Números 8
8
Aarón lamparakunata jap'ichin
1Tata Dios Moiseswan parlaspa, nillarqataj: 2Aaronta ajinata niy: Qanchis lamparakunata jap'ichispaqa, candeleroj ñawpaqenta k'anchananpaj jina churanki, nispa.
3Chantá Aarón kikinta ruwarqa. Imaynatachus Tata Dios Moisesman kamachisqanman jina, lamparakunata candeleroj ñawpaqenman k'anchanankupaj churarqa. 4Candeleroqa chakinmantapacha lamparakunata churanakama martillowan takaspa qorimanta ruwasqa karqa. Tata Dios Moisesman rikuchisqanman jina candelero ruwasqa karqa.
Levitakuna Tata Diospaj t'aqasqa kanku
5Tata Dios Moisesta nillarqataj: 6Levitakunata israelitakuna ukhumanta t'aqaspa, paykunata llimphuchay. 7Llimphuchasqa kanankupaj kay jinata ruwanki: Llimphuchana yakuwan paykunata ch'ajchunki. Chaymantataj paykunaqa tukuy ukhunkumanta chujchata raphakonqanku, chantá p'achankutapis t'ajsakullanqankutaj. Ajinata levitakunaqa llimphuchasqa kanqanku. 8Chaymantataj uj torillota apamullachunkutaj, aceitewan puñasqa sumaj jak'utawan ima ch'aki mikhuy jaywanata jaywanapaj. Jinallataj jucharayku Diosman jaywanapaj uj torillota apamullachunkutaj. 9Chantá levitakunata Dioswan Tinkukuna Toldoj ñawpaqenman qayllamunankuta ninki. Jinallataj tukuynin israelitakunata tantanki. 10Chantá Tata Diospa ñawpaqenman levitakunata qayllachejtiyki, israelitakunaqa levitakunaj umankuman makinkuta churanqanku. 11Chantá Aaronqa israelitakunaj sutinpi ikhasqa jaywanata jina levitakunata Tata Diosman jaywanqa. Ajinamanta levitakunaqa noqapaj t'aqasqa kanqanku.
12Chaymantá levitakunañataj torillokunaj umanman makinkuta churanqanku. Chaymantataj ujnin kaj torillota jucha pampachasqa kananpaj jaywanki. Ujnintataj q'olachispa Tata Diosman jaywanki levitakuna llimphuchasqa kanankupaj. 13Chaymantataj Aaronpa, chantá churinkunaj ñawpaqenpi ima levitakunata sayachispa, paykunata jaywanata jina noqaman jaywawanki. 14Ajinata levitakunata noqajta kanankupaj israelitakuna ukhumanta t'aqapuwanki.
15Chantá levitakuna llimphuchasqa kaspa, jinataj jaywanata jina noqaman jaywasqa kaspa, chayraj Dioswan Tinkukuna Toldopi ruwanankuta ruwayta qallarenqanku. 16Ajina kanqa, imaraykuchus tukuy israelitakunamanta levitakuna noqapaj t'aqasqa kanku. Noqa paykunata noqapaj jap'ini, israelitakunaj tukuy kuraj kaj churinkukunaj cuentanmanta. 17Israelitakunaj tukuy kuraj kaj churinkukunaqa noqajtamin kanku. Ajinallataj tukuy uywankukunaj phiwi uñankunapis noqajllatataj kanku. Maypachachus Egipto llajtayojkunaj kuraj kaj churinkukunata wañuracherqani chaypacha, noqa paykunata ajllakorqani.#Ex 13.2,11-16. 18Chayrayku israelitakunaj kuraj kaj churinkukunaj cuentanmanta levitakunata ajllakorqani. 19Noqa israelitakuna ukhumanta levitakunata ajllakuspa, Aaronman, chantá churinkunaman ima qorqani. Paykuna israelitakunaj sutinpi Dioswan Tinkukuna Toldopi imachus ruwanata ruwanqanku, jinallataj israelitakunaj juchanku pampachasqa kananpaj paykunarayku Diosman jaywanqanku. Ajinamanta israelitakuna Dioswan Tinkukuna Toldoman qayllajtinku, mana ima llakiypis qhatirenqachu, nispa.
20Ajinata Moiseswan, Aaronwan, chantá tukuy israelitakunawan ima ruwarqanku, levitakunamanta Tata Dios Moisesman imatachus kamachisqanman jina. 21Chantá Diospa ñawpaqenpi llimphu kanankupaj, levitakuna llimphuchakorqanku, p'achankutapis t'ajsakorqanku. Aarontaj sumaj jaywanata jina paykunata Tata Diosman jaywarqa. Levitakunata llimphuchananpajtaj jucha pampachasqa kananpaj jaywanata Tata Diosman jaywarqa. 22Chaymantataj levitakunaqa Dioswan Tinkukuna Toldopi imachus ruwanankuta junt'aj rerqanku. Aaronwan, churinkunawan imataj qhawaspa ruwacherqanku. Ajinata Tata Dios Moisesman kamachisqanman jina levitakunawan ruwarqanku.
Levitakuna mayk'ajkamachus ruwananku
23Chaymanta Tata Dios Moisesta nillarqataj: 24Levitakunaqa iskay chunka phishqayoj watayoj kashaspa, Dioswan Tinkukuna Toldopi imatachus ruwanankuta ruwayta qallarenqanku. 25Phishqa chunka watayoj kashaspataj, imachus ruwanankumanta sayaponqanku. 26Chaymanta qhepamanqa paykunaj qhepankuta yaykojkunataña Dioswan Tinkukuna Toldota qhawanapi yanapanqanku. Chaywanpis paykunaqa imachus ruwanankuta manaña ruwanqankuchu. Ajinata levitakunata kamachinki, nispa.
Currently Selected:
Números 8: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Números 8
8
Aarón lamparakunata jap'ichin
1Tata Dios Moiseswan parlaspa, nillarqataj: 2Aaronta ajinata niy: Qanchis lamparakunata jap'ichispaqa, candeleroj ñawpaqenta k'anchananpaj jina churanki, nispa.
3Chantá Aarón kikinta ruwarqa. Imaynatachus Tata Dios Moisesman kamachisqanman jina, lamparakunata candeleroj ñawpaqenman k'anchanankupaj churarqa. 4Candeleroqa chakinmantapacha lamparakunata churanakama martillowan takaspa qorimanta ruwasqa karqa. Tata Dios Moisesman rikuchisqanman jina candelero ruwasqa karqa.
Levitakuna Tata Diospaj t'aqasqa kanku
5Tata Dios Moisesta nillarqataj: 6Levitakunata israelitakuna ukhumanta t'aqaspa, paykunata llimphuchay. 7Llimphuchasqa kanankupaj kay jinata ruwanki: Llimphuchana yakuwan paykunata ch'ajchunki. Chaymantataj paykunaqa tukuy ukhunkumanta chujchata raphakonqanku, chantá p'achankutapis t'ajsakullanqankutaj. Ajinata levitakunaqa llimphuchasqa kanqanku. 8Chaymantataj uj torillota apamullachunkutaj, aceitewan puñasqa sumaj jak'utawan ima ch'aki mikhuy jaywanata jaywanapaj. Jinallataj jucharayku Diosman jaywanapaj uj torillota apamullachunkutaj. 9Chantá levitakunata Dioswan Tinkukuna Toldoj ñawpaqenman qayllamunankuta ninki. Jinallataj tukuynin israelitakunata tantanki. 10Chantá Tata Diospa ñawpaqenman levitakunata qayllachejtiyki, israelitakunaqa levitakunaj umankuman makinkuta churanqanku. 11Chantá Aaronqa israelitakunaj sutinpi ikhasqa jaywanata jina levitakunata Tata Diosman jaywanqa. Ajinamanta levitakunaqa noqapaj t'aqasqa kanqanku.
12Chaymantá levitakunañataj torillokunaj umanman makinkuta churanqanku. Chaymantataj ujnin kaj torillota jucha pampachasqa kananpaj jaywanki. Ujnintataj q'olachispa Tata Diosman jaywanki levitakuna llimphuchasqa kanankupaj. 13Chaymantataj Aaronpa, chantá churinkunaj ñawpaqenpi ima levitakunata sayachispa, paykunata jaywanata jina noqaman jaywawanki. 14Ajinata levitakunata noqajta kanankupaj israelitakuna ukhumanta t'aqapuwanki.
15Chantá levitakuna llimphuchasqa kaspa, jinataj jaywanata jina noqaman jaywasqa kaspa, chayraj Dioswan Tinkukuna Toldopi ruwanankuta ruwayta qallarenqanku. 16Ajina kanqa, imaraykuchus tukuy israelitakunamanta levitakuna noqapaj t'aqasqa kanku. Noqa paykunata noqapaj jap'ini, israelitakunaj tukuy kuraj kaj churinkukunaj cuentanmanta. 17Israelitakunaj tukuy kuraj kaj churinkukunaqa noqajtamin kanku. Ajinallataj tukuy uywankukunaj phiwi uñankunapis noqajllatataj kanku. Maypachachus Egipto llajtayojkunaj kuraj kaj churinkukunata wañuracherqani chaypacha, noqa paykunata ajllakorqani.#Ex 13.2,11-16. 18Chayrayku israelitakunaj kuraj kaj churinkukunaj cuentanmanta levitakunata ajllakorqani. 19Noqa israelitakuna ukhumanta levitakunata ajllakuspa, Aaronman, chantá churinkunaman ima qorqani. Paykuna israelitakunaj sutinpi Dioswan Tinkukuna Toldopi imachus ruwanata ruwanqanku, jinallataj israelitakunaj juchanku pampachasqa kananpaj paykunarayku Diosman jaywanqanku. Ajinamanta israelitakuna Dioswan Tinkukuna Toldoman qayllajtinku, mana ima llakiypis qhatirenqachu, nispa.
20Ajinata Moiseswan, Aaronwan, chantá tukuy israelitakunawan ima ruwarqanku, levitakunamanta Tata Dios Moisesman imatachus kamachisqanman jina. 21Chantá Diospa ñawpaqenpi llimphu kanankupaj, levitakuna llimphuchakorqanku, p'achankutapis t'ajsakorqanku. Aarontaj sumaj jaywanata jina paykunata Tata Diosman jaywarqa. Levitakunata llimphuchananpajtaj jucha pampachasqa kananpaj jaywanata Tata Diosman jaywarqa. 22Chaymantataj levitakunaqa Dioswan Tinkukuna Toldopi imachus ruwanankuta junt'aj rerqanku. Aaronwan, churinkunawan imataj qhawaspa ruwacherqanku. Ajinata Tata Dios Moisesman kamachisqanman jina levitakunawan ruwarqanku.
Levitakuna mayk'ajkamachus ruwananku
23Chaymanta Tata Dios Moisesta nillarqataj: 24Levitakunaqa iskay chunka phishqayoj watayoj kashaspa, Dioswan Tinkukuna Toldopi imatachus ruwanankuta ruwayta qallarenqanku. 25Phishqa chunka watayoj kashaspataj, imachus ruwanankumanta sayaponqanku. 26Chaymanta qhepamanqa paykunaj qhepankuta yaykojkunataña Dioswan Tinkukuna Toldota qhawanapi yanapanqanku. Chaywanpis paykunaqa imachus ruwanankuta manaña ruwanqankuchu. Ajinata levitakunata kamachinki, nispa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.