looma 16
16
tuayokeo to sinto 'o poolo
1te'on'a poa honganeni 'e ohaesamza ci fuipi; zou sicuzi to kiokai ne cengkoli. 2temu'so nomio to nooe'oca, ieni tola anana'va hioa ta sinto bumemeala aʉt'ʉt'ʉca. hoci panontesi 'ucia tititha, temu'so to'to'usni. ohsila asno'zona to'usni 'omo botngonʉ ci cou, mo'u maezo tiou to to'usnusi.
3tuayokeo to momza toehungu yaahioai ho fifiho to kilisto iesu ci paicila ho 'acila; 4moso nomio a'o ho peismi to isi sokoeva 'o nsouhe. o'a anouc'o a'o namo mi'usnu ho 'aveoveoyʉ, mo maezo mi'usnu ho 'aveoveoyʉ 'o makikiokai to couyafana. 5maezo tuayokeo tola yonto emoohe ho yu'eteuyunu ci kiokai.
tuayokeo to ngohia ci nanghia'u 'ipainitu; moso ahoi tma'usnu to kilisto ci cou ta 'aziasoo. 6yaeza mi'usni ho psoecʉ'hi no koyu'u 'ola nomio muu ho ngoseo yaahioa ci maliya. 7tuayokeo to momzala noteuyunu to poo'usna ci 'oahngʉ'u ta yutayaci 'antoniku ho i'o yunia. ta 'ayumona ta sitoo mo afnaso yaa ongkoa, moso auyuhe a'o ho tma'usnu to kilisto.
8tuayokeo tomo no'ayumonʉ to nooe'oca ci ngohia ci nanghia 'anpoli; 9maezo tuayokeo to momza toehungu fifiho to kilisto ho yaahioai ci 'opanu ho i'o ngohia ci nanghia'u sutaku. 10tuayokeo to mosola sucaefi no hʉsvʉta ho apaezumo meot'ʉcʉ to kilisto ci 'apili; yaeza tuayokeoi 'o conoemoo to 'alitopu. 11tuayokeo to 'oahngʉ ta yutaya ci hiloten; maezo tuayokeo tomo tmaa'uzo to nooe'oca ci nanat'ot'ohaesa to emoo to nakisu.
12tuayokeo tomo no'ayumonʉ to nooe'oca ci lamza toehungu yaahioai ci tofuina ho tofusa; maezo tuayokeo tola tvaezoya yaahioai ci ngohia ci nanghia pisi. 13tuayokeo to luufu; zou cihi cimo afnaso yaa ongko ci leyaahioa to nooe'oca; yaeza tuayokeoi 'o inosi - lasi yais'a iachisi oko ho lasi aʉt'ʉca a'o. 14tuayokeo to 'asunkitu, fuilokan, hemi, palopa, hema, ho i'ola noteuyunu ci maanat'ohaesa. 15tuayokeo to fuiloloku ho yuliya, 'o niliya ho i'o maoohaesasi. 'alinpa ho i'ola noteuyunu ci masisinto.
16temula boemi no cofkoya ci kisu ho yupa tuayokeo. 'o makikiokai to kilisto mo acʉhʉ mi'usnu muu ho tuayokeo.
sotavei ci poucufnu
17maanat'ohaesa, te'o cucufni muu, la etngoeva 'ola mooyai boepaevai, tmaot'ou to singkoo to mocmo ci cou, ho pef'uhu to imu tiova ci mo'ma'cohio; la tomcovhi tamo maica ci cou. 18maica 'emo maicac'o ci cou o'ala fifiho to nooe'oca kilisto, lac'o ma'mamso to iachihe cfu'o. lac'o boemi to ecocohʉmʉ ci e'e ho paspepecvazi 'o 'tohʉngʉ to mo ma'cocacni ci cou. 19la toehunga cohivi inalamu hia tmaa'uzo ta fukuin, ko'koeno la'u na'na kaebeni muu. te'o tata'za temula mau'to'tohʉngʉ nomo ʉmnʉ ci hi'hioa, nongonongo tomo kuzo ci hi'hioa. 20'ola mofi no soanono ci hamo tesicu suapayo'i 'o satan, poa peteozu ta caphʉmu.
tesi'sola pafeni muu to nooe'oca iesu na mengumisi!
