Loma 13
13
Mapanadnad so amyokod nyaten a seyvo
1Mamimin o tao a omanod so nakenakem do amyokod no seyvo. Ta o iyan no makayokod a tao am nakenakem na ori ni Ama ta do to. Ta o oyowyat da a amyokod no seyvo am apo ji Ama ta do to. 2O mapasobna do seyvo am akmey si Ama ta do to o pasobnan da. O akman rana sang a tao am jyabo kaji na ngyanan no ipasingsingkad na sira. 3Ta o vazay no manyokod a tao am jyanyaheyan no apiya so ahahapan sya tao. Am ikanyahey ori no marahet so ahahapan sya tao. Mo ikanyahey o makayokod so tao ang? No si ikanyahey mo am mangasi ka so tao, ta ori o sarayan na nimo. 4Ta iya rana am lamlamsoy na ni Ama ta do to. O vazay na am ipeypapya nyo. Am no si pasobnan nyo am manoyong kanyahey nyo nya. Ta manoyong ori a nipamnekan na ni Ama ta do to amwoya no mapasobna a tao. 5Am ori o onotan nyo do makayokod ninyo. Am beken a kanyahey nyo no oyaoyyan na ninyo, ta omaing do onowned nyo rana a makateneng do apya kano marahet.
6O itoro nyo a deyking do seyvo am itoro nyo, ta o meyvazay da no amyokod ninyo a tao am vazay ori ni Ama ta do to. 7Am ori o torwan nyo jira. Ikanig nyo sira.
Ikarilaw nyo o icyatatao nyo
8No amyan so nivood nyo jira am ji nyo peyyahahaya a paolin. To nyo peyyononga o karilaw nyo no icyatatao nyo. No si mangarilaw ka so tao am manoyong ka na nimakahap so iwawalam na ni Ama ta do to. 9Ta o ciring a, “Ji mangzakza. Ji manwakwak. Ji manakaw. Ji mangagom,”#13:9 Soayci Ci 20:13-15,17; Sen Ming Ci 5:17-19,21. a kano yamakakaday pa a iwawalam na am na to zaksa ori no yasa ka ciring. O ciring ori am, “O aryarilaw mo so kataotao mo am akman sang o karilawan mo no icyatatao mo.”#13:9 Diwey Ci 19:18. 10O mangarilaw so icyatatao am ji mapeyvazay so marahet a vazay a. Ta o akman rana sang am manoyong rana makahap so nanao na ni Ama ta do to.
11Peyvazain nyo o akman sang. Ta nyo katenngan o kakeykai na rana ni Yeso a mai a mahap jyaten. So ji nyo to ngitkehi. Ta meytataziman kamo. 12Yakomavos rana o marahet a vazay da no tao do karawan. Na kapakaranes rana no yapiya na patazadangan jyaten ni Ama ta do to. Am ori o ji ta to peyvazai so jyapsepsek a vazay ta. Ta kahap ta so apiya vazay akmey voovoo a ipakaharag ta so amlita jyaten a Satan. 13To ta peynara o icicirawat do maraw. Ji ta to ngyop so saki. Ji pasagpyana o aktokto. Ji maciskaskad. Ji manginanahet. 14Ahapen nyo si Yeso Kizisto a Panirsirngen ta, akma nyoy voovoo a ipzat nyo do onowned nyo. Ji nyo to mamyapyan o kapeyraraten nyo. So ingtwan nyo do kataotao nyo.
Currently Selected:
Loma 13: snt
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan
Loma 13
13
Mapanadnad so amyokod nyaten a seyvo
1Mamimin o tao a omanod so nakenakem do amyokod no seyvo. Ta o iyan no makayokod a tao am nakenakem na ori ni Ama ta do to. Ta o oyowyat da a amyokod no seyvo am apo ji Ama ta do to. 2O mapasobna do seyvo am akmey si Ama ta do to o pasobnan da. O akman rana sang a tao am jyabo kaji na ngyanan no ipasingsingkad na sira. 3Ta o vazay no manyokod a tao am jyanyaheyan no apiya so ahahapan sya tao. Am ikanyahey ori no marahet so ahahapan sya tao. Mo ikanyahey o makayokod so tao ang? No si ikanyahey mo am mangasi ka so tao, ta ori o sarayan na nimo. 4Ta iya rana am lamlamsoy na ni Ama ta do to. O vazay na am ipeypapya nyo. Am no si pasobnan nyo am manoyong kanyahey nyo nya. Ta manoyong ori a nipamnekan na ni Ama ta do to amwoya no mapasobna a tao. 5Am ori o onotan nyo do makayokod ninyo. Am beken a kanyahey nyo no oyaoyyan na ninyo, ta omaing do onowned nyo rana a makateneng do apya kano marahet.
6O itoro nyo a deyking do seyvo am itoro nyo, ta o meyvazay da no amyokod ninyo a tao am vazay ori ni Ama ta do to. 7Am ori o torwan nyo jira. Ikanig nyo sira.
Ikarilaw nyo o icyatatao nyo
8No amyan so nivood nyo jira am ji nyo peyyahahaya a paolin. To nyo peyyononga o karilaw nyo no icyatatao nyo. No si mangarilaw ka so tao am manoyong ka na nimakahap so iwawalam na ni Ama ta do to. 9Ta o ciring a, “Ji mangzakza. Ji manwakwak. Ji manakaw. Ji mangagom,”#13:9 Soayci Ci 20:13-15,17; Sen Ming Ci 5:17-19,21. a kano yamakakaday pa a iwawalam na am na to zaksa ori no yasa ka ciring. O ciring ori am, “O aryarilaw mo so kataotao mo am akman sang o karilawan mo no icyatatao mo.”#13:9 Diwey Ci 19:18. 10O mangarilaw so icyatatao am ji mapeyvazay so marahet a vazay a. Ta o akman rana sang am manoyong rana makahap so nanao na ni Ama ta do to.
11Peyvazain nyo o akman sang. Ta nyo katenngan o kakeykai na rana ni Yeso a mai a mahap jyaten. So ji nyo to ngitkehi. Ta meytataziman kamo. 12Yakomavos rana o marahet a vazay da no tao do karawan. Na kapakaranes rana no yapiya na patazadangan jyaten ni Ama ta do to. Am ori o ji ta to peyvazai so jyapsepsek a vazay ta. Ta kahap ta so apiya vazay akmey voovoo a ipakaharag ta so amlita jyaten a Satan. 13To ta peynara o icicirawat do maraw. Ji ta to ngyop so saki. Ji pasagpyana o aktokto. Ji maciskaskad. Ji manginanahet. 14Ahapen nyo si Yeso Kizisto a Panirsirngen ta, akma nyoy voovoo a ipzat nyo do onowned nyo. Ji nyo to mamyapyan o kapeyraraten nyo. So ingtwan nyo do kataotao nyo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan