Aroma 1
1
1Balua yi'no iandikilwe na nenga na Pauli ntumisi wa Yesu Kilisitu ywakemilwe panga ntumilwe no baulilwa kwa kitumbu sa Abali Inannoga ya Nnu'ngu'.
2Abali Inannoga yo, Nnu'ngu' aalongoli lagana na bandu bake bu'ka kwai'mbu' kwo pi'tya alondoli bake mu Maandiko Mapeleteu. 3Abali Inannoga yo, nga Abali yaibu'kana na Mwana wake. Kimundu, aabelekwi mulukolo lwa nkulungwa Daudi. 4Kwa Loo mbeleteu, aakong'ondelilwe kwa uweso nku'lu' panga nga Mwana wa Nnu'ngu' kwo yu'yi'lwa kwake bu'ka kuuwi'li, ayu' nga Yesu Kilisitu Bwana witu. 5Kwa ndi'la yake, Nnu'ngu' anipei ngu'ngu' yo panga nantumilwe li'nga nilongoye bandu boti bangali Ayahudi bapate kumwu'bi'lya na kunnyu'wa. Kwa likowe lyo, lina lyake lipate lumbilwa. 6Namwenga mubile mukipi'nga sa bandu bo, mukemilwe na Nnu'ngu' li'nga mube mwabandu bake Kilisitu.
7Nimwandikya mwaboti mwamubile Roma mwamupendilwe na Nnu'ngu' no kemelwa mube mwaapeleteu. Ninnu'bya ngu'ngu' na amani yaibu'ka kwa Nnu'ngu' Tati' bitu na Bwana witu Yesu Kilisitu.
Kunsukulu Nnu'ngu'
8Nilongolya wi'ti' kunsukulu Nnu'ngu' wangu' kwo pi'tya Yesu Kilisitu kwa kitumbu sinu mwenga mwaboti, kwa mwanjaa abali ya imani yinu iyu'wanike mudunia yoti. 9Nnu'ngu' ywanintumikia kwa mwoyo wangu' woti kwa ndi'la ya kwiala Abali Inannoga ya Mwana wake, nga nkong'ondeli wangu' panga nendakunku'mbu'kyanga. 10Kila panilu'ba, ninnu'ba Nnu'ngu' mana apendile, aniyu'gu'li ndi'la ya kuntyangilyanga masu'ba gaganogano. 11Kwa mwanjaa, nendaminyikia muno bonagana na mwenga, li'nga nikangamaye imani yinu kwa kumpeyanga upo ya kiloo. 12Sanipala po panga, imani yinu inikangamaye nenga, na imani yangu' inkangamaye mwenga.
13Mwaalongo bangu', nipala mutange panga, mala yambone nibiniage isa kasinu li'nga naute bandu mukipi'nga sinu bannyi'ki'ti Bwana kati mwanaapangite kwa bandu bi'ngi' bangali Ayahudi, lakini kila panipala yabwa, lipita likowe lya kunikanikia. 14Nenga nilongelwa na bandu boti, kwa Ayunani babayendelile na kwa bangali yendelya, kwa bene ilimu na kwa bangali ilimu. 15Nga po niminyikia muno kwiala Abali Inannoga kwinu mwenga mwamubile Roma.
Makakala ga Abali Inannoga
16Nenga niibonali oni kwiala Abali Inannoga ya Yesu Kilisitu, kwa mwanjaa nga makakala ga Nnu'ngu' gagaakosopolya bandu kwa kila ywau'bi'lya, tumbulya kwa Ayahudi na kwa bangali Ayahudi. 17Kwa mwanjaa, Abali Inannoga ilaya mu'lu' Nnu'ngu' mwaabalangilya aki bandu nnu'ngi' yake. Likowe lyo liwesekanali ila kwa ndi'la ya imani bai. Kati mu'lu' mwaiandikilwe mu Maandiko Mapeleteu gagabaya panga, “Mwene aki aalama kwa ndi'la ya imani.”
Nyongo ya Nnu'ngu' kwa bandu
18Kwa mwanjaa, nyongo ya Nnu'ngu' ibonekine bu'ka kunani bu'kana no kotoka yu'wa na ulau woti kwa bandu babaitaukya kweli kwa ulau wabe. 19Kwa mwanjaa, makowe goti gagawesa tanganikwa bu'kana na Nnu'ngu' gaumukulilwe kwabe bembe, kwa mwanjaa Nnu'ngu' mwene aagaumukwile kwabe. 20Bu'ka palu' Nnu'ngu' paumbike dunia, uweso wake wa milele na unnu'ngu' wake, pamope no panga ubonekanali kwa minyo, yendatanganikwa pangali iya. Bandu bawesa kugatanga makowe go bu'kana na ikowe yaumbite Nnu'ngu'. Kwa nyo, ntu'pu' ndi'la yoyoti ya kwiiyi'mya. 21Pamope no panga batangite kubile na Nnu'ngu', lakini bampeyali isima na kunsukulu kati mwaipalikwa. Mawaso gabe malalo na malango gabe gatwi'li lubi'ndu'. 22Baipuna panga bene ikima, kumbe alogeloge. 23Bakotwike kunkilikitya Nnu'ngu' ywalama milele, no kilikitya inyago yailandana na, inyama, iyuni, inyama yaikwaba au bandu babawaa.
24Kwa kitumbu so, Nnu'ngu' aalei bakoleye maminyikio maakau ga myoyo yabe na kwipangya makowe ga oni muyi'ga yabe. 25Baigalambuya kweli yaibu'kana na Nnu'ngu' kwa ubu'su', bendaisimu no kilikitya kyumbe paali pamwene ywaumbike, ywembe nga ywapalikwa alumbilwe milele! Amina.
26Kwa nyo, Nnu'ngu' aalei bakoleye maminyikio gabe gagaleta oni. Ata alwawa bagalambwa matumiko gagayendana na mwabaumbilwe. 27Nabembe analu'me nyinyonyo, bagalambwa matumiko gagabi'kilwe kwa analu'me na alwawa, kabaminyikiana analu'me kwa analu'me kabapangyana makowe ga oni. Kwa kitumbu so, baipalya bene ukumu yaibu'kana na ulau wabe.
28Kwa mwanjaa bandu bakani kuntanga Nnu'ngu', Nnu'ngu' nembe aalei babi'ngi'ye malango gabe go oba li'nga bapange makowe gangali pwaika kugapanga bembe. 29Batwi'li sampuli yoti ya ulau, ubaya, minyikia, no sukyana. Batwi'li bwigu, ubulagi, bulwe, na ubu'su'. Bembe bandu bo songyana, balana, 30no ku'pi'ki'yana, bandu babansukya Nnu'ngu', atu'lu'lu', ambu'ku'su' na kwipuna. Bamanyi muno panga maakau, na babakotoka kwayu'wa abelei babe, 31nga alalo na bawesali u'bi'li'lwa, ntu'pu' upendo wala kiya. 32Bandu bo batangite salya ya Nnu'ngu' ibaya panga, bandu babapanga makowe gano bapalikwa waa, lakini bayendelya kugapanga bai, kai' ata yi'ki'tyana na bi'ngi' babagapanga.
Currently Selected:
Aroma 1: Matumbi
Highlight
Share
Copy
Want to have your highlights saved across all your devices? Sign up or sign in
© 2019 Pioneer Bible Translators
Aroma 1
1
1Balua yi'no iandikilwe na nenga na Pauli ntumisi wa Yesu Kilisitu ywakemilwe panga ntumilwe no baulilwa kwa kitumbu sa Abali Inannoga ya Nnu'ngu'.
2Abali Inannoga yo, Nnu'ngu' aalongoli lagana na bandu bake bu'ka kwai'mbu' kwo pi'tya alondoli bake mu Maandiko Mapeleteu. 3Abali Inannoga yo, nga Abali yaibu'kana na Mwana wake. Kimundu, aabelekwi mulukolo lwa nkulungwa Daudi. 4Kwa Loo mbeleteu, aakong'ondelilwe kwa uweso nku'lu' panga nga Mwana wa Nnu'ngu' kwo yu'yi'lwa kwake bu'ka kuuwi'li, ayu' nga Yesu Kilisitu Bwana witu. 5Kwa ndi'la yake, Nnu'ngu' anipei ngu'ngu' yo panga nantumilwe li'nga nilongoye bandu boti bangali Ayahudi bapate kumwu'bi'lya na kunnyu'wa. Kwa likowe lyo, lina lyake lipate lumbilwa. 6Namwenga mubile mukipi'nga sa bandu bo, mukemilwe na Nnu'ngu' li'nga mube mwabandu bake Kilisitu.
7Nimwandikya mwaboti mwamubile Roma mwamupendilwe na Nnu'ngu' no kemelwa mube mwaapeleteu. Ninnu'bya ngu'ngu' na amani yaibu'ka kwa Nnu'ngu' Tati' bitu na Bwana witu Yesu Kilisitu.
Kunsukulu Nnu'ngu'
8Nilongolya wi'ti' kunsukulu Nnu'ngu' wangu' kwo pi'tya Yesu Kilisitu kwa kitumbu sinu mwenga mwaboti, kwa mwanjaa abali ya imani yinu iyu'wanike mudunia yoti. 9Nnu'ngu' ywanintumikia kwa mwoyo wangu' woti kwa ndi'la ya kwiala Abali Inannoga ya Mwana wake, nga nkong'ondeli wangu' panga nendakunku'mbu'kyanga. 10Kila panilu'ba, ninnu'ba Nnu'ngu' mana apendile, aniyu'gu'li ndi'la ya kuntyangilyanga masu'ba gaganogano. 11Kwa mwanjaa, nendaminyikia muno bonagana na mwenga, li'nga nikangamaye imani yinu kwa kumpeyanga upo ya kiloo. 12Sanipala po panga, imani yinu inikangamaye nenga, na imani yangu' inkangamaye mwenga.