21'o la'u iepoepohneni yaahioai ci temote, ho i'o 'oahngʉ'u ci luciu, iesun, sosipato, mo acʉhʉ tuayokeo muu. 22na a'o - tmaatviei ta tengami tan'e ci toti, maezo yonto 'ayumona to nooe'oca ho tuayokeo muu. 23i'omo aʉt'ʉt'ʉcʉ a'o, ho poa yu'eteuyunu to emoosi 'o kiokai ci kaiyo mo mi'usnu muu ho tuayokeo. 'o la aʉt'ʉcʉ to yupasʉ ta hosa tan'e ci 'ilatu ho i'o nat'ohaesamia ci kuato. maezo tuayokeo muu.#panto piyo ci tposʉ noana'o isi topuhngi ta 24 secu <na mengumi to nooe'oca iesu kilisto tesi'sola faeni ta mimu macicihi! 'aamen.>
'inoli no ae'aepʉngʉ ho tohmomoengʉ
25no'unu'sio to hamo na psoevohngʉ! lasi peelʉi ieni to os'o psoyaska ci fukuin ho amamahtʉica na singkoomu. 'e fukuin eni mo e'usnu to e'e to iesu kilisto, cu paavi 'omo ahoi ne noana'o ho nootoefʉngʉ ci moumsʉ'eonʉ. 26'e moumsʉ'eonʉ eni ohsicu ieni to tposʉ to eyongensa ho eyoyafa, a'vinano fiho to mashʉyʉ to 'auesiesi hamo ho epopayoa ta mauhpʉhpʉngʉ, ko'kocu poa tmaa'uzo 'e yatatiskova.
27ina psoevohngʉ tesi'so ieni to iesu kilisto ho ta'usna to cihi ci somoutʉs'ʉa ci hamo, ac'ʉhʉ no 'auesiesi! 'aamen.#panto piyo ci tposʉ noana'o 'e 16:25-27 mo maezo yuyafo to ataveihe 14:23; panto piyo ci tposʉ noana'o moc'o yuyafo to ataveihe 14:23; panto coni ci tposʉ nona'o mo ataveihe yuyafo to 15:33.
Currently Selected:
looma 16: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014
looma 16
16
tuayokeo to sinto 'o poolo
1te'on'a poa honganeni 'e ohaesamza ci fuipi; zou sicuzi to kiokai ne cengkoli. 2temu'so nomio to nooe'oca, ieni tola anana'va hioa ta sinto bumemeala aʉt'ʉt'ʉca. hoci panontesi 'ucia tititha, temu'so to'to'usni. ohsila asno'zona to'usni 'omo botngonʉ ci cou, mo'u maezo tiou to to'usnusi.
3tuayokeo to momza toehungu yaahioai ho fifiho to kilisto iesu ci paicila ho 'acila; 4moso nomio a'o ho peismi to isi sokoeva 'o nsouhe. o'a anouc'o a'o namo mi'usnu ho 'aveoveoyʉ, mo maezo mi'usnu ho 'aveoveoyʉ 'o makikiokai to couyafana. 5maezo tuayokeo tola yonto emoohe ho yu'eteuyunu ci kiokai.
tuayokeo to ngohia ci nanghia'u 'ipainitu; moso ahoi tma'usnu to kilisto ci cou ta 'aziasoo. 6yaeza mi'usni ho psoecʉ'hi no koyu'u 'ola nomio muu ho ngoseo yaahioa ci maliya. 7tuayokeo to momzala noteuyunu to poo'usna ci 'oahngʉ'u ta yutayaci 'antoniku ho i'o yunia. ta 'ayumona ta sitoo mo afnaso yaa ongkoa, moso auyuhe a'o ho tma'usnu to kilisto.
8tuayokeo tomo no'ayumonʉ to nooe'oca ci ngohia ci nanghia 'anpoli; 9maezo tuayokeo to momza toehungu fifiho to kilisto ho yaahioai ci 'opanu ho i'o ngohia ci nanghia'u sutaku. 10tuayokeo to mosola sucaefi no hʉsvʉta ho apaezumo meot'ʉcʉ to kilisto ci 'apili; yaeza tuayokeoi 'o conoemoo to 'alitopu. 11tuayokeo to 'oahngʉ ta yutaya ci hiloten; maezo tuayokeo tomo tmaa'uzo to nooe'oca ci nanat'ot'ohaesa to emoo to nakisu.
12tuayokeo tomo no'ayumonʉ to nooe'oca ci lamza toehungu yaahioai ci tofuina ho tofusa; maezo tuayokeo tola tvaezoya yaahioai ci ngohia ci nanghia pisi. 13tuayokeo to luufu; zou cihi cimo afnaso yaa ongko ci leyaahioa to nooe'oca; yaeza tuayokeoi 'o inosi - lasi yais'a iachisi oko ho lasi aʉt'ʉca a'o. 14tuayokeo to 'asunkitu, fuilokan, hemi, palopa, hema, ho i'ola noteuyunu ci maanat'ohaesa. 15tuayokeo to fuiloloku ho yuliya, 'o niliya ho i'o maoohaesasi. 'alinpa ho i'ola noteuyunu ci masisinto.
16temula boemi no cofkoya ci kisu ho yupa tuayokeo. 'o makikiokai to kilisto mo acʉhʉ mi'usnu muu ho tuayokeo.
sotavei ci poucufnu
17maanat'ohaesa, te'o cucufni muu, la etngoeva 'ola mooyai boepaevai, tmaot'ou to singkoo to mocmo ci cou, ho pef'uhu to imu tiova ci mo'ma'cohio; la tomcovhi tamo maica ci cou. 18maica 'emo maicac'o ci cou o'ala fifiho to nooe'oca kilisto, lac'o ma'mamso to iachihe cfu'o. lac'o boemi to ecocohʉmʉ ci e'e ho paspepecvazi 'o 'tohʉngʉ to mo ma'cocacni ci cou. 19la toehunga cohivi inalamu hia tmaa'uzo ta fukuin, ko'koeno la'u na'na kaebeni muu. te'o tata'za temula mau'to'tohʉngʉ nomo ʉmnʉ ci hi'hioa, nongonongo tomo kuzo ci hi'hioa. 20'ola mofi no soanono ci hamo tesicu suapayo'i 'o satan, poa peteozu ta caphʉmu.
tesi'sola pafeni muu to nooe'oca iesu na mengumisi!
21'o la'u iepoepohneni yaahioai ci temote, ho i'o 'oahngʉ'u ci luciu, iesun, sosipato, mo acʉhʉ tuayokeo muu. 22na a'o - tmaatviei ta tengami tan'e ci toti, maezo yonto 'ayumona to nooe'oca ho tuayokeo muu. 23i'omo aʉt'ʉt'ʉcʉ a'o, ho poa yu'eteuyunu to emoosi 'o kiokai ci kaiyo mo mi'usnu muu ho tuayokeo. 'o la aʉt'ʉcʉ to yupasʉ ta hosa tan'e ci 'ilatu ho i'o nat'ohaesamia ci kuato. maezo tuayokeo muu.#panto piyo ci tposʉ noana'o isi topuhngi ta 24 secu <na mengumi to nooe'oca iesu kilisto tesi'sola faeni ta mimu macicihi! 'aamen.>
'inoli no ae'aepʉngʉ ho tohmomoengʉ
25no'unu'sio to hamo na psoevohngʉ! lasi peelʉi ieni to os'o psoyaska ci fukuin ho amamahtʉica na singkoomu. 'e fukuin eni mo e'usnu to e'e to iesu kilisto, cu paavi 'omo ahoi ne noana'o ho nootoefʉngʉ ci moumsʉ'eonʉ. 26'e moumsʉ'eonʉ eni ohsicu ieni to tposʉ to eyongensa ho eyoyafa, a'vinano fiho to mashʉyʉ to 'auesiesi hamo ho epopayoa ta mauhpʉhpʉngʉ, ko'kocu poa tmaa'uzo 'e yatatiskova.
27ina psoevohngʉ tesi'so ieni to iesu kilisto ho ta'usna to cihi ci somoutʉs'ʉa ci hamo, ac'ʉhʉ no 'auesiesi! 'aamen.#panto piyo ci tposʉ noana'o 'e 16:25-27 mo maezo yuyafo to ataveihe 14:23; panto piyo ci tposʉ noana'o moc'o yuyafo to ataveihe 14:23; panto coni ci tposʉ nona'o mo ataveihe yuyafo to 15:33.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014