahoyerwa ohusaanda, bosi basaandisibwa, eng'we mubaasa muti haba simuchia husaandisibwa daawe? Haba simuchia hulehwa daawe, nae muchia ohusaandisibwa. 13Olwohuba ese Omwaami mweene, niise oweechubire endi esiko sya Bbosura syaheehole esitiisa, ekuunda, neende esibwaabo; haandi engoongo chisyebodoohaanie chaheehole amakuunda endaalo choosi.”
14Mani nimboola endi: Edomu, mbuliire omulaanga ohutula eyiri Omwaami,
haandi wamwaanda amalire ohutumwa mu byaalo ohuboola ati:
“Bibuuse alala amaye kabyo ohuhulwaania,
kachie mu biita!”
15Olwohuba, bone, Omwaami achia ohuhuhola obe omudiidi mu byaalo,
mani abaandu bahulekerese.
16Ohwehuduumbasa hwao ohwo huhubachirisa sa.
Abulao ohutya koti lw'obaasa.
Ewe omenya mu njafwa ch'olwaanda,
aakulu woolugulu luleeyi.
Kata awahaba nooli aakulu muno koti eeswi,
njia ohuhwaanulayo, Omwaami niye oboola.
17Omwaami aboola ati: “Amasira kahakwe hu Edomu kahabe akatiisa muno, buli owahabiteengeo yahaticheenge mani awukaho sa. 18#Huc 19:24,25.Koti lu Sodomu neende Gomora neende ebiko bibyebodohaanie byasihiriswa, nilwo sa lu Edomu syahasihiriswe, mani abuleo omuundu omenyamo, haandi yibuleo walukeenda olisibaamo. Omwaami niye oboola. 19Bone, koti lu dalang'i yahabbiichuhe niyitulira mu bichaha biri hu ndulo w'omwaalo kwa Yorodaani, mani niyichia mu bwaayiro bulai, syesi nilwo lu ndaheeche mani njiruse ab'Edomu mu syaalo syaabwe byaangu endyo. Mani omweemeresi yindahadoole niye owahatuke mu Edomu. Wiina mweene onyala ohundeekeraniaho? Wiina mweene onyala ohuunyiingania? Mutuki siina onyala ohuunyiingania? 20Mani sakira wulire bi Omwaami yetekeehe ohuhola hu baandu bomu Edomu, neende esichiiririrwa sy'ohuhola hu baandu bomu siko sya Temani. Kata neende abaana baabwe bayere bachia ohuhwehweeswa bayirwe, mani buli muundu yahateteeng'ale sa. 21Edomu nisyahakwe, syahabeeo esiyoka sy'amaani esyahakere esyaalo syoosi syaateengeereha, mani ekono lyasyo lyawuliirihana ohwoolera elalira hu Nyaanja Njahanyu. 22Bone, omusuku yahaseete Bbosura koti eeswi, niyibaambuule embaya chalyo. Hu ludaalo olwo, abasikaari b'amaani ba Edomu bahatye koti omuhasi olumwa engasi.”
Omwaami aheengera Damasiko omusaango
23 #
Yis 17:1-3; Amos 1:3-5; Sak 9:1. Ebidiira hu Damasiko
Bino nibyo bi Omwaami yalomaloma ebidiira hu Damasiko: “Abomu biko bya Hamati neende Aripaadi bibaheheere,
olwohuba bawuliire emboosi chitiisa.
Ohweyendeherera hubechuule mu myooyo.
Haba sibanyala huyenjeera daawe.
24Abaandu bomu Damasiko baweeremo amaani,
bakwiiremo oluteengo.
Obuchuuni neende engisa bi badiirire,
bali koti omuhasi olumwa engasi.
25Esiko simanyihaane haandi esyalichiingimo esangaalo
syebwaabire.
26Mani sakira abasaacha baraaga bamwo bachia ohwiitirwa mu ngira chaamwo,
haandi abasikaari basyo boosi bachia ohusihirira hu ludaalo olwo.
Omwaami w'Obunyala niye oboola.
27Njia ohuyaambya omuliro hu bida bya Damasiko,
mani kuchia ohusaamba amadooho k'omutuki Bbenadaadi.”
Ohuheengera omusaango oluya lwa Kedari neende esiko sya Hasoori
28Ebidiira hu Kedari neende obwaami bwa Hasoori bi Nebukadineesa omutuki wa Bbabbilooni yaamba.
Omwaami aboola ati:
Siingire, museete abaandu ba kedari!
Musihirise oluya lw'abaandu b'ebukwe!
29Munyake amayeema kaabwe neende ebyaayo byaabwe,
mudiire obutimba bwaabwe neende ebiindu biindi ebiri mu mayeema kaabwe.
Muyire engamia chaabwe,
mani mubaboolere muti: Ebitiisa bi bali hu nyaande choosi!
30“Eng'we abaandu ba Hasoori,
Yiruhe, muchie mweekise eyale muno.
Omwaami niye oboola.
Olwohuba Nebukadineesa omutuki wa Bbabbilooni
yetekeehe ohubaholaho esibi,
haandi abahobere.
31“Siingire, muchie museete abaandu bomu syaalo esyo,
abo abawulira bati bali mu muleembe.
Omwaami niye oboola.
Ebiko byaabwe bibulaho emilyaango kata sa ebiikalao,
haandi sibisiiliindwa daawe.
32Engamia chaabwe chichia ohunyakwa,
eng'oombe chaabwe chichia ohuyaaywa.
Njia ohusalaanisira hu nyaande choosi
abaandu abo abahendeesa efwiiri lyaabwe lyeembikitana.
Njia ohubakwiisaho amasira ohutula hu nyaande chaabwe choosi.
Omwaami niye oboola.
33Hasoori syaheehole esiparara sy'endaalo choosi,
abuundu yi mabbwe kamenya.
Abulao omuundu wahamenyemo,
haandi yibulao walukeenda owahamenye hoomo.”
Omwaami aheengera Elamu omusaango
34Sedekia niyali hu yaheehola omutuki wa Buyudaaya sa ati, Omwaami yalomaloma ebidiira hu Elamu, niyamboolera ati: 35Ese Omwaami w'Obunyala mboola endi: “Bona, njia ohwiita abalasi b'obuyiingo boosi, abo abahola Elamu ohuba esy'amaani. 36Njia ohuwuucha hu elamu omuyaka ohutula hu nyaande choosi ech'ekulu. Njia ohusalaania abaandu basyo boosi, mani sibuleo esyaalo kata silala sibanyala ohwiiruhiramo. 37Njia ohuleetera abaandu bomu Elamu ohutya abasuku baabwe, neende abo abakiiya ohubeeta. Mu bwaalaba bwaange bw'amaani, njia ohubakwiisaho amasira. Njia ohubatumira amaye ohwoola lu ndahabasihirise ndaabamalao boosi. 38Njia ohusihirisa abatuki baabwe, mani male nde mu Elamu esisaala syaange sy'obutuki. Ese Omwaami, Niise oboola.” 39“Nae luunyuma, njia ohubakobosa haandi ehabi liindi mu Elamu. Ese Omwaami, Niise oboola.”
©Bible Society of Kenya, 2019
©Bible Society of Uganda, 2019