Esekeeli 10
10
Oluyaali lw'Omwaami luleha Enyuumba ya Nasaae
1 #
Esek 1:26; Hubwi 4:2. Ndatingaala mu bbaanga lyali aakulu w'emitwe ky'abakerubbi, niimbona esiindu sifwaana koti esisaala sy'obutuki esyaholwa mu safire. 2#Hubwi 8:5.Omwaami yaboolera omusaacha wali niyefwaalire engubo ndafu ati: “Chia wiingire akatikaati w'emikuruduumu kyebodoohaanira aasi w'abakerubbi, otuseo amaanda kaaduha omuliro akali akatikaati w'abakerubbi, okeechuse mu mahono kao, mani okawaanye hu siko esyo.”
Mani nimubona niyeengira. 3Bulaanu abakerubbi bali nibeemere hu lwaande lw'emwaalo lw'Enyuumba ya Nasaae, ebiha bi musaacha oyo yeengiriramo. Esireesi nisiichula mu lwaanyi lwomuukati. 4Mani oluyaali lw'Omwaami niluniina ohutula aakulu w'abakerubbi niluchia aakulu w'omulyaango kw'Enyuumba ya Nasaae. Enyuumba yoosi niyiichula esireesi, nae olwaanyi nilwiichula obulafu bw'oluyaali lw'Omwaami. 5Ohuwuuma hw'embaya ch'abakerubbi nihuwulirihana ohwoola mu lwaanyi lw'erwaanyi, ohuli koti ekono lya Nasaae w'Obunyala bwoosi naalomaloma.
6Omwaami yalagira omusaacha wali niyefwaalire engubo ndafu ati: “Tusao omuliro kuli akatikaati w'emikuruduumu kyeebodoohania ekiri aasi w'abakerubbi.” Omusaacha oyo yeengira yeema hu ndulo w'omukuruduumu. 7Ao mani silala hu biloonge by'embaya nisikololera omuhono kwasyo hu muliro kwali akatikaati waabyo, naabukulaho amaanda kakwo madiidi kati, naakata mu mahono k'omusaacha wali niyefwaalire engubo ndafu. Omusaacha oyo nakabukula, mani naatula erwaanyi. 8Ndabona silala hu biloonge by'embaya nisifwaana koti omuhono kw'omuundu nisiri aasi w'embaya chasyo. 9#Esek 1:15-21.Nae nindatingaala, mani bone, waliwo emikuruduumu kine hu ndulo w'abakerubbi, omukuruduumu mulala hu buli siloonge. Emikuruduumu ekyo kyali nikimilamilana koti amakina k'engaanga y'aakulu muno. 10Emikuruduumu kine ekyo kyali nikifwaanana mu hubonehana hwakyo, nookibona oti omukuruduumu kuli mukati w'omukuruduumu kuundi. 11Mu hukeenda, abakerubbi abo banyalaanga ohuchiira hu lwaande lwoosi, hu nyaande chaabyo chine, naabulao ohukaluuhana mberi, nae buli yibyadahaanga ohuchia niyo yibyachichaanga. Yi buli mukuruduumu kw'emutwe kwaabyo kwatingaalaanga, niyo yi kiindi kyaloondaanga ataali ohukaluuhana mberi. 12#Hubwi 4:8.Omubiri kwaabyo, emikoongo kyaabyo, embaya chaabyo, neende emikuruduumu kyaabyo kyali nikiichuuleho emoni nikibyebodoohania. 13Ndawulira emikuruduumu ekyo nikilaangwa kiti, “Emikuruduumu kyebodoohania.” 14#Esek 1:10; Hubwi 4:7.Buli siloonge sy'embaya syalichiingi neende obweeni bune, obweeni butaangira bwali obw'esurusi, obwohubiri bwali obw'omuundu, obwohudatu bwali obw'edalaang'i, nae obweeni bwohune bwali obw'eeswi. 15Mani abakerubbi nibabburuha nibiniina aakulu mu bbaanga. Bino nibyo ebiloonge bilamu bi ndali nibweene hu ndulo w'Omwaalo kwa Kebbari bira. 16Nibyabburuhaanga aakulu mu bbaanga, emikuruduumu ekyo kyosi kyachiiraangaho hu ndulo. Nibyapapalaanga embaya chaabyo nichibburuha ohutula hu loba, emikuruduumu kyosi kyachichaanga nabo. 17Nibyeemaanga, emikuruduumu kyosi kyeemaanga. Nae nibyabburuhaanga, emikuruduumu kyosi kyabburuhaanga nabyo; olwohuba omwooyo kw'ebiloonge bilamu ebyo kwalichiingi mu mikuruduumu ekyo.
18Ao oluyaali lw'Omwaami nilutula aakulu w'omulyaango kw'Enyuumba ya Nasaae, nilweema aakulu w'abakerubbi abo. 19Abakerubbi abo babaambula embaya chaabwe, byabburuha ohutula hu loba nimbona koti lu baniina nibawaao; emikuruduumu kyosi nikiwaao alala nabo. Mani nibeema hu siruwa sy'ebukwe esy'Enyuumba ya Nasaae; haandi oluyaali lwa Nasaae wa Yisiraeli lwali aakulu waabyo. 20Bino nibyo ebiloonge bilamu bi ndali nimbweene Nasaae wa Yisiraeli hu ndulo w'Omwaalo kwa Kebbari bira; niimanya endi nibo abakerubbi. 21Buli situlayo syali neende obweeni bune, neende embaya chine, haandi aasi w'embaya chaabyo, waliwo ebifwaana koti emoni ch'abaandu. 22Efwaani y'obweeni bwaabyo, yali sa koti obweeni bu ndali nimbweene hu ndulo w'Omwaalo kwa Kebbari. Mu huboneha hwaabyo, byakeendaanga nibikololoohe.
Currently Selected:
Esekeeli 10: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Esekeeli 10
10
Oluyaali lw'Omwaami luleha Enyuumba ya Nasaae
1 #
Esek 1:26; Hubwi 4:2. Ndatingaala mu bbaanga lyali aakulu w'emitwe ky'abakerubbi, niimbona esiindu sifwaana koti esisaala sy'obutuki esyaholwa mu safire. 2#Hubwi 8:5.Omwaami yaboolera omusaacha wali niyefwaalire engubo ndafu ati: “Chia wiingire akatikaati w'emikuruduumu kyebodoohaanira aasi w'abakerubbi, otuseo amaanda kaaduha omuliro akali akatikaati w'abakerubbi, okeechuse mu mahono kao, mani okawaanye hu siko esyo.”
Mani nimubona niyeengira. 3Bulaanu abakerubbi bali nibeemere hu lwaande lw'emwaalo lw'Enyuumba ya Nasaae, ebiha bi musaacha oyo yeengiriramo. Esireesi nisiichula mu lwaanyi lwomuukati. 4Mani oluyaali lw'Omwaami niluniina ohutula aakulu w'abakerubbi niluchia aakulu w'omulyaango kw'Enyuumba ya Nasaae. Enyuumba yoosi niyiichula esireesi, nae olwaanyi nilwiichula obulafu bw'oluyaali lw'Omwaami. 5Ohuwuuma hw'embaya ch'abakerubbi nihuwulirihana ohwoola mu lwaanyi lw'erwaanyi, ohuli koti ekono lya Nasaae w'Obunyala bwoosi naalomaloma.
