pilipi euskoskopa
euskoskopa
'e pilipi soo zou ahoi tengami to ohsila ahoza p'eyac'a to poolo ci kiokai ne 'oosiu. 'e pilipi mo yonto makitongsoo ne ohela aʉt'ʉca to looma. 'e tengami eni ohsi tposi to poolo ne moso noekotu to poo'usna. ne mio, ohe seolʉa no pohcingha tola toehungu yaahioa, isi nan'a ta'tipvonga 'o pilipi kiokai homo yuyafo 'ola eh'uh'unu. at'inghi, 'e tengami eni mion'aso a'cʉ'cʉnʉ ekakaebʉ ho tmaa'uzo, pa'teni na hiasi mahtʉicʉ ci singkoo ho taa'uzva 'o iesu kilisto.
na atuhcusi to poolo ho isi tposi 'e tengami eni mo mi'usnu to sinto to kiokai ne pilipi ho e'aveoveoyʉ; maica ne moso aviovio, ohe tosmʉi ho to'usni. tesi ieni ta 'oc'ocic'o ci hie ho cucufni, poa mahtʉicʉ na singkoohe, poa aitneni to sinto, mo e'vono iachi elʉ ta meakvo'ʉ, mio maezo iachi no'ayumonʉ no ngoveo ci a'a'ausna, at'inghi mioc'on'a asngʉcʉ yaa 'ʉteʉ ho singkoo. isi cucufni to poolo la yoyayaeza 'o ma'einu to iesu, teav'ala poa euskuneni no ma'cachi ho bobitano. isi poutʉs'ʉa 'o sinto: homo meelʉ yunsou no 'ayumona no nsou to kilisto mo i'mi no mengumi to hamo; 'e mengumi eni te i'mi no singkoohe ho tiova; o'amo noe'ocʉ to hoolicu to couyutaya ho elʉa, isi yaeza ec'ʉha namo no'ayumonʉ no nsou to isi pafeni to hamo ci kilisto ci cou mio mainenu na isi tanua ci 'aveoveoyʉ ho soanono.
'e isi ep'opnanfa ta tposʉ tan'e zou kokaekaebʉ, tmucni, ho ina luaveica mahtʉicʉ ci singkoo ho h'oyunsova. ta tengami isi auhuhuca pa'teni na 'aveoveoyʉ to poolo homo mi'usnu to kiokai ne pilipi.
etaica
1. ekayo (1:1-11)
2. invonvosi a'a'ausna to poolo (1:12-26)
3. h'oyunsova homo no'ayumonʉ to kilisto (1:27-2:18)
4. temote ho i'o 'ipafoti (2:19-30)
5. etngoeva 'o hangʉ ho i'o mocmo ci sokoeva (3:1-4:9)
6. poolo ho i'o maananghiasi ne pilipi (4:10-20)
7. eepʉngʉ (4:21-23)
Currently Selected:
pilipi euskoskopa: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014
pilipi euskoskopa
euskoskopa
'e pilipi soo zou ahoi tengami to ohsila ahoza p'eyac'a to poolo ci kiokai ne 'oosiu. 'e pilipi mo yonto makitongsoo ne ohela aʉt'ʉca to looma. 'e tengami eni ohsi tposi to poolo ne moso noekotu to poo'usna. ne mio, ohe seolʉa no pohcingha tola toehungu yaahioa, isi nan'a ta'tipvonga 'o pilipi kiokai homo yuyafo 'ola eh'uh'unu. at'inghi, 'e tengami eni mion'aso a'cʉ'cʉnʉ ekakaebʉ ho tmaa'uzo, pa'teni na hiasi mahtʉicʉ ci singkoo ho taa'uzva 'o iesu kilisto.
na atuhcusi to poolo ho isi tposi 'e tengami eni mo mi'usnu to sinto to kiokai ne pilipi ho e'aveoveoyʉ; maica ne moso aviovio, ohe tosmʉi ho to'usni. tesi ieni ta 'oc'ocic'o ci hie ho cucufni, poa mahtʉicʉ na singkoohe, poa aitneni to sinto, mo e'vono iachi elʉ ta meakvo'ʉ, mio maezo iachi no'ayumonʉ no ngoveo ci a'a'ausna, at'inghi mioc'on'a asngʉcʉ yaa 'ʉteʉ ho singkoo. isi cucufni to poolo la yoyayaeza 'o ma'einu to iesu, teav'ala poa euskuneni no ma'cachi ho bobitano. isi poutʉs'ʉa 'o sinto: homo meelʉ yunsou no 'ayumona no nsou to kilisto mo i'mi no mengumi to hamo; 'e mengumi eni te i'mi no singkoohe ho tiova; o'amo noe'ocʉ to hoolicu to couyutaya ho elʉa, isi yaeza ec'ʉha namo no'ayumonʉ no nsou to isi pafeni to hamo ci kilisto ci cou mio mainenu na isi tanua ci 'aveoveoyʉ ho soanono.
'e isi ep'opnanfa ta tposʉ tan'e zou kokaekaebʉ, tmucni, ho ina luaveica mahtʉicʉ ci singkoo ho h'oyunsova. ta tengami isi auhuhuca pa'teni na 'aveoveoyʉ to poolo homo mi'usnu to kiokai ne pilipi.
etaica
1. ekayo (1:1-11)
2. invonvosi a'a'ausna to poolo (1:12-26)
3. h'oyunsova homo no'ayumonʉ to kilisto (1:27-2:18)
4. temote ho i'o 'ipafoti (2:19-30)
5. etngoeva 'o hangʉ ho i'o mocmo ci sokoeva (3:1-4:9)
6. poolo ho i'o maananghiasi ne pilipi (4:10-20)
7. eepʉngʉ (4:21-23)
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014