Nimlivolivon 28
28
No keyyan da Pawlo do Maarta pongso
1Makarala namen rana do pamsan na am katenngan namen rana o kapongpongso na a ngaranan da so Maarta. 2No kanang rana am macimoy a karekmeh na. Am apya sira dang o meyili a tao. Ta nitaotao da yamen a kapeydokdok da nyamen so apoy a panangdangan namen. 3Pangain na ni Pawlo o nikpeh na kayo do panangdangan namen am makowbot o mavowaw, ta nikakwatan a kalavicin na do lima na a somongit sya. 4Macita da no meyili dang a tao am maniring sira am, “Yajya nimangap so tao ya. Tana yaji nimawakwak ya do karakwan no awa am oya rana na masapa a alalaw na, do na kapeyraraten.” 5Karahan am toktoken na rana ni Pawlo o mavowaw do apoy am abo o nipeyzazan na. 6To da pananala no aro a tao o kalipad no lima na, kawakwak na am abo imeymonan da sya. Am ori o nipeyzokaban da nya. Maniring rana sira am, “Ala tao do to ya?”
7Amyan dang so tao a macisngen so nihakawan a meyngaran si Popaydi a panirsirngen da. Macita na yamen am yangay na yamen do vahay da a taotawwen so katlo araw. 8No kanang am nimeyngen o velek na ni ama na ni Popaydi a kapeyingwat na pa sya. Mangay jya si Pawlo am paoptahen na o lima na do kataotao na a meynozi nya. Ori o nikapya na rana. 9Mamizing da o vazay ni Pawlo no tao do dang am meykayyai o meykeyngeyngen a tao. So ikamimin da apya rana a nipeynozi ni Pawlo. 10Nimacipinda no kanang o kanig da nyamen no tao. Karwan namen rana sira am aro o apzapzatan a nitoro da jyamen a paciralayan namen a mangay do asa ka avang.
Makaranes sira Pawlo do Loma
11Mavitos rana o katlo a vehan am mavang namen do asa ka avang apo do Yadisanta a nimanbong dang do karahet no kakawan do ahemyan. O avang rana ori am ngaranan da so Adwa ka tao do to. 12Makaranes rana o avang do Silako a ili am nimeywalam namen dang so katlo araw. 13Karwan namen dang am mangay namen rana do Leciang. Ikadwa na araw am somazawsaw. Am ori o nipavyotan na jyamen so kasaraw a kapakaranes namen rana do Potidi a ili. 14Makarahan am makasazi namen do dang so akma nameney kakteh do cinai. Nipeyseysan da yamen so kapito araw a kalam namen mangay rana do Loma. 15Mamizing da yamen no amyan do Loma akma nameney kakteh do cinai am mangay da tazapyahen yamen do rako a panazangan a ngaranan da a Yapio. O karwan da am nimangay sira do ngaranan da so Meykatlo a iseysanan a ili a tomazapya jyamen. Macita na sira ni Pawlo am isaray na ji Ama ta do to. Ta nikaitan o onowned na. 16Makaranes namen do Loma am apyahen da si Pawlo a kano amzat jya itaysang a meyvahay do asa ka vahay.
Mangononong si Pawlo do Loma
17Ikatlo na araw am lovoten na sira ni Pawlo o panipanirsirngen da no tao do Yotay. Maniring jira si Pawlo am, “Manga kahakay, yaken rana am tana ko jya niraherahet o keylyan ta a yajya nimapasobna do iwawalam no ineynapo ta am da todey amtenga yaken do Yelosaleng a da kangay nyaken do panirsirngen no Loma a pacicin. 18No kapacici da jyaken am ji da kala o karatan ko a izakat da jyaken. Ori o naknakman da so kapasaway da jyaken. 19Am raten da no keylyan ta tao do Yotay. Am ori o to ko na manci nya so kangay ko do tangain ni Kaysa. Am yabwata o yasa ka ciring a ko iraherahet so keylyan ta tao do Yotay. 20Am ori o ko kakzeban jinyo a yapacisirsirngan. Ta o da nivaodan jyaken am yaomagaz do ko kanoyong ji Yeso Kizisto a yarana mownay a da pananalahen no Isedi a tao.”
21Maniring sira ji Pawlo am, “O akman rana sang a vazay mo am yabo namen nimahap a teygami apo do ili nyo a omagaz jimo. Yabwata do keylyan nyo o asa ka tao a nimapo do dang a yamraherahet jimo. 22Am pancyan pala jyamen, ta namen katenngan inyo a yamraralay ni Yeso a da pacioyyan no aro a tao do peycyeylilyan na.”
23Meyratateng am mamnek sira so kasaraw a ipeylovolovot da so tao a omamizing so ciring ni Pawlo. Marateng rana o araraw na am aro sira o tao a nimai a omamizing so ciring ni Pawlo. Meyratateng am papwen na ni Pawlo do penzak a kangay na nya do mahep a omononong do italamozong na ni Ama ta do to a mapanod sira. Meyratateng am vilangan na o iwawalam na ni Moyse a kano vakong da no panoyonoywan na ciring ni Ama ta do to no kakwa a mapanop sira a omanoyong ji Yeso. 24O nipanci na ciriciring am amyan so tao a niomanoyong jya. Amyan so ji nganoyong jya. 25So ipeytaretarek no nakenakem da. Am ori o to da na meysyasyai. No kaji da pa meysyasyayan am maniring si Pawlo jira am, “Manoyong o nipanci no Seyzi do ineynapo ta a nivatvatkan ni Isayya a panoyonoywan na so ciring ni Ama ta do to. 26Maniring si Isayya am,
‘Mey mo ipanci do aro a tao an. Manoyong o kamizing nyo sya am ji nyo a tenngi. Macita nyo am ji nyo a pengkad.
27Ta tey masalit o onowned da no tao eya. O cicilwan da am yakacilcilan. O mata da am yameyreket. Ta no sira macipayok so onowned am makacita o mata da. Makamizing o cicilwan da. Makazazap da no onowned a kapeysinaoli da rana jyaken. Ta ori o ipatazadang ko sira do teyngato.’ ”#28:27 Isayya 6:9-10.
28Maniring pa si Pawlo am, “Inyo rana am anoyngan nyo si Ama ta do to a yarana mapatazadang so beken a tao do Yotay no ciriciring na, do da kapeyhanhan nya.” 29[Teyka na o ciring ni Pawlo am to sira na meycyangangay o tao do Yotay. So nikapanes da a somkad do kadwan jira.]
30Mina kadwa kawan si Pawlo a nimeyvahay do nivood na vahay a kasaray na a tomaotao so mey manangangay nya tao, 31a kapangnanao na no italamozong na ni Ama ta do to a kano omagaz ji Yeso Kizisto a Panirsirngen ta. So ikabo no ikamogaw na. So ikabo rana no itaysang a omza sya a meylimwang no ciriciring na ni Ama ta do to.
Currently Selected:
Nimlivolivon 28: snt
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan
Nimlivolivon 28
28
No keyyan da Pawlo do Maarta pongso
1Makarala namen rana do pamsan na am katenngan namen rana o kapongpongso na a ngaranan da so Maarta. 2No kanang rana am macimoy a karekmeh na. Am apya sira dang o meyili a tao. Ta nitaotao da yamen a kapeydokdok da nyamen so apoy a panangdangan namen. 3Pangain na ni Pawlo o nikpeh na kayo do panangdangan namen am makowbot o mavowaw, ta nikakwatan a kalavicin na do lima na a somongit sya. 4Macita da no meyili dang a tao am maniring sira am, “Yajya nimangap so tao ya. Tana yaji nimawakwak ya do karakwan no awa am oya rana na masapa a alalaw na, do na kapeyraraten.” 5Karahan am toktoken na rana ni Pawlo o mavowaw do apoy am abo o nipeyzazan na. 6To da pananala no aro a tao o kalipad no lima na, kawakwak na am abo imeymonan da sya. Am ori o nipeyzokaban da nya. Maniring rana sira am, “Ala tao do to ya?”
7Amyan dang so tao a macisngen so nihakawan a meyngaran si Popaydi a panirsirngen da. Macita na yamen am yangay na yamen do vahay da a taotawwen so katlo araw. 8No kanang am nimeyngen o velek na ni ama na ni Popaydi a kapeyingwat na pa sya. Mangay jya si Pawlo am paoptahen na o lima na do kataotao na a meynozi nya. Ori o nikapya na rana. 9Mamizing da o vazay ni Pawlo no tao do dang am meykayyai o meykeyngeyngen a tao. So ikamimin da apya rana a nipeynozi ni Pawlo. 10Nimacipinda no kanang o kanig da nyamen no tao. Karwan namen rana sira am aro o apzapzatan a nitoro da jyamen a paciralayan namen a mangay do asa ka avang.
