Amosi 6
6
Ohusihiriswa hwa Yisiraeli
1“Chibaakaanire, abo abali bulai mu Siyooni,
neende abo abataali neende sibatya hu lugulu lwa Samaria,
eng'we abachweenufu bomu syaalo sihoongo sya Yisiraeli sino,
eng'we b'abaandu beecha yi muli nibakoonya obuhoonyi.
2Mwaambuhe muchie Kalune, mani mubone;
mutule eyo, mani muchie mu siko sihoongo sya Hamati;
haandi mwiihirire muchie Gaati, esiko sy'Abafilisiti.
Ebiko ebyo bihira ebiko byomu Buyudaaya oba ebyomu Yisiraeli obulai?
Oba esyaalo syaabwe sihira esyeeng'we obuhoongo?
3Eng'we muhayire ohufukiirira muti oludaalo lw'amasira luli aambi ohwoola,
mani nimuhola ebiindu bi lusudya aambi sa.
4“Chibaakaanire, eng'we abeyalisa hu bitaanda bilai,
haandi nimweekolola hu buliri bweeng'we,
mani nimuhola ebidyaalo by'enyama y'amakoondi madoto,
neende emoosi chomu bidwooli byeeng'we.
5Eng'we bahubbaanga obuhana nimweemba enyembo ch'ohwesaangaasa,
haandi muhola obuhana buyaaha koti lu Daudi yaholaanga.
6Eng'we bang'weeraanga efiini mu bikwaada,
haandi mweebaha amafuta malai muno,
nae haba simuchuunirwa ohusihiriswa hwa Yisiraeli.
7Mani sakira niing'we abahataangire ohuchia mu bwiiruhiro.
Mani ebidyaalo byeeng'we bibasaangaasa byahaakame.”
8Omwaami Nasaae, omweene niye owechubire ati
(Omwaami Nasaae w'Obunyala) aboola ati:
“Haba siindaha ohwehuduumbasa hw'Abaisiraeli,
haandi ndekeeresa enyuumba chaabwe ndai;
mani njia ohudiisa esiko esyo neende buli siindu sisirimo mu mahono k'abasuku baabwe.”
9Mani abaandu ehumi nibahadoong'e mu nyuumba ndala, boosi bahafwe. 10Omwiiho w'omuundu mufu, ohoyere ohumusiiha, niyahatuse omulaambo mu nyuumba, aliteeba oyo owahabe nasidoong'ere mu sigoro syomuukati syeene ati: “Aliwo osidoong'ereho naawe?” Mani yahakobolemo ati: “Daawe.” Yahaboole ati: “Wuleera! Huhaye kata ohutuumbulaho eliita ly'Omwaami.”
11Olwohuba bone, Omwaami alagira,
mani enyuumba hoongo yahalikuhemo mu bituundu-tuundu,
neende enyuumba ndiidi niyilikuhamo ebituundu-tuundu.
12Efaraasi chiiruhiraanga hu nyaanda?
Abaandu balimyaanga endaawu hu nyaanja?
Nae eng'we, mukaluuhaanie obwadyeeri ohuba obutwa,
haandi obuluungifu, mubukaluuhanie ohuba obuhyaamu.
13Mweehoya hulw'ohuwaamba esiko sya Lodebbari,
haandi mweefumia nimuboola muti: “Abeene hwenyoleere neende amaani keefwe
mani hwawaamba esiko sya Karinaimu hulw'amaani keefwe.”
14Omwaami Nasaae w'Amaye aboola ati:
“Eng'we Abaisiraeli, bone, njia ohusiingisa esyaalo siindi ohubalwaania.”
“Mani bahabasaandye ohutulira elalira Hamati
ohwoola hu haalo ha Arabba emwaalo.”
Currently Selected:
Amosi 6: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Amosi 6
6
Ohusihiriswa hwa Yisiraeli
1“Chibaakaanire, abo abali bulai mu Siyooni,
neende abo abataali neende sibatya hu lugulu lwa Samaria,
eng'we abachweenufu bomu syaalo sihoongo sya Yisiraeli sino,
eng'we b'abaandu beecha yi muli nibakoonya obuhoonyi.
2Mwaambuhe muchie Kalune, mani mubone;
mutule eyo, mani muchie mu siko sihoongo sya Hamati;
haandi mwiihirire muchie Gaati, esiko sy'Abafilisiti.
Ebiko ebyo bihira ebiko byomu Buyudaaya oba ebyomu Yisiraeli obulai?
Oba esyaalo syaabwe sihira esyeeng'we obuhoongo?
3Eng'we muhayire ohufukiirira muti oludaalo lw'amasira luli aambi ohwoola,
mani nimuhola ebiindu bi lusudya aambi sa.
4“Chibaakaanire, eng'we abeyalisa hu bitaanda bilai,
haandi nimweekolola hu buliri bweeng'we,
mani nimuhola ebidyaalo by'enyama y'amakoondi madoto,
neende emoosi chomu bidwooli byeeng'we.
5Eng'we bahubbaanga obuhana nimweemba enyembo ch'ohwesaangaasa,
haandi muhola obuhana buyaaha koti lu Daudi yaholaanga.
6Eng'we bang'weeraanga efiini mu bikwaada,
haandi mweebaha amafuta malai muno,
nae haba simuchuunirwa ohusihiriswa hwa Yisiraeli.
7Mani sakira niing'we abahataangire ohuchia mu bwiiruhiro.
Mani ebidyaalo byeeng'we bibasaangaasa byahaakame.”
8Omwaami Nasaae, omweene niye owechubire ati
(Omwaami Nasaae w'Obunyala) aboola ati:
“Haba siindaha ohwehuduumbasa hw'Abaisiraeli,
haandi ndekeeresa enyuumba chaabwe ndai;
mani njia ohudiisa esiko esyo neende buli siindu sisirimo mu mahono k'abasuku baabwe.”
9Mani abaandu ehumi nibahadoong'e mu nyuumba ndala, boosi bahafwe. 10Omwiiho w'omuundu mufu, ohoyere ohumusiiha, niyahatuse omulaambo mu nyuumba, aliteeba oyo owahabe nasidoong'ere mu sigoro syomuukati syeene ati: “Aliwo osidoong'ereho naawe?” Mani yahakobolemo ati: “Daawe.” Yahaboole ati: “Wuleera! Huhaye kata ohutuumbulaho eliita ly'Omwaami.”
11Olwohuba bone, Omwaami alagira,
mani enyuumba hoongo yahalikuhemo mu bituundu-tuundu,
neende enyuumba ndiidi niyilikuhamo ebituundu-tuundu.
12Efaraasi chiiruhiraanga hu nyaanda?
Abaandu balimyaanga endaawu hu nyaanja?
Nae eng'we, mukaluuhaanie obwadyeeri ohuba obutwa,
haandi obuluungifu, mubukaluuhanie ohuba obuhyaamu.
13Mweehoya hulw'ohuwaamba esiko sya Lodebbari,
haandi mweefumia nimuboola muti: “Abeene hwenyoleere neende amaani keefwe
mani hwawaamba esiko sya Karinaimu hulw'amaani keefwe.”
14Omwaami Nasaae w'Amaye aboola ati:
“Eng'we Abaisiraeli, bone, njia ohusiingisa esyaalo siindi ohubalwaania.”
“Mani bahabasaandye ohutulira elalira Hamati
ohwoola hu haalo ha Arabba emwaalo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019