Romanos 3
3
1Ajinaqa, judío kana mana judío kanamanta nisqa, imapitaj aswan kasqari? Jinataj circuncidasqa kana imapajtaj allinri? 2Judío kanaqa tukuy imapi may sumaj, imaraykuchus Diosqa simi nisqanta ñawpajta judío kajkunamanraj qosqa. 3Chaywanpis paykunamanta wakin Diospa willachisqanta mana kasorqankuchu. Jina kajtenqa, chay niytachu munan Diospis nisqanta manallataj junt'ananta paykuna mana kasusqankurayku?#2 Ti 2.13. 4Chayqa mana jinachu, aswanpis tukuy runakuna llulla kanku chaypis, Diosqa cheqa kajtapuni parlan. Diospa Qhelqachisqanpi nin:
Nisqaykinejta cheqan kasqaykita rejsichikunki,
juzgasojtinkutaj, atipanki,#Sal 51.4. nispa.
5Sichus millayta ruwasqanchej Diospa cheqan kayninta sut'ita sut'inchan chayrí, ima nisuntaj? Nisunmanchu noqanchejta jasut'ispa Dios mana cheqan kajta ruwashasqanta? Chaytaqa runaj yuyasqanman jinalla parlashani. 6Chayqa mana jinachu. Sichus Dios mana cheqan kajta ruwan chayqa, ima uyanwantaj runata juzganmanri?
7Chaywanpis, ichapis wakin ninkuman: Sichus llullakusqayqa Diospa cheqa kayninta sut'inchan pay jatunchasqa kananpaj chayqa, imaraykutaj Dios noqata juchachawanman, juchayojpis kayman jinari? 8Ajina chayqa, manachu nisunman: Millay kajta ruwana ari, allin kaj jamunanpaj, nispa? Wakin tumpawayku noqayku chayta yachachisqaykuta. Chaywanpis ajinata nejkuna juchachasqa kanankupaj jinapuni kanku.#Ro 6.1-2,15.
9Chay jinaqa, noqanchej judiokuna mana judío kajkunamanta aswan allinchu kanchej? Chayqa mana jinachu. Ña ninchejña judiokuna, mana judío kajkunapis tukuyninchej juchaj makinpi kasqanchejta. 10Diospa Qhelqachisqanpi nin:
Ni ujpis mana juchayojqa kanchu.
11Yuyayniyojqa mana pipis kanchu,
nillataj Diosta mask'ajpis.
12Tukuyninku cheqan ñanmanta pantaykunku,
jinataj manakajman tukunku.
Mana pipis allin kajta ruwajqa kanchu, ni ujllapis.#Sal 14.1-3.
13Siminkoqa kicharisqa covacha jina.
Nisqankuwan runata q'otiyanku,#Sal 5.9,10.
parlasqankutaj katarej venenon jina.#Sal 140.3,4.
14Siminkuwan runata maldicinku, jayatataj parlanku.#Sal 10.7.
15Runata wañuchinankupaj usqhayllata phawarinku.
16Chantá maypichus purisqankupeqa allin kawsay mana kanchu,
aswanpis runata ñak'arichiylla.
17Sonqo tiyaykusqa kawsayta mana rejsinkuchu.#Is 59.7,8.
18Diostapis manallataj may respetowan qhawankuchu,#Sal 36.1. nispa.
19Yachanchej Moisespa kamachisqanpi nisqanqa chay kamachisqaj makinpi kajkunapaj churasqa kasqanta. Chayqa ajina kay pachapi kaj chhika runakuna ch'inyachisqa kanankupaj, tukuytaj Diospa ñawpaqenpi juchachasqa rikhurinankupaj. 20Chayrayku kamachisqaj nisqanta kasojkunamanta mana pipis Diospa ñawpaqenpi cheqan runapaj qhawasqachu kanqa.#Sal 143.2; Gl 2.16. Manachayqa kamachisqakuna juchayoj kasqanchejmanta yachayta qowanchej.
Jesucristopi atinikuspalla qhespichisqa kanchej
21Kunanrí, Dios rejsichiwanchej imaynatachus cheqan runapaj qhawasqa kayta atisqanchejta, mana kamachisqata junt'aspalla. Chaytaj ajinapuni kasqanta yachayta qowanchej Moisespa qhelqasqanpi, chantá Diosmanta sut'inchajkunaj qhelqasqankupi ima. 22Diosqa runata cheqanpaj qhawawanchej Jesucristopi atinikusqanchejrayku. Paytaj chayta ruwan Jesuspi tukuy atinikojkunawan, imaraykuchus Diosqa runata mana qhawaranchu.
23Tukuy runakuna juchallikusqanchejrayku Diospa jatun kayninpa k'anchayninpi kanaman mana pipis taripayta atinchejchu. 24Chaywanpis Diosqa qhasilla k'acha yanapayninrayku, Cristo Jesusnejta cheqan runapaj qhawawanchej. Cristomin wañuspa, juchanchejmanta jasut'isqa kanamanta kacharichiwarqanchej. 25Diosqa Jesucristota kay pachaman kachamorqa noqanchejrayku wañunanpaj. Ajinaqa sichus Jesucristo noqanchejrayku wañusqanpi atinikunchej chayqa, Dios juchanchejta pampachan. Ajinata ruwaspa, Diosqa cheqan kasqanta rejsichikun, jinataj pacienciayoj kasqanta, maypachachus ñawpajta juchallejkunata mana jasut'erqachu, chaypacha. 26Chayta ruwarqa rejsichinanpaj kunan p'unchay imaynatachus pitapis cheqan runapaj qhawasqanta. Payqa cheqan kajta ruwaj kasqanrayku Jesuspi atinikojkunata cheqanpaj qhawasqa runaman tukuchin.
27Ajinaqa Diospa ñawpaqenpi runaj jatunchakusqan, imapitaj paranri? Chayqa chinkachisqaña, icharí? Imaraykutaj pipis cheqanpaj qhawasqa kanman? Kamachisqata junt'asqanraykuchu? Mana. Aswanpis Diospi atinikusqanraykulla. 28Ajinapi yachanchej Diospi atinikusqanraykulla pipis cheqan runapaj qhawasqa kasqanta, manataj Moisespa kamachisqanta junt'asqanraykuchu.#Hch 13.39; Ro 1.17; Gl 2.16; Ef 2.8-9; 2 Ti 1.9; Tit 3.5.
29Diosqa judiokunaj Diosnillanchu? Manachu mana judiokunajtapis? Cheqapuni paykunajtapis Diosnillantaj, icharí? 30Diosqa ujllamin,#Dt 6.4. paytaj Jesucristopi atinikojkunata circuncidasqatapis, mana circuncidasqatapis cheqan runapaj qhawanqa.
31Ajinaqa noqanchej Jesuspi atinikuspa, Moisespa kamachisqanta manakajman tukuchinchejchu? Ni imarayku. Aswanpis maypachachus Jesuspi atinikunchej chaypacha, Moisespa kamachisqanta maychus kajta junt'anchej.
Currently Selected:
Romanos 3: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.