Makaranes sira Pawlo do Loma
11Mavitos rana o katlo a vehan am mavang namen do asa ka avang apo do Yadisanta a nimanbong dang do karahet no kakawan do ahemyan. O avang rana ori am ngaranan da so Adwa ka tao do to. 12Makaranes rana o avang do Silako a ili am nimeywalam namen dang so katlo araw. 13Karwan namen dang am mangay namen rana do Leciang. Ikadwa na araw am somazawsaw. Am ori o nipavyotan na jyamen so kasaraw a kapakaranes namen rana do Potidi a ili. 14Makarahan am makasazi namen do dang so akma nameney kakteh do cinai. Nipeyseysan da yamen so kapito araw a kalam namen mangay rana do Loma. 15Mamizing da yamen no amyan do Loma akma nameney kakteh do cinai am mangay da tazapyahen yamen do rako a panazangan a ngaranan da a Yapio. O karwan da am nimangay sira do ngaranan da so Meykatlo a iseysanan a ili a tomazapya jyamen. Macita na sira ni Pawlo am isaray na ji Ama ta do to. Ta nikaitan o onowned na. 16Makaranes namen do Loma am apyahen da si Pawlo a kano amzat jya itaysang a meyvahay do asa ka vahay.
Mangononong si Pawlo do Loma
17Ikatlo na araw am lovoten na sira ni Pawlo o panipanirsirngen da no tao do Yotay. Maniring jira si Pawlo am, “Manga kahakay, yaken rana am tana ko jya niraherahet o keylyan ta a yajya nimapasobna do iwawalam no ineynapo ta am da todey amtenga yaken do Yelosaleng a da kangay nyaken do panirsirngen no Loma a pacicin. 18No kapacici da jyaken am ji da kala o karatan ko a izakat da jyaken. Ori o naknakman da so kapasaway da jyaken. 19Am raten da no keylyan ta tao do Yotay. Am ori o to ko na manci nya so kangay ko do tangain ni Kaysa. Am yabwata o yasa ka ciring a ko iraherahet so keylyan ta tao do Yotay. 20Am ori o ko kakzeban jinyo a yapacisirsirngan. Ta o da nivaodan jyaken am yaomagaz do ko kanoyong ji Yeso Kizisto a yarana mownay a da pananalahen no Isedi a tao.”
21Maniring sira ji Pawlo am, “O akman rana sang a vazay mo am yabo namen nimahap a teygami apo do ili nyo a omagaz jimo. Yabwata do keylyan nyo o asa ka tao a nimapo do dang a yamraherahet jimo. 22Am pancyan pala jyamen, ta namen katenngan inyo a yamraralay ni Yeso a da pacioyyan no aro a tao do peycyeylilyan na.”
23Meyratateng am mamnek sira so kasaraw a ipeylovolovot da so tao a omamizing so ciring ni Pawlo. Marateng rana o araraw na am aro sira o tao a nimai a omamizing so ciring ni Pawlo. Meyratateng am papwen na ni Pawlo do penzak a kangay na nya do mahep a omononong do italamozong na ni Ama ta do to a mapanod sira. Meyratateng am vilangan na o iwawalam na ni Moyse a kano vakong da no panoyonoywan na ciring ni Ama ta do to no kakwa a mapanop sira a omanoyong ji Yeso. 24O nipanci na ciriciring am amyan so tao a niomanoyong jya. Amyan so ji nganoyong jya. 25So ipeytaretarek no nakenakem da. Am ori o to da na meysyasyai. No kaji da pa meysyasyayan am maniring si Pawlo jira am, “Manoyong o nipanci no Seyzi do ineynapo ta a nivatvatkan ni Isayya a panoyonoywan na so ciring ni Ama ta do to. 26Maniring si Isayya am,
‘Mey mo ipanci do aro a tao an. Manoyong o kamizing nyo sya am ji nyo a tenngi. Macita nyo am ji nyo a pengkad.
27Ta tey masalit o onowned da no tao eya. O cicilwan da am yakacilcilan. O mata da am yameyreket. Ta no sira macipayok so onowned am makacita o mata da. Makamizing o cicilwan da. Makazazap da no onowned a kapeysinaoli da rana jyaken. Ta ori o ipatazadang ko sira do teyngato.’ ”#28:27 Isayya 6:9-10.
28Maniring pa si Pawlo am, “Inyo rana am anoyngan nyo si Ama ta do to a yarana mapatazadang so beken a tao do Yotay no ciriciring na, do da kapeyhanhan nya.” 29[Teyka na o ciring ni Pawlo am to sira na meycyangangay o tao do Yotay. So nikapanes da a somkad do kadwan jira.]
30Mina kadwa kawan si Pawlo a nimeyvahay do nivood na vahay a kasaray na a tomaotao so mey manangangay nya tao, 31a kapangnanao na no italamozong na ni Ama ta do to a kano omagaz ji Yeso Kizisto a Panirsirngen ta. So ikabo no ikamogaw na. So ikabo rana no itaysang a omza sya a meylimwang no ciriciring na ni Ama ta do to.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan