kolosai euskoskopa
euskoskopa
'e kolosai soo isi tposi to poolo ho pa'i'usna to kiokai ne kolosai ci tengami. 'e kolosai zou conci hosa to esmomhana to 'epeso ne ko'aziasoo. 'o kiokai tan'e o'a ohsi p'eyac'a to poolo, at'inghi isi yainca no koyusi to poolo 'e kiokai ta mia'usnu tan'e mo a'sʉftonʉ yaa tehe sviei ci cvʉhʉ. maica mosola i'mi ne 'epeso (atuhcu hosa ta 'aziasoo ne ohela aʉt'ʉca to looma) ho popeosmuhnu tomo toehungu ho poa yaahioa tan'e. ohsi tac'ʉhi to poolo 'e kiokai ta kolosai mo yuyafo 'o melema'cohio; ihe emahtʉica ho yainca hoci mici bohngʉ to hamo 'e cou mayo no a'sʉftonʉ ci to'usni, te ahtuo'te m'ohkuyu nola <tʉʉt'ʉcʉ ho aʉt'ʉcʉ ta moipiepiya>. ihe yaeza yainca: 'e cou te maezo noyʉyʉcʉ to afnaso ci peipeisia, mais'a 'oeno mees'ehonga, yaeza ahtao'te pee'ofeihni na hia eabobonʉ ho i'o mocmo ci h'ofiha.
mo i'tohungu to fukuin 'o poolo ho ehcʉvha 'emo maica ci hia mahsʉsʉftʉ. isi yainca nai'o kilisto micu yaa a'sʉftonʉ ci mengumi no to'usnu, na mocmo ci e'ausna ho ti'a'ausna tec'o apuya e'ep'epvi no ceonʉ 'e cou, hocu mongoi to kilisto. 'o hamo isi ieni to kilisto ho teyai 'e hpʉhpʉngʉ, yaeza ieni to kilisto ho poa yuovei to hamo 'e hpʉhpʉngʉ. mac'o ci yunsou to 'ayumona to nsou to kilisto, niante yaa ta'uni no peelʉi to'usni 'e hpʉhpʉngʉ. atavei, isi esansana to poolo 'emo maica ci mahsʉsʉftʉ tee mainenu na tesi a'a'ausna hote yonta h'oyunsova ta sinto.
'ete afnasa miteuyuni, i'o moso mahafo ta tengami ho uhne kolosai ci tuiciku. panto isi yuyusveni ci isi yainca 'anisimo, 'e 'anisimo zou tolei; ohsila i'nʉska tposneni to tengami to poolo ho faeni fuilimong.
etaica
1. ekayo (1:1-8)
2. yu'ausna ho i'o hi'hioa to kilisto (1:9-2:19)
3. faeva ci nsou to 'ayumona to kilisto (2:20-4:6)
4. eepʉngʉ (4:7-18)
Currently Selected:
kolosai euskoskopa: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014