6Omwaami yalagira omusaacha wali niyefwaalire engubo ndafu ati: “Tusao omuliro kuli akatikaati w'emikuruduumu kyeebodoohania ekiri aasi w'abakerubbi.” Omusaacha oyo yeengira yeema hu ndulo w'omukuruduumu. 7Ao mani silala hu biloonge by'embaya nisikololera omuhono kwasyo hu muliro kwali akatikaati waabyo, naabukulaho amaanda kakwo madiidi kati, naakata mu mahono k'omusaacha wali niyefwaalire engubo ndafu. Omusaacha oyo nakabukula, mani naatula erwaanyi. 8Ndabona silala hu biloonge by'embaya nisifwaana koti omuhono kw'omuundu nisiri aasi w'embaya chasyo. 9#Esek 1:15-21.Nae nindatingaala, mani bone, waliwo emikuruduumu kine hu ndulo w'abakerubbi, omukuruduumu mulala hu buli siloonge. Emikuruduumu ekyo kyali nikimilamilana koti amakina k'engaanga y'aakulu muno. 10Emikuruduumu kine ekyo kyali nikifwaanana mu hubonehana hwakyo, nookibona oti omukuruduumu kuli mukati w'omukuruduumu kuundi. 11Mu hukeenda, abakerubbi abo banyalaanga ohuchiira hu lwaande lwoosi, hu nyaande chaabyo chine, naabulao ohukaluuhana mberi, nae buli yibyadahaanga ohuchia niyo yibyachichaanga. Yi buli mukuruduumu kw'emutwe kwaabyo kwatingaalaanga, niyo yi kiindi kyaloondaanga ataali ohukaluuhana mberi. 12#Hubwi 4:8.Omubiri kwaabyo, emikoongo kyaabyo, embaya chaabyo, neende emikuruduumu kyaabyo kyali nikiichuuleho emoni nikibyebodoohania. 13Ndawulira emikuruduumu ekyo nikilaangwa kiti, “Emikuruduumu kyebodoohania.” 14#Esek 1:10; Hubwi 4:7.Buli siloonge sy'embaya syalichiingi neende obweeni bune, obweeni butaangira bwali obw'esurusi, obwohubiri bwali obw'omuundu, obwohudatu bwali obw'edalaang'i, nae obweeni bwohune bwali obw'eeswi. 15Mani abakerubbi nibabburuha nibiniina aakulu mu bbaanga. Bino nibyo ebiloonge bilamu bi ndali nibweene hu ndulo w'Omwaalo kwa Kebbari bira. 16Nibyabburuhaanga aakulu mu bbaanga, emikuruduumu ekyo kyosi kyachiiraangaho hu ndulo. Nibyapapalaanga embaya chaabyo nichibburuha ohutula hu loba, emikuruduumu kyosi kyachichaanga nabo. 17Nibyeemaanga, emikuruduumu kyosi kyeemaanga. Nae nibyabburuhaanga, emikuruduumu kyosi kyabburuhaanga nabyo; olwohuba omwooyo kw'ebiloonge bilamu ebyo kwalichiingi mu mikuruduumu ekyo.
18Ao oluyaali lw'Omwaami nilutula aakulu w'omulyaango kw'Enyuumba ya Nasaae, nilweema aakulu w'abakerubbi abo. 19Abakerubbi abo babaambula embaya chaabwe, byabburuha ohutula hu loba nimbona koti lu baniina nibawaao; emikuruduumu kyosi nikiwaao alala nabo. Mani nibeema hu siruwa sy'ebukwe esy'Enyuumba ya Nasaae; haandi oluyaali lwa Nasaae wa Yisiraeli lwali aakulu waabyo. 20Bino nibyo ebiloonge bilamu bi ndali nimbweene Nasaae wa Yisiraeli hu ndulo w'Omwaalo kwa Kebbari bira; niimanya endi nibo abakerubbi. 21Buli situlayo syali neende obweeni bune, neende embaya chine, haandi aasi w'embaya chaabyo, waliwo ebifwaana koti emoni ch'abaandu. 22Efwaani y'obweeni bwaabyo, yali sa koti obweeni bu ndali nimbweene hu ndulo w'Omwaalo kwa Kebbari. Mu huboneha hwaabyo, byakeendaanga nibikololoohe.
©Bible Society of Kenya, 2019
©Bible Society of Uganda, 2019