Hisaaya 14
14
Ukuhunguuka i Babeeri
1Nahano agaki shubi kejeerera Abahisiraheeri, beene Yakobo. Ee! Agashubi bayereka kwo ye batooziri, babe bandu baage. Anashubi bagalulira mu kihugo kyabo. Ibinyamahanga nabyo, binayiji bayibiika kwo, halinde booshi banabe bakola boꞌmulala muguma naaho. 2Yabo Bahisiraheeri, ibinyamahanga byonyene bigakizi bagalula, binabatwale imwabo. Kundu byo byâli kizi vindagaza Abahisiraheeri, haliko leero, Abahisiraheeri bo bagabitwala imbohe mu kihugo kya Nahano, binahinduke baja baabo, naꞌbaja-kazi baabo, halinde banakizi bikoleesa.
Mwami weꞌBabeeri afwa
3E Bahisiraheeri, si mukoli ba baja. Munakola mu libuzibwa ngana-ngana, mu kukoleesibwa ku kahaati. Kundu kwokwo, Nahano agaki mùholeeza, anamùluhuule. 4Ku yulwo lusiku, mugahonyoleza mwami weꞌBabeeri kwokuno:
«Honyo! Uyo mwami weꞌBabeeri, kundu âli kizi tushundeeza,
si leero ubulangi bwage bwamala!
5Balya banangora-mabi, Nahano keera avuna-vuna ingoni zaabo,
batanaki hiiti ubushobozi bwoꞌkutukoleesa.
6Ulya mwami weꞌBabeeri âli kizi kubula abandu ingoni.
Âli kizi bakomeeresa ku buraakari bweneene.
7Halikago buno, ibihugo byoshi bikoli tuziizi.
Kyo kitumiri abandu bakola mu shubi yimba.
8Kiri neꞌbiti byeꞌshindano, na byeꞌmyerezi byeꞌLebanooni,
nabyo bikoli shambiiri.
Ulya mwami, birya biti bikola mu múhonyoleza kwokuno:
“Honyo! Si mwami keera akanyanyagwa haashi!
Buno, ndaakiye úgashubi tukuba!”
9«E mwami, i nakwere ikoli shambiiri.
Ee ma! Ikyanya ugamanukira yo, igakuyakiira ngana!
Iyo munda i nakwere, keera yakuvyulira imizimu,
na booshi ábashuba bakulu beꞌkihugo.
Igweti igayimusa abaami baꞌmahanga gooshi,
bayimangire ku bitumbi byabo byeꞌkyami, gira bakulamuse.
10Yabo booshi, bagakizi kuhonyoleza, ti:
“Honyo! Buno naawe ukola mwoꞌbukaholwe kuguma na nyiitu!
Si leero ukoli tushushiri!”
11Kundu ubwa mbere bâli kizi kugingika mu bulangashane,
haliko yubwo bulangashane bwawe, keera bwamanulirwa i nakwere.
Ibinubi byo bâli kizi kulakiza,
kwokwo, nabyo mugamanukanwa yo.
Honyo! Ibitwera, kyo kikolaga kyajo kyawe!
Imivuuzi, kyo kikola kibwikwa kyawe!
12E mwami weꞌBabeeri, si we ndonde íshuba mu yaka bweneene ku lukula!
We kanashereeza ibinyamahanga byoshi.#14.12 Bwigule 8.10; 9.1.
Aaho! Kutagi kwo naawe ukatibulirwa hano haashi?
13Si we wâli kizi yihaya kwokuno:
“Nganunga, halinde mbikage mwiꞌgulu,
na mbiike ikitumbi kyani hiꞌgulu lyeꞌndonde za Rurema.
Nganenama ngiisi heꞌbindi íbiri mu yikumbwa biri mu kuumana, kwiꞌrango lyoꞌmugazi, úguli hala imbembe.#14.13 Mataayo 11.23; Luka 10.15.
14Nganungeera hiꞌgulu lyeꞌkibungu,
halinde mbe nga Rurema yenyene, úli hiꞌgulu lya byoshi.”
15Si buno keera ukayami manulwa halinde i nakwere.
Ee! Ukayami tibulirwa ho abafwiri bakoli tuuziri.
16Ikyanya abandu bagakubonaga, bagakuhenekera,
banayibuuze: “E balya, lolagi uno! Ka yolya úwâli kizi jugumya ikihugo?
Ka ye wanâli kizi yobohya amaami gaakyo gooshi?
17Ka atanali ye kahindula ikihugo, kibe ngiꞌshamba?
Si ye wâli kizi hongola utwaya twamwo,
atanahanguula imbohe kwo zigalukire imwabo!”
18«Abaami ba mu kihugo, bali mu kizi ziikwa mu kati koꞌlushaagwa,
ngiisi muguma mu shinda yage.
19Si wehe, ikirunda kyawe kikashaazibwa mwiꞌheero.
Ukolaga nga kaanafu, kaꞌbandu bataki loziizi.
Si buno, ukolaga ugamanukira i nakwere!
Ukola nga kirunda kyaꞌbandu balibata-libata kwo,
unakoli luuzirwi kweꞌbindi birunda.
Byoshi kuguma, binayami lashwa mu kishimo hiꞌgulu lyawe.
20Si keera ukashereeza ikihugo kyawe,
wanaminika abandu baawe!
Ku yukwo, utagaki ziikwa mu kati koꞌlushaagwa.
Aahabi! Nangora-mabi mwene uyo,
kiri naꞌbaana baage bâye yibagirwe lwoshi-lwoshi.
21«Muyibiikage ibiringiini, muminike abaana baage.
Ee! Bayitwe hiꞌgulu lyeꞌbyaha bya yishe.
Hatagire ábagashubi vyula itwe, mbu bashubi twala ikihugo,
kandi iri bayijuza mwoꞌtwaya twabo.»
Rurema agashereeza i Babeeri
22Nahano woꞌbushobozi bwoshi, adetaga kwokuno: «Yako kaaya keꞌBabeeri, nienyene ngakateera, ninakashereeze lwoshi-lwoshi! Abatuulaga baamwo ábasigiiri, ngabashereeza, kuguma naꞌbaana baabo, na beene wabo booshi. 23Ngahindula akaaya keꞌBabeeri, lube lujaga, kanahande mwo banafufulu. Kalya kaaya, ngakahyagiza lwoshi noꞌmuhyagizo, halinde kanashereezibwe lwoshi-lwoshi.» Kwokwo, kwo Nahano woꞌbushobozi bwoshi adesiri.
Nahano agaahana Abahasuriya
24Nahano woꞌbushobozi bwoshi, abiika indahiro kwokuno:
«Ngiisi byo nꞌgashungika, kwokwo kwo biganakoleka!
Ee! Ngiisi kwo nꞌgatwa uluhango, kwo bigaanaba.#14.24 Hisaaya 10.5-34; Nahumu 1.1–3.19; Sefaniya 2.13-15.
25Ikyanya Abahasuriya bagaaba bakola mu kihugo kyani,
lyo ngaamala imisi yabo.
Ngakizi bahinyata-hinyata ku mugazi gwani.
Kundu bâli hesiizi abandu baani umuteekerwa muzito,
haliko buno, ngagulyosa.
26Yibyo byoshi, kwokwo kwo ngoli bishungisiri, hiꞌgulu lyaꞌmahanga gooshi.
Mukuba, ngoli loziizi ukuhana abandu baago booshi.
27Niehe, ndi Nahano woꞌbushobozi bwoshi!
Aaho! Ikyanya ngweti ngashungika igambo,
nyandi úwangaki lihongola?
Neꞌkyanya ndi mu ba ndoziizi ukubahana,
nyandi úwangaki mbagana kwo?»
Rurema agashereeza Abafirisiti
28Ku mwaka gwo mwami Ahaazi akafwa kwo, Rurema akatumira Abafirisiti indumwa kwokuno:#14.28 2 Baami 16.20; 2 Kutondobola 28.17.
29Mwe Bafirisiti mweshi, mwami weꞌHasuriya âli kizi mùkubula ingoni.
Uyo mwami, kundu keera akashaajaga, haliko mutashambaale.
Si umwana wage agabihuukaga ukuhima yishe.
Ee! Mu mutumba gweꞌkihoma,
mwo mugavyuka ikindi kikayu.
Yikyo kindi, kinabe naꞌmanjoka-njoka, kinakizi mùkoma.#14.29 Yeremiya 47.1-7; Hezekyeri 25.15-17; Yuheeri 4.4-8; Hamoosi 1.6-8; Sefaniya 2.4-7; Zakariya 9.5-7.
30Abakeni, kundu bakekeriiri bweneene, bagaki yiguta.
Na kundu balyagagi banakahuku, si bagaki ramba mu kati koꞌbutoge.
Halikago mwehe, mwe Bafirisiti, abandu biinyu ábagasigala,
ngabayitiisa umwena.
Ee! Ngiisi úgasigala mu kati kiinyu, ngamúyita ngana.
31E Bafirisiti mweshi, mukizi shenguka ngana.
E miryango yaꞌkaaya kaabo! Mukizi banda akashiba.
Leero, uluhande lweꞌmbembe, lugalyoka abasirikaani, baziiziri nga kibungu kyoꞌlukungu.
Ngiisi muguma wabo, akola ibiringiini kwiꞌzibo.
32Aaho! Yizo ndumwa ízilyosiri mu Bafirisiti, kutagi kwo tugabashuvya?
Tubabwirage kwokuno: «Akaaya keꞌSayuni, Nahano yenyene keera akakasikamya.
Abandu baage bakeni, bagakizi katibitira mwo,
halinde balongage ukulangwa bwija.»
Currently Selected:
Hisaaya 14: flr
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators Inc. All rights reserved.
Hisaaya 14
14
Ukuhunguuka i Babeeri
1Nahano agaki shubi kejeerera Abahisiraheeri, beene Yakobo. Ee! Agashubi bayereka kwo ye batooziri, babe bandu baage. Anashubi bagalulira mu kihugo kyabo. Ibinyamahanga nabyo, binayiji bayibiika kwo, halinde booshi banabe bakola boꞌmulala muguma naaho. 2Yabo Bahisiraheeri, ibinyamahanga byonyene bigakizi bagalula, binabatwale imwabo. Kundu byo byâli kizi vindagaza Abahisiraheeri, haliko leero, Abahisiraheeri bo bagabitwala imbohe mu kihugo kya Nahano, binahinduke baja baabo, naꞌbaja-kazi baabo, halinde banakizi bikoleesa.
Mwami weꞌBabeeri afwa
3E Bahisiraheeri, si mukoli ba baja. Munakola mu libuzibwa ngana-ngana, mu kukoleesibwa ku kahaati. Kundu kwokwo, Nahano agaki mùholeeza, anamùluhuule. 4Ku yulwo lusiku, mugahonyoleza mwami weꞌBabeeri kwokuno:
«Honyo! Uyo mwami weꞌBabeeri, kundu âli kizi tushundeeza,
si leero ubulangi bwage bwamala!
5Balya banangora-mabi, Nahano keera avuna-vuna ingoni zaabo,
batanaki hiiti ubushobozi bwoꞌkutukoleesa.
6Ulya mwami weꞌBabeeri âli kizi kubula abandu ingoni.
Âli kizi bakomeeresa ku buraakari bweneene.
7Halikago buno, ibihugo byoshi bikoli tuziizi.
Kyo kitumiri abandu bakola mu shubi yimba.
8Kiri neꞌbiti byeꞌshindano, na byeꞌmyerezi byeꞌLebanooni,
nabyo bikoli shambiiri.
Ulya mwami, birya biti bikola mu múhonyoleza kwokuno:
“Honyo! Si mwami keera akanyanyagwa haashi!
Buno, ndaakiye úgashubi tukuba!”
9«E mwami, i nakwere ikoli shambiiri.
Ee ma! Ikyanya ugamanukira yo, igakuyakiira ngana!
Iyo munda i nakwere, keera yakuvyulira imizimu,
na booshi ábashuba bakulu beꞌkihugo.
Igweti igayimusa abaami baꞌmahanga gooshi,
bayimangire ku bitumbi byabo byeꞌkyami, gira bakulamuse.
10Yabo booshi, bagakizi kuhonyoleza, ti:
“Honyo! Buno naawe ukola mwoꞌbukaholwe kuguma na nyiitu!
Si leero ukoli tushushiri!”
11Kundu ubwa mbere bâli kizi kugingika mu bulangashane,
haliko yubwo bulangashane bwawe, keera bwamanulirwa i nakwere.
Ibinubi byo bâli kizi kulakiza,
kwokwo, nabyo mugamanukanwa yo.
Honyo! Ibitwera, kyo kikolaga kyajo kyawe!
Imivuuzi, kyo kikola kibwikwa kyawe!
12E mwami weꞌBabeeri, si we ndonde íshuba mu yaka bweneene ku lukula!
We kanashereeza ibinyamahanga byoshi.#14.12 Bwigule 8.10; 9.1.
Aaho! Kutagi kwo naawe ukatibulirwa hano haashi?
13Si we wâli kizi yihaya kwokuno:
“Nganunga, halinde mbikage mwiꞌgulu,
na mbiike ikitumbi kyani hiꞌgulu lyeꞌndonde za Rurema.
Nganenama ngiisi heꞌbindi íbiri mu yikumbwa biri mu kuumana, kwiꞌrango lyoꞌmugazi, úguli hala imbembe.#14.13 Mataayo 11.23; Luka 10.15.
14Nganungeera hiꞌgulu lyeꞌkibungu,
halinde mbe nga Rurema yenyene, úli hiꞌgulu lya byoshi.”
15Si buno keera ukayami manulwa halinde i nakwere.
Ee! Ukayami tibulirwa ho abafwiri bakoli tuuziri.
16Ikyanya abandu bagakubonaga, bagakuhenekera,
banayibuuze: “E balya, lolagi uno! Ka yolya úwâli kizi jugumya ikihugo?
Ka ye wanâli kizi yobohya amaami gaakyo gooshi?
17Ka atanali ye kahindula ikihugo, kibe ngiꞌshamba?
Si ye wâli kizi hongola utwaya twamwo,
atanahanguula imbohe kwo zigalukire imwabo!”
18«Abaami ba mu kihugo, bali mu kizi ziikwa mu kati koꞌlushaagwa,
ngiisi muguma mu shinda yage.
19Si wehe, ikirunda kyawe kikashaazibwa mwiꞌheero.
Ukolaga nga kaanafu, kaꞌbandu bataki loziizi.
Si buno, ukolaga ugamanukira i nakwere!
Ukola nga kirunda kyaꞌbandu balibata-libata kwo,
unakoli luuzirwi kweꞌbindi birunda.
Byoshi kuguma, binayami lashwa mu kishimo hiꞌgulu lyawe.
20Si keera ukashereeza ikihugo kyawe,
wanaminika abandu baawe!
Ku yukwo, utagaki ziikwa mu kati koꞌlushaagwa.
Aahabi! Nangora-mabi mwene uyo,
kiri naꞌbaana baage bâye yibagirwe lwoshi-lwoshi.
21«Muyibiikage ibiringiini, muminike abaana baage.
Ee! Bayitwe hiꞌgulu lyeꞌbyaha bya yishe.
Hatagire ábagashubi vyula itwe, mbu bashubi twala ikihugo,
kandi iri bayijuza mwoꞌtwaya twabo.»
Rurema agashereeza i Babeeri
22Nahano woꞌbushobozi bwoshi, adetaga kwokuno: «Yako kaaya keꞌBabeeri, nienyene ngakateera, ninakashereeze lwoshi-lwoshi! Abatuulaga baamwo ábasigiiri, ngabashereeza, kuguma naꞌbaana baabo, na beene wabo booshi. 23Ngahindula akaaya keꞌBabeeri, lube lujaga, kanahande mwo banafufulu. Kalya kaaya, ngakahyagiza lwoshi noꞌmuhyagizo, halinde kanashereezibwe lwoshi-lwoshi.» Kwokwo, kwo Nahano woꞌbushobozi bwoshi adesiri.
Nahano agaahana Abahasuriya
24Nahano woꞌbushobozi bwoshi, abiika indahiro kwokuno:
«Ngiisi byo nꞌgashungika, kwokwo kwo biganakoleka!
Ee! Ngiisi kwo nꞌgatwa uluhango, kwo bigaanaba.#14.24 Hisaaya 10.5-34; Nahumu 1.1–3.19; Sefaniya 2.13-15.
25Ikyanya Abahasuriya bagaaba bakola mu kihugo kyani,
lyo ngaamala imisi yabo.
Ngakizi bahinyata-hinyata ku mugazi gwani.
Kundu bâli hesiizi abandu baani umuteekerwa muzito,
haliko buno, ngagulyosa.
26Yibyo byoshi, kwokwo kwo ngoli bishungisiri, hiꞌgulu lyaꞌmahanga gooshi.
Mukuba, ngoli loziizi ukuhana abandu baago booshi.
27Niehe, ndi Nahano woꞌbushobozi bwoshi!
Aaho! Ikyanya ngweti ngashungika igambo,
nyandi úwangaki lihongola?
Neꞌkyanya ndi mu ba ndoziizi ukubahana,
nyandi úwangaki mbagana kwo?»
Rurema agashereeza Abafirisiti
28Ku mwaka gwo mwami Ahaazi akafwa kwo, Rurema akatumira Abafirisiti indumwa kwokuno:#14.28 2 Baami 16.20; 2 Kutondobola 28.17.
29Mwe Bafirisiti mweshi, mwami weꞌHasuriya âli kizi mùkubula ingoni.
Uyo mwami, kundu keera akashaajaga, haliko mutashambaale.
Si umwana wage agabihuukaga ukuhima yishe.
Ee! Mu mutumba gweꞌkihoma,
mwo mugavyuka ikindi kikayu.
Yikyo kindi, kinabe naꞌmanjoka-njoka, kinakizi mùkoma.#14.29 Yeremiya 47.1-7; Hezekyeri 25.15-17; Yuheeri 4.4-8; Hamoosi 1.6-8; Sefaniya 2.4-7; Zakariya 9.5-7.
30Abakeni, kundu bakekeriiri bweneene, bagaki yiguta.
Na kundu balyagagi banakahuku, si bagaki ramba mu kati koꞌbutoge.
Halikago mwehe, mwe Bafirisiti, abandu biinyu ábagasigala,
ngabayitiisa umwena.
Ee! Ngiisi úgasigala mu kati kiinyu, ngamúyita ngana.
31E Bafirisiti mweshi, mukizi shenguka ngana.
E miryango yaꞌkaaya kaabo! Mukizi banda akashiba.
Leero, uluhande lweꞌmbembe, lugalyoka abasirikaani, baziiziri nga kibungu kyoꞌlukungu.
Ngiisi muguma wabo, akola ibiringiini kwiꞌzibo.
32Aaho! Yizo ndumwa ízilyosiri mu Bafirisiti, kutagi kwo tugabashuvya?
Tubabwirage kwokuno: «Akaaya keꞌSayuni, Nahano yenyene keera akakasikamya.
Abandu baage bakeni, bagakizi katibitira mwo,
halinde balongage ukulangwa bwija.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators Inc. All rights reserved.