Números 11
11
Tata Dios israelitakunaman aychata qon
1Ujpacha israelitakuna llakiypi rikhurispa, Tata Diospa contranta thutuyta qallarerqanku.#11.1 Tata Diospa contranta thutuy: Éxodo qhelqapi, jinataj Números qhelqapi nin israelitakuna ashkha kutita Diospaj thutusqankuta. Moisestaj sapa kutilla israelitakunarayku Diosmanta mañapoj, thutusqankuta mana cuentaman churananta (Ex 14.11-12). Diostaj Moisespa mañakusqanta uyarispa, israelitakunata qhespichej. Tata Diostaj chayta uyarerqa. Chantá k'arajta phiñakuspataj, jaraj ujnin kantunta ninawan ruphaykucherqa. 2Chantá israelitakuna qhaparispa, Moisesta yanaparinanta nerqanku. Moisestaj paykunarayku Tata Diosmanta mañaporqa, ninataj wañorqa. 3Chayrayku chay cheqata “Tabera”,#11.3 Tabera: Hebreo rimaypi niyta munan: Ruphachiy chayrí ninata jap'ichiy. nispa suticharqanku, chay cheqapi Tata Diospa kachaykamusqan nina paykunaj contrankuta lawraykusqanrayku.
4Chaypacha israelitakuna ukhupi imaymana waj llajtayoj runakuna karqanku. Paykunaqa awantay mana atinata mikhunamanta yarqhachikorqanku. Israelitakunapis paykuna jina waqaspa, ajinata nerqanku: Ay, pitaj aychata mikhunanchejpaj qoriwasunmanri? 5Egiptopi kashaspa, qhasilla challwata mikhusqaykuta yuyarikuyku. Yuyarikullaykutaj pepinota, melonta, puerrota, cebollata, ajota ima mikhusqaykuta. 6Kunanrí yarqhaywan wañushaykuña, ni imapis kaypi kanchu. Maná nisqa mikhunallata rikushayku, nispa.
7Maná nisqaqa culantro mujuman rijch'asqa karqa, thaqoj waqaynin jina q'ellu. 8Q'apaynenqa mosoj aceite jina karqa. Runakunaqa llojsispa, pallakamoj kanku. Chantá chayta kutaj kanku, manachayrí takaj kanku. Jinaspataj, chayachej kanku, manachayrí tortillata ruwakoj kanku. 9Tutan jaranku pataman chhullamojtin, maná nisqapis urmamullajtaj.
10Jinataj Moisesqa israelitakunata, wawankuta ima toldonku punkupi waqashasqankuta uyarerqa. Tata Diostajrí chaymanta mayta phiñakorqa. Israelitakuna waqasqankoqa Moisesmanpis manallataj allinchu rijch'arqa. 11Chantá Moisesqa Tata Diosta nerqa: Imaraykutaj noqa kamachiykita mana allinta ruwawankiri? Imaraykutaj mana yanapawankichuri? Imaraykutaj kay runakunata noqaman wijch'uykuwankiri? 12Mana noqaqa kay runakunaj tatankuchu, nitaj mamankuchu kani. Imaraykutaj ñuñoj wawakunata jina ichuspa, ñawpa tatankuman qonaykita nerqanki, chay jallp'aman pusanayta niwankiri? 13Maymantataj noqa aychata apamusaj kay chhika runakunaman mikhuchinaypajri? Aychata qowayku nispa, noqallaman waqaspa jamuwanku. 14Noqa sapallayqa kay chhika runata mana pusayta atiymanchu. Noqapajqa ancha jatun ruwana, mana atinaypaj jinachu kashan. 15Sichus qan ajinallatapuni ruwawanki chayqa, aswan walej kanman khuyakuwaspa, wañuchinawayki. Jinatachus ruwawaj chayqa, manaña llakiyta rikuymanchu, nispa. Ajinata Moisesqa Tata Diosta nerqa.
16Chantá Tata Dios Moisesta nerqa: Israelitakunaj kurajninkumanta kasunapaj jina rejsisqaykimanta, qanchis chunka kamachejkunata Dioswan Tinkukuna Toldoman pusamuy. Chantá paykunata niy qanwan khuska suyanankuta. 17Noqataj chayman urayk'amuspa, qanwan parlasaj. Chantá qanpi kaj espirituta paykunamanpis qollasajtaj, paykuna kay runakunata pusayta yanapasunankupaj. Ajinamanta qanqa manaña sapallaykichu pusanki.
18Chantá israelitakunata nillaytaj: Q'ayapaj llimphuchakuychej Diospa ñawpaqenpi allinpaj qhawasqa kanaykichejpaj, imaraykuchus q'aya aychata mikhunkichej. Tata Diosqa waqaspa qhetesqaykichejta uyarerqa: Ay, pillapis mikhunanchejpaj aychata qowasunman. Egiptopi kashaspa, walejlla kasharqanchej, nispa. Ajinaqa Tata Dios mikhunaykichejpaj aychata qosonqachej. 19Mana uj p'unchayllatachu, ni iskaytachu, ni phishqatachu, ni chunkallatachu, nillataj iskay chunka p'unchayllatachu aychata mikhunkichej. 20Manachayqa amichikunaykichejkama, chantá millachikunaykichejkama aychata uj killa junt'ata mikhunkichej, imaraykuchus qankunawan kashaj Tata Diosta pisipaj qhawarqankichej. Qankunaqa Diospa ñawpaqenpi waqarqankichej: Imapajtaj Egiptomanta llojsimorqanchejri? nispa.
21Moisestajrí Tata Diosta nerqa: Noqawanqa 600.000 qharikuna kashanku. Qantaj nishanki: Uj killa junt'ata aychata mikhuchisaj, nispa. 22Sichus ashkha ovejata, wakatapis ñak'ankuman chayqa, tukuypaj wakinmanchu? Mama qochamanta tukuynin challwata jap'ispa qosunman chaypis, mana paykuna sajsakunkumanchu, nispa.
23Tata Diostajrí Moisesta nerqa: Atiyneyqa pisichu? Kunan rikunki nisqayta junt'asajchus manachus, chayta, nispa.
Qanchis chunka kurajkuna
24Chantá Moisés chaymanta llojsispa, Tata Diospa tukuy nisqanta runakunaman willamorqa. Jinataj israelitakunamanta kurajkunata qanchis chunkata tantaspa, Dioswan Tinkukuna Toldoj muyuyninpi sayaykucherqa. 25Chantá Tata Dios chayman phuyupi urayk'amuspa, Moiseswan parlarqa. Chaymantataj Diosqa Moisesman qosqan espiritumanta qanchis chunka kurajkunaman qorqa. Espíritu paykunaman yaykojtinkamataj, Diosmanta sut'incharqanku. Chaymanta qhepamanrí manaña Diosmanta sut'incharqankuñachu.
26Jinapis chay qanchis chunkamanta iskayninku Eldadwan, Medadwan ima Dioswan Tinkukuna Toldoman mana rerqankuchu, manachayqa jarallankupi qhepakorqanku. Chaywanpis paykunaman espíritu yaykojtin, jarankupi Diosmanta sut'inchaspa kallarqankutaj. 27Chantá uj waynuchu usqhayllata rispa, Moisesman willamorqa: Eldadwan, Medadwan ima Diosmanta sut'inchajkuna jina jarankupi parlashanku, nispa.
28Chantá Nunpata churin Josué, pichus waynamantapacha Moisesta yanapaspa karqa, chay, Moisesta nerqa: Wiraqochiy Moisés, Diosmanta sut'inchanankuta ama saqeychu ari, nispa.
29Moisestajrí kuticherqa: Ama qan chaymanta llakikuychu. Allin kanman Tata Diosqa tukuy israelitakunaman espiritunta qonan, jinamanta Tata Diosmanta sut'inchanankupaj, nispa. 30Chay qhepatataj Moisesqa tukuy kurajkunawan khuska jarankuman kutiporqanku.
Tata Dios ashkha yuthuta israelitakunaman qon
31Chaypacha Tata Dios ujllata mama qochamanta wayrachimorqa, chay wayrataj ashkhatapuni yuthuta apamorqa. Chay yuthukunataj israelitakunaj jarankuman tiyaykorqanku. Jarankoj muyuyninpi pampaman uj p'unchay puriyta jina junt'aykorqanku. Chay yuthukunaqa yaqha uj metrota jina patanpi patanpi tawqakorqanku. 32Israelitakunataj tukuy chay p'unchayta, tukuy chay tutata, q'ayantinpis ch'isiyanankama yuthukunata jap'erqanku. Pisita jap'ejqa chunka tuputa jina tantarqa. Chantá yuthuta ch'arkispa, jarankoj muyuyninman ch'akiracherqanku.
33Israelitakuna aychata siminkuman churaykushajtinku, Tata Dios paykunaj contrankuta k'arajta phiñakorqa. Chayrayku onqoywan ashkha runata wañucherqa. 34Chayrayku chay cheqata “Quibrot Hatavá”,#11.34 Quibrot Hatavá: Niyta munan: Mikhunamanta yarqhachikojkunaj p'ampakunanku. nispa suticharqanku. Ajinata chaynejta suticharqanku, aychawan mana sajsakuyta atejkunaj ayankuta p'ampasqankurayku.
35Chantá israelitakunaqa Quibrot Hatavamanta llojsispa, Jaserotkama rerqanku, chaypitaj jarakorqanku.
Currently Selected:
Números 11: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Números 11
11
Tata Dios israelitakunaman aychata qon
1Ujpacha israelitakuna llakiypi rikhurispa, Tata Diospa contranta thutuyta qallarerqanku.#11.1 Tata Diospa contranta thutuy: Éxodo qhelqapi, jinataj Números qhelqapi nin israelitakuna ashkha kutita Diospaj thutusqankuta. Moisestaj sapa kutilla israelitakunarayku Diosmanta mañapoj, thutusqankuta mana cuentaman churananta (Ex 14.11-12). Diostaj Moisespa mañakusqanta uyarispa, israelitakunata qhespichej. Tata Diostaj chayta uyarerqa. Chantá k'arajta phiñakuspataj, jaraj ujnin kantunta ninawan ruphaykucherqa. 2Chantá israelitakuna qhaparispa, Moisesta yanaparinanta nerqanku. Moisestaj paykunarayku Tata Diosmanta mañaporqa, ninataj wañorqa. 3Chayrayku chay cheqata “Tabera”,#11.3 Tabera: Hebreo rimaypi niyta munan: Ruphachiy chayrí ninata jap'ichiy. nispa suticharqanku, chay cheqapi Tata Diospa kachaykamusqan nina paykunaj contrankuta lawraykusqanrayku.
4Chaypacha israelitakuna ukhupi imaymana waj llajtayoj runakuna karqanku. Paykunaqa awantay mana atinata mikhunamanta yarqhachikorqanku. Israelitakunapis paykuna jina waqaspa, ajinata nerqanku: Ay, pitaj aychata mikhunanchejpaj qoriwasunmanri? 5Egiptopi kashaspa, qhasilla challwata mikhusqaykuta yuyarikuyku. Yuyarikullaykutaj pepinota, melonta, puerrota, cebollata, ajota ima mikhusqaykuta. 6Kunanrí yarqhaywan wañushaykuña, ni imapis kaypi kanchu. Maná nisqa mikhunallata rikushayku, nispa.
7Maná nisqaqa culantro mujuman rijch'asqa karqa, thaqoj waqaynin jina q'ellu. 8Q'apaynenqa mosoj aceite jina karqa. Runakunaqa llojsispa, pallakamoj kanku. Chantá chayta kutaj kanku, manachayrí takaj kanku. Jinaspataj, chayachej kanku, manachayrí tortillata ruwakoj kanku. 9Tutan jaranku pataman chhullamojtin, maná nisqapis urmamullajtaj.
10Jinataj Moisesqa israelitakunata, wawankuta ima toldonku punkupi waqashasqankuta uyarerqa. Tata Diostajrí chaymanta mayta phiñakorqa. Israelitakuna waqasqankoqa Moisesmanpis manallataj allinchu rijch'arqa. 11Chantá Moisesqa Tata Diosta nerqa: Imaraykutaj noqa kamachiykita mana allinta ruwawankiri? Imaraykutaj mana yanapawankichuri? Imaraykutaj kay runakunata noqaman wijch'uykuwankiri? 12Mana noqaqa kay runakunaj tatankuchu, nitaj mamankuchu kani. Imaraykutaj ñuñoj wawakunata jina ichuspa, ñawpa tatankuman qonaykita nerqanki, chay jallp'aman pusanayta niwankiri? 13Maymantataj noqa aychata apamusaj kay chhika runakunaman mikhuchinaypajri? Aychata qowayku nispa, noqallaman waqaspa jamuwanku. 14Noqa sapallayqa kay chhika runata mana pusayta atiymanchu. Noqapajqa ancha jatun ruwana, mana atinaypaj jinachu kashan. 15Sichus qan ajinallatapuni ruwawanki chayqa, aswan walej kanman khuyakuwaspa, wañuchinawayki. Jinatachus ruwawaj chayqa, manaña llakiyta rikuymanchu, nispa. Ajinata Moisesqa Tata Diosta nerqa.
16Chantá Tata Dios Moisesta nerqa: Israelitakunaj kurajninkumanta kasunapaj jina rejsisqaykimanta, qanchis chunka kamachejkunata Dioswan Tinkukuna Toldoman pusamuy. Chantá paykunata niy qanwan khuska suyanankuta. 17Noqataj chayman urayk'amuspa, qanwan parlasaj. Chantá qanpi kaj espirituta paykunamanpis qollasajtaj, paykuna kay runakunata pusayta yanapasunankupaj. Ajinamanta qanqa manaña sapallaykichu pusanki.
18Chantá israelitakunata nillaytaj: Q'ayapaj llimphuchakuychej Diospa ñawpaqenpi allinpaj qhawasqa kanaykichejpaj, imaraykuchus q'aya aychata mikhunkichej. Tata Diosqa waqaspa qhetesqaykichejta uyarerqa: Ay, pillapis mikhunanchejpaj aychata qowasunman. Egiptopi kashaspa, walejlla kasharqanchej, nispa. Ajinaqa Tata Dios mikhunaykichejpaj aychata qosonqachej. 19Mana uj p'unchayllatachu, ni iskaytachu, ni phishqatachu, ni chunkallatachu, nillataj iskay chunka p'unchayllatachu aychata mikhunkichej. 20Manachayqa amichikunaykichejkama, chantá millachikunaykichejkama aychata uj killa junt'ata mikhunkichej, imaraykuchus qankunawan kashaj Tata Diosta pisipaj qhawarqankichej. Qankunaqa Diospa ñawpaqenpi waqarqankichej: Imapajtaj Egiptomanta llojsimorqanchejri? nispa.
21Moisestajrí Tata Diosta nerqa: Noqawanqa 600.000 qharikuna kashanku. Qantaj nishanki: Uj killa junt'ata aychata mikhuchisaj, nispa. 22Sichus ashkha ovejata, wakatapis ñak'ankuman chayqa, tukuypaj wakinmanchu? Mama qochamanta tukuynin challwata jap'ispa qosunman chaypis, mana paykuna sajsakunkumanchu, nispa.
23Tata Diostajrí Moisesta nerqa: Atiyneyqa pisichu? Kunan rikunki nisqayta junt'asajchus manachus, chayta, nispa.
Qanchis chunka kurajkuna
24Chantá Moisés chaymanta llojsispa, Tata Diospa tukuy nisqanta runakunaman willamorqa. Jinataj israelitakunamanta kurajkunata qanchis chunkata tantaspa, Dioswan Tinkukuna Toldoj muyuyninpi sayaykucherqa. 25Chantá Tata Dios chayman phuyupi urayk'amuspa, Moiseswan parlarqa. Chaymantataj Diosqa Moisesman qosqan espiritumanta qanchis chunka kurajkunaman qorqa. Espíritu paykunaman yaykojtinkamataj, Diosmanta sut'incharqanku. Chaymanta qhepamanrí manaña Diosmanta sut'incharqankuñachu.
26Jinapis chay qanchis chunkamanta iskayninku Eldadwan, Medadwan ima Dioswan Tinkukuna Toldoman mana rerqankuchu, manachayqa jarallankupi qhepakorqanku. Chaywanpis paykunaman espíritu yaykojtin, jarankupi Diosmanta sut'inchaspa kallarqankutaj. 27Chantá uj waynuchu usqhayllata rispa, Moisesman willamorqa: Eldadwan, Medadwan ima Diosmanta sut'inchajkuna jina jarankupi parlashanku, nispa.
28Chantá Nunpata churin Josué, pichus waynamantapacha Moisesta yanapaspa karqa, chay, Moisesta nerqa: Wiraqochiy Moisés, Diosmanta sut'inchanankuta ama saqeychu ari, nispa.
29Moisestajrí kuticherqa: Ama qan chaymanta llakikuychu. Allin kanman Tata Diosqa tukuy israelitakunaman espiritunta qonan, jinamanta Tata Diosmanta sut'inchanankupaj, nispa. 30Chay qhepatataj Moisesqa tukuy kurajkunawan khuska jarankuman kutiporqanku.
Tata Dios ashkha yuthuta israelitakunaman qon
31Chaypacha Tata Dios ujllata mama qochamanta wayrachimorqa, chay wayrataj ashkhatapuni yuthuta apamorqa. Chay yuthukunataj israelitakunaj jarankuman tiyaykorqanku. Jarankoj muyuyninpi pampaman uj p'unchay puriyta jina junt'aykorqanku. Chay yuthukunaqa yaqha uj metrota jina patanpi patanpi tawqakorqanku. 32Israelitakunataj tukuy chay p'unchayta, tukuy chay tutata, q'ayantinpis ch'isiyanankama yuthukunata jap'erqanku. Pisita jap'ejqa chunka tuputa jina tantarqa. Chantá yuthuta ch'arkispa, jarankoj muyuyninman ch'akiracherqanku.
33Israelitakuna aychata siminkuman churaykushajtinku, Tata Dios paykunaj contrankuta k'arajta phiñakorqa. Chayrayku onqoywan ashkha runata wañucherqa. 34Chayrayku chay cheqata “Quibrot Hatavá”,#11.34 Quibrot Hatavá: Niyta munan: Mikhunamanta yarqhachikojkunaj p'ampakunanku. nispa suticharqanku. Ajinata chaynejta suticharqanku, aychawan mana sajsakuyta atejkunaj ayankuta p'ampasqankurayku.
35Chantá israelitakunaqa Quibrot Hatavamanta llojsispa, Jaserotkama rerqanku, chaypitaj jarakorqanku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.