Números 18
18
Sacerdotekunaj, levitakunaj ruwananku
1Tata Dios Aaronwan parlaspa, nillarqataj: Dioswan Tinkukuna Toldoj contranta israelitakuna juchallinkuman chayqa, qan, churiykikuna, chantá Leví jatun ayllumanta kajkunapiwan ima juchayoj kankichej. Sichus qanwan, churiykikunawan ima sacerdote kashaspa, juchalliwajchej chayqa, qankuna kikiykichej juchayoj kankichej.
2Dioswan Tinkukuna Toldopi imachus ruwanata ruwanapaj qanwan, churiykikunawan ima mañarikuyta atinkichej Leví jatun ayllumanta wawqeykichejkuna yanaparinankuta. Qanwan, churiykikunawan imarí, Dioswan Tinkukuna Toldopi imachus ruwanata ruwankichej. 3Levitakunaqa qanpa kamachisqaykita Dioswan Tinkukuna Toldopi imachus ruwanata ruwanqanku. Chaywanpis Dioswan Tinkukuna Toldopi imakunachus tiyan, chantá altarman ima amapuni qayllanqankuchu, ama qankuna, nitaj paykunapis wañunankupaj. 4Levitakunaqa qanta yanapasonqanku, jinataj Dioswan Tinkukuna Toldopi imachus ruwanata ruwanqanku. Chaywanpis Leví jatun ayllumanta mana kajqa manapuni qayllamuyta atenqachu.
5Qankuna Diosta yupaychana cheqata, chantá altarta ima qhawanaykichejpaj churasqa kankichej, ama israelitakunaj contranta ujtawan k'arajta phiñakunaypaj. 6Noqaqa wawqeyki levitakunata israelitakuna ukhumanta t'aqarqani, paykunata qanman qonaypaj, Dioswan Tinkukuna Toldopi imachus ruwanata ruwanankupaj. 7Chaywanpis altarpi ruwanata, jinataj Diosllapaj T'aqasqa nisqa cheqapi ruwanatawan imaqa qanwan, chantá churiykikuna imalla ruwankichej. Sacerdote jina ruwanaqa qankunajllatamin, imaraykuchus noqa chay ruwanata qankunaman qoykichej. Sichus pipis mana sacerdote kashaspalla sacerdotej ruwananta ruwanman chayqa, wañuchisqa kanqa, nispa.
Sacerdotekuna levitakuna ima kawsanankupaj jaywana
8Tata Dios Aaronwan parlaspa, nillarqataj: Qanta churayki israelitakuna apamuwasqanku jaywanata qhawanaykipaj. Qanwan, churiykikunawan ima sacerdote kanaykichejpaj ajllasqa kankichej. Chayrayku israelitakuna t'aqaspa noqaman jaywawasqankumanta qanman, churiykikunamanwan ima qoykichej. Kay kamachisqaqa wiñaypaj kanqa. 9Noqapaj t'aqaspa jaywawasqankumanta, mana q'olachispa jaywanamanta, kaykuna qanpaj kanqa: Ch'aki mikhuy jaywana, jucha pampachasqa kananpaj jaywana, chayrí jucharayku jaywana ima. Noqapaj t'aqasqa tukuy jaywanamanta, qanpaj chantá churiykikunapaj ima kanqa. 10Diospaj t'aqasqa jaywanamantaqa qharikunalla mikhunkichej. Chaytataj Diospaj T'aqasqa Cheqapi mikhunkichej, Diosllapaj t'aqasqa kasqanrayku.
11Chantá noqa qanman, jinataj qanllawanraj tiyakoj churiykikunaman, ususiykikunamanwan ima qollaykitaj, israelitakuna sumajnin kajta t'aqaspa qowasqankumanta. Kay kamachisqaqa wiñaypaj kanqa. Pillapis wasi aylluykipi llimphupaj qhawasqa kajqa chaykunamanta mikhuyta atillanqa.
12Chantá israelitakuna ñawpajta poqochisqankumanta sapa wata noqa Tata Diosman jaywawasqankuta qanman qollaykitaj: Sumajnin kaj aceiteta, sumajnin kaj vinota, trigotawan ima. 13Jinallataj israelitakuna mikhuyta oqharispa, ñawpaj kaj poqoyta Tata Diospaj apamuwasqankoqa qankunapaj kanqa. Chaymantaqa wasi aylluykimanta tukuy llimphuchasqa kajkunalla mikhuyta atenqanku.
14Israelitakuna noqaman jaywanawankupaj tukuy t'aqasqankoqa qanpaj kanqa.
15Jinallataj israelitakuna kuraj kaj churinkuta, jinataj uywankoj phiwi uñanta t'aqaspa, noqapaj apamuwasqankoqa qanpaj kanqa. Chaywanpis kuraj kaj churinkuta, ch'ichipaj qhawasqa uywakunaj phiwi uñanta ima qolqeta pagaspa, kacharichinankuta ninki. 16Chaykunataqa uj killayoj kashajtin, pagaspa kacharichenqanku. Chaytaj Dioswan Tinkukuna Toldopi tupu churasqa kasqanman jina qolqepi phishqa phisu kanqa.
17Chaywanpis kay uywakunaj phiwi uñankuta mana pagaspa kacharichiyta atenqankuchu: Wakaj uñanta, ovejaj uñanta, chantá cabraj uñantawan ima. Chaykunaqa noqapaj t'aqasqamin kanku. Chaykunata ñak'aspa, yawarninwan altarta ch'ajchunki. Wirantataj ima munayta q'apashaj jaywanata jina noqa Tata Diospaj q'olachinki. 18Uywaj aychanrí qanpaj kanqa. Jinallataj ikhasqa jaywawasqankumanta qhasqonmanta aycha, chantá paña piernanmanta aycha ima qanllapajtaj kanqa. 19Israelitakuna t'aqaspa tukuy jaywawasqankuta qanman qopuyki, jinataj churiykiman, ususiykiman ima. Kay kamachisqayqa wiñaypaj churasqa kanqa. Kachipi ruwasqa tratoqa qanpaj, jinataj churiykikunapaj ñawpaqeypi wiñaypaj ruwasqa kashan, nispa.#18.19 Kachiyoj ruwasqa trato: Kachiyoj mikhunata mikhuspa ruwasqa tratoqa manchay respetowan qhawana karqa, wiñaypaj sayachisqa trato kasqanrayku. Lv 2.13.
20Tata Dios Aaronwan parlaspa, nillarqataj: Qanqa Israel suyu ukhupi mana jallp'ayojchu kanki. Noqamin qanpa chayaqeyki, jinataj kapuyniyki kasaj. 21Levitakunaman, chayaqenku jina kananpaj, noqa qoni israelitakuna poqochisqankumanta sapa chunkamanta ujta. Chayqa levitakuna Dioswan Tinkukuna Toldopi imachus ruwanata ruwasqankumanta pagonku jina kanqa.
22Chay waj israelitakunarí Dioswan Tinkukuna Toldoman mana qayllayta atenqankuchu. Qayllaspaqa juchallinkuman, chayraykutaj wañuchisqa kankuman. 23Dioswan Tinkukuna Toldopi imachus ruwanataqa, levitakunalla ruwanqanku. Imapipis pantaykuspaqa, paykunallataj cuentayoj kanqanku. Kay kamachisqayqa mirayniykichejpaj wiñaypaj kanqa. Levitakunaqa israelitakuna ukhupi mana jallp'ayojchu kanqanku, 24imaraykuchus israelitakuna sapa chunkamanta ujta noqaman qowasqankumanta levitakunaman qoni. Chayrayku nini: Levitakunaqa Israelpi mana jallp'ayojchu kanqanku, nispa.
25Tata Dios Moisesta nillarqataj: 26Levitakunata niy: Israelitakuna sapa chunkamanta ujta qosqankuta chayaqeykichej kananpaj Dios qankunaman qosunkichej. Chaymanta qankunapis sapa chunkamanta ujta t'aqaspa, noqaman qollawankichejtaj. 27Chayqa yupasqa kanqa, imaynatachus israelitakuna trigomanta, chantá vinomantawan sapa chunkamanta ujta qonku, ajina. 28Ajinata israelitakuna sapa chunkamanta ujta apamusqankuta jap'isqaykichejmanta, qankunapis sapa chunkamanta ujta Tata Diosman qonaykichejpaj t'aqankichej. Chaytataj sacerdote Aaronman jaywankichej. 29Tukuy jap'isqaykichejmanta sumajnin kajta t'aqaspa, noqaman qollawankichejtaj, nispa.
30Jinallataj ninki: Maypachachus sumajnin kajta Tata Diospaj t'aqaspa qonkichej chayqa, trigomanta, chayrí vinomantapis puchojqa qankunapaj kanqa. 31Chaytaqa qankuna, chantá aylluykichej ima mayllapipis mikhuyta atinkichej, imaraykuchus chaymin Dioswan Tinkukuna Toldopi imachus ruwanata ruwasqaykichejmanta pagoykichejqa. 32Tata Diospaj sumajnin kajta t'aqaytawankama, puchojta mikhuspa, mana juchallinkichejchu. Ajinata ruwaspa, israelitakunaj qosqankuta mana pisipaj qhawankichejchu, chayraykutaj nitaj wañunkichejchu, nispa.
Currently Selected:
Números 18: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Números 18
18
Sacerdotekunaj, levitakunaj ruwananku
1Tata Dios Aaronwan parlaspa, nillarqataj: Dioswan Tinkukuna Toldoj contranta israelitakuna juchallinkuman chayqa, qan, churiykikuna, chantá Leví jatun ayllumanta kajkunapiwan ima juchayoj kankichej. Sichus qanwan, churiykikunawan ima sacerdote kashaspa, juchalliwajchej chayqa, qankuna kikiykichej juchayoj kankichej.
2Dioswan Tinkukuna Toldopi imachus ruwanata ruwanapaj qanwan, churiykikunawan ima mañarikuyta atinkichej Leví jatun ayllumanta wawqeykichejkuna yanaparinankuta. Qanwan, churiykikunawan imarí, Dioswan Tinkukuna Toldopi imachus ruwanata ruwankichej. 3Levitakunaqa qanpa kamachisqaykita Dioswan Tinkukuna Toldopi imachus ruwanata ruwanqanku. Chaywanpis Dioswan Tinkukuna Toldopi imakunachus tiyan, chantá altarman ima amapuni qayllanqankuchu, ama qankuna, nitaj paykunapis wañunankupaj. 4Levitakunaqa qanta yanapasonqanku, jinataj Dioswan Tinkukuna Toldopi imachus ruwanata ruwanqanku. Chaywanpis Leví jatun ayllumanta mana kajqa manapuni qayllamuyta atenqachu.
5Qankuna Diosta yupaychana cheqata, chantá altarta ima qhawanaykichejpaj churasqa kankichej, ama israelitakunaj contranta ujtawan k'arajta phiñakunaypaj. 6Noqaqa wawqeyki levitakunata israelitakuna ukhumanta t'aqarqani, paykunata qanman qonaypaj, Dioswan Tinkukuna Toldopi imachus ruwanata ruwanankupaj. 7Chaywanpis altarpi ruwanata, jinataj Diosllapaj T'aqasqa nisqa cheqapi ruwanatawan imaqa qanwan, chantá churiykikuna imalla ruwankichej. Sacerdote jina ruwanaqa qankunajllatamin, imaraykuchus noqa chay ruwanata qankunaman qoykichej. Sichus pipis mana sacerdote kashaspalla sacerdotej ruwananta ruwanman chayqa, wañuchisqa kanqa, nispa.
Sacerdotekuna levitakuna ima kawsanankupaj jaywana
8Tata Dios Aaronwan parlaspa, nillarqataj: Qanta churayki israelitakuna apamuwasqanku jaywanata qhawanaykipaj. Qanwan, churiykikunawan ima sacerdote kanaykichejpaj ajllasqa kankichej. Chayrayku israelitakuna t'aqaspa noqaman jaywawasqankumanta qanman, churiykikunamanwan ima qoykichej. Kay kamachisqaqa wiñaypaj kanqa. 9Noqapaj t'aqaspa jaywawasqankumanta, mana q'olachispa jaywanamanta, kaykuna qanpaj kanqa: Ch'aki mikhuy jaywana, jucha pampachasqa kananpaj jaywana, chayrí jucharayku jaywana ima. Noqapaj t'aqasqa tukuy jaywanamanta, qanpaj chantá churiykikunapaj ima kanqa. 10Diospaj t'aqasqa jaywanamantaqa qharikunalla mikhunkichej. Chaytataj Diospaj T'aqasqa Cheqapi mikhunkichej, Diosllapaj t'aqasqa kasqanrayku.
11Chantá noqa qanman, jinataj qanllawanraj tiyakoj churiykikunaman, ususiykikunamanwan ima qollaykitaj, israelitakuna sumajnin kajta t'aqaspa qowasqankumanta. Kay kamachisqaqa wiñaypaj kanqa. Pillapis wasi aylluykipi llimphupaj qhawasqa kajqa chaykunamanta mikhuyta atillanqa.
12Chantá israelitakuna ñawpajta poqochisqankumanta sapa wata noqa Tata Diosman jaywawasqankuta qanman qollaykitaj: Sumajnin kaj aceiteta, sumajnin kaj vinota, trigotawan ima. 13Jinallataj israelitakuna mikhuyta oqharispa, ñawpaj kaj poqoyta Tata Diospaj apamuwasqankoqa qankunapaj kanqa. Chaymantaqa wasi aylluykimanta tukuy llimphuchasqa kajkunalla mikhuyta atenqanku.
14Israelitakuna noqaman jaywanawankupaj tukuy t'aqasqankoqa qanpaj kanqa.
15Jinallataj israelitakuna kuraj kaj churinkuta, jinataj uywankoj phiwi uñanta t'aqaspa, noqapaj apamuwasqankoqa qanpaj kanqa. Chaywanpis kuraj kaj churinkuta, ch'ichipaj qhawasqa uywakunaj phiwi uñanta ima qolqeta pagaspa, kacharichinankuta ninki. 16Chaykunataqa uj killayoj kashajtin, pagaspa kacharichenqanku. Chaytaj Dioswan Tinkukuna Toldopi tupu churasqa kasqanman jina qolqepi phishqa phisu kanqa.
17Chaywanpis kay uywakunaj phiwi uñankuta mana pagaspa kacharichiyta atenqankuchu: Wakaj uñanta, ovejaj uñanta, chantá cabraj uñantawan ima. Chaykunaqa noqapaj t'aqasqamin kanku. Chaykunata ñak'aspa, yawarninwan altarta ch'ajchunki. Wirantataj ima munayta q'apashaj jaywanata jina noqa Tata Diospaj q'olachinki. 18Uywaj aychanrí qanpaj kanqa. Jinallataj ikhasqa jaywawasqankumanta qhasqonmanta aycha, chantá paña piernanmanta aycha ima qanllapajtaj kanqa. 19Israelitakuna t'aqaspa tukuy jaywawasqankuta qanman qopuyki, jinataj churiykiman, ususiykiman ima. Kay kamachisqayqa wiñaypaj churasqa kanqa. Kachipi ruwasqa tratoqa qanpaj, jinataj churiykikunapaj ñawpaqeypi wiñaypaj ruwasqa kashan, nispa.#18.19 Kachiyoj ruwasqa trato: Kachiyoj mikhunata mikhuspa ruwasqa tratoqa manchay respetowan qhawana karqa, wiñaypaj sayachisqa trato kasqanrayku. Lv 2.13.
20Tata Dios Aaronwan parlaspa, nillarqataj: Qanqa Israel suyu ukhupi mana jallp'ayojchu kanki. Noqamin qanpa chayaqeyki, jinataj kapuyniyki kasaj. 21Levitakunaman, chayaqenku jina kananpaj, noqa qoni israelitakuna poqochisqankumanta sapa chunkamanta ujta. Chayqa levitakuna Dioswan Tinkukuna Toldopi imachus ruwanata ruwasqankumanta pagonku jina kanqa.
22Chay waj israelitakunarí Dioswan Tinkukuna Toldoman mana qayllayta atenqankuchu. Qayllaspaqa juchallinkuman, chayraykutaj wañuchisqa kankuman. 23Dioswan Tinkukuna Toldopi imachus ruwanataqa, levitakunalla ruwanqanku. Imapipis pantaykuspaqa, paykunallataj cuentayoj kanqanku. Kay kamachisqayqa mirayniykichejpaj wiñaypaj kanqa. Levitakunaqa israelitakuna ukhupi mana jallp'ayojchu kanqanku, 24imaraykuchus israelitakuna sapa chunkamanta ujta noqaman qowasqankumanta levitakunaman qoni. Chayrayku nini: Levitakunaqa Israelpi mana jallp'ayojchu kanqanku, nispa.
25Tata Dios Moisesta nillarqataj: 26Levitakunata niy: Israelitakuna sapa chunkamanta ujta qosqankuta chayaqeykichej kananpaj Dios qankunaman qosunkichej. Chaymanta qankunapis sapa chunkamanta ujta t'aqaspa, noqaman qollawankichejtaj. 27Chayqa yupasqa kanqa, imaynatachus israelitakuna trigomanta, chantá vinomantawan sapa chunkamanta ujta qonku, ajina. 28Ajinata israelitakuna sapa chunkamanta ujta apamusqankuta jap'isqaykichejmanta, qankunapis sapa chunkamanta ujta Tata Diosman qonaykichejpaj t'aqankichej. Chaytataj sacerdote Aaronman jaywankichej. 29Tukuy jap'isqaykichejmanta sumajnin kajta t'aqaspa, noqaman qollawankichejtaj, nispa.
30Jinallataj ninki: Maypachachus sumajnin kajta Tata Diospaj t'aqaspa qonkichej chayqa, trigomanta, chayrí vinomantapis puchojqa qankunapaj kanqa. 31Chaytaqa qankuna, chantá aylluykichej ima mayllapipis mikhuyta atinkichej, imaraykuchus chaymin Dioswan Tinkukuna Toldopi imachus ruwanata ruwasqaykichejmanta pagoykichejqa. 32Tata Diospaj sumajnin kajta t'aqaytawankama, puchojta mikhuspa, mana juchallinkichejchu. Ajinata ruwaspa, israelitakunaj qosqankuta mana pisipaj qhawankichejchu, chayraykutaj nitaj wañunkichejchu, nispa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.