13Mwaalongo bangu', nipala mutange panga, mala yambone nibiniage isa kasinu li'nga naute bandu mukipi'nga sinu bannyi'ki'ti Bwana kati mwanaapangite kwa bandu bi'ngi' bangali Ayahudi, lakini kila panipala yabwa, lipita likowe lya kunikanikia. 14Nenga nilongelwa na bandu boti, kwa Ayunani babayendelile na kwa bangali yendelya, kwa bene ilimu na kwa bangali ilimu. 15Nga po niminyikia muno kwiala Abali Inannoga kwinu mwenga mwamubile Roma.
Makakala ga Abali Inannoga
16Nenga niibonali oni kwiala Abali Inannoga ya Yesu Kilisitu, kwa mwanjaa nga makakala ga Nnu'ngu' gagaakosopolya bandu kwa kila ywau'bi'lya, tumbulya kwa Ayahudi na kwa bangali Ayahudi. 17Kwa mwanjaa, Abali Inannoga ilaya mu'lu' Nnu'ngu' mwaabalangilya aki bandu nnu'ngi' yake. Likowe lyo liwesekanali ila kwa ndi'la ya imani bai. Kati mu'lu' mwaiandikilwe mu Maandiko Mapeleteu gagabaya panga, “Mwene aki aalama kwa ndi'la ya imani.”
Nyongo ya Nnu'ngu' kwa bandu
18Kwa mwanjaa, nyongo ya Nnu'ngu' ibonekine bu'ka kunani bu'kana no kotoka yu'wa na ulau woti kwa bandu babaitaukya kweli kwa ulau wabe. 19Kwa mwanjaa, makowe goti gagawesa tanganikwa bu'kana na Nnu'ngu' gaumukulilwe kwabe bembe, kwa mwanjaa Nnu'ngu' mwene aagaumukwile kwabe. 20Bu'ka palu' Nnu'ngu' paumbike dunia, uweso wake wa milele na unnu'ngu' wake, pamope no panga ubonekanali kwa minyo, yendatanganikwa pangali iya. Bandu bawesa kugatanga makowe go bu'kana na ikowe yaumbite Nnu'ngu'. Kwa nyo, ntu'pu' ndi'la yoyoti ya kwiiyi'mya. 21Pamope no panga batangite kubile na Nnu'ngu', lakini bampeyali isima na kunsukulu kati mwaipalikwa. Mawaso gabe malalo na malango gabe gatwi'li lubi'ndu'. 22Baipuna panga bene ikima, kumbe alogeloge. 23Bakotwike kunkilikitya Nnu'ngu' ywalama milele, no kilikitya inyago yailandana na, inyama, iyuni, inyama yaikwaba au bandu babawaa.
24Kwa kitumbu so, Nnu'ngu' aalei bakoleye maminyikio maakau ga myoyo yabe na kwipangya makowe ga oni muyi'ga yabe. 25Baigalambuya kweli yaibu'kana na Nnu'ngu' kwa ubu'su', bendaisimu no kilikitya kyumbe paali pamwene ywaumbike, ywembe nga ywapalikwa alumbilwe milele! Amina.
26Kwa nyo, Nnu'ngu' aalei bakoleye maminyikio gabe gagaleta oni. Ata alwawa bagalambwa matumiko gagayendana na mwabaumbilwe. 27Nabembe analu'me nyinyonyo, bagalambwa matumiko gagabi'kilwe kwa analu'me na alwawa, kabaminyikiana analu'me kwa analu'me kabapangyana makowe ga oni. Kwa kitumbu so, baipalya bene ukumu yaibu'kana na ulau wabe.
28Kwa mwanjaa bandu bakani kuntanga Nnu'ngu', Nnu'ngu' nembe aalei babi'ngi'ye malango gabe go oba li'nga bapange makowe gangali pwaika kugapanga bembe. 29Batwi'li sampuli yoti ya ulau, ubaya, minyikia, no sukyana. Batwi'li bwigu, ubulagi, bulwe, na ubu'su'. Bembe bandu bo songyana, balana, 30no ku'pi'ki'yana, bandu babansukya Nnu'ngu', atu'lu'lu', ambu'ku'su' na kwipuna. Bamanyi muno panga maakau, na babakotoka kwayu'wa abelei babe, 31nga alalo na bawesali u'bi'li'lwa, ntu'pu' upendo wala kiya. 32Bandu bo batangite salya ya Nnu'ngu' ibaya panga, bandu babapanga makowe gano bapalikwa waa, lakini bayendelya kugapanga bai, kai' ata yi'ki'tyana na bi'ngi' babagapanga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Pioneer Bible Translators