Nimlivolivon 22
22
1“Manga maran, manga kakteh, amizngen nyo o ko ipanci jinyo, manga keypong an.” 2Mamizing da si Pawlo a meyzezyak so ciring da no Sipolay am yeyyak da. Meyratateng am mangononong rana si Pawlo. Maniring am,
3“Yaken rana am tao do Yotay ko a nimatazak a tao do Tasose a macinapnap do Cidicya am nimamno ko do Yelosaleng eya. Nimeyvilang ko ji Cyamadi a tey mateneng a mangnanao no iwawalam ta tao do Yotay. Ori o nikakman ko jinyo a makdeng a omahap so iwawalam no ineynapo ta. 4No kakwa pa am makdeng ko a nimapakakasi so amraralay ni Yeso a tao. So niyan no nimawakwak ko jira ang. Tana mavakes a tana mahakay am abo o ji ko rakpa jira a pain do pamemtengan. 5To nyo mancyan do panirsirngen da no mapatanatanang so nakem da si Ama ta do to a kano kamanrarakehan, ta sira ang o nimakacita jyaken a nimanta nyaken so teygami a mangay do Tamaseke a omya jyaken a omrakep so amraralay ni Yeso a tao a yangay do Yelosaleng a bakbakan.
6“Tod ko a ji makaranes do Tamaseke do peyignan no araw am to ngyan so mazngang apo do teyngato a tomiray jyaken. 7Am ori o nikavazakwang ko do teyrahem. Karahan am amyan so ciring. Maniring am, ‘Mo Sawlo, mo Sawlo, ikongo yamo pakakasyan jyaken.’ 8Maniring ko jya am, ‘Mo Panirsirngen, sino ka.’ Maniring am, ‘Yaken rana am si Yeso ko a tao do Nasale a yamo pakakasin.’ 9O kararay ko am nimacita da o maniray. O zezyak a nimamizing ko am ji da nimamizing. 10Pacicin ko am, ‘Mo Panirsirngen, meypanngonngo ko so wanjin eya.’ Maniring jyaken o Panirsirngen ta am, ‘Peyvangon rana kangay mo do Tamaseke, ta amyan dang so asa ka tao a manci nya jimo so kakzeben na ni Ama ta do to a vazay mo.’ 11Ikongo do tey macimat o zezngangen na, am ori o nikakowap ko. Karahan am to da rana ngalaya yaken no kararay ko a yangay do Tamaseke.
12“Amyan dang so asa ka tao a meyngaran si Ananiya. Iya rana ori am manoyong a mahap so iwawalam ni Moyse. So kanigan da nya no tao do Yotay amyan do Tamaseke. 13Mai ori jyaken am maniring am, ‘Mo Sawlo, akma koy kakteh do cinai, makacita ka rana.’ No kanang rana am mina to ko na makacita. 14Maniring jyaken am, ‘Yana nipamnekan imo no Tao do to da no ineynapo ta a mahap so vazay na, do mo kanimakacita si Yeso a Anak na ni Ama ta do to, do kanimakamizing mo so ciring ni Yeso. 15Imo rana am ipeylimwang mo do aro a tao o mo nimacita kano mo nimamizing. 16Am ori o ji mo meypahahai. Peyvangon rana a kapamlis mo na so nakenakem. Tawagan mo o ngaran ni Yeso a omvonas so raraten mo a kataktak da jimo.’ Ori o ciring na jyaken ni Ananiya.
17-18“Kadadayan na so araraw am meyoli ko a mangay do Yelosaleng a mangay meynozi do rako a panaralayan. Meyratateng am akma raney tateynep ko si Yeso a to ko a cita. Maniring jyaken am, ‘Makeykai ka komaro do Yelosaleng an. Ta o tao rana jya am da jyakzan a yamizngen o mo ipeylimwang jira a ciriciring ko.’ 19Maniring ko am, ‘Mo Panirsirngen, da mamimin yaken no tao a yakatenngan a yamapakakasi so aro a yamraralay nimo do peyneynozyan. 20No kawakwak da so nimeylimwang no ciriciring mo a meyngaran so Setiven am nimacizanod ko jira a tomita so aywayob da.’ 21Maniring jyaken si Yeso am, ‘To ka nangay. Ko na to novoya imo a mangay do ili da no beken a tao do Yotay a meylimwang no ciriciring ko.’ ”
22Mamizing da no tao o niononongan ni Pawlo am amlololos sira manci no, “Zakaten ta si Pawlo. Zakaten ta si Pawlo. Jyabo kavyay so akman sya ya.” 23So nilololos da mapatalatala so ayob da kapeymeymozasik da so tana. 24O panirsirngen no itaysang no Loma am iyokod na si Pawlo a isdep do vahay da no itaysang a kasipsipzot da jya pacicin. Ta si ori pa o patwawan na ni Pawlo so karatan na. 25To da ji nipsipzoci am maniring si Pawlo do itaysang amyan dang am, “Manngwa, manoyong a iwawalam nyo a Loma o kapanmanma nyo a mamakbak so tao do Loma an? No manmanma o kakala nyo so karatan na.” 26Mamizing na no itaysang o ciring ni Pawlo am to rana angay a komala so panirsirngen da. Maniring jya am, “Ka nimeypanngonngo eya. Mo jyatenngi ori a tao do Loma?” 27Karahan am mangay na citahen no panirsirngen si Pawlo. Maniring am, “Ka manoyong a tao do Loma ya an?” Maniring si Pawlo am, “Noon.” 28Maniring ji Pawlo o panirsirngen no itaysang am, “Yaken rana am yaro o nizpi a yako ningina do kataotao ko. Ori o ko rana ipeyngongyod a tao do Loma.” Maniring si Pawlo am, “Nimapo no katazak a tao ko o ka Loma ko.” 29Mamizing da no omvovo ji Pawlo a bakbakan am mina to da rana ngaroi. So nikalaw na no panirsirngen da no itaysang, ta katenngan na si Pawlo a tao do Loma a todey vaoda.
Amyan si Pawlo do rako a pacicicyan
30Ikongo do kakzeben na no panirsirngen da no itaysang o kapakateneng na do oyyan da ni Pawlo no tao do Yotay, am ori o niovayan na so nivaod da sya do ikadwa na araw a kalovot na so panipanirsirngen no mapatanatanang so nakem da si Ama ta do to a kano macipeykaygi jira a kamanrarakehan a kapowbot da si Pawlo a patanken do tangain da.
Currently Selected:
Nimlivolivon 22: snt
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan
Nimlivolivon 22
22
1“Manga maran, manga kakteh, amizngen nyo o ko ipanci jinyo, manga keypong an.” 2Mamizing da si Pawlo a meyzezyak so ciring da no Sipolay am yeyyak da. Meyratateng am mangononong rana si Pawlo. Maniring am,
3“Yaken rana am tao do Yotay ko a nimatazak a tao do Tasose a macinapnap do Cidicya am nimamno ko do Yelosaleng eya. Nimeyvilang ko ji Cyamadi a tey mateneng a mangnanao no iwawalam ta tao do Yotay. Ori o nikakman ko jinyo a makdeng a omahap so iwawalam no ineynapo ta. 4No kakwa pa am makdeng ko a nimapakakasi so amraralay ni Yeso a tao. So niyan no nimawakwak ko jira ang. Tana mavakes a tana mahakay am abo o ji ko rakpa jira a pain do pamemtengan. 5To nyo mancyan do panirsirngen da no mapatanatanang so nakem da si Ama ta do to a kano kamanrarakehan, ta sira ang o nimakacita jyaken a nimanta nyaken so teygami a mangay do Tamaseke a omya jyaken a omrakep so amraralay ni Yeso a tao a yangay do Yelosaleng a bakbakan.
6“Tod ko a ji makaranes do Tamaseke do peyignan no araw am to ngyan so mazngang apo do teyngato a tomiray jyaken. 7Am ori o nikavazakwang ko do teyrahem. Karahan am amyan so ciring. Maniring am, ‘Mo Sawlo, mo Sawlo, ikongo yamo pakakasyan jyaken.’ 8Maniring ko jya am, ‘Mo Panirsirngen, sino ka.’ Maniring am, ‘Yaken rana am si Yeso ko a tao do Nasale a yamo pakakasin.’ 9O kararay ko am nimacita da o maniray. O zezyak a nimamizing ko am ji da nimamizing. 10Pacicin ko am, ‘Mo Panirsirngen, meypanngonngo ko so wanjin eya.’ Maniring jyaken o Panirsirngen ta am, ‘Peyvangon rana kangay mo do Tamaseke, ta amyan dang so asa ka tao a manci nya jimo so kakzeben na ni Ama ta do to a vazay mo.’ 11Ikongo do tey macimat o zezngangen na, am ori o nikakowap ko. Karahan am to da rana ngalaya yaken no kararay ko a yangay do Tamaseke.
12“Amyan dang so asa ka tao a meyngaran si Ananiya. Iya rana ori am manoyong a mahap so iwawalam ni Moyse. So kanigan da nya no tao do Yotay amyan do Tamaseke. 13Mai ori jyaken am maniring am, ‘Mo Sawlo, akma koy kakteh do cinai, makacita ka rana.’ No kanang rana am mina to ko na makacita. 14Maniring jyaken am, ‘Yana nipamnekan imo no Tao do to da no ineynapo ta a mahap so vazay na, do mo kanimakacita si Yeso a Anak na ni Ama ta do to, do kanimakamizing mo so ciring ni Yeso. 15Imo rana am ipeylimwang mo do aro a tao o mo nimacita kano mo nimamizing. 16Am ori o ji mo meypahahai. Peyvangon rana a kapamlis mo na so nakenakem. Tawagan mo o ngaran ni Yeso a omvonas so raraten mo a kataktak da jimo.’ Ori o ciring na jyaken ni Ananiya.
17-18“Kadadayan na so araraw am meyoli ko a mangay do Yelosaleng a mangay meynozi do rako a panaralayan. Meyratateng am akma raney tateynep ko si Yeso a to ko a cita. Maniring jyaken am, ‘Makeykai ka komaro do Yelosaleng an. Ta o tao rana jya am da jyakzan a yamizngen o mo ipeylimwang jira a ciriciring ko.’ 19Maniring ko am, ‘Mo Panirsirngen, da mamimin yaken no tao a yakatenngan a yamapakakasi so aro a yamraralay nimo do peyneynozyan. 20No kawakwak da so nimeylimwang no ciriciring mo a meyngaran so Setiven am nimacizanod ko jira a tomita so aywayob da.’ 21Maniring jyaken si Yeso am, ‘To ka nangay. Ko na to novoya imo a mangay do ili da no beken a tao do Yotay a meylimwang no ciriciring ko.’ ”
22Mamizing da no tao o niononongan ni Pawlo am amlololos sira manci no, “Zakaten ta si Pawlo. Zakaten ta si Pawlo. Jyabo kavyay so akman sya ya.” 23So nilololos da mapatalatala so ayob da kapeymeymozasik da so tana. 24O panirsirngen no itaysang no Loma am iyokod na si Pawlo a isdep do vahay da no itaysang a kasipsipzot da jya pacicin. Ta si ori pa o patwawan na ni Pawlo so karatan na. 25To da ji nipsipzoci am maniring si Pawlo do itaysang amyan dang am, “Manngwa, manoyong a iwawalam nyo a Loma o kapanmanma nyo a mamakbak so tao do Loma an? No manmanma o kakala nyo so karatan na.” 26Mamizing na no itaysang o ciring ni Pawlo am to rana angay a komala so panirsirngen da. Maniring jya am, “Ka nimeypanngonngo eya. Mo jyatenngi ori a tao do Loma?” 27Karahan am mangay na citahen no panirsirngen si Pawlo. Maniring am, “Ka manoyong a tao do Loma ya an?” Maniring si Pawlo am, “Noon.” 28Maniring ji Pawlo o panirsirngen no itaysang am, “Yaken rana am yaro o nizpi a yako ningina do kataotao ko. Ori o ko rana ipeyngongyod a tao do Loma.” Maniring si Pawlo am, “Nimapo no katazak a tao ko o ka Loma ko.” 29Mamizing da no omvovo ji Pawlo a bakbakan am mina to da rana ngaroi. So nikalaw na no panirsirngen da no itaysang, ta katenngan na si Pawlo a tao do Loma a todey vaoda.
Amyan si Pawlo do rako a pacicicyan
30Ikongo do kakzeben na no panirsirngen da no itaysang o kapakateneng na do oyyan da ni Pawlo no tao do Yotay, am ori o niovayan na so nivaod da sya do ikadwa na araw a kalovot na so panipanirsirngen no mapatanatanang so nakem da si Ama ta do to a kano macipeykaygi jira a kamanrarakehan a kapowbot da si Pawlo a patanken do tangain da.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan