Esekeeli 14
14
Nasaae yoolobya ohwiinamira ebitali Nasaae
1Ao mani abeemirisi ba Yisiraeli baandi nibeecha yi ndi ohundeteebaho, nibali nibeehala mu moni waange. 2Omwaami yalomaloma naange n'aboola ati: 3“Ewe omwaana w'omuundu, abasaacha bano baheengereo mu myooyo kyaabwe ohwiinamira ebiloongaloongwe, nibeleetera ohwonoona. Nyala endye ohubaleha banyale ohundeteebaho? 4Mani sakira lomaloma nabo obaboolere oti Omwaami Nasaae aboola ati: ‘Buli muundu womu syaalo sya Yisiraeli oheengao ohwiinamira ebiloongaloongwe, mani yeleetere ohwonoona, mani yeechia ohweteeba hu munabbi, Ese Omwaami njia ohumukobolaangamo mu ngeri yihoyeera neende amahabi k'aheengereo ohwiinamira ebiloongaloongwe, 5mani ndahatuunge abaandu bomu syaalo sya Yisiraeli abandulaho, baheengao ohwiinamira ebiloongaloongwe.’
6“Bulaanu boolera Abaisiraeli oti, Ese Omwaami Nasaae mboola endi: Mweyolobye mulehane neende ohwiinamira ebiloongaloongwe; haandi mulehane neende ohuhola eby'omusiro byeeng'we ebyo byoosi. 7Olwohuba buli Muisiraeli yeesi, oba walukeenda yeesi owamenya mu syaalo sya Yisiraeli, owundetusaho mani yaheengao mu mwooyo kwae ohwiinamira ebiloongaloongwe, mani yeleetera ohwonoona, niyeecha eyiri omunabbi ohundeteebaho, Ese Omwaami, Niise omweene ochia ohumukobolaangamo. 8Njia ohumukaluhaniraanga mani muhole ahalolero h'ohuboneraho eyiri abaandu baandi. Njia ohumutusao ahaye ohuba mu baandu baange, hu mumanye muti Niise Omwaami.
9“Nae omunabbi naabachwa, mani yaalomaloma esiindu syoosi, Ese Omwaami, Niise oba obachire omunabbi oyo, haandi njia ohumusaandya, mani musihirise mutuse mu baandu baange Abaisiraeli. 10Boombi bachia ohusaanda, omunabbi oyo achia ohusaanda neende oyo omweteebaho yeesi aba achia ohusaanda nasilala. 11Njia ohuhola endyo hu baandu bomu syaalo sya Yisiraeli bahaye haandi ohuundulaho, noomba ohwenyaasa nibahola ebiindu bibi. Nae banaabecheenge abaandu baange, haandi syesi mba Nasaae waabwe.” Nilwo lu Omwaami Nasaae aboola.
Nowa, Danieli neende Yobbu
12Omwaami yalomaloma naange n'aboola ati: 13“Ewe omwaana w'omuundu, niwiichuhana esyaalo syonoona mani ndaanyoolera, njia ohukolola omuhono kwaange mani sisaandye, haye ohusiberesa ebyohulya bisihoyera. Njia ohusitumira enjala mani simalemo abaandu neende ebisolo. 14Abaandu badatu bano, Nowa, Danieli neende Yobbu, nibahabeere mu syaalo esyo, abo boong'ene nibo abahawonisye obulamu bwaabwe, ohweema hu buluungifu bwaabwe.” Nilwo lu Omwaami Nasaae aboola. 15“Oba niinduma esolo ndeende ohubita mu syaalo esyo, chasinyaasa mani syehola ekuunda, abaandu baatya ohusibitamu hulw'esolo echo; 16kata abasaacha badatu bano nibahabeere nibali mu syaalo esyo, Ese Omwaami Nasaae ndeechuba endi, koti lu ndi Nasaae mulamu, haba sibahawoniisye abaana baabwe basyaani noomba abahaana. Nae bahawoniisye obulamu bwaabwe boong'ene, nae esyaalo syaadoong'a nisiri ekuunda. 17“Oba nindeeta ebiita hu syaalo esyo, mani ndaalagira endi biita haandi bisihiriseo abaandu neende ebisolo, 18kata basaacha badatu bano nibahabeere nibali mu syaalo esyo, Ese Omwaami Nasaae ndeechuba endi koti lu ndi Nasaae omulamu, haba sibahawoniisye abaana baabwe basyaani noomba abahaana. Nae abo boong'ene nibo abahawonisye obulamu bwaabwe. 19“Oba nisiindiha amalwaae mu syaalo ninjichuule etima, ohwiita neende ohusihirisamo abaandu neende ebisolo, 20kata Nowa, Danieli neende Yobbu nibahabeere nibali mu syaalo esyo, Ese Omwaami ndeechuba endi, koti lu ndi omulamu, haba sibahawoniisye abaana baabwe basyaani noomba abahaana; nae abo boong'ene nibo abahawonisye obulamu bwaabwe hulw'obuluungifu bwaabwe. 21#Hubwi 6:8.Olwohuba Omwaami Nasaae aboola ati: “Mani syahabe esy'amasira maangi muno niinduma hu Yerusalemu ebinyaaso byaange bine bino ebihiramo obwaalaba: ebiita, enjala, ebisolo byaalaba, neende amalwaae, ohusihirisa abaandu neende ebisolo. 22Kata katyo, wahabeeo abaandu badiidi abahawoneo haandi bawonia abaana baabwe basyaani neende abahaana. Abo nibo abahatuleo beecha yi muli, mwahabone ebiima neende ebiholwa byaabwe, ao niwo yi mulimanyira muti ebinyaaso bi mbereese Yerusalemu bibeere nibihoyera. 23Ao niwo yi mwahomiisire muti ndali neende esifune sy'elalira esyakera ndaahola hu Yerusalemu ebiindu ebyo byoosi. Ese Omwaami Nasaae, Niise oboolere.”
Currently Selected:
Esekeeli 14: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Esekeeli 14
14
Nasaae yoolobya ohwiinamira ebitali Nasaae
1Ao mani abeemirisi ba Yisiraeli baandi nibeecha yi ndi ohundeteebaho, nibali nibeehala mu moni waange. 2Omwaami yalomaloma naange n'aboola ati: 3“Ewe omwaana w'omuundu, abasaacha bano baheengereo mu myooyo kyaabwe ohwiinamira ebiloongaloongwe, nibeleetera ohwonoona. Nyala endye ohubaleha banyale ohundeteebaho? 4Mani sakira lomaloma nabo obaboolere oti Omwaami Nasaae aboola ati: ‘Buli muundu womu syaalo sya Yisiraeli oheengao ohwiinamira ebiloongaloongwe, mani yeleetere ohwonoona, mani yeechia ohweteeba hu munabbi, Ese Omwaami njia ohumukobolaangamo mu ngeri yihoyeera neende amahabi k'aheengereo ohwiinamira ebiloongaloongwe, 5mani ndahatuunge abaandu bomu syaalo sya Yisiraeli abandulaho, baheengao ohwiinamira ebiloongaloongwe.’
6“Bulaanu boolera Abaisiraeli oti, Ese Omwaami Nasaae mboola endi: Mweyolobye mulehane neende ohwiinamira ebiloongaloongwe; haandi mulehane neende ohuhola eby'omusiro byeeng'we ebyo byoosi. 7Olwohuba buli Muisiraeli yeesi, oba walukeenda yeesi owamenya mu syaalo sya Yisiraeli, owundetusaho mani yaheengao mu mwooyo kwae ohwiinamira ebiloongaloongwe, mani yeleetera ohwonoona, niyeecha eyiri omunabbi ohundeteebaho, Ese Omwaami, Niise omweene ochia ohumukobolaangamo. 8Njia ohumukaluhaniraanga mani muhole ahalolero h'ohuboneraho eyiri abaandu baandi. Njia ohumutusao ahaye ohuba mu baandu baange, hu mumanye muti Niise Omwaami.
9“Nae omunabbi naabachwa, mani yaalomaloma esiindu syoosi, Ese Omwaami, Niise oba obachire omunabbi oyo, haandi njia ohumusaandya, mani musihirise mutuse mu baandu baange Abaisiraeli. 10Boombi bachia ohusaanda, omunabbi oyo achia ohusaanda neende oyo omweteebaho yeesi aba achia ohusaanda nasilala. 11Njia ohuhola endyo hu baandu bomu syaalo sya Yisiraeli bahaye haandi ohuundulaho, noomba ohwenyaasa nibahola ebiindu bibi. Nae banaabecheenge abaandu baange, haandi syesi mba Nasaae waabwe.” Nilwo lu Omwaami Nasaae aboola.
Nowa, Danieli neende Yobbu
12Omwaami yalomaloma naange n'aboola ati: 13“Ewe omwaana w'omuundu, niwiichuhana esyaalo syonoona mani ndaanyoolera, njia ohukolola omuhono kwaange mani sisaandye, haye ohusiberesa ebyohulya bisihoyera. Njia ohusitumira enjala mani simalemo abaandu neende ebisolo. 14Abaandu badatu bano, Nowa, Danieli neende Yobbu, nibahabeere mu syaalo esyo, abo boong'ene nibo abahawonisye obulamu bwaabwe, ohweema hu buluungifu bwaabwe.” Nilwo lu Omwaami Nasaae aboola. 15“Oba niinduma esolo ndeende ohubita mu syaalo esyo, chasinyaasa mani syehola ekuunda, abaandu baatya ohusibitamu hulw'esolo echo; 16kata abasaacha badatu bano nibahabeere nibali mu syaalo esyo, Ese Omwaami Nasaae ndeechuba endi, koti lu ndi Nasaae mulamu, haba sibahawoniisye abaana baabwe basyaani noomba abahaana. Nae bahawoniisye obulamu bwaabwe boong'ene, nae esyaalo syaadoong'a nisiri ekuunda. 17“Oba nindeeta ebiita hu syaalo esyo, mani ndaalagira endi biita haandi bisihiriseo abaandu neende ebisolo, 18kata basaacha badatu bano nibahabeere nibali mu syaalo esyo, Ese Omwaami Nasaae ndeechuba endi koti lu ndi Nasaae omulamu, haba sibahawoniisye abaana baabwe basyaani noomba abahaana. Nae abo boong'ene nibo abahawonisye obulamu bwaabwe. 19“Oba nisiindiha amalwaae mu syaalo ninjichuule etima, ohwiita neende ohusihirisamo abaandu neende ebisolo, 20kata Nowa, Danieli neende Yobbu nibahabeere nibali mu syaalo esyo, Ese Omwaami ndeechuba endi, koti lu ndi omulamu, haba sibahawoniisye abaana baabwe basyaani noomba abahaana; nae abo boong'ene nibo abahawonisye obulamu bwaabwe hulw'obuluungifu bwaabwe. 21#Hubwi 6:8.Olwohuba Omwaami Nasaae aboola ati: “Mani syahabe esy'amasira maangi muno niinduma hu Yerusalemu ebinyaaso byaange bine bino ebihiramo obwaalaba: ebiita, enjala, ebisolo byaalaba, neende amalwaae, ohusihirisa abaandu neende ebisolo. 22Kata katyo, wahabeeo abaandu badiidi abahawoneo haandi bawonia abaana baabwe basyaani neende abahaana. Abo nibo abahatuleo beecha yi muli, mwahabone ebiima neende ebiholwa byaabwe, ao niwo yi mulimanyira muti ebinyaaso bi mbereese Yerusalemu bibeere nibihoyera. 23Ao niwo yi mwahomiisire muti ndali neende esifune sy'elalira esyakera ndaahola hu Yerusalemu ebiindu ebyo byoosi. Ese Omwaami Nasaae, Niise oboolere.”
©Bible Society of Kenya, 2019
©Bible Society of Uganda, 2019