1 Kedinto 13
13
Pangangarilawan
1Tana katenngan ko a ipanci o makakaday a ciriciring no tao a kano ciriciring no tinsi a kabo no pangangarilawan ko so icyatatao ko am katonodan no ciring ko o manilo a vaklit. 2Tana mateneng ko a mangononong so ciriciring na ni Ama ta do to a yanan no makakaday a teneng a makateneng do nanao na ni Ama ta do to a mowyat so nakenakem a to rana makapeylis so tokon a mangay do awa, kabo no pangangarilawan ko so icyatatao ko am ikongo peypeypangayan na no nang. 3Tana to ko mangazawan o kangangay ko mangay do kataotao ko ji ko mangbeywani a isidong ko so tao, a kabo no pangangarilawan ko so icyatatao ko am abwata o kapyapyan ko nya.
4O meyngongyod a mangarilaw so icyatatao na am to nazibwan o oyaoyyan da no kataotao. Kapiya no nakenakem. Ji manginanahet. Ji mapazway. Ji mapakarakarang so nakenakem. 5Ji mapeyvazay so malas a vazay. Jyararaten. Jyaoyaoyahen. Ji na peyyana do onowned na o karatan no tao. 6Ji nakzan o somala vazay. O manoyong a vazay o ikakza na. 7O mangarilaw so icyatatao na am to na peyyopowpasa o iraherahet da sya no icyatatao na. Anoyngan na o keyyan no kasaraw a ipamlis da. To peycyabobwa o makakaday a oyaoyyan da no kataotao.
8O pangangarilawan rana am jyavitos. Ta to meyyonong o kapangarilaw so tao. Am o teneteneng do pangananawan am mavivitos. Akman sang o meyzezyak so macitarek a ciring. Ta amyan so kasaraw a ikavitos na. Akman sang, ta ji meyyonownay o teneteneng a makateneng do nanao na ni Ama ta do to. 9Ta o ta katenngan sicyaikwaya am katey na pa ori. O teneteneng ta a mangononong so ciriciring na ni Ama ta do to am akman sang, ta katey na pa ori. 10Am no si marateng rana o yai na ni Yeso no makwa am ji ta rana ngahapa o ji makanet a teneteneng. Ta meyyopowpas rana ori.
11No ka kanakan ko pa am kanakan o ciring ko. Akman sang o vazay ko a kano aktokto ko. Ko na makaveyvow am ko jyakman sang, ta ko na rarakeh rana so pangtoktwan. 12O tamo katenngan sicyaikwaya am akmey avwavong apo do kowpasan a kagami a jyasingkad. Am no makwa am mapengkad ta rana. So ta pa ji makamimini si Ama ta do to a katenngan sicyaikwaya. Am no makwa am manoyong o kapakateneng ta rana jya, akman si Ama ta do to a makamimin jyaten a yakatenngan. 13Am o panganoyngan ta kano sarasaray ta no makwa kano pangangarilawan am to meyyonong. Am ney makdeng na pa am pangangarilawan do yameykatlo ang.
Currently Selected:
1 Kedinto 13: snt
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan
