Números 24
24
1Balaam israelitakunata saminchana Tata Diosman allin rijch'asqanta repararqa. Chayrayku manaña ñawpaj kutipi, chantá iskay kutipi jina Tata Diosta tapoj rerqachu. Manachayqa ch'innejta qhawarerqa. 2Chantá Balaam israelitakunata jatun aylluman jina jarasqata rikorqa. Diospa espirituntaj payman jamorqa. 3Chaymantá Balaamqa ajinata sut'incharqa:
Beorpata churin Balaam,
Tata Diospa munasqanta sumajta yachaj ajinata nini.
4Tukuy Atiyniyoj Diospa sutinpi parlani.
Noqaqa pay imatachus munasqanta yachani,
imaraykuchus paypa ñawpaqenpi karqani.
5Jacob, chay jina k'achitu jaraykeqa.
Israelitakuna, chay jina k'achitu toldoykichejqa.
6Palma sach'a sinrulla kashajman rijch'akun,
mayu kantupi huertapis kashanman jina.
Tata Diospa mallkisqan áloe sach'apis kanman jina,
yaku kantupi cedro sach'a jina kashan.
7Israelqa ashkha yakuyoj kanqa.
Ujyanankupaj, tarpusqankutapis qarpanankupaj jina kanqa.
Israelpa kuraj kamachejnenqa kamachej Agagmantapis astawan atiyniyoj kanqa,
atiynintaj may jina uyarisqa.
8Diosqa israelitakunata Egiptomanta orqhomorqa.
Diosqa paykunapaj k'ita toro jina manchay kallparara.
Diosqa paywan churanakoj suyukunata mikhukaponqa.
Tullunkuta p'akiran, arcowan flechaspataj paykunata t'ojsenqa.
9Israel león jina awaytarin, china león jina winkurin.
Pitaj sayarichej qayllaykunmanri?
Israelitakunata saminchajkuna saminchasqallataj kachunku.
Maldicejkunataj maldicisqallataj kachunku, nispa.#24.9 Balaampa nisqanqa Tata Diospa nisqanta ujtawan kutikipallantaj. Gn 12.3.
Balaam nin imachus kananta
10Chayta Balac uyarispa, Balaampaj maytapuni phiñarikorqa. Makinta laq'arikuspataj, nerqa: Noqaqa awqayta maldicinaykipaj pusachimorqayki. Qantajrí kinsa kutitaña paykunata saminchanki. 11Kunanpacha llajtaykiman ripuy. Noqa nerqayki qhapajyachisunayta. Tata Diostajrí qhapajyanaykita mana munanchu, nispa.
12Chantá Balaam kuticherqa: Noqaqa kachaykikunaman sut'inta nerqaniña: 13Balac kamachinan wasi junt'atapis qorita, qolqeta qowachun, manapuni noqaqa Tata Diospa kamachiwasqanta p'akisajchu. Chayrayku noqaqa mana atinichu allin kajta, nitaj mana allin kajtapis noqallamanta ruwayta. Noqaqa Tata Dios imatachá kamachiwanqa, chayllata ruwasaj, nispa. 14Jinaqa, llajtayman kutipusaj. Manaraj ripushasparí, qhepanejman israelitakuna runaykikunata imatachus ruwanankuta willasqayki.
15Chantá Balaam ajinata sut'incharqa:
Beorpata churin Balaam ajinata nini:
Kay jina willayta sumaj sut'ita uyarerqani.
16Diospa parlasqanta uyarerqani.
Yachasqayqa Patapi Kaj Diosmanta jamun,
sut'ipi jina rikusqaytataj Tukuy Atiyniyoj Diosmanta jap'ini.
17Imachus qhepanejman kanqa chayta rikuni,
chaytaj manaraj junt'akunrajchu.
Jacobpa mirayninmanta uj ch'aska rikhurimonqa,
Israel ukhumanta uj kamachej jatarenqa.
Paymin Moabta atipaykonqa,
Setpata miraynintapis tukuyninta chinkachenqa.
18Edomta jap'enqa, jinallataj Seirtapis.
Israeltaj t'ukunapaj jina jatuchaj imakunata ruwanqa.
19Jacobpa mirayninmanta uj atipaj rikhurenqa,
llajtapi qhepakojkunatataj chinkachenqa, nispa.
20Chaymanta Balaamqa amalecitakunata qhawarispa, kay jinata nillarqataj:
Amalecqa manchay atiyniyoj suyu karqa,
tukuy suyumanta nisqa astawan atiyniyoj.
Chay tukuywanpis tukuynin chinkachisqa kanqa, nispa.
21Chaymanta quenitakunata qhawarispataj, Balaam kay jinata nerqa:
Qankunaj tiyakunaykichejqa sumaj sinch'i,
Thapaykichejpis chhankapi ruwasqa kashan.
Chaywanpis thapaykichejqa ruphaykuchisqa kanqa.
22Quenitakunaqa wijch'usqa kankichej,
Asiriamanta kajkunataj wata runaman tukuchisonqachej, nispa.
23Chaymanta Balaamqa kay jinatañataj sut'incharqa:
Ay, pitaj kawsanman kay imakunata Dios ruwashajtinri?
24Chipremanta barcokuna jamonqanku.
Asiriata, Ebertawan raqayllata saqenqanku.
Chaywanpis paykuna wiñaypaj chinkachisqallataj kanqanku.
25Ajinata niytawan, Balaamqa chaymanta ripuspa, llajtanman kutiporqa. Balacpis ripullarqataj.
Currently Selected:
Números 24: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Números 24
24
1Balaam israelitakunata saminchana Tata Diosman allin rijch'asqanta repararqa. Chayrayku manaña ñawpaj kutipi, chantá iskay kutipi jina Tata Diosta tapoj rerqachu. Manachayqa ch'innejta qhawarerqa. 2Chantá Balaam israelitakunata jatun aylluman jina jarasqata rikorqa. Diospa espirituntaj payman jamorqa. 3Chaymantá Balaamqa ajinata sut'incharqa:
Beorpata churin Balaam,
Tata Diospa munasqanta sumajta yachaj ajinata nini.
4Tukuy Atiyniyoj Diospa sutinpi parlani.
Noqaqa pay imatachus munasqanta yachani,
imaraykuchus paypa ñawpaqenpi karqani.
5Jacob, chay jina k'achitu jaraykeqa.
Israelitakuna, chay jina k'achitu toldoykichejqa.
6Palma sach'a sinrulla kashajman rijch'akun,
mayu kantupi huertapis kashanman jina.
Tata Diospa mallkisqan áloe sach'apis kanman jina,
yaku kantupi cedro sach'a jina kashan.
7Israelqa ashkha yakuyoj kanqa.
Ujyanankupaj, tarpusqankutapis qarpanankupaj jina kanqa.
Israelpa kuraj kamachejnenqa kamachej Agagmantapis astawan atiyniyoj kanqa,
atiynintaj may jina uyarisqa.
8Diosqa israelitakunata Egiptomanta orqhomorqa.
Diosqa paykunapaj k'ita toro jina manchay kallparara.
Diosqa paywan churanakoj suyukunata mikhukaponqa.
Tullunkuta p'akiran, arcowan flechaspataj paykunata t'ojsenqa.
9Israel león jina awaytarin, china león jina winkurin.
Pitaj sayarichej qayllaykunmanri?
Israelitakunata saminchajkuna saminchasqallataj kachunku.
Maldicejkunataj maldicisqallataj kachunku, nispa.#24.9 Balaampa nisqanqa Tata Diospa nisqanta ujtawan kutikipallantaj. Gn 12.3.
Balaam nin imachus kananta
10Chayta Balac uyarispa, Balaampaj maytapuni phiñarikorqa. Makinta laq'arikuspataj, nerqa: Noqaqa awqayta maldicinaykipaj pusachimorqayki. Qantajrí kinsa kutitaña paykunata saminchanki. 11Kunanpacha llajtaykiman ripuy. Noqa nerqayki qhapajyachisunayta. Tata Diostajrí qhapajyanaykita mana munanchu, nispa.
12Chantá Balaam kuticherqa: Noqaqa kachaykikunaman sut'inta nerqaniña: 13Balac kamachinan wasi junt'atapis qorita, qolqeta qowachun, manapuni noqaqa Tata Diospa kamachiwasqanta p'akisajchu. Chayrayku noqaqa mana atinichu allin kajta, nitaj mana allin kajtapis noqallamanta ruwayta. Noqaqa Tata Dios imatachá kamachiwanqa, chayllata ruwasaj, nispa. 14Jinaqa, llajtayman kutipusaj. Manaraj ripushasparí, qhepanejman israelitakuna runaykikunata imatachus ruwanankuta willasqayki.
15Chantá Balaam ajinata sut'incharqa:
Beorpata churin Balaam ajinata nini:
Kay jina willayta sumaj sut'ita uyarerqani.
16Diospa parlasqanta uyarerqani.
Yachasqayqa Patapi Kaj Diosmanta jamun,
sut'ipi jina rikusqaytataj Tukuy Atiyniyoj Diosmanta jap'ini.
17Imachus qhepanejman kanqa chayta rikuni,
chaytaj manaraj junt'akunrajchu.
Jacobpa mirayninmanta uj ch'aska rikhurimonqa,
Israel ukhumanta uj kamachej jatarenqa.
Paymin Moabta atipaykonqa,
Setpata miraynintapis tukuyninta chinkachenqa.
18Edomta jap'enqa, jinallataj Seirtapis.
Israeltaj t'ukunapaj jina jatuchaj imakunata ruwanqa.
19Jacobpa mirayninmanta uj atipaj rikhurenqa,
llajtapi qhepakojkunatataj chinkachenqa, nispa.
20Chaymanta Balaamqa amalecitakunata qhawarispa, kay jinata nillarqataj:
Amalecqa manchay atiyniyoj suyu karqa,
tukuy suyumanta nisqa astawan atiyniyoj.
Chay tukuywanpis tukuynin chinkachisqa kanqa, nispa.
21Chaymanta quenitakunata qhawarispataj, Balaam kay jinata nerqa:
Qankunaj tiyakunaykichejqa sumaj sinch'i,
Thapaykichejpis chhankapi ruwasqa kashan.
Chaywanpis thapaykichejqa ruphaykuchisqa kanqa.
22Quenitakunaqa wijch'usqa kankichej,
Asiriamanta kajkunataj wata runaman tukuchisonqachej, nispa.
23Chaymanta Balaamqa kay jinatañataj sut'incharqa:
Ay, pitaj kawsanman kay imakunata Dios ruwashajtinri?
24Chipremanta barcokuna jamonqanku.
Asiriata, Ebertawan raqayllata saqenqanku.
Chaywanpis paykuna wiñaypaj chinkachisqallataj kanqanku.
25Ajinata niytawan, Balaamqa chaymanta ripuspa, llajtanman kutiporqa. Balacpis ripullarqataj